الانبوبة بخمسة جنيه اللجنة الشعبية السلفية

[م تيمور المراغي]

و فعلا الجعان بطنه هى اللى بتفكر له

طب يا جماعة ما دام انتم مش قد النضال و بلاويه ,,

واجعين قلبكم وتاعبينا معاكم ليه بس !

عودوا بسلامة الله لبيوتكم ومصانعكم وحقولكم ومكاتبكم ,,

و سيبوا البهدلة والمعتقلات و الصدامات ووجع القلب للنشطاء من غير ما تقطاموهم او تكسروا مجاديفهم ,,

زي ماقال النبي الكريم ,,

كل ميسر لما خلق له

يعني انت يا عم تيمور سبت كل الردود..و كل الأخبار..ومسكت في الكلمة دي؟

يعني احنا هنا لما نقول يا جماعة كل المغتربين يحاولوا يشتروا الهدايا من مصر..و كله يحاول يحجز علي مصر للطيران..يبقي احنا سلبيين..ومالناش في النضال ولا تهمنا مصلحة البلد؟؟

قبل الاستفتاء..كلنا..وانت أولنا..كنا بنقول ان أي نتيجة احنا هنرضي بيها و نحترمها..و اللي يهمنا أن يجري الموضوع في جو ديمقراطي لم تشهده البلاد من قبل..وبعد الاستفتاء بدأت حملات التشهير..و ان اللي قالوا نعم دول فيهم و فيهم و فيهم..و بدأت تستخدم ألفااظ..زي خندق نعم و الكلام اللي مالوش أي لازمة..ولا له أي معني غير التفرقة بين أبناء الوطن..هي دي الديموقراطية و احترام الرأي الآخر؟؟

و دلوقتي أي حاجة يعملها السلفيين أو الاخوان تبدأ تشكك فيها علطول..وكأنك كشفت عن قلوبهم و علمت نواياهم..و أنها ليست حسنة؟

وبعدين هو النضال من وجهة نظرك يا تيمور هو الصدام و السجن فقط؟؟..وبناء البلد و التيسير علي الفقراء الذين للأسف الشديد أصبحوا يمثلون الغالبية العظمي من سكان مصر..ده مالوش دعوة بالنضال و الكفاح من أجل الارتقاء ببلدنا الحبيبة؟

لولا انك العطار ماكنتش رديت عليك ,,

انا قلت كل ميسر لما خلق له

رب الاسرة يجري على اكل عيشه

ربة المنزل تشوف ولادها وتطعمهم وتربيهم

العامل في مصنعه

الفلاح في حقله

المدرس في فصله

المناضل ينزل يدغدغ الظالم ويجيب راسه الارض ويهديهم الحرية

انتوا يا عطار زي ماقلت قبل كده خلطتم الامور كها ببعضها

فيه حد صحاب قضية يتخى عنها عشان جعان !

ده كلام يتقال !

يعني اسيب بنتي بتتعاكس واطلع البيت عشان جعان !

والا اروح شغلي عشان الاوفر تايم ما يضييعش !

البلد ماشية في طريق غلط

لازم تصحيح مسار كل شوية من الحقوقيين والنشطاء والثوار والمناضلين عشان اللي ماسكينها دلوقتي بيتباطؤا وبيعتقلوا وبيسجنوا وبيحاكموا عسكريا

اللي قد البهدلة ينزل معانا ونجيب حقها ونكمل الطريق

مالكش في البهدلة خليك معزز مكرم

انا لما اقول لمراتي في خناقة اطلعي انتي فوق يبقى بصونها مش بتريق عليها

بلاش النية السودا دي في كل حرف اكتبه !

[م تيمور المراغي]

بس انا حاسة انها ازمة مفتعلة فى اساسيات سواء بنزين او انابيب او خبز

الله ينور عليكي ,,

تفتكروا مين اللي لاهي الناس في لقمة عيشها

رغم ان اللي كانوا ماسكين قبل كده طلعوا منها عشرات المليارات والمفروض النزيف توقف خلاص ,,

يعني الفايض ده يظهر بقى ويبان عليه الامان

ولا لسه فلول النظام مستمرة في اماكنها وكانك يا بوزيد ما غزيت !

[spain]

معلش هاقول ملاحظة خارجة عن الموضوع

كل شوية رصيد المهندس اركتيكت بيقل من النقاط الخضراء في المنتدى و دا ملاحظ في التوبيكات الاخيرة اللي حضرته بيشارك فيها

دا بالظبط اللي بيحصل مع شباب ائتلاف الثورة كل يوم رصيدهم عند الناس بيقل في الفترة الاخيرة

تفتكروا إيه السبب ؟؟؟؟

في رأيي المتواضع

ان اللي وصلهم لكده بعدهم عن المصريين و الشارع المصري

هما في وادي على الفيس و تويتير و المنتديات و التليفزيونات و الجرائد

و الناس على ارض الواقع في الشوارع و البيوت في وادي تاني خالص

مش كل اللي بيقول من شباب الثورة ...بيقي من شباب الثورة

ولا كل قط ....يتقاله يا مشمش

--------------

شباب الثورة الحقيقي هو اللي زرع البذرة في الارض البور

وهو اول واحد شافها بتنبت قدامه

هما مش بعدوا عن الشارع

هما حلموا بالحلم الحقيقي (جابوا من الاخر حرية وعدالة ) وحاليا هما في كواليس اعمال كتير بتحصل في مصر

في وقت كانت ومازالت احلام الناس انبوبة ورغيف عيش

تم تعديل 4 يونيو 2011 بواسطة spain

[Om Zayd]

الازمات الموجودة حاليا .. كثير منها "مكرر" و اسبابه معروفة

ليه لسة بتحصل؟ .. لان لسة الدولة ليست قوية

و ده بيدي فرصة للفاسدين الصغر

دورنا ايه؟

نواجههم قد ما نقدر و نبوظ خططهم اللي مكشوفة جدا اصلا

أشترك في تحية كل من لا يكتفي بالنقد .. و يشمر و يشتغل

جزاكم الله خيرا

[أبو محمد]

والله انا شايف انها فكرة ممتازة

لما كل حركة شعبية مش السلفية بس تقدر تكسر السوق السوداء اللي بيسببها جشع التجار

http://www.youtube.com/watch?v=EWyrapg8PFQ

أولا أنا لم أسمع اى شخص قال ان السعر خمسة جنيهات ، الست شكرتهم قوي وقالت انهم كانوا بيبيعوا لهم الانبوبة بـ 25 جنيه ومنهم لله

ثانيا: هو الانابيب بتتباع ازاي؟

آخر حاجة كنت أعرفها قبل الغاز الطبيعي ان هناك مستودع لأنابيب البوتاجاز ، يستلم المتعهد الانابيب لبيعها إما تسلم المخزن أو بتوصيلها للمنازل.

الناس اللي انا شايفها دي انابيبهم في الشارع ، من يملك هذه الحمولة؟ وكيف نزلت في الشارع؟ وهل هناك متعهد؟ ام ان الانابيب اصبحت تباع بلا مسئولية ولا تأمينات ضد أخطار الحريق ؟ ولماذا تم انزال حمولة السيارة في الشارع ولماذا يتم نقلها لمسافة عشرون مترا؟ ولماذا التصوير أصلا؟ أم أن التصوير تم لاغراض أخرى؟

والاهم مفيش طوابير ليه ؟

أستاذ "محمد"

إسأل الباشمهندس أسامة حيقولك .. إحنا وصل بينا الحال إننا نشحت البوتاجاز من قطر

ووصل بينا الحال إن - وأنا شاهد عيان - أن يقف البلطجية أمام مخازن الأنابيب ، وبمجرد وصول الحمولة .. السيوف والسنج تطلع وهم اللى ياخدوا الأنابيب

بالسعر الرسمى

[Alattar]

انتوا يا عطار زي ماقلت قبل كده خلطتم الامور كها ببعضها

فيه حد صحاب قضية يتخى عنها عشان جعان !

ده كلام يتقال !

يعني اسيب بنتي بتتعاكس واطلع البيت عشان جعان !

والا اروح شغلي عشان الاوفر تايم ما يضييعش !

فين في كلامي يا تيمور اني قلت كده..أنا كل اللي قلته..انه شيء كويس اننا نهتم بمشاكل شريحة..أصبحة و للأسف شريحة كبيرة جدا في مجتمعنا..اذا كنت أنا مثلا عندي في البيت غاز طبيعي و لله الحمد..مش معني كده اني ما أشوفش معاناة الناس دي..و أحاول بقدر المستطاع اني أساعدهم..وقلت ان ده نوع من أنواع النضال..

البلد ماشية في طريق غلط

لازم تصحيح مسار كل شوية من الحقوقيين والنشطاء والثوار والمناضلين عشان اللي ماسكينها دلوقتي بيتباطؤا وبيعتقلوا وبيسجنوا وبيحاكموا عسكريا

اللي قد البهدلة ينزل معانا ونجيب حقها ونكمل الطريق

و ايه اللي يمنع مع كل الكلام ده يا تيمور..اننا برضه نشوف الناس محتاجة ايه و نعمله؟..مش أحسن ما الناس دي تيجي في يوم تكره اليوم اللي قامت فيه الثورة؟

وبعدين ايه اللي مصحيك لحد دلوقتي؟؟..انت ماعندكش شغل الصبح ولا ايه؟

تم تعديل 5 يونيو 2011 بواسطة Alattar

[Ahmed Anwer]

علي نفس المنوال و الخط ، شباب الأخوان المسلمين

-----------------------------------------------------------------------------

شباب الإخوان يبيعون الأرز بسعر التكلفة (صور)

كتب :عبد الناصر الحجرى

فى تجربة جديدة وبعد نجاح تجربة توزيع اسطوانات الغاز بالقابوطى ونظراً للغلاء المستمر وارتفاع الاسعار قام شباب الإخوان المسلمين بشعبة العرب يوم الجمعة وعقب الصلاة بقافلتين لتوفير الارز وبيعه بأسعار مخفضة أمام مسجد الفردوس بحى السلام وأخرى بطريق الزهور أمام سوق على ، وقام الاهالى بالثناء على ما يقوم به الإخوان من دور للمساهمة فى فى رفع الغلاء عنهم وشكروا لهم تواجدهم المستمر بينهم متمنيين لهم التوفيق .

المصدر ،، و الصور

http://www.ansarportsaid.net/art.php?id=19&art=7545

[dongol]

طيب ممكن نمرة السلفيين دول عشان لما اعوز اغير الانبوبه !

يا ريت حضرتك ما تنساش تطلب الكود الدولي و انت بتطلب النمرة

[Om Zayd]

السلام عليكم و رحمة الله و بركاته

الديموقراطية يجب ان تاتي من اسفل

نصح رئيس الوزراء التركي، رجب طيب أردوغان، وفد شباب ثورة 25 يناير بأن الديمقراطية يجب أن تأتي من أسفل، أي أن يتم الاهتمام باحتياجات الناس أولا، بمعنى أن يتم إعطاء الأهمية القصوى للبنية التحتية التي يستفيد منها الشعب، بما يعني البدء من المحليات وتطويرها حتى تبنى الديمقراطية على أسس سليمة.

وذكرت مصادر تركية، اليوم الاثنين، أن أردوغان التقى بعض الوقت وفد شباب الثورة الذي يزور تركيا حاليا، على هامش مؤتمر جماهيري حاشد في إسطنبول أمس الأحد، في إطار الحملة الانتخابية لحزب العدالة والتنمية، استعدادا للانتخابات البرلمانية التي ستجري يوم "الأحد" المقبل.

وقالت المصادر: إن أردوغان أكد لشباب الثورة أن السياسي الناجح لا بد أن يتحلى بالخلق القويم وبالأمانة والنزاهة، وأن يكون موضع ثقة الناس، مشيرا إلى أن الرسول صلى الله عليه وسلم عندما دخل المدينة المنورة كسب قلوب غير المسلمين من النصارى وغيرهم، ولم يتحقق له ذلك عن طريق استخدام السلاح، أو لأنه يحمل صفة أنه نبي، وإنما لكونه محمدا الإنسان الذي يتصف بالأمانة.

ونبه أردوغان شباب الثورة بأن يصنعوا تجربتهم الخاصة، نظرا لأن لكل دولة خصوصياتها التي تنفرد وتتميز بها عن الدول الأخرى، مع التأكيد بأنه ليس هناك ما يمنع من النظر إلى تجارب الآخرين والاستفادة منها.

وأكد أردوغان أن التجارب الديمقراطية لا يمكن استنساخها أو نقلها حرفيا من بلد إلى آخر، لكن يمكن لكل دولة أن تنظر إلى النماذج الموجودة في دول أخرى، وأن تستفيد من بعض جوانبها بما يتناسب وظروفها.

وكان وفد شباب الثورة، الذي وصل إلى إسطنبول، يوم الجمعة الماضي، التقى الرئيس عبد الله جول، السبت الماضي، كما التقى رئيس فرع حزب العدالة والتنمية الحاكم في إسطنبول، ورئيس غرفة تجارة إسطنبول، وزار، أمس الأحد، مقر منظمة المؤتمر الإسلامي، ثم انتقل إلى أنقرة، اليوم الاثنين، لإجراء بعض اللقاءات ومشاهدة سير الاستعدادات للانتخابات البرلمانية.

[ام سلمي]

بالفيديو..السلفيون يوفرون رغيف الخبز للفقراء

تناقل عدد من مستخدمى مواقع التواصل الاجتماعي على الانترنت "فيديو" يظهر عدد من شباب الدعوة السلفية بمنطقة الهرم، قام بتوفير رغيف الخبز للأهالي بخمسة قروش فقط ، وهو ما أثار حالة كبيرة من الفرح لدى سكان المنطقة.

اقرأ المقال الأصلي علي بوابة الوفد الاليكترونية

http://www.youtube.com/watch?v=HqUyt__OSTU&feature=player_embedded

[tarek hassan]

تتوالى غزوات السلفيين الخيرية في مساعدة أهالي مصر في المناطق الفقيرة ، بعد أن قام الإخوة السلفيين في الهرم مجددا بعمل توزيع لرغيف العيش بسعر خمسة قروش فقط .. وذلك بعد حملة محاربة الغلاء وحملة توزيع الأنابيب جزاهم الله خيرًا

تم تعديل 8 يونيو 2011 بواسطة tarek hassan

[الغريب]

أعتقد أن ما يفعله هؤلاء الشباب المصري

كان يفترض أن يفعله النائمون في غرف المحليات

لابد أن تحل هذه المجالس المحلية الحزب وطنية اليوم قبل غد لأن من مهماتها ضبط وصول السلع للمواطنين

شكرا للشباب السلفي الذي هو جزء من الشباب المصري المقاتل لضبط إيقاع المجتمع على كافة المستويات ..

[tarek hassan]

السلفيون يوفرون الخبز للفقراء ليس هذا هو العمل الخيري الوحيد الذي يقوم به السلفيون وإنما لهم أعمال خيرية كثيرة منتشرة في كل مكان

والمشكلة ليست في محليات الحزب الوطني فقط ولكن في كل من يتولى القيام بعمل فيطوع هذا العمل لمصلحته الشخصية ويتخلى عن أصل عمله وهو خدمة المواطنين

ثانيا : لابد من التركيز على أولئك القاعدون الخاملون الذين يعتقدون أنهم يخدمون بلدهم بالتشكيك في هذا وتخوين ذاك وإثارة القلاقل من العاملين على مصلحة البلاد دون أن يكون لهم أي عمل إيجابي على أرض الواقع

ومش بعيد يوجهوا النقد للسلفيين بأنهم يخلطون الخبر بالدين

تم تعديل 8 يونيو 2011 بواسطة tarek hassan

[محمد عبدالعزيز]

أعتقد أن ما يفعله هؤلاء الشباب المصري

كان يفترض أن يفعله النائمون في غرف المحليات

لابد أن تحل هذه المجالس المحلية الحزب وطنية اليوم قبل غد لأن من مهماتها ضبط وصول السلع للمواطنين

شكرا للشباب السلفي الذي هو جزء من الشباب المصري المقاتل لضبط إيقاع المجتمع على كافة المستويات ..

عندنا مجلس أمناء فى مدينة من المدن الجديدة, تم انتخابه بحرية بعد الثورة, وهم يقومون بعمل المجلس المحلى فى المحافظات, ويقومون بتوزيع الأنابيب لحل الأزمة, والآن يقومون بعمل مناقصة لاختيار جهة تقوم بتوصيل الخبز للمنازل حتى يحفظوا للمصريين كرامتهم.

ومنهم بالطبع أعضاء ينتمون للتيار الدينى وآخرون لا ينتمون له, ولكنهم يعملون جميعاً كمجلس أمناء وليسوا محسوبين على جهة معينة ويقومون بالدعاية لها كما يتم الآن.

هناك حقوق للمواطن المصري يجب أن يحصل عليها بكرامة, لا أن يتم استخدامها فى الدعاية السياسية بهذا الشكل.

أتمنى أن أجد الوقت لأفتح موضوعاً جديداً نتحدث فيه عن الفرق بين النشاط السياسى والنشاط الخيرى, وماهو دور كل منهما فى المجتمع.

[الغريب]

وليسوا محسوبين على جهة معينة ويقومون بالدعاية لها كما يتم الآن.

لا أن يتم استخدامها فى الدعاية السياسية بهذا الشكل.

ظلم كبير أن نتهم الشباب القائمين على هذه المبادرات بأنهم يقومون بالدعاية لهم أو الدعاية السياسية على حد وصفك

الخدمات الإجتماعية فعل معتاد من التيار الديني في مصر ولا أظنه أنه يفعله من قبل الدعاية أو ما إلا ذلك وإلا لما أمتدت هذه الأعمال على مدار عقود عديدة

العمل الخيري والخدمات الإجتماعية من صميم الأعمال الشرعية التي يقوم التيار الديني عليها

وهذه مشاركة سابقة لي في الموضوع عن نفس الأمر

أما سؤالك لماذا التصوير ؟؟

التصوير لأن في ناس كتيير وحشين دائما بيصوروا السلفيين أنهم ناس غير مفيدين للمجتمع ويعيشون في زمن آخر ، وكان السلفيين على الدوام لا يردوا على هؤلاء لأنهم يبتغون من عملهم وجه الله (نحسبهم كذلك) ولكن لما زادت الموجة في الفترة الأخيرة أضطر السلفيين أن يبرزوا خدماتهم التي يقدموها لمجتمعاتهم وأنهم ليسوا كغيرهم من الجالسين في الغرف المكيفة يسرقون المجتمع ويمصوا دمائه ثم يقولون نحن النخبة ولا نخبة غيرنا

على فكرة في أعضاء كتير هنا بالمنتدى كان لسان حالهم دائما أين السلفيين من معاناة الشعب المصري ، وأعتقد أن هذا الفيديو وغيره كثير يرد عليه

أيه رأي حضرتك في الخبر ده كمان :

الجمعية الشرعية تدخل مياه الشرب إلى 2069 منزلاً فى 17 قرية

[محمد عبدالعزيز]

الأخ الفاضل الغريب,

لم أتهم هؤلاء الشباب جزاهم الله كل خير, والله أعلم بنيتهم وجزاؤهم عند ربهم بإذن الله, واتمنى أن يكون العمل خالصاً لوجه الله تعالى وأن يجزيهم عليه الجزاء الأوفى.

أنا فقط أعترض على استخدام هذا العمل الخيرى - وأى عمل خيرى من أى طرف آخر وليس من التيار الدينى فقط - فى الدعاية السياسية, لأن ذلك يمثل إهانة للعمل الخيرى وإهانة للمواطن الذى يستفيد منه.

ولو أن هناك بعض الأمور يجب ألا تترك للعمل الخيرى, وأن تكون بخطط وبرامج حكومية يستفيد منها جميع المواطنين بالعدالة والكرامة.

تحياتى لك, وربنا يعين كل الشباب المخلص الوطنى فى عمل الخير.

[الدكتورة أم أحمد]

ولماذا التصوير أصلا؟ أم أن التصوير تم لاغراض أخرى؟

لأن هناك أصحاب غرض ومرض وحقد أسود يقلبون الأمور بالكذب والزور والبهتان

كمثل ما جاء في جريدة اليوم السابع

تفاقمت مشكلة البوتاجاز والسولار فى مختلف المحافظات، واستغلت مافيا الأسطوانات الأزمة لتحقيق مكاسب خرافية على حساب محدودى الدخل، حيث وصل سعر الأنبوبة إلى 50 جنيهاً فى بعض المحافظات، كما هدد أعضاء شعبة البوتاجاز بالغرفة التجارية بالإسكندرية بإغلاق مستودعاتهم بسبب مطاردة السلفيين لسيارات البوتاجاز والاعتداء على سائقيها، لاعتقادهم أنهم السبب فى الأزمة، مما تسبب فى فقدان عدد كبير من

الأسطوانات.

http://www.youm7.com/News.asp?NewsID=416265&

وبعد غزوة الأنابيب السالفة كانت غزوة الخبز للسلفيين أيضا

دعاء من القلب لكل من يعمل على رفع المعاناة عن شعب مصر

http://www.youtube.com/watch?v=wE3PylKoNSw

[abobakr]

والله انا لسه برد لكن الأخ محمد عبدالعزيز قال اللي كنت عاوز اقوله

يا جماعة ده واجبنا كلنا اننا نعمله ونشارك فيه

وبجد شكرا جداا للاخوان والسلفيين انهم بيعملوا اي حاجة من دي

لكن المشكلة في استخدامها كدعايا ليهم كده خرجت من عمل تطوعي وخير وبقى رياء

كده فعلا بيثبتوا لناس كتير ان هدفهم سياسي وكل حاجة بيعملوها لهدف سياسي

وعلى رغم اعتراضي على اسلوب المهندس تامر بس اغلب الناس وانا منهم هايكون رايي من رايه وده سبب من اسباب اعتراضي على الاخوان المسلمين

سؤال لاي حد هايدخل ويقولي انت بتنتقد الاخوان والسلفيين كده كده وان هدفهم خيري

احنا زمان انتقدنا بتوع الحزب الوطني لما كانوا بيبيعوا الطماطم ب اتنين جنيه وهيا بعشرة عشان الانتخابات واكيد انتوا كمان كنتوا معانا بتنتقدوهم

ياريت يا جماعة اي عمل خيري وتطوعي مش يستخدم كدعايا

[لونا]

إنما الأعمال بالنيات و إنما لكل امريء ما نوى

صدق رسول الله صلى الله عليه و سلم

[abaomar]

السلام عليكم

الاخوه الكرام جزاكم الله خيرا

.

و بعدين بقى مع السلفيين دول ..مش هايبطلوا الحركات دى

غزوه الخبز

http://www.youtube.com/watch?v=gazvCMx4dws&NR=1

خللى النخبه قاعده فى التكييف يتفلسفوا و يتناقشوا فى حل المشاكل..و فى الاخر ما بيعملوش اى حاجه غير الكلام فقط .

تم تعديل 8 يونيو 2011 بواسطة abaomar