من الغد .. طرح كيلو اللحمة في السوق المصري بـ 29 ج

[se_ Elsyed]

أتمنى الموضوع بقى مُنظم .. وما يبقاش في تلاعب وأستحواذ من فئة ما وخصوصاً التجار والمطاعم .. عشان السلعة تصل بشكل سليم إلى المستهلك الغلبان اللي إتحرم منها من سنين نتيجة فشل الحكومة وجشع التجار ... واخر سبب هو العادات الغذائية الغير سليمة لدى كثير من الناس اللي فاكره اللحمة كل حاجه لكن مش هاركز على النقطة دي لإن حتى البديل وهو الدجاج والسمك كان ومازال أسعاره مرتفعة للغاية وفي غير متناول الكثيرين

كمان مع أقتراب شهر رمضان .. اعتقد الموضوع ده هايساهم كتير في التخفيف عن قطاع عريض من الشعب

أطلقت وزارة الزراعة مبادرةً جديدةً لرفع المعاناة عن المواطن المصرى؛ تهدف إلى توفير اللحوم بأقل الأسعار؛ حيث تبدأ شركة "وحدة النيل للحوم"، السبت المقبل، في طرح كمية كبيرة من اللحوم يتم بيعها للمواطنين عبر منافذ وزارة الزراعة والقوات المسلحة، على ألا يتعدى سعر كيلو اللحم البلدي 29 جنيهًا.

وقال الدكتور إميل إسكندر، مدير عام الشركة، إن الشركة تهدف إلى الوصول بمعدل الإنتاجية إلى 450 عجلاً يوميًّا، سيتم نقلها عبر السيارات المبردة؛ لضمان وصولها محتفظةً بجودتها، مشيرًا إلى أن الشركة رفضت نقل اللحوم بالطائرات كما يحدث؛ نظرًا لما يطرأ عليها من تأثيرات سلبية، سواء في المذاق أو الجودة؛ نتيجة ذلك.

وأضاف أن الإشراف على المشروع سيتم بالتعاون بين وزارة الصحة ومصلحة الرقابة البيطرية وهيئة الرقابة على الصادرات والواردات، مؤكدًا أن الشركة تخسر جنيهين في كيلو اللحم من أرباحها في إطار دورها الاجتماعي ومراعاة للظروف الحالية، وأن المنافذ سوف تغطي كل أنحاء الجمهورية

[jamalpody]

اكيد انت بتهزر يا ابوعمر

[hOuSsAm]

الكمية دى قليلة اوى وهتلاقى فيه طوابير وممكن توصل لمعاملة غير ادمية (كدة بيشمموا الناس لحمة)

(انا مش عارف الكلام ده فى القاهرة بس ولا القاهرة والاقاليم) لو كله يبقى قليلة جدا

كمان ياريت محدش ياخد كميات - يعنى ممكن لو يعملوا كنترول بالبطاقة وكل واحد ياخد كيلو بس عشان كله ياكل

باذن الله هتحلو:)

[Howayda Ismail]

هو الموضوع ده عملاه القوات المسلحة من مدة لكن فى مناطق محدودة

و الاسكندرية من المناطق دى فيها منافذ لبيع منتجات مزارع القوات المسلحة من لحوم وطيور

وغير مخفى على احد ان مزارع القوات المسلحة هى المزارع الوحيدة التى لم تتعرض لها الحكومة

وقت سبوبة انفلونزا الطيور واستغلالها لبزنس الثلاجات والفراخ المجمدة لمسئولين كبار

اللحمة تباع فى المنافذ بسعر 35 والضانى ب 45 فى الوقت اللى وصلت سعرها عند الجزارين مابين 75

و90 جنيه وطبعا للانعدام الضماير الجزارين بتشترى اللحمة من المنافذ وتبعها فى محلاتها لانها بلدى وطازة

وصعب المواطن يفرق بينهم

اسعار اللحوم فى اشتعال بسبب الاستغلال والمكاسب الكبيرة اللى كان وراها تجار ومسئولين كبار

لكن نامل ان ده يعود بالنفع على انخفاض اسعار الاسماك والطيور فى الفترة الجاية