كيف تدير أموالك ... تقسيم أموالك يضاعفها

[عبير يونس]

لأهمية هذه الجزئية من الكتاب

أفردت لها موضوعا مستقلا

في البداية يذكر الكاتب مثالا بسيطا لطفل يريد آيسكريم

يشتري له والده آيس كريم Cone (بولة آيسكريم في بسكوت على شكل مخروطي )

الطفل بيده الصغيرة لم يتمكن من الامساك جيدا به فوقع على الأرض

يبكي الصغير

و يقرر والده الكريم العطوف أن يحضر له آيسكريم مرة أخرى

و لكن الطفل يلفت انتباهه آيسكريم بثلاث بولات

و يبكي الطفل رغبة في ذلك الآيسكريم

فهل ستشتري له هذا الآيسكريم؟

اذا لم يستطع الامساك ببولة آيس كريم واحدة ... نعطيه ثلاثة؟؟؟!!!

حتى تجني مزيدا من الأموال

تعلم إدارة ما تملكه الآن من مال

تلك هي نواميس الكون التي وضعها الخالق جل وعلا

و السؤال الآن

كيف تدير أموالك؟

[عبير يونس]

ليس لدي ما يكفي من نقود...

أنا مديون...

سأفعل عندما أحصل على مزيد من النقود...

هذا ما يردده البعض الآن

قم بتقسيم ما معك الآن

افتح محفظة نقودك و قسم ما فيها

حتى لو معك جنيه واحد!!

قبل أن توافقني

سأعطيك مثالا مشابها لما عرضه الكاتب

و اسمح لي أن أسألك أولا

كم لاعب في فريق كرة القدم؟

صحيح 11 لاعبا

ماذا لو وقف كل اللاعبون مع حارس المرمى؟؟

هل سيتمكن الفريق من الفوز؟؟

أكرر الفوز لأن هناك من سيقول سنضمن ألا نخسر

حسنا

و لكننا لن نحرز هدفا واحدا

لن نربح

و كثير من الناس يكتفي بذلك!

من الطبيعي أن لكل لاعب مكان

لابد من تقسيم اللاعبين على الأماكن التي ينبغي لهم التواجد بها

كذلك لابد من تقسيم النقود لنربح لعبة المال

[eslam elmasre]

عاجبني تلخيصك للكتاب يا مدام مصرية ومتابع بشغف لتسلسل الموضوع

بالتوفيق

[عبير يونس]

كل جنيه معك هو جندي يعمل تحت أوامرك

جنودك لديهم مهمة كبرى

و هي جعلك متحررا اقتصاديا

Financially Free

لابد أن توزع هؤلاء الجنود على أماكنهم

كثير من الناس ينفق أكثر مما يربح

بالاستدانة

أي كانت طريقتها

من أفراد

من الجمعيات ( يقبضوها الأول و يفضلوا يسددوا....ديون)

من بنوك ( بطاقات ائتمانية أو قروض)

الديون بتحل أزمات وقتية

بس في الآخر اسمها ديون لازم تتسدد

قرار بأنني أريد هذا الشيء الآن

بغض النظر اذا كنت أملك ثمنه أم لا

طلباتك كتير؟؟؟

فكر ازاي تزيد من دخلك و ما تحلش مشاكلك بالاقتراض

الضروريات أولا

الأهم فالمهم

احصل على كل ما تريد

و لكن ليس بالضرورة أن تحصل على كل ما تريد فورا

مرة أخرى قم بتقسيم ما معك من نقود

نفترض أن معك الآن عشرة جنيهات

أول تقسيم أن تقسمها نصفين

و كيّف وضعك على أن معك خمسة جنيهات فقط

ذلك سيساعدك على ضغط نفقاتك و الانفاق في الضروري فقط

ماذا عن الخمسة جنيهات الأخرى؟؟؟

تلك الخمسة جنيهات هي ما سنقسمها على خمسة بنود

ضع في كل بند جنيها واحدا

في مظروف...في برطمان... في دفتر توفير... في حساب في البنك

كما تريد

المهم أن يكون كل بند منفصل عن الآخر

ما هي تلك البنود؟؟؟

[MohamedAli]

تسجيل متابعة واهتمام ،،

جزاك الله خيراً

[عبير يونس]

أشكرك أخي الفاضل إسلام المصري

و تشرفني متابعة حضرتك

البنود الخمسة

تذكروا أن هذه البنود الخمسة هي تقسيم نصف ما معك من نقود

فأنت ستنفق نصف النقود على احتياجاتك

و النصف الآخر هو ما سنقسمه على البنود الخمسة

يعني التقسيم الأول 50%

و ال50% حتتقسم على خمسة

كل بند 10 % من المبلغ الأساسي

و في المثال السابق

ال 10 جنيهات

قسمناهم نصفين

خمسة جنيه لاحتياجاتي ( الضرورية)

و الخمسة التانية

حأقسمها على البنود الخمسة

1- الصدقة

طبعا معروف دينيا في كل العقائد أن الصدقة تبارك الأموال و تضاعفها

( يَمْحَقُ اللَّهُ الرِّبَا وَيُرْبِي الصَّدَقَاتِ وَاللَّهُ لَا يُحِبُّ كُلَّ كَفَّارٍ أَثِيمٍ)

و طبعا الجنيه الواحد سهل يطلع صدقة

نصيحتي انه مهما كبرت فلوسك و نصيب الصدقات زاد

إياك تستخسر أو تبخل

و تذكر دوما

أن الله هو الغني و نحن الفقراء

2- الإدخار طويل الأجل

اللي هو التحويش اللي ما شاء الله معظم المصريين شاطرين فيه و متميزين

شيل الفلوس في البند ده و انساها

مش حأوصيكم طبعا

:closedeyes:

ممكن تشارك في جمعيات تقبضها الآخر

منه تحوّش

و منه تساهم في فك زنقة غيرك

3- الإستثمار

و ده بند حنتكلم فيه كتير

لأن الفكرة الشائعة إن الاستثمار للأثرياء فقط

و طبعا ده 100% خطأ

ممكن تستثمر بجنيه واحد

برمجتنا أن الاستثمار ده له ناسه

اللي احنا مش منهم

هي اللي بتتسبب لنا أننا نبتعد عن الفكرة تماما

بإذن الله نفرد موضوع مستقل عن البند ده

و لحد ما نفتح الموضوع شيل فلوس تحت البند ده لحد ما تلاقي الفرصة الاسثمارية المناسبة

الاستثمار مهارة قابلة للتعلم

و لأن غيرك قدر يستثمر

فأنت كمان تقدر

4- التعليم

في ناس مكن تستغل البند ده في الدروس الخصوصية

و ماله

مصاريف المدارس

اوكيه

مش بس كده

الكتب

السي ديهات

دورات لغة ... كومبيوتر...الخ

إياك تتوقف عن التعلم

لازم دايما تطور نفسك

الكاتب بينصح أننا نقرأ كتاب - على الأقل - كل شهر

5- الترفيه

في ناس كتير للأسف بتهمل البند ده

و تضمه للتحويش

و الكاتب بينصح

لازم الترفيه يحصل

عشان يحدث توازن

و عشان تقدر تكمل

مهمتك في تكوين ثروة

[عبير يونس]

أشكرك أخي الفاضل محمد علي

و تشرفني متابعة حضرتك

يا جماعة أنا بدأت بالفعل

و استطيع اخباركم

انني بمجرد التقسيم و التزامي بالفكرة

لأول مرة في حياتي

أتوقف أمام كثير من الأشياء قبل أن أقوم بالإنفاق

طول عمري متبرمجة على مثل

الدنيا ما تهونش الا على الغلبان

و كنت بأعتبر حرص الأثرياء بخل

طبعا البخل طبع ردئ لا يرتبط بنوعية معينة من البشر

و شتان ما بين البخل و الحرص

و الكرم و الإسراف

الفرق بين الأثرياء و الفقراء

أن الأثرياء قاموا بمعاملة النقود بحرص حتى وصلوا للثراء

الحرص مطلوب

و هو محافظة على النعمة التي رزقنا الله تعالى بها

ما تقولش الجنيه مش حيفرق

لا بيفرق

و القروش كمان بتفرق

في تجارة العملة مثلا

تعالوا نتفق مع بعض نحترم كل قرش صاغ معانا و لا نحقر من شأنه

و إذا كان الناس اللي حوالينا بتزعل لو لاقت عدم احترام أو تقليل من شأنها

كذلك تفعل النقود مع من لا يقدر قيمتها

تعالوا نلتزم معا

القروش

و فتافيت الخبز

كلاهما نعمة عظيمة

من الآن أعلن

أن لهم كامل الاحترام

و الله على ما أقول شهيد

[jamalpody]

فعلا موضوع في غاية الاهمية يمكن بالنسبة لي

انا تقدري تقولي عدو التوفير

تسجيل متابعة

[ابراهيم عبد العزيز]

كل الشكر لكى يا أخت مصرية مغتربة على الموضوع الثرى والجميل

وأنتى بعرضك لهذا الموضوع كما لو كنتى تعطينا دروسا فى الادارة المالية ولكن بطريقة مبسطة وسلسة

ودائما الانسان عندما يضع لنفسه خط سير منظم بلا ارتجال يجد النتائج مبهرة حتى ولو كانت الموارد قليلة

واصلى أخت مصرية مغتربة وكلنا أعين مراقبة لسردك

[عبير يونس]

فعلا موضوع في غاية الاهمية يمكن بالنسبة لي

انا تقدري تقولي عدو التوفير

تسجيل متابعة

أخي الفاضل

أرجوك تخلى عن تلك البرمجة

لست عدو التوفير

لا تؤكد لنفسك هذه الفكرة

فالأفكار تؤدي للمشاعر

و المشاعر تؤدي إلى السلوك

و السلوك يؤدي إلى النتائج

نحن من نعتنق الأفكار

نفتح لها عقولنا

و ندفع لها من مشاعرنا و سلوكنا و نتائجنا

فحري بنا أن نحسن اختيار تلك الأفكار

تابع حضرتك موضوع

أسرار عقول المليونيرات

http://www.egyptiantalks.org/invb/index.php?showtopic=121770&st=15

[Howayda Ismail]

عودة محمودة يامصرية

توبيك جميل وكلام مهم جدا وتسجيل متابعة معاكى

بصى هو زوجى من قبل زواجنا وهو متبع الطريقة دى وبفضل ده استطاع تكوين نفسه وبيتنا دون مساعدة

اهله وهو فى سن صغير بل العكس ودلوقت الحمد لله قدرنا نعمل حاجة لاولادنا غير تعليمهم

ترتيب الاولويات هى اهم حاجة عنده وهو من النوع اللى مبيحبش الاقتراض ولا الدين حتى ولو من البنك

انا برضه مش باحب السلف ولا التقسيط لكن موضوع الصرف ده بالنسبة لى كان حاجة تانية خالص

اصرف مافى الجيب يأتيك مافى الغيب المهم اجيب اللى نفسى فيه فى نفس الوقت مزنقش نفسى اللى مهوش مايلزموش

يمكن عشان كنت لسة متحملتش مسئولية بيت

لكن طبعا من عشرتى معاه ووجود الاولاد اتعلمت كتير منه وزى مابتقولى بقيت اقدر فتافيت الخبز لانها نعمة

فى ايدى ربما محروم منها كتير بس فى لسة عندى حبة اسراف فى النفقة خصوصا فى اللبس والترفيه والكتب

بس تعرفى الموضوع ده تربية وتعود من الصغر وقليل اللى بيقدر يغير عاداته وسلوكه فى الانفاق

ولنا بقية فى الحديث ان شاء الله

[عبير يونس]

كل الشكر لكى يا أخت مصرية مغتربة على الموضوع الثرى والجميل

وأنتى بعرضك لهذا الموضوع كما لو كنتى تعطينا دروسا فى الادارة المالية ولكن بطريقة مبسطة وسلسة

ودائما الانسان عندما يضع لنفسه خط سير منظم بلا ارتجال يجد النتائج مبهرة حتى ولو كانت الموارد قليلة

واصلى أخت مصرية مغتربة وكلنا أعين مراقبة لسردك

شكرا لحضرتك يا فندم على الاطراء

و طبعا كلامي لا يرقي انه يكون دروس

حضراتكم تفوقوني علما

الفكرة إن الكتاب أعجبني جدا

و أنا شغوفة بالتدريب جدا

و مهتمة جدا بالموارد البشرية

الكتاب فعلا بيقدم حلول و بيضعك على الطريق

فعلا المؤلف يستحق إنه يكون مليونير

لأنه ساعد أكثر من 250 ألف شخص إنهم يغيروا حياتهم

و خللى مهمته و رسالته أنه يعلم الناس ازاي يعملوا زيه

قد ايه جميل ان الانسان يكون له رسالة

على فكرة مادة "الإدارة المالية" كانت من أحب المواد بالنسبة لي في الكلية

شكرا مرة تانية

و متابعة حضرتك تشرفني يا فندم

[عبير يونس]

عودة محمودة يامصرية

توبيك جميل وكلام مهم جدا وتسجيل متابعة معاكى

بصى هو زوجى من قبل زواجنا وهو متبع الطريقة دى وبفضل ده استطاع تكوين نفسه وبيتنا دون مساعدة

اهله وهو فى سن صغير بل العكس ودلوقت الحمد لله قدرنا نعمل حاجة لاولادنا غير تعليمهم

ترتيب الاولويات هى اهم حاجة عنده وهو من النوع اللى مبيحبش الاقتراض ولا الدين حتى ولو من البنك

انا برضه مش باحب السلف ولا التقسيط لكن موضوع الصرف ده بالنسبة لى كان حاجة تانية خالص

اصرف مافى الجيب يأتيك مافى الغيب المهم اجيب اللى نفسى فيه فى نفس الوقت مزنقش نفسى اللى مهوش مايلزموش

يمكن عشان كنت لسة متحملتش مسئولية بيت

لكن طبعا من عشرتى معاه ووجود الاولاد اتعلمت كتير منه وزى مابتقولى بقيت اقدر فتافيت الخبز لانها نعمة

فى ايدى ربما محروم منها كتير بس فى لسة عندى حبة اسراف فى النفقة خصوصا فى اللبس والترفيه والكتب

بس تعرفى الموضوع ده تربية وتعود من الصغر وقليل اللى بيقدر يغير عاداته وسلوكه فى الانفاق

ولنا بقية فى الحديث ان شاء الله

الله يكرمك يا هنودة يا حبيبتي

جميل ان زوجك مثال حقيقي على صحة الكلام اللي عرضته على حضراتكم

بس انا مختلفة معاكي في موضوع تربية و تعود

لأننا نقدر نغير أفكارنا و نكتسب دايما عادات جديدة

الوقت لسه ما فاتش

طول ما احنا عايشين نقدر نتغير

ابدأي دلوقت

اللحظة دي

شوفي فلوسك اللي في محفطتك أو في الدولاب أو في البنك

و قومي قسميها

و خدي بالك في بنود للترفيه و للتعليم

يعني مش حتحرمي نفسك من حاجة

بس شوية تنظيم حينفعوا و مش حيضروا

يللا

انتي لسه قاعدة

:blink:

[بركة]

ايده انت فين من ساعتها دا انا مستنية

ماشاء الله طريقتك جميلة وسردك مشوق جدا ...........متابعة ليس في صمت

يللا يا ام سلفلف :waving:

[Howayda Ismail]

الله يكرمك يا هنودة يا حبيبتي

جميل ان زوجك مثال حقيقي على صحة الكلام اللي عرضته على حضراتكم

بس انا مختلفة معاكي في موضوع تربية و تعود

لأننا نقدر نغير أفكارنا و نكتسب دايما عادات جديدة

الوقت لسه ما فاتش

طول ما احنا عايشين نقدر نتغير

ابدأي دلوقت

اللحظة دي

شوفي فلوسك اللي في محفطتك أو في الدولاب أو في البنك

و قومي قسميها

و خدي بالك في بنود للترفيه و للتعليم

يعني مش حتحرمي نفسك من حاجة

بس شوية تنظيم حينفعوا و مش حيضروا

يللا

انتي لسه قاعدة

ويكرمك يامصرية

زى ماقلت لك زوجى منظم الحاجات من البداية فصراحة فمافيش قلق الحمد لله

من ناحية تعليم او ترفيه وغيره وكل بند معروف ميعاده وميزانيته

ومن زمان انا فعلا ابتديت اعمل كده فى مصروف جيبى

ومتضحكيش انى لى مصروف شخصى زى الاولاد لانى مش باشتغل والفلوس دى اتصرف فيها براحتى

لان لى ارتباطات ومجاملات كتيرة بينى وبين صحباتى ومعارفى فى مناسبات كتيرة زيارا ت او

نجاح الاولاد او اعياد ميلاد ومش معقول احمل كل ده على ميزانية البيت او بند مناسبات العائلة

لكن اصدقك القول انى كانت ايدى مخرومة جدا دلوقت باقدر اتحكم فى نفقاتى بقدر الامكان

وده دليل على كلامك ان الانسان يقدر يتغير لكن بشرط انه يكون هو عايز يتغير فعلا

لكن ناس كتير بتستسلم وتقول ده طبعى ومش حاقدر اغيره وده غلط طبعا

[عبير يونس]

ايده انت فين من ساعتها دا انا مستنية

ماشاء الله طريقتك جميلة وسردك مشوق جدا ...........متابعة ليس في صمت

يللا يا ام سلفلف :waving:

متابعتك تشرفني يا قمر

ربنا يجعل لك حظ من اسمك

و يجعل لنا حظ معاكي

آمين

دخولك الموضوع " بركة " يا جميل ;)

[عبير يونس]

الله يكرمك يا هنودة يا حبيبتي

جميل ان زوجك مثال حقيقي على صحة الكلام اللي عرضته على حضراتكم

بس انا مختلفة معاكي في موضوع تربية و تعود

لأننا نقدر نغير أفكارنا و نكتسب دايما عادات جديدة

الوقت لسه ما فاتش

طول ما احنا عايشين نقدر نتغير

ابدأي دلوقت

اللحظة دي

شوفي فلوسك اللي في محفطتك أو في الدولاب أو في البنك

و قومي قسميها

و خدي بالك في بنود للترفيه و للتعليم

يعني مش حتحرمي نفسك من حاجة

بس شوية تنظيم حينفعوا و مش حيضروا

يللا

انتي لسه قاعدة

ويكرمك يامصرية

زى ماقلت لك زوجى منظم الحاجات من البداية فصراحة فمافيش قلق الحمد لله

من ناحية تعليم او ترفيه وغيره وكل بند معروف ميعاده وميزانيته

ومن زمان انا فعلا ابتديت اعمل كده فى مصروف جيبى

ومتضحكيش انى لى مصروف شخصى زى الاولاد لانى مش باشتغل والفلوس دى اتصرف فيها براحتى

لان لى ارتباطات ومجاملات كتيرة بينى وبين صحباتى ومعارفى فى مناسبات كتيرة زيارا ت او

نجاح الاولاد او اعياد ميلاد ومش معقول احمل كل ده على ميزانية البيت او بند مناسبات العائلة

لكن اصدقك القول انى كانت ايدى مخرومة جدا دلوقت باقدر اتحكم فى نفقاتى بقدر الامكان

وده دليل على كلامك ان الانسان يقدر يتغير لكن بشرط انه يكون هو عايز يتغير فعلا

لكن ناس كتير بتستسلم وتقول ده طبعى ومش حاقدر اغيره وده غلط طبعا

جبتي الخلاصة يا جميل

بدون الرغبة في التغيير

لا يمكن أن يحدث أي تغيير

فالرغبة هي المحرك الأول لأي فعل

و الرغبة وحدها لا تكفي

و لابد من التخطيط الجيد

ثم التنفيذ

مع ضرورة وجود العزيمة و الصبر على التحديات حتى نصل إلى الهدف

الرغبة + التخطيط + التنفيذ + العزيمة = النجاح

كثير من الناس يكتفي بالرغبة

و عدد أقل يخطط لتنفيذ ما يرغب فيه

و عدد أقل يقوم بالتنفيذ فعلا

و عدد قليل جدا من يصبر على الصعاب و لا يرجع من منتصف الطريق حتى يصل إلى هدفه

و هؤلاء هم الناجحون

اللهم اجعلنا منهم يارب

اللهم ارزقنا الفلاح في الدنيا والآخرة

آمين

[عبير يونس]

The Four Deadly Money Mistakes

الأخطاء المالية الأربعة المميتة

دي تيلي سيمينار

للمؤلف تي هارف ايكر

و موجودة كملف صوتي للتحميل

و ده الرابط للي عايز يسمعهم مجانا على الموقع

http://www.deadlymoneymistakes.com/

و بإذن الله سأقوم بتفريغ المادة الصوتية و ترجمتها هنا

[rewsha]

موضوعك مهم ومفيد وجميل

متابعه باهتمام

منتظرة جزئية الاستثمار........ بشغف

[عبير يونس]

موضوعك مهم ومفيد وجميل

متابعه باهتمام

منتظرة جزئية الاستثمار........ بشغف

أشكرك يا روشة هانم

و متابعتك تشرفني يا جميل

ربنا ينفعك بكل ما فيه الخير لكي

آمين