آخر صيحة في تصريحات سعادة وزير الاسكان

[ramy basha]

صرح الدكتور فتحي البرادعي وزير الاسكان والمرافق والتنمية العمرانية لمندوبة الأهرام بأنه سيتم التنسيق بين صندوق تمويل المساكن التابع لوزارة الاسكان وصندوق ضمان ودعم نشاط التمويل العقاري لإنشاء وعاء متخصص في عمليات تمويل برنامج الاسكان الإجتماعي الذي يشمل إنشاء مليون وحدة سكنية.

وأشار الوزير الي أنه سيتم أول الاسبوع المقبل طرح مسابقة لتصميم الوحدات السكنية لبرنامج الاسكان الاجتماعي لتتقدم المكاتب الاستشارية والهندسية وشباب المعماريين لاختيار أفضل التصميمات لوحدات سكنية بمساحات70 م2 و50م.2

وأضاف أنه سيتبع طرح المسابقة الإعلان عن تأهيل شركات المقاولات التي ستشارك في تنفيذ البرنامج مع التأكيد علي شرط رئيسي وهو أن تستخدم هذه الشركات العمالة المصرية.وأكد البرادعي أن سياسة الوزارة للتصرف في الأراضي تعتمد علي تحقيق الوفرة في الأراضي المرفقة فإن الوفرة تقضي علي الشكوك والسمسرة والمضاربين وسيتم مع بداية العام المقبل طرح عدد كبير من الأراضي المرفقة علي أن يتم طرحها بالمزاد للمساحات التي تتراوح مابين600 الي1200 م للعمارات والفيلات الفاخرة أما المساحات الصغيرة فسوف يتم طرحها بالقرعة وسيعقد اليوم إجتماع بالوزارة لتحديد المساحات الصغيرة التي ستطرح عن طريق القرعة ولتحديد الملامح الرئيسية لسياسة الوزارة في التصرف في الأراضي بما يحقق العدالة الاجتماعية وهذا مهم جدا.ونفي الوزير ماتردد حول نفاد موارد هيئة المجتمعات العمرانية الجديدة مؤكدا أن موارد الهيئة تكفي في الفترة الحالية لتغطي كافة مصروفات ومرتبات العاملين بالهيئة والمدن الجديدة وتحقق فوائض لمشروعات المرافق. وأكد أن الوزارة ملتزمة بقرار رئيس الوزراء بعدم المد بعد سن الستين لقيادات هيئة المجتمعات العمرانية لتجديد الدماء في الهيئة لوضع وتنفيذ سياساتها التي تهدف إلي تحقيق السرعة في الأداء.وأوضح وزير الاسكان انه يعقد حاليا سلسلة من الاجتماعات مع كبار الخبراء والمتخصصين لمناقشة مخطط استراتيجية التنمية العمرانية للتعرف علي وجهات النظر المختلفة والاستفادة من كل الخبرات للتوصل في النهاية الي وضع استراتيجية التنمية العمرانية في مصر عليها إجماع من جميع الأطياف والأراء. وأخيرا أبدي الوزير انزعاجة من وصف سياسة الوزارة في الفترة الحالية باليد المرتعشة قائلا:أن منتهي الجرأة أن تتحمل مسئولية أدبية وتنفيذية لبرنامج يتضمن إنشاء مليون وحدة سكنية في ظل الظروف الحالية.

لحد كده وخلص كلام الوزير اللي اتنشر في جريدةالاهرام اليوم 2/6/2011م

نفسي اعرف بيقول مش مرتعشة ازاي والنائب بتاعه لسه قايل من 4 ايام في المصري اليوم ان طرح الاراضي في يوليو القادم ودلوقتي هو بيقول في بداية العام القادم وبعدين رئيس الهيئة بيقول ان الموارد علي وشك النفاذ وانه بالفعل اوقف مشروعات التنفيذ والوزير بيقول ان الموارد كافية لمصروفات الهيئة ورواتب الموظفين وتسمح بالمشروعات كمان طيب نصدق مين اللي ايديهم في الشغل ولا اللي لسه جاي اول امبارح وبعدين في نقطة مش قادر افهمها نهائي انا اعرف ان المزاد بيطبق لما تطرح الوزارة قطعة ارض استثمار او قطعتين لكن مزاد يطرح لقطع سكنيه برضوا ماشي اهو عقاب لمتوسطي الدخل لكن اللي مش قادر افهمه وياريت حد يفهمني ازاي هايطرح 30 الف قطعة بالمزاد العلني يعني هايجي 100 الف مواطن يزايدوا علي بعض في نفس الوقت وإلا مش هايبقي فيه شفافيه وسعادته هايخصص الاراضي للي يحب ويقولك هو ده اللي طرح اعلي سعر وتنولد الف بالم هيلز جديدة ده لو اضطر يعمل المزاد غير علني نظرا لزيادة طيب لو علني هاينظموه إزاي هل بإستخدام الانترنت والتكنولوجيا الحديثة ولا هايجيبوا المزايدين اللي هايكونوا بعشرات الالآف ويقعدوهم في استاد القاهرة مجموعة في المقصورة والدرجة الاولي والتانية ومجموعة في الدرجة التالثة وواحد يشغل المزاد من نص الملعب ويدوا كل واحد مايك علشان يرمي كلمته هو في ايه بالظبط ياخولنا انا مش قادر افهم هو الراجل ده مش واخد باله انه بقي وزير يعني بيتحكم في اسكان واراضي مصر كلها ولا لسه مفكر نفسه محافظ دمياط كل اللي عنده 5 او 6 مراكز وخلصت العملية علي كده وبعدين برضوا مش قادر افهم ليه متوسط الدخل ياخد ارضه بالمزاد اللي طبعا هايرسي كل قطعه لسماسرة وبدل ماكان السماسره بيلموا 10% من قطع القرعة دلوقتي السماسرة وتجار الاراضي هاياخدوا 100% وقانوني ولو سعادته عايز يعمل حاجة زي دي يعملها لشركات التطوير العقاري والمستثمرين ومفيش مانع يعملها لراغبي القصور والفيلات بالمساحات الكبيرة ( رغم انهم مصريين برضوا مش من اسرائيل والله ) لكن ليه بقي يدخل اللي بيسميه متوسط الدخل من وجهة نظره لان سعادته مش عارف يعني ايه متوسط الدخل من المصريين العاديين بس خلينا ورا الوزير لحد باب المزاد ،،، يعني الناس يادوب بدأت تشم نفسها وتقول ادينا هناخد حته ارض عدلة ونبنيها ونعيش فيها يجي سعادته علشان يبعها بسعر السوق وماحدش يغلطه يطرحها في مزاد ويبقي منه مشي قانوني وكمان لما حد يسأله عن الاسعار يقول والله الاسعار اتحددت من خلال المواطنين في المزاد العلني دون اي تدخل من الوزارة وطبعا بعد اسعار المزادات السوق بدل ماينزل هايولع اكتر، ياخي انا فيه كلمه واقفه في زوري ونفسي اخبطهالك يا سادة الوزير(( حسبي الله ونعم الوكيل فيك )) .....

مستني أرائكم وتعليقاتكم