الانبوبة بخمسة جنيه اللجنة الشعبية السلفية

[Simba]

والله انا شايف انها فكرة ممتازة

لما كل حركة شعبية مش السلفية بس تقدر تكسر السوق السوداء اللي بيسببها جشع التجار

https://www.youtube.com/watch?v=EWyrapg8PFQ&feature=related

[م تيمور المراغي]

الاخوان والسلفيين عارفين من اين تؤكل الكتف ,,

في الوقت اللي الليبراليين نازلين الشارع ببرامج توعية سياسية ومحو امية

هما داخلين دايركت على الزيت والتموين و انابيب البوتاجاز

والله مش بتريق وانا لو بتريق حقول بتريق

لكن حبيت الفت النظر قد ايه هما فاهمين راجل الشارع ومكمن متطلباته و اهتماماته وازاي تكسب صوته في الانتخابات

عاوز دين اديلو دين ,, عاوز انبوبه اديلو انبوبه ,, :happy:

لو حنتكلم جدا ,,

انا شايف ان التكامل بين التيارين الليبرالي والاسلامي حيفيد البلد اوي اوي اوي

لكن مين اللي يسمع ويشوف ويفهم ,,!

[MohamedAli]

الاعلام شوه السلفيين في غزوة الصناديق لكن هل هيتكلموا برده عن غزوة الانابيب :happy:

[pink rose]

اقسم بالله العظيم كنت داخلة اكتب يا ريت ما حدش ينط علينا و يتهمهم بانهم بيعملو كده لاغراض سياسية

و تراجعت و قولت اعمل بقول رسول الله فليقل خيرا او ليصمت

و خرجت من التوبيك الا و الاقي مداخلة الاخ اركتيكت

لا حول و لا قوة الا بالله

بجد الموضوع بقى غير محتمل

[جويرية]

خدمات المجتمع دي شئ مش جديد علي السلفيين

[Simba]

يا عم تيمور ما يصحش

كتف ايه وزيت ايه انت اصلا بتشوه صورة الليبرالين بكلامك ده لو هي دي نظرتهم لاي طائفة ولا اي حركة او مؤسسة تانية في المجتمع

المهم المصلحة العامة والناس الغلابة

وبعدين لا فيه انتخابات ولا فيه استفتاء علشان يشتروا اصوات حد

انا مع اي جماعة تعمل خدمات للناس ولازم كلنا نقدرها

انا لا مع سلفيين ولا ليبراليين ومع اي حد يخدم مصالح الناس

كمان دايما بروح الراعي الصالح لعيادة الاسنان في مصر ودكتور قسيس اللي بيعملي سناني

مش مهم اتجاهات الناس المهم اللي يخدم الناس

[م تيمور المراغي]

طيب ممكن نمرة السلفيين دول عشان لما اعوز اغير الانبوبه !

[أبوعمار]

الاخوان والسلفيين عارفين من اين تؤكل الكتف ,,

في الوقت اللي الليبراليين نازلين الشارع ببرامج توعية سياسية ومحو امية

هما داخلين دايركت على الزيت والتموين و انابيب البوتاجاز

والله مش بتريق وانا لو بتريق حقول بتريق

لكن حبيت الفت النظر قد ايه هما فاهمين راجل الشارع ومكمن متطلباته و اهتماماته وازاي تكسب صوته في الانتخابات

عاوز دين اديلو دين ,, عاوز انبوبه اديلو انبوبه ,, :happy:

لو حنتكلم جدا ,,

انا شايف ان التكامل بين التيارين الليبرالي والاسلامي حيفيد البلد اوي اوي اوي

لكن مين اللي يسمع ويشوف ويفهم ,,!

والله لو الأخوان والسلفيين وفروا للناس الزيت والتموين وأنبوبة البوتجاز يبقى جزاهم الله خيرا

يعني مش معقول ناس مش لاقية تأكل هاتستجيب لبرامج التوعية السياسية ولا حتى محو الأمية

يعني الأول غذاء ابطون وبعدين غذاء العقول يا هندسة ... عشان تشيل عن كاهل المواطن البسيط الهموم اللي شايلها بقاله سنين

بالنسبة للتكامل بين التيارين ...... غريبة انك تنادي بالتكامل مع تيار انت مش معترف بمبادئه؟؟؟

مش عارف ليه ملاحظ إن الفتنة اللي بين المسيحيين والمسلمين لما خلصت ... بقت الموضة حرب جديدة بين الأخوان والسلفيين من جهة والعلمانيين والليبراليين من جهة

ارحمونا ... يرحمكم الله

بالنسبة للجملة اللي بالأحمر ..؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!.. لا تعليق

[عطر الجنة]

فعلا اللى يعرفوا راجل الشارع من تغير السياسة هو شئ واحد

هل هو وجد نظام معيشى افضل فى حياته ام لا

انا شخصيا بشترى الانبوبة من الشارع ب 20 جنيه ووالله اخر مرتين يطلع القلاووظ اللى بيربطها بالمنظم متاكل

و اضطر اغيرها بدون استخدام اى 40 جنيه لم استفد بهم

اى حد يفيد الناس جزاه الله كل خير

و فعلا الجعان بطنه هى اللى بتفكر له

تحباتى

تم تعديل 4 يونيو 2011 بواسطة عطر الجنة

[pink rose]

معلش هاقول ملاحظة خارجة عن الموضوع

كل شوية رصيد المهندس اركتيكت بيقل من النقاط الخضراء في المنتدى و دا ملاحظ في التوبيكات الاخيرة اللي حضرته بيشارك فيها

دا بالظبط اللي بيحصل مع شباب ائتلاف الثورة كل يوم رصيدهم عند الناس بيقل في الفترة الاخيرة

تفتكروا إيه السبب ؟؟؟؟

في رأيي المتواضع

ان اللي وصلهم لكده بعدهم عن المصريين و الشارع المصري

هما في وادي على الفيس و تويتير و المنتديات و التليفزيونات و الجرائد

و الناس على ارض الواقع في الشوارع و البيوت في وادي تاني خالص

[Alshiekh]

والله انا شايف انها فكرة ممتازة

لما كل حركة شعبية مش السلفية بس تقدر تكسر السوق السوداء اللي بيسببها جشع التجار

http://www.youtube.com/watch?v=EWyrapg8PFQ

أولا أنا لم أسمع اى شخص قال ان السعر خمسة جنيهات ، الست شكرتهم قوي وقالت انهم كانوا بيبيعوا لهم الانبوبة بـ 25 جنيه ومنهم لله

ثانيا: هو الانابيب بتتباع ازاي؟

آخر حاجة كنت أعرفها قبل الغاز الطبيعي ان هناك مستودع لأنابيب البوتاجاز ، يستلم المتعهد الانابيب لبيعها إما تسلم المخزن أو بتوصيلها للمنازل.

الناس اللي انا شايفها دي انابيبهم في الشارع ، من يملك هذه الحمولة؟ وكيف نزلت في الشارع؟ وهل هناك متعهد؟ ام ان الانابيب اصبحت تباع بلا مسئولية ولا تأمينات ضد أخطار الحريق ؟ ولماذا تم انزال حمولة السيارة في الشارع ولماذا يتم نقلها لمسافة عشرون مترا؟ ولماذا التصوير أصلا؟ أم أن التصوير تم لاغراض أخرى؟

والاهم مفيش طوابير ليه ؟

[الغريب]

أولا أنا لم أسمع اى شخص قال ان السعر خمسة جنيهات ، الست شكرتهم قوي وقالت انهم كانوا بيبيعوا لهم الانبوبة بـ 25 جنيه ومنهم لله

لأ متقلقش يا أستاذ محمد الأنبوبة فعلا بـ 5 جنيه بس سمبا نسي يضع الجزء الثاني من الفيديو

http://www.youtube.com/watch?v=ruL3ls_4i_I&feature=player_embedded

ثانيا: هو الانابيب بتتباع ازاي؟

آخر حاجة كنت أعرفها قبل الغاز الطبيعي ان هناك مستودع لأنابيب البوتاجاز ، يستلم المتعهد الانابيب لبيعها إما تسلم المخزن أو بتوصيلها للمنازل.

الناس اللي انا شايفها دي انابيبهم في الشارع ، من يملك هذه الحمولة؟ وكيف نزلت في الشارع؟ وهل هناك متعهد؟ ام ان الانابيب اصبحت تباع بلا مسئولية ولا تأمينات ضد أخطار الحريق ؟ ولماذا تم انزال حمولة السيارة في الشارع ولماذا يتم نقلها لمسافة عشرون مترا؟ ولماذا التصوير أصلا؟ أم أن التصوير تم لاغراض أخرى؟

والاهم مفيش طوابير ليه ؟

لأ أنا أقولك :

الأنبايب بتوصل المستودع في تريلات كبيرة ، بعدين بياخدها البائعين المستغلين لبيعها بسعر مضاعف ، وأحيانا يتم سرقة التريلة الكبيرة وبيع محتوياتها بأسعار كبيرة .

ما فعله الشباب السلفيين هو تعاونهم مع المستودع لضمان توصيل الأنبوبة للمستهلك بسعرها المدعم 5 جنيهات..

أما سؤالك لماذا التصوير ؟؟

التصوير لأن في ناس كتيير وحشين دائما بيصوروا السلفيين أنهم ناس غير مفيدين للمجتمع ويعيشون في زمن آخر ، وكان السلفيين على الدوام لا يردوا على هؤلاء لأنهم يبتغون من عملهم وجه الله (نحسبهم كذلك) ولكن لما زادت الموجة في الفترة الأخيرة أضطر السلفيين أن يبرزوا خدماتهم التي يقدموها لمجتمعاتهم وأنهم ليسوا كغيرهم من الجالسين في الغرف المكيفة يسرقون المجتمع ويمصوا دمائه ثم يقولون نحن النخبة ولا نخبة غيرنا

على فكرة في أعضاء كتير هنا بالمنتدى كان لسان حالهم دائما أين السلفيين من معاناة الشعب المصري ، وأعتقد أن هذا الفيديو وغيره كثير يرد عليه

أيه رأي حضرتك في الخبر ده كمان :

الجمعية الشرعية تدخل مياه الشرب إلى 2069 منزلاً فى 17 قرية

[tarek hassan]

رصد |الاسكندرية| قافلة طبية للإخوان المسلمين للكشف والعلاج المجاني أول أمس الجمعة #RNN

[م تيمور المراغي]

و فعلا الجعان بطنه هى اللى بتفكر له

طب يا جماعة ما دام انتم مش قد النضال و بلاويه ,,

واجعين قلبكم وتاعبينا معاكم ليه بس !

عودوا بسلامة الله لبيوتكم ومصانعكم وحقولكم ومكاتبكم ,,

و سيبوا البهدلة والمعتقلات و الصدامات ووجع القلب للنشطاء من غير ما تقطاموهم او تكسروا مجاديفهم ,,

زي ماقال النبي الكريم ,,

كل ميسر لما خلق له

[eslam elmasre]

طبعا موقف السلفيين في هذا الكليب موقف مشرف واثبتوا انهم متفاعلون مع قضايا الوطن الحيوية ونشجعهم علي تلك الخطوة في هذا التوقيت الصعب الذي تمر به البلاد

كما اتذكر لهم اخر حادثة شاهدتها وهي قيامهم بحماية قسم المنتزة كدروع بشرية ليلة السادس والعشرين من مايو الماضي ليلة جمعة الغضب الثانية الفاشلة عندما حاول المنحرفون التمرد من داخل القسم ويعاونهم الخارجين علي القانون من الخارج فقام السلفيون بالتصدي لهم والدفاع عن قسم الشرطة

الحق يجب ان نقوله وكما انتقدناهم وشجبنا احداث الصقت بهم يجب ان نعطيهم حقهم في ما شاهدناه باعيننا

وهذا ما حذرنا منه القوي الثورية وقلنا كثيرا يجب ان تغازلوا الاغلبية الصامتة فهي الوحيدة القادرة علي حسم اي انتخابات قادمة

لا ترتكنوا الي ما حدث في الثورة لان الاحتفا بالقمة اصعب من الوصول اليها

[mustafagamiel]

مشعارف اقولك ايه ياباشمهندس الا ماقال الرئيس التونسي المخلوع

اسفي كبير وكبير جداا

حيرتني معاك بسي خد دي

والله لو صاحب المرء جبريل .. لم يسلم المرء من قال وقيلا

قد قيل فى الله أقوالاً مصنفهً .. تتلى إذا رتل القرآن ترتيلا

قد قيل أن له ولداً وصاحبهً ..زوراً عليه و بهتاناً وتضليلا

هذا قولهم فى الله خالقهم .. فكيف لو قيل فينا بعض ماقيلا

[Howayda Ismail]

والله انا شايف انها فكرة ممتازة

لما كل حركة شعبية مش السلفية بس تقدر تكسر السوق السوداء اللي بيسببها جشع التجار

http://www.youtube.com/watch?v=EWyrapg8PFQ

أولا أنا لم أسمع اى شخص قال ان السعر خمسة جنيهات ، الست شكرتهم قوي وقالت انهم كانوا بيبيعوا لهم الانبوبة بـ 25 جنيه ومنهم لله

ثانيا: هو الانابيب بتتباع ازاي؟

آخر حاجة كنت أعرفها قبل الغاز الطبيعي ان هناك مستودع لأنابيب البوتاجاز ، يستلم المتعهد الانابيب لبيعها إما تسلم المخزن أو بتوصيلها للمنازل.

الناس اللي انا شايفها دي انابيبهم في الشارع ، من يملك هذه الحمولة؟ وكيف نزلت في الشارع؟ وهل هناك متعهد؟ ام ان الانابيب اصبحت تباع بلا مسئولية ولا تأمينات ضد أخطار الحريق ؟ ولماذا تم انزال حمولة السيارة في الشارع ولماذا يتم نقلها لمسافة عشرون مترا؟ ولماذا التصوير أصلا؟ أم أن التصوير تم لاغراض أخرى؟

والاهم مفيش طوابير ليه ؟

اللى بيحصل مع الانابيب هو اللى بيحصل مع تنكات توزيع البنزين للمحطات وده سبب الازمة

حاجتين بيحصلوا اما الحمولة تتباع فى الطريق قبل المنفذ او جزء منها لشخص ما او مجموعة اشخاص

مقابل مبالغ مالية زيادة عن ثمن الحمولة تدفع للسائقين والجزء الاخر يصل المحطة او المستودع وطبعا لايكفى

او المتعهدين يوزعوا الانابيب وكذلك البنزين على فئات معينة يعرفونها لبيعها فى السوق السوداء

المشكلة ان مافيش رقابة لا من شركة الانابيب ولا من الحكومة والموضوع كله تحكمه البلطجة

عشرات ينتظرون عند المستودع يوميا وقليل منهم يحصل عليها بسعرها الرسمى والاخر يضطر يشتريها من

نفس المكان من اشخاص ب 10 و 15 جنيه

المشكلة فى منطقتى مش ظاهرة اوى لان معظمها بها غاز طبيعى وشركة الانابيب قريبة من المنطقة اللى بها

مستودعين كبار لكن مناطق كثيرة متوفر بها انابيب لكن باسعار مبالغ فيها

للاسف يااستاذ محمد الفوضى والبلطجة بقت تحكم كل شئ فى الشوارع من انابيب لمرور لجشع اسعار لحاجات كتير اخرى

والناس مغلوب على امرها محدش واقف جنبهم وبيضطروا للخضوع

بس انا حاسة انها ازمة مفتعلة فى اساسيات سواء بنزين او انابيب او خبز

الكارثة ان بعض الاهالى اشتكت من عدم توافر طعومات الاطفال الاساسية فى مكاتب الصحة ليه دلوقت بالذات ولاول مرة

من عشرات السنين بعد ماكانوا بيلفوا على البيوت يطعموا الاطفال دلوقت مش متوفرة فى مكانها الطبيعى

لمصلحة مين مايحدث من وراء تلك الازمات المتعمدة

[Howayda Ismail]

رصد |الاسكندرية| قافلة طبية للإخوان المسلمين للكشف والعلاج المجاني أول أمس الجمعة #RNN

الحقيقة يااستاذ طارق ان الاخوان مستمرين فى القوافل دى طوال العام بصورة دورية

كذلك معارض المواد الاستهلاكية والغذائية باسعار مخفضة

ومع بداية المدارس معارض مستلزمات المدارس من شنط وملابس واداوت دراسية بسعر التكلفة من مصنعها

وفى مواسم الاعياد

انا مش من الاخوان عشان اقول الكلام ده لكن ده باشوفه فى مناطق كتيرة هنا

بس زى مابنتكلم وننقد بعض تصرفاتهم الامانة تقتضى اننا نبرز اعمالهم الخيرية من مساعدة الفقراء

وفى زواج اليتامى وده سبب اكتسابهم حب الاهالى ودعمهم فى اى موقف سواء انتخاب او غيره

[Alattar]

و فعلا الجعان بطنه هى اللى بتفكر له

طب يا جماعة ما دام انتم مش قد النضال و بلاويه ,,

واجعين قلبكم وتاعبينا معاكم ليه بس !

عودوا بسلامة الله لبيوتكم ومصانعكم وحقولكم ومكاتبكم ,,

و سيبوا البهدلة والمعتقلات و الصدامات ووجع القلب للنشطاء من غير ما تقطاموهم او تكسروا مجاديفهم ,,

زي ماقال النبي الكريم ,,

كل ميسر لما خلق له

يعني انت يا عم تيمور سبت كل الردود..و كل الأخبار..ومسكت في الكلمة دي؟

يعني احنا هنا لما نقول يا جماعة كل المغتربين يحاولوا يشتروا الهدايا من مصر..و كله يحاول يحجز علي مصر للطيران..يبقي احنا سلبيين..ومالناش في النضال ولا تهمنا مصلحة البلد؟؟

قبل الاستفتاء..كلنا..وانت أولنا..كنا بنقول ان أي نتيجة احنا هنرضي بيها و نحترمها..و اللي يهمنا أن يجري الموضوع في جو ديمقراطي لم تشهده البلاد من قبل..وبعد الاستفتاء بدأت حملات التشهير..و ان اللي قالوا نعم دول فيهم و فيهم و فيهم..و بدأت تستخدم ألفااظ..زي خندق نعم و الكلام اللي مالوش أي لازمة..ولا له أي معني غير التفرقة بين أبناء الوطن..هي دي الديموقراطية و احترام الرأي الآخر؟؟

و دلوقتي أي حاجة يعملها السلفيين أو الاخوان تبدأ تشكك فيها علطول..وكأنك كشفت عن قلوبهم و علمت نواياهم..و أنها ليست حسنة؟

وبعدين هو النضال من وجهة نظرك يا تيمور هو الصدام و السجن فقط؟؟..وبناء البلد و التيسير علي الفقراء الذين للأسف الشديد أصبحوا يمثلون الغالبية العظمي من سكان مصر..ده مالوش دعوة بالنضال و الكفاح من أجل الارتقاء ببلدنا الحبيبة؟

تم تعديل 4 يونيو 2011 بواسطة Alattar

[masraweya]

نقاط سريعة ..

لا أحد يستطيع الحكم على نية آخر

نحتاج ان نتعاون و نتكامل لا التنابز و التفتيش عن النوايا و التصنيف

بالفعل قوى كثيرة لا تريد الخير لنا .. مصلحتهم ان نظل ضعفاء تابعين

المهم .. ماذا سنفعل نحن؟ .. نقدم مصر على طبق من فضة أم نجمع شملنا؟

تحية صادقة لكل من يحاول حل مشاكل المصريين و بناء البلد