انا مش عاوز الاخوان بس والله انا مش كافر

[abobakr]

اول حاجة انا مقدرش اوصف نفسي بالعلماني ولا الليبرالي ولا الاسلامي ممكن تلاقيني مزيج منهم كلهم

تاني حاجة اللي خلاني انزل الموضوع ده رد الاستاذ غريب

انما اقول ايه عليكم

كل مداخلاتكم اللي فوق ,,

حتى الغريب ,,

سيبتوا المضمون ومسكتم في التاريخ!!

التاريخ التاريخ

انتظرونا ,,

ما هو المضمون تم الرد عليه قبل كدة يا بشمهندس

أنا اللي زعلني أنا وغيري أنك أنت والشباب فتحين ودانكم ومبرقين عينيكم لأي خبر عن الإسلاميين حتى لو كان قديم

وأسهل حاجة نعمل هاشتاج على تويتر وهاتك يا تريقة

ونييجي للإنتخابات تقولوا معندناش تنظيم ولا شعبية

يعني هو تويتر هو اللي هيعمل شعبية

وأنت تقولي معايا ملفات وأنتظرونا، ده أسمه كلام ، أمال الشغل أمتى لو مكانش دلوقتي

خد متع نفسك بالخبر ده وأعرف أزاي تقدر تكسب حب وثقة المجتمع ، وياريت توصولوا للشباب

اليوم السابع : الجمعية الشرعية تدخل مياه الشرب إلى 2069 منزلاً فى 17 قرية

حسسني بالرد بتاعه اني بحارب الاسلام وكل واحد متدين

طبعالازم اقول اسباب رفضي للاخوان والا هاكون زي ما استاذ غريب بيقول اني بحارب الاسلاميين وخلاص

1- الاخوان كتير عقدوا صفقات مع الحكومة واخرها صفقة انتخابات 2010 لما انضموا لجمعية التغيير ورغم الجمعية البت بمقاطعة الانتخابات شاركوا فيها

2- الاخوان منزلوش من اول يوم في الثورة عشان مش يعادوا الحكومة لو فشلت

3- لما الثورة بدأت تنجح الاخوان اول ناس رحبوا بترابيزة المفاوضات رغم ان كل الميدان كان بيقول لا تفاوض قبل الرحيل

4- طبعا موضوع الاستاذ ارش وضح الصفقة اللي تمت بينهم وبين عمر سليمان ودي كانت عشان يمسكوا العصاية من النص لو الثورة فشلت وتمت شوية اصلاحات يكون ليهم نصيب الاسد ولو نجحت هما شاركوا فيها

5- وده رد على اللي بيقول مفيش صفقة

الرابط

انا مش يهمني الخبر قد ما يهمني االتعليقات ياريت تشوفوها كانت ما بين مين هيثم ده اصلا وانه مش قيادي وبين انه ساب الاخوان بقاله سنة وبين انه اصلا موقوف من الاخوان يعني حتى كمان مش متفقين على حجة واحدة

6- كلنا كنا بنتريق على الحزب الوطني انهم كانوا بيشتروا الاصوات وبيوزعوا حتى طماطم في الانتخابات الاخيرة وده اللي عمله الاخوان في الاستفتاء وزعوا مواد تموينية

7- مسوا على نفس منهج الحكومة السابقة ان مفيش اي حد في الميدان وصوروه الصبح بدري وفكروني بلقطة الكوبري

8- قلدوا برده نفس الحكومة السابقة في التخوين ان اللي نازلين الميدان دوول خونة وليهم اجندات وفيه قلة مندسة ناوية توقع بينا وبين الجيش

9- بيستغلوا الدين في السياسة لعدم وعي اغلب الشعب المصري وارتفاع نسبة اميته واللي حتى متعلم نسبة الوعي عنده برده مش قد كده والدليل على كده اللي حصل في الاستفتاء اللي يقول نعم يبقى مع الدين واللي يقول لالا يبقى ضد الدين رغم ان المادة التانية دي مكنش حد هايمسها ابدا

10- دي اهم نقطة ايام مبارك كان فيه ايمن نور وصباحي و مصطفى بكري دول اسمهم معارضين سياسين لكن لو الاخوان مسكوا الحكم هايكون اسم اي معارض كافر يحارب دين الله ومش انا اللي قلت كده ده الورق اللي اتوزع ايام الاستفتاء اللي قال كده

فيه اسباب تانية كتير بس الذاكرة مش مساعدة معايا غير ان رد الاستاذ الغريب هوا اللي خلاني اكتب الموضوع

[ابوهنا]

انا لا احب الاخوان اطلاقا

بس واحد بيقول هاطبق الشريعه وواحد بيقول ايه اللى دخل ربنا فى السياسه يبقى هانتخب مين

لكن لو اى واحد ذو مرجعيه اسلاميه غير الاخوان هانتخبه وانا راضى

الاخوان امامهم حسن البنا وانا امامى من هو اشرف من حسن البنا واشرف من وطأت قدماه على الارض

امامى محمد ابن عبدالله صلى الله عليه وسلم

[MohamedAli]

انا مش عاوز الاخوان بس والله انا مش كافر

حقك ومش من حق اي حد يفتش عن ايمانك

اول حاجة انا مقدرش اوصف نفسي بالعلماني ولا الليبرالي ولا الاسلامي ممكن تلاقيني مزيج منهم كلهم

مش ينفع يكون المسلم وعلماني او مزيج بنهم وده مش كلامي او كلام الاخوان او السلفيين ده كلام مفتي الجمهورية ومن قبلة الشيخ الشعراوي وكل الشيوخ اللي بنحترمهم جميعاً

1- الاخوان كتير عقدوا صفقات مع الحكومة واخرها صفقة انتخابات 2010 لما انضموا لجمعية التغيير ورغم الجمعية البت بمقاطعة الانتخابات شاركوا فيها

فين الدليل ان الاخوان عقدوا صفقة ؟ دول حتي انسحبوا اعتراضاً علي تزوير الانتخابات

ثانياً الاخوان باشتراكهم في الجمعية الوطنية للتغير لايأخذ منهم حق اتخاذ المواقف السياسية التي يرونها صحيحة

وبالفعل دخولهم ثم انسحابهم هم وبعض احزاب المعارضة عرى اخر ورقة توت كان تستر الحومة

لو كان الاخوان قاطعوا الانتخابات كان النظام اجرى انزة انتخابات في تاريخ مصر وحصل علي 99% نظيفة لأنه بدون منافس وماكان احد يستطيع ان يعترض اما الاشتراك فقد اظهر الوجه القبيح للتزوير

2- الاخوان منزلوش من اول يوم في الثورة عشان مش يعادوا الحكومة لو فشلت

الاخوان نزلوا كافراد يوم 25 والشيخ صفوت حجازي كان موجود من يوم 25 وحتي لو لم ينزلوا يوم 25 فالثورة ليست يوم 25 فقط!

اهم يوم في الثورة يوم معركة الجمل اللي كان دور الاخوان فيها مشهود باعتراف الجميع ولو ترك الاخوان هذا اليوم الثورة لانتهت الثورة وتم تصفية الثوار

لماذا تذكرت يوم واحد قصروا فيه ؟ ونسيت لهم 17 يوم عملوا باخلاص وهم اكثر قوة سياسية قدمت شهداء للثورة

فيما اغلب مكن يتكلموا باسم الثورة الان هم كانوا اتباع النظام

3- لما الثورة بدأت تنجح الاخوان اول ناس رحبوا بترابيزة المفاوضات رغم ان كل الميدان كان بيقول لا تفاوض قبل الرحيل

4- طبعا موضوع الاستاذ ارش وضح الصفقة اللي تمت بينهم وبين عمر سليمان ودي كانت عشان يمسكوا العصاية من النص لو الثورة فشلت وتمت شوية اصلاحات يكون ليهم نصيب الاسد ولو نجحت هما شاركوا فيها

لأن الشعب مش كان كله فاهم كان فيه ناس فكرة ان النظام ممكن يعمل اصلاح

فظهروا امام الجميع انهم يمدون يدهم للنظام ثم النظام هو من يرفض الاصلاح وانسحابهم هم وباقي الاحزاب ترك النظام يواجة مصيرة النهائي وحده وهو في نظر الناس من رفض الاصلاح

هي كدة السياسة .. سياسة مش جعجعة ثورية وخلاص

6- كلنا كنا بنتريق على الحزب الوطني انهم كانوا بيشتروا الاصوات وبيوزعوا حتى طماطم في الانتخابات الاخيرة وده اللي عمله الاخوان في الاستفتاء وزعوا مواد تموينية

الدليل ؟ البينة على من ادعى

7- مسوا على نفس منهج الحكومة السابقة ان مفيش اي حد في الميدان وصوروه الصبح بدري وفكروني بلقطة الكوبري

اعتذروا واقالوا مدير موقعهم فهم بشر يخطئون

بينما الليبرالين يقعون في غلطات واكاذيب اكثر ولايعتذرون اطلاقاً اعتماداً ان وسائل الاعلام اللي تبعهم بتغسل دماغ الناس

8- قلدوا برده نفس الحكومة السابقة في التخوين ان اللي نازلين الميدان دوول خونة وليهم اجندات وفيه قلة مندسة ناوية توقع بينا وبين الجيش

ده صحيح كان فيهم خونة ومندسين والنت مليان بتحريض علي الجيش

بانسحاب الجيش من الميدان وتعرية الاخوان لهؤلاء انتهت قدرتهم علي احداث اي بلبلة

طبعاً 99% من الناس مصريين وطنيين هم بيتكلموا علي فئات منظمة تلقت تدريب في الخارج علي اسقاط الدولة كلها وهنا الخطر

النظام اسقطناه لكن الدولة لا والف لا

9- بيستغلوا الدين في السياسة لعدم وعي اغلب الشعب المصري وارتفاع نسبة اميته واللي حتى متعلم نسبة الوعي عنده برده مش قد كده والدليل على كده اللي حصل في الاستفتاء اللي يقول نعم يبقى مع الدين واللي يقول لالا يبقى ضد الدين رغم ان المادة التانية دي مكنش حد هايمسها ابدا

السياسة جزء من الدين والاسلاميين عموماً لن يتنازلوا عن هذا الامر لأن من حق المسلمين في بلادهم ان يعيشوا كما يريدون وليس ان تطبق عليهم مقولات علمانية مستوردة

لا فعلاً كانت تعني الغاء المادة الثانية والاصوات التي كانت عالية لالغاء المادة الثانية اخرست تماماً - ولا اقول سكتت - بعد الاستفتاء

بنظرة بسيطة لزعماء فريق "لا" سواء كان ساويرس او حمزاوي او الكنيسة او غيرهم من النخبة فستجد ان جميعهم ضد المادة الثانية

وكل فريق نعم (السلفيين - الاخوان - انصار سنة - جمعية شرعية - عوام المسلمين) هتلاقي ان لايجمعهم اي مصلحة سوي بقاء المادة الثانية

وعلي فكرة ممكن الشعب يشتمك ويهتف ضدك الان ويرجع يقدر قيمة اللي عملتة بعد 50 سنة وهذا يحدث كثيراً في السياسة

الشعب خرج او اخرج زمان يهتف تسقط الديمقراطية وبعد 50 سنة عرف غلطتة

10- دي اهم نقطة ايام مبارك كان فيه ايمن نور وصباحي و مصطفى بكري دول اسمهم معارضين سياسين لكن لو الاخوان مسكوا الحكم هايكون اسم اي معارض كافر يحارب دين الله ومش انا اللي قلت كده ده الورق اللي اتوزع ايام الاستفتاء اللي قال كده

بالنسبة للورق اين هو ؟ ومن وزعه ؟ نريد كلام محدد

بالنسبة للمستقبل هو الشئ الوحيد الذي لااستطيع ان اجيبك عليه لأن المستقبل بيد الله

[abobakr]

منور يا استاذ ابوهنا وانا معاك عاوز برده الحكم بالشريعة الاسلامية بس مش يكون الاخوان

مش ينفع يكون المسلم وعلماني او مزيج بنهم وده مش كلامي او كلام الاخوان او السلفيين ده كلام مفتي الجمهورية ومن قبلة الشيخ الشعراوي وكل الشيوخ اللي بنحترمهم جميعاً

اولا عجبني طريقة ردك وهارد بنفس الطريقة

بالنسبة لاول نقطة انا قلتلك اني مزيج بين الاتنين يعني انا عاوز الشريعة الاسلامية لكن على راي شيخ من الشيوخ مش هاينفع تطبق دلوقتي مش ينفع تطبق واحنا اغلب الشعب بعيد عن الدين

الاخوان نزلوا كافراد يوم 25 والشيخ صفوت حجازي كان موجود من يوم 25 وحتي لو لم ينزلوا يوم 25 فالثورة ليست يوم 25 فقط!

ومين اللي قالك اني بقول ان كل الاخوان وحشين؟؟؟

انا بقول الاخوان كتنظيم عليه علامات استفهام كبيرة

اهم يوم في الثورة يوم معركة الجمل اللي كان دور الاخوان فيها مشهود باعتراف الجميع ولو ترك الاخوان هذا اليوم الثورة لانتهت الثورة وتم تصفية الثوار

انا مش بنكر دورهم اليوم ده هما اللي بجد شالوا الميدان يومها

لأن الشعب مش كان كله فاهم كان فيه ناس فكرة ان النظام ممكن يعمل اصلاح

فظهروا امام الجميع انهم يمدون يدهم للنظام ثم النظام هو من يرفض الاصلاح وانسحابهم هم وباقي الاحزاب ترك النظام يواجة مصيرة النهائي وحده وهو في نظر الناس من رفض الاصلاح

هي كدة السياسة .. سياسة مش جعجعة ثورية وخلاص

سؤال يا ترى مكنوش اتعلموا من وعود انتخابات 2010 ؟؟

ولا كانوا عاوزين يمسكوا العصاية من النص؟؟

الدليل ؟ البينة على من ادعى

الدليل من موقع الشروق

اعتذروا واقالوا مدير موقعهم فهم بشر يخطئون

بينما الليبرالين يقعون في غلطات واكاذيب اكثر ولايعتذرون اطلاقاً اعتماداً ان وسائل الاعلام اللي تبعهم بتغسل دماغ الناس

والله كلنا بنخطأ وفيه ناس بتعتذر وناس مش بتعتذر مش تعمم

ده صحيح كان فيهم خونة ومندسين والنت مليان بتحريض علي الجيش

بانسحاب الجيش من الميدان وتعرية الاخوان لهؤلاء انتهت قدرتهم علي احداث اي بلبلة

طبعاً 99% من الناس مصريين وطنيين هم بيتكلموا علي فئات منظمة تلقت تدريب في الخارج علي اسقاط الدولة كلها وهنا الخطر

النظام اسقطناه لكن الدولة لا والف لا

فكرتني بالاستاذ سيد علي ومدام هناء السمري لما جابوا واحدة تقول انها ادربت بره وطلعت في الاخر صحفية

نفس كلامك ده كان بيقوله النظام ولو كنا سمعنا كلامهم وقعدنا في البيت مكنش هايكون فيه ثورة

ولو كنا سمعنا كلام الاخوان وقعدنا يوم 27 كانوا هايطلعوا يقولوا الرئيس السابق مبارك تنازل عن كل ما يملك وكانوا 50 مليون وتم العفو عنه

بنظرة بسيطة لزعماء فريق "لا" سواء كان ساويرس او حمزاوي او الكنيسة او غيرهم من النخبة فستجد ان جميعهم ضد المادة الثانية

ونسيت عمرو موسى ومحمد البرادعي؟؟

هاقولك تعليق سواق تاكسي بسيط جداا بيقولي لو انا عندي جلابية واتقطعت وعندي القدرة اشتري واحدة جديدة ليه ارقع القديمة؟؟؟

تعليق مهندس اي بناء لازم يكون على اساس سليم مش ينفع تبني وبعدين تحط الاساس لازم الاساس الاول وبعدين البناء

على فكرة محدش كان هايقرب من المادة التانية بس دي حركة زي حركة السادات الله يرحمه حط المادة التانية ضمن تغيير مادة الرئيس يحكم لعدة فترات والناس طلعت قالت نعم عشان المادة التانية تتحط

بالنسبة للورق اين هو ؟ ومن وزعه ؟ نريد كلام محدد

بالنسبة للمستقبل هو الشئ الوحيد الذي لااستطيع ان اجيبك عليه لأن المستقبل بيد الله

الرابط بتاع الشروق بيرد عليك فوق في النقطة دي والمستقبل في علم الله لكن انا شايف ان فعلا بدأت حملة ان اللي ضد الاخوان يبقى ضد الاسلام

[MohamedAli]

انا دخلت الان علي موقع الشروق وجدت الاتي

وتضم الحملة تحالفا من بين منظمات مدنية، بالتعاون مع شبكة (سنا) ومؤسسة (فريدوم هاوس) الأمريكية.

لااثق في اي مؤسسة امريكية تنفق اموال لمراقبة سياسة دولة اخري فبالتأكيد هم ليسوا منظمة خيرية

هم لهم اهداف ومن اهمها عرقلة وصول اي تجمع اسلامي للحكم

منور يا استاذ ابوهنا وانا معاك عاوز برده الحكم بالشريعة الاسلامية بس مش يكون الاخوان

احنا كدة متفقين

اي حزب يعلن انه سيحكم بشرع الله ندافع عنه غير ذلك سواء ليبرالي شيوعي يساري او 6ابريل حتي تعلن بصراحة انها ستحكم بالشريعة

توافق ؟!!! ولاهترجع تقول اصل انا اسلامي الصبح وعلماني بعد الظهر وليبرالي بالليل!

باقي الكلام يتوقف اجابتة علي هذا السؤال ؟

هاصلي وارجعلك ..

[abobakr]

لااثق في اي مؤسسة امريكية تنفق اموال لمراقبة سياسة دولة اخري فبالتأكيد هم ليسوا منظمة خيرية

هم لهم اهداف ومن اهمها عرقلة وصول اي تجمع اسلامي للحكم

اولا هما مش انتقدوا الاخوان بس دول كمان انتقدوا الكنيسة عشان حشدوا الناس يقولوا لا والموضوع اتحول بدل استفتاء بقى نزاع طائفي

ورصد مراقبو الحملة وجود حالة من حالات "التصويت الطائفي، أي استخدام الأقباط في مواجهة التيارات الدينية الأخرى كالإخوان والسلفيين".

وكمان انت بتقول مش مصدقهم وهما جايبين ليك يافطة كبيرة للاخوان

خلي بالك من جملة والموافقة عليها واجب شرعي شوية شوية كان يخليها فرض عين كمان

احنا كدة متفقين

اي حزب يعلن انه سيحكم بشرع الله ندافع عنه غير ذلك سواء ليبرالي شيوعي يساري او 6ابريل حتي تعلن بصراحة انها ستحكم بالشريعة

توافق ؟!!! ولاهترجع تقول اصل انا اسلامي الصبح وعلماني بعد الظهر وليبرالي بالليل!

اولا انا مقلتش اني علماني بالليل واسلامي الصبح ولا حاجة بس قلت ان الشعب مش مستعد للحكم بالشريعة عشانهم اصلا مش قريبين من ربنا

وانا معاك وموافق بالحكم الاسلامي بس اي حكم واي نظام؟؟

ياترى هايكون زي حكم حماس وفتح وهما بيقتلوا في بعض؟؟

ولا زي الافغان والعمليات الارهابية وفي نفس الوقت افغانستان اكبر مصدر للحشيش؟؟

ولا زي ايران اللي بتقتل في معارضيها؟؟

ولا زي تركيا وماليزيا اللي هما علمانين القانون بس الدولة اسلامية؟؟؟

متهيالي مثال تركيا وماليزيا يوضحلك انا عاوز ايه دولتهم قانونها علمانية بس الدولة نفسها ماشية على التعاليم الدينة الاسلامية ومتهيالي تقدهم واضح للكل

باقي الكلام يتوقف اجابتة علي هذا السؤال ؟

هاصلي وارجعلك ..

اسف انا كنت صليت ونمت مكنتش متوقع انك لسه صاحي وهاترد ومستني ردك باذن الله النهاردة

تم تعديل 3 يونيو 2011 بواسطة bakarbeko

[الغريب]

تاني حاجة اللي خلاني انزل الموضوع ده رد الاستاذ غريب

انما اقول ايه عليكم

كل مداخلاتكم اللي فوق ,,

حتى الغريب ,,

سيبتوا المضمون ومسكتم في التاريخ!!

التاريخ التاريخ

انتظرونا ,,

ما هو المضمون تم الرد عليه قبل كدة يا بشمهندس

أنا اللي زعلني أنا وغيري أنك أنت والشباب فتحين ودانكم ومبرقين عينيكم لأي خبر عن الإسلاميين حتى لو كان قديم

وأسهل حاجة نعمل هاشتاج على تويتر وهاتك يا تريقة

ونييجي للإنتخابات تقولوا معندناش تنظيم ولا شعبية

يعني هو تويتر هو اللي هيعمل شعبية

وأنت تقولي معايا ملفات وأنتظرونا، ده أسمه كلام ، أمال الشغل أمتى لو مكانش دلوقتي

خد متع نفسك بالخبر ده وأعرف أزاي تقدر تكسب حب وثقة المجتمع ، وياريت توصولوا للشباب

اليوم السابع : الجمعية الشرعية تدخل مياه الشرب إلى 2069 منزلاً فى 17 قرية

حسسني بالرد بتاعه اني بحارب الاسلام وكل واحد متدين

طبعالازم اقول اسباب رفضي للاخوان والا هاكون زي ما استاذ غريب بيقول اني بحارب الاسلاميين وخلاص

الأستاذ الغريب لم يقصدك أبدا من كلامه

الكلام موجه للمهندس تيمور ، والمقتبس فيه هو مشاركة البشمهندس

يبقى جالك من فين الإحساس إني بتهمك بمحاربة الإسلام والمتدينيين

للعلم أنا لست عضو في الإخوان وهذا شرف لا أدعيه ،

أنت تريد أن تهاجم الإخوان فلك الحرية وسنقبل كلامك مادمت منصف وعادل

أما لو تجاوزت حد العدل والإنصاف فمن حقي أن لا أؤمن على كلامك

أسمحلي لن أعقب على تفاصيل الموضوع بسبب ضيق الوقت ولأنه هناك أكثر من موضوع يحمل نفس الفكرة تم الرد فيهم..

تحياتي لك ...

[م تيمور المراغي]

الأستاذ الغريب لم يقصدك أبدا من كلامه

الكلام موجه للمهندس تيمور ، والمقتبس فيه هو مشاركة البشمهندس

يبقى جالك من فين الإحساس إني بتهمك بمحاربة الإسلام والمتدينيين

دي جات فيا دي يا غريب !

يعني انا اللي بحارب الاسلام والمتدينين !!

مش تحاسب على كلامك !!!

بكار ومحمد على انا متابع ومستمتع بمناظرتكم ومش بشارك لعدم التشتيت بينكما

بس بالله يا بكار لون تاني غير اللبني لو تكرمت ولك التحية ,,

[الغريب]

دي جات فيا دي يا غريب !

يعني انا اللي بحارب الاسلام والمتدينين !!

مش تحاسب على كلامك !!!

لأ طبعا أنا بعتذر لو يفهم من كلامي كدة

أنت تقدر تتفهم إنتقادي لأي وجهة نظر تتبناها، وتعطيه حجمه الطبيعي

وأنا كذلك,,

أنما الأخ بكر شطح في تفهم وجهة نظري ، ولكني ألتمس له العذر لحداثة مشاركته بالمحاورات

تحياتي ...

[abobakr]

يا استاذ الغريب حضرتك قلت

أنا اللي زعلني أنا وغيري أنك أنت والشباب فتحين ودانكم ومبرقين عينيكم لأي خبر عن الإسلاميين حتى لو كان قديم

الرد واضح اننا بننتقد الاخوان عشانهم اسلاميين ومتدينين ودي فكرة غلط

انا بنتقد الاخوان وضدهم كتنظيم كقيادات كأفكار كاستغلال الدين للوصول لاهدافهم لكن مش كاسلاميين

لكن حضرتك وغيرك بيجي يقول اننا بننتقد الاسلاميين كمان شوية ممكن تقولوا اننا بننتقد الاسلام وكده هانكون دخلنا في موضوع تكفير والعياذ بالله

فيه فرق اني اختلف مع واحد في شأن من شؤن الدنيا ويتحرف اني بنتقده عشانه متدين

استاذ تامر منور الموضوع وشكرا على متابعتك وده شرف ليا وتم تغيير اللون

تم تعديل 3 يونيو 2011 بواسطة bakarbeko

[ابراهيم عبد العزيز]

حاشاك من الكفر يا أخى

فالاخوان هم فصيل سياسى ومن حقك ان تتوافق معه أو لا ولا شىء فى هذا

أنا مثلا أميل للدولة الاسلامية فى مصر ولكن ليش شرطا أن ذلك يجب أن يكون عن طريق الاخوان المسلمين أو هذا الامر حكرا على الجماعة

فلاسلام معروف ومصادره متاحة وأى أحد مؤمن بفكرة الدولة الاسلامية يستطيع تطبيق الامر

[الغريب]

يا استاذ الغريب حضرتك قلت

أنا اللي زعلني أنا وغيري أنك أنت والشباب فتحين ودانكم ومبرقين عينيكم لأي خبر عن الإسلاميين حتى لو كان قديم

الرد واضح اننا بننتقد الاخوان عشانهم اسلاميين ومتدينين ودي فكرة غلط

انا بنتقد الاخوان وضدهم كتنظيم كقيادات كأفكار كاستغلال الدين للوصول لاهدافهم لكن مش كاسلاميين

لكن حضرتك وغيرك بيجي يقول اننا بننتقد الاسلاميين كمان شوية ممكن تقولوا اننا بننتقد الاسلام وكده هانكون دخلنا في موضوع تكفير والعياذ بالله

فيه فرق اني اختلف مع واحد في شأن من شؤن الدنيا ويتحرف اني بنتقده عشانه متدين

استاذ تامر منور الموضوع وشكرا على متابعتك وده شرف ليا وتم تغيير اللون

الإسلاميين يا بكار مصطلح يطلق على الحركات الإسلامية المحتكة بالواقع المصري من إخوان وسلفيين وغيرهم من الحركات

لا يعني أبدا أنتقادك لهم إنتقادك للدين الإسلامي، وإن كان الأمر يصل إلى هذا الحد عند البعض

ولكن الأهم من كل هذا أن الكلام لم يكن موجه لك

الكلام موجه للمهندس تيمور كما أشرت ، حتى كلمة الشباب غير موجهة للشباب المشاركين بالموضوع المقتبس منه المشاركة

ولكن شباب آخرين يعلمهم الأخ تيمور

يمكنك أن تستفسر أولا قبلما تحمل كلامي مالم يحتمل

تحياتي ...

[abobakr]

حاشاك من الكفر يا أخى

فالاخوان هم فصيل سياسى ومن حقك ان تتوافق معه أو لا ولا شىء فى هذا

أنا مثلا أميل للدولة الاسلامية فى مصر ولكن ليش شرطا أن ذلك يجب أن يكون عن طريق الاخوان المسلمين أو هذا الامر حكرا على الجماعة

فلاسلام معروف ومصادره متاحة وأى أحد مؤمن بفكرة الدولة الاسلامية يستطيع تطبيق الامر

اولا انا اسف اني اتاخرت في الرد

ده اللي انا عاوز اوصله للكل يا استاذ ابراهيم عشان الاغلب دلوقتي لما حد ينتقد الاخوان يقولك ده ضد الاسلام

[abobakr]

يا استاذ الغريب حضرتك قلت

أنا اللي زعلني أنا وغيري أنك أنت والشباب فتحين ودانكم ومبرقين عينيكم لأي خبر عن الإسلاميين حتى لو كان قديم

الرد واضح اننا بننتقد الاخوان عشانهم اسلاميين ومتدينين ودي فكرة غلط

انا بنتقد الاخوان وضدهم كتنظيم كقيادات كأفكار كاستغلال الدين للوصول لاهدافهم لكن مش كاسلاميين

لكن حضرتك وغيرك بيجي يقول اننا بننتقد الاسلاميين كمان شوية ممكن تقولوا اننا بننتقد الاسلام وكده هانكون دخلنا في موضوع تكفير والعياذ بالله

فيه فرق اني اختلف مع واحد في شأن من شؤن الدنيا ويتحرف اني بنتقده عشانه متدين

استاذ تامر منور الموضوع وشكرا على متابعتك وده شرف ليا وتم تغيير اللون

الإسلاميين يا بكار مصطلح يطلق على الحركات الإسلامية المحتكة بالواقع المصري من إخوان وسلفيين وغيرهم من الحركات

لا يعني أبدا أنتقادك لهم إنتقادك للدين الإسلامي، وإن كان الأمر يصل إلى هذا الحد عند البعض

ولكن الأهم من كل هذا أن الكلام لم يكن موجه لك

الكلام موجه للمهندس تيمور كما أشرت ، حتى كلمة الشباب غير موجهة للشباب المشاركين بالموضوع المقتبس منه المشاركة

ولكن شباب آخرين يعلمهم الأخ تيمور

يمكنك أن تستفسر أولا قبلما تحمل كلامي مالم يحتمل

تحياتي ...

يا استاذ غريب مش معنى ان الكلام مش موجه ليا يبقى مش ارد عليك ده حتى لو انا من ضمن الاخوان او المساندين لهم لازم اوضح ليك النقطة دي مش معنى ان واحد بيهاجم الاخوان يبقى بيهاجم الاسلام

[م تيمور المراغي]

«خبر تعبيرى» على موقع «الإخوان» يحرف نتائج استطلاع أمريكى عن انتخابات البرلمان \\ اضغط هنا

[محمد حامد الغنام]

موضوعك جميل جداا سيدى الفاضل

تسلم ابدك

[محمد حامد الغنام]

هذا راى احد اصدقائى فى كلية الحقوق متفق تماما مع راى واحب ان انقلة اليكم

الميزة الوحيدة التي اراها للنظام السابق

انه كان مخلي السلفين والاخوان والجماعات اللي بيطلقوا علي نفسهم انها اسلامية في الجحور وبيخافوا لو شافوا خيال امين شرطة معدي جمبهم

وهوا كل واحد شكل اللي جمبه مش عاجبه بيقدم في بلاغ للنائب العام

الله يكون في عونك يا سيادة المستشار هتلاحق علي مين ولا مين

انا قولت في اول كلامي الميزة التي اراها

مش اللي الشعب يراها او الكل يراها

انا ليا صلة بناس كتير اخوان

كانوا بيعملوا حاجات كتير بس في نطاق معين ميقدروش يخرجوا عنه

واعرف كتير سلفيين اخرهم المسجد ويتكلموا في موضوعات معينه مش اي حاجة يتكلموا فيها

القاعدة الشعبية اللي عاملوها علي مدار الستين سنة دول بسبب ان الشعب المصري متربي علي ان الشيخ واللي حافظ كتاب الله هو اللي بيفهم والباقي لا من هنا اتخلقت القاعدة الشعبية الكبيرة دي

دا غير ان السلفيين ليهم ناس متطلعين بدرجة كبيرة

للمعلومة بس انا مش معترض علي اخوان ولا سلفيين لما يخوش الجامع وينصحني ويقول كلام ربنا

لكن يطلع عن السياق دا يبقا بيلعب سياسة وانا من النوع اللي احب انزه الدين عن السياسة

في زمن الرسول عليه افضل الصلاة والسلام كان بيحكم بكتاب الله

ومن بعده الخلفاء الراشدون والخلافات الاسلامية اللي توالت بعدهم

لكن دلوقتي وفي الزمن دا احنا بنحكم وبنتحكم بقانون وضعي لكن مصدره الشريعة الاسلامية لكن مش قواعدها اللي بيتم تطبيقها المشرعين بياخدوا القاعدة الشرعية وبيبنوا عليها القانون الوضعي

اما بقا نسبة ال 20 % اللي الاخوان اخدتهم في مجلس الشعب دا نتيجة سياسة من سياسات الحزب الوطني كان كل اللي هو عايزة بالتحديد الناس دي عايزه ايه عايزة المجلس طيب وماله ندخلهم بس محدش يمشي ليهم طلبات ويخبطوا دماغهم في اجدع حيطة وبالتالي الناس مش هتنتخبوهم تاني منهم لنفسهم ومن غير اي مجهود

تنزيه الدين عن السياسة مش مجالة اننا نبعد الدين عن السياسة

لكن المشتغل والمنشغل بأمور الدين ليس مكانه ان يكون رجل سياسة لأن دا هيشغله عن قيامه بمهامه الدينية

اما بقا بالنسبة للشريعة الاسلامية فهي طبعا صالحة لكل زمان ومكان لكن البشر في دورهم

يعني علي سبيل المثال في ثغرات كتير في القانون واللي من خلالها المجرمين بيفلتوا من العقاب

في الشريعة الاسلامية مفيش الكلام دا مفيش مكان انك تنفذ منه

المحامي هيتحايل علي القانون لكن رجل الدين لو لعب سياسة هيتحايل علي الدين

ودي حاجة انا مقبلهاش

ودا رأيي بغض النظر عن ايه معقتاداتك السياسية

نتكلم بموضوعية شوية بقا

الدولة الديمقراطية هي الدولة الوحيدة التي لا تصلح ان تكون الدولة المصرية

ودا ليه لأننا فراعنة ومينفعش معانا غير الشدة والدكتاتورية

اديك شايف الحرية اللي الشعب خدها والحمد لله ماشيين يقتلوا في بعض

هيا دي بقا الحرية الحمقاء

انا مقتنع تمام الاقتناع ببعد الدين عن السياسة لأن محدش فينا في عدل سيدنا عمر ولا هيكون

ولو حد حب ان يفكر انه يجاهد مع نفسه ويحاول يوصل لمستوي قريب من سيدنا عمر رضي الله عنه يبقا لازم يتبع الاتي

[MohamedAli]

هذا راى احد اصدقائى فى كلية الحقوق متفق تماما مع راى واحب ان انقلة اليكم

الميزة الوحيدة التي اراها للنظام السابق

انه كان مخلي السلفين والاخوان والجماعات اللي بيطلقوا علي نفسهم انها اسلامية في الجحور وبيخافوا لو شافوا خيال امين شرطة معدي جمبهم

وهوا كل واحد شكل اللي جمبه مش عاجبه بيقدم في بلاغ للنائب العام

الله يكون في عونك يا سيادة المستشار هتلاحق علي مين ولا مين

انا قولت في اول كلامي الميزة التي اراها

مش اللي الشعب يراها او الكل يراها

انا ليا صلة بناس كتير اخوان

كانوا بيعملوا حاجات كتير بس في نطاق معين ميقدروش يخرجوا عنه

واعرف كتير سلفيين اخرهم المسجد ويتكلموا في موضوعات معينه مش اي حاجة يتكلموا فيها

القاعدة الشعبية اللي عاملوها علي مدار الستين سنة دول بسبب ان الشعب المصري متربي علي ان الشيخ واللي حافظ كتاب الله هو اللي بيفهم والباقي لا من هنا اتخلقت القاعدة الشعبية الكبيرة دي

دا غير ان السلفيين ليهم ناس متطلعين بدرجة كبيرة

للمعلومة بس انا مش معترض علي اخوان ولا سلفيين لما يخوش الجامع وينصحني ويقول كلام ربنا

لكن يطلع عن السياق دا يبقا بيلعب سياسة وانا من النوع اللي احب انزه الدين عن السياسة

في زمن الرسول عليه افضل الصلاة والسلام كان بيحكم بكتاب الله

ومن بعده الخلفاء الراشدون والخلافات الاسلامية اللي توالت بعدهم

لكن دلوقتي وفي الزمن دا احنا بنحكم وبنتحكم بقانون وضعي لكن مصدره الشريعة الاسلامية لكن مش قواعدها اللي بيتم تطبيقها المشرعين بياخدوا القاعدة الشرعية وبيبنوا عليها القانون الوضعي

اما بقا نسبة ال 20 % اللي الاخوان اخدتهم في مجلس الشعب دا نتيجة سياسة من سياسات الحزب الوطني كان كل اللي هو عايزة بالتحديد الناس دي عايزه ايه عايزة المجلس طيب وماله ندخلهم بس محدش يمشي ليهم طلبات ويخبطوا دماغهم في اجدع حيطة وبالتالي الناس مش هتنتخبوهم تاني منهم لنفسهم ومن غير اي مجهود

تنزيه الدين عن السياسة مش مجالة اننا نبعد الدين عن السياسة

لكن المشتغل والمنشغل بأمور الدين ليس مكانه ان يكون رجل سياسة لأن دا هيشغله عن قيامه بمهامه الدينية

اما بقا بالنسبة للشريعة الاسلامية فهي طبعا صالحة لكل زمان ومكان لكن البشر في دورهم

يعني علي سبيل المثال في ثغرات كتير في القانون واللي من خلالها المجرمين بيفلتوا من العقاب

في الشريعة الاسلامية مفيش الكلام دا مفيش مكان انك تنفذ منه

المحامي هيتحايل علي القانون لكن رجل الدين لو لعب سياسة هيتحايل علي الدين

ودي حاجة انا مقبلهاش

ودا رأيي بغض النظر عن ايه معقتاداتك السياسية

نتكلم بموضوعية شوية بقا

الدولة الديمقراطية هي الدولة الوحيدة التي لا تصلح ان تكون الدولة المصرية

ودا ليه لأننا فراعنة ومينفعش معانا غير الشدة والدكتاتورية

اديك شايف الحرية اللي الشعب خدها والحمد لله ماشيين يقتلوا في بعض

هيا دي بقا الحرية الحمقاء

انا مقتنع تمام الاقتناع ببعد الدين عن السياسة لأن محدش فينا في عدل سيدنا عمر ولا هيكون

ولو حد حب ان يفكر انه يجاهد مع نفسه ويحاول يوصل لمستوي قريب من سيدنا عمر رضي الله عنه يبقا لازم يتبع الاتي

الكلام ده منقول من موقع طلاب المنوفية

والله لما قريت الكلام دة عرفت ليه الناس بتكره المنايفة وان الامثال اللي بتطلع عليهم صحيحة 100%

تم تعديل 7 يونيو 2011 بواسطة MohamedAli

[عبير يونس]

الكلام ده منقول من موقع طلاب المنوفية

والله لما قريت الكلام دة عرفت ليه الناس بتكره المنايفة وان الامثال اللي بتطلع عليهم صحيحة 100%

ليه كده بس يا أستاذ محمد

ينفع نعمم بالشكل ده؟؟؟

يعني مفيش من أهل المنوفية من نحسبهم على خير و لا نزكيهم على الله؟؟؟!!!

مفيش حد فيهم يستحق أن يقال عنه " إلا من رحم ربي"؟؟؟

هو عشان الرئيس السابق منوفي نقوم ناخد كل أهالي المنوفية بذنبه؟؟؟:blink:

[MohamedAli]

الكلام ده منقول من موقع طلاب المنوفية

والله لما قريت الكلام دة عرفت ليه الناس بتكره المنايفة وان الامثال اللي بتطلع عليهم صحيحة 100%

ليه كده بس يا أستاذ محمد

ينفع نعمم بالشكل ده؟؟؟

يعني مفيش من أهل المنوفية من نحسبهم على خير و لا نزكيهم على الله؟؟؟!!!

مفيش حد فيهم يستحق أن يقال عنه " إلا من رحم ربي"؟؟؟

هو عشان الرئيس السابق منوفي نقوم ناخد كل أهالي المنوفية بذنبه؟؟؟:blink:

بالتأكيد استاذة "مصرية مغتربة" يوجد من المنايفة منهم هم علي خير ومن هم رموز وطنية في تاريخ مصر

انا فقط انتقض عن حب المنايفة للسلطة والسيطرة واحياناً الديكتاتورية وهو الجزء الملون بالاحمر

الدولة الديمقراطية هي الدولة الوحيدة التي لا تصلح ان تكون الدولة المصرية

ودا ليه لأننا فراعنة ومينفعش معانا غير الشدة والدكتاتورية

اديك شايف الحرية اللي الشعب خدها والحمد لله ماشيين يقتلوا في بعض

مع كامل احترامي لأهل المنوفية