فكر قبل ما تهاجر

[afadly]

إلى أى شاب مسلم يفكر فى الهجرة

أنا مهاجر (سابق) إلى أمريكا و أعتقد أنى كنت ناجح جداً و مع ذلك قررت أرجع بعد ما أدركت المساوئ الكثيرة للهجرة

الحياة فى الدول الغربية كشرب الخمر, تتمتع بها أثناء الشرب لكن تحس بالصداع بعد ما تصحو من النوم

مع أن الفرص و المال كثيرة و غير ذلك الحياه السهلة و إحترام الناس فإن هناك عيوب كثيرة منها:

1- هذه المزايا تجعل الأنسان بعد فترة يعتاد الحياة هناك و يبدأ فى حب الناس (الكفار) و عاداتهم

2- كثرة رؤية المعاصى تجعلك تعتاد عليها و لا تنكرها, مثلا سيكون معك شواذ فى العمل و لآنهم محترمين و تعاملهم كويس شوية شوية يبقى الموضوع عادى

3- تربية الأولاد على القيم صعب جداً و أو يكاد يكون مستحيل, كنت أعرف ثلاث عائلات الأب و الأم مسلمين و الأبناء نصارى أو بدون دين

4- عملك فى هذه البلاد إعانة للإقتصاد هناك و هم يحاربون المسلمين فى كل أنحاء العالم

5- غالباً لن تستطيع الإلتزام بالدين, لأنك ستتعامل بتعملاتهم مثل الربا, قروض البنوك, الشركة التى ستعمل بها, إلخ

و ستجد نفسك شيئاً فشيئاً تتحول لشخص آخر (مسخ) لست منهم و لست كما كنت

[suavemente]

إلى أى شاب مسلم يفكر فى الهجرة

أنا مهاجر (سابق) إلى أمريكا و أعتقد أنى كنت ناجح جداً و مع ذلك قررت أرجع بعد ما أدركت المساوئ الكثيرة للهجرة

الحياة فى الدول الغربية كشرب الخمر, تتمتع بها أثناء الشرب لكن تحس بالصداع بعد ما تصحو من النوم

مع أن الفرص و المال كثيرة و غير ذلك الحياه السهلة و إحترام الناس فإن هناك عيوب كثيرة منها:

1- هذه المزايا تجعل الأنسان بعد فترة يعتاد الحياة هناك و يبدأ فى حب الناس (الكفار) و عاداتهم

2- كثرة رؤية المعاصى تجعلك تعتاد عليها و لا تنكرها, مثلا سيكون معك شواذ فى العمل و لآنهم محترمين و تعاملهم كويس شوية شوية يبقى الموضوع عادى

3- تربية الأولاد على القيم صعب جداً و أو يكاد يكون مستحيل, كنت أعرف ثلاث عائلات الأب و الأم مسلمين و الأبناء نصارى أو بدون دين

4- عملك فى هذه البلاد إعانة للإقتصاد هناك و هم يحاربون المسلمين فى كل أنحاء العالم

5- غالباً لن تستطيع الإلتزام بالدين, لأنك ستتعامل بتعملاتهم مثل الربا, قروض البنوك, الشركة التى ستعمل بها, إلخ

و ستجد نفسك شيئاً فشيئاً تتحول لشخص آخر (مسخ) لست منهم و لست كما كنت

بصراحة مفيش زى بلادنا العربية ... مع كل عيوبها لكن مفيش زى الاهل و الاصحاب ... لكن ده ممكن كان فى الستينات أو السبعينات ... لكن هى مصر مفيهاش أنحلال ؟؟ أفتح موقع أسمه www.bing.com و أعمل بحث عن الجنس العربى ... و حضرتك هتشوف اشكال و الوان .. ايشى واحدة مع واحد فى الاسانسير .. اتنين على سلم الكلية ... و خد من ده كتير و بالعبيط و فى منهم (ناس كفار) و فى منهم ( ناس مش كفار)

عندك السعودية مثلا" مشهورة بأكبر نسب أكتئاب نفسى فى العالم كله نتيجة الكبت الجنسى و عندهم شذوذ جنسى أكتر من اللى فى الولايات المتحدة ... على الاقل فى امريكا لو حد جه ناحية أبنك الصغير و لا بنتك الصغيرة بيبقى أسمه Child Molester و بيروح فى داهية ... لكن فى السعودية الجميلة بيعملوا كدة مع الاطفال ... ولا نسينا الدكتور المصرى اللى أغتصبوا أبنه الطفل و لما جه يشتكى أتجلد و أتبهدل ... تفتكر ده كان يحصل فى بلاد الناس الكفار ؟؟!!!

[alaashabana]

مش عارف اللى بيعمل موضوع جديد ويقوع عيوب الهجرة .. يا سيدى الفاضل كل الناس هنا متعلمين ومثقفين وواعين وفاهمين اية الصح واية الغلط .. وعلى رأى دكتور تهامى سكة الجوامع موجودة وسكة الدعارة موجودة وانت اللى بتختار .. يعنى ملهوش لزوم تفتح موضوع جديد وتقول عيوب الهجرة وكذا وكذا . انت مش عاوز تهاجر خلاص متهاجرش ولا هاجرت واتبهدلت او كنت سعيد وفى الاخر اكتشفت ان الهجرة مش كويسة خلى الناس كمان تجرب ولا يعنى هو حلال ليك وحرام عليهم .. مع احترامى ليك انا شايف ان مفيش داعى انك تفتح موضوع وتحطم احلام ناس ختى لو بالكلام.. خلينا نجرب ونحلم يا سيدى يمكن ربنا يكرمنا .. واللى ينطبق عليك مش شرط ينطبق على غيرك صوابعك مش زى بعضها ..

سلام

[malekmalooka]

مش عارف اللى بيعمل موضوع جديد ويقوع عيوب الهجرة .. يا سيدى الفاضل كل الناس هنا متعلمين ومثقفين وواعين وفاهمين اية الصح واية الغلط .. وعلى رأى دكتور تهامى سكة الجوامع موجودة وسكة الدعارة موجودة وانت اللى بتختار .. يعنى ملهوش لزوم تفتح موضوع جديد وتقول عيوب الهجرة وكذا وكذا . انت مش عاوز تهاجر خلاص متهاجرش ولا هاجرت واتبهدلت او كنت سعيد وفى الاخر اكتشفت ان الهجرة مش كويسة خلى الناس كمان تجرب ولا يعنى هو حلال ليك وحرام عليهم .. مع احترامى ليك انا شايف ان مفيش داعى انك تفتح موضوع وتحطم احلام ناس ختى لو بالكلام.. خلينا نجرب ونحلم يا سيدى يمكن ربنا يكرمنا .. واللى ينطبق عليك مش شرط ينطبق على غيرك صوابعك مش زى بعضها ..

سلام

مع احترامي الشديد لرأي حضرتك بس مش لازم اللي يفتح موضوع يبقى عشان يشكر في كندا و يقول عنها احلى كلام و بس,لازم الواحد يعرف اراء كل الناس و لازم يسمع الرأي و الرأي الاخر و يحترم الاتنين,عشان لما تسافر تكون عارف كل اللي ممكن تقابله,انا واحده بعد ما سافرت ايقنت ان كندا مش هيه الجنه و لا مصر هيا النار

[moheltohamy]

من حق أي حد يقول العيوب اللي شافها ، وكنا اتكلمنا على المقاط دي في توبيك اسمه "كندا وحشة"...

وطبعاً كندا مش الجنة ومليانة عيوب. بس زي ما قالتها الزميلة malekmalooka وقالها من قبل د. هشام إبراهيم إن لا كندا جنة ، ولا مصر جهنم.

وأنا مقتنع إن اللي يقول العيوب هناك كلامه أهم من اللي يقول المميزات ، ع الأقل عشان نتحسب ليها ، ونعمل حسابها من بدري.

وطبعاً من حق أي حد يقول اللي شايفه ، طالما كان الحوار موضوعي ومنطقي. بس يا ريت لو تقدري تقوليلنا إيه السلبيات اللي شفتيها في كندا ، يمكن في كيبيك على ما أعتقد. لو تحبي تناقشيها طبعاً.

[shawshank]

أنا شايف إن موضوع الهجرة ده ورأي اللي عايش في مصر في مقابل رأي اللي مهاجر ممكن في كتير من الأحيان ينطبق عليه:

The grass is always greener on the other side of the fence

بيحصل كتير إن الواحد بيشوف مزايا الطرف الآخر أكتر ما بيشوف مزاياه هو، وبيشوف عيوبه هو أكتر ما بيشوف عيوب الطرف الآخر. لأن كتير من الناس بيبحث طول الوقت عن السعادة والحياة الهانئة. وبيكون متصور إنها أكيد موجودة، والوصول ليها يتطلب البحث عنها جغرافيًا، لأنها مرتبطة بمواقع جغرافية معينة على الأرض. الحلم والأمل الكبير في تلك السعادة والحياة الهانئة ممكن يخلق في الذهن الصورة اللي يتمناها صاحبها عن المكان الحلم ده وليس عما هو موجود فعلاً في الواقع، وبعدين يسقط تلك الصورة على مكان بعينه. وممكن تنتصر العواطف دي على العقل، فالأمل الكبير والحلم يطغيان على فهم وتحليل مدخلات العقل. الكلام ده ينطبق مثلاً على مصري سمع عن كندا ونظامها وسهولة الحياة فيها، وينطبق على كندي سمع عن مصر وحضارتها وجمال شعبها، وينطبق على مكسيكي سمع عن أمريكا وفرص العمل والحياة فيها، وينطبق على أمريكي سمع عن المكسيك وبساطة الناس والحياة فيها. كتير من الناس بيبص على اللي ناقصه هو مش اللي عنده، وطول الوقت يبحث عن اللي ناقصه ده. لكن أنا شايف إنه يستحيل واحد ياخد كل حاجة. يعني لو أخدت اللي ناقصك، لازم هتضحي بحاجة من اللي معاك.

في رأيي هي في النهاية كلها دنيا، مثلما قال أستاذنا الفاضل الدكتور/ moheltohamy، فلا مصر جهنم ولا كندا جنة ... ولا أي مكان على الأرض جنة ولا جهنم. هي كلها دنيا ينطبق عليها كل ما ينطبق على الدنيا. لكن الأمل لابد من وجوده مهما عملنا، وطول الوقت هيفضل الوضع كده: كتير من الناس حاسس إنه ناقصه كتير، وعايز اللي ناقصه. لأنه بدون كده وبدون الأمل قد تتوقف حركة الحياة.

تم تعديل 12 ديسمبر 2011 بواسطة shawshank

[alaashabana]

احترام الرأى الاخر واجب على كل واحد ودة الفكر السليم بس دة لو كان فية {اى اخر .. يعنى انا مثلا موجود فى دبى .. لو لاقيت ناس بتتكلم عن دبى انها وحشة وانها كذا وكذا هدخ واقولهم مميزاتها وعيوبها وحضرتك اللى تشوف ايهما افضل بالنسبة لحالتك هل تتقبل العيوب وتقدر تعيش ولا هل مش هتقدر تتقبل العيوب..؟ وهل العيوب اللى موجود فى اى بلد فى الغربة اكتر من العيوب اللى فى بلدك الاصل ولا لأ؟؟ لكن انا بستغرب من اللى بيدخل ويقول كندا وحشة ويا ايها المسلمون مش عارف اية الكلام دة يعنى مفيش كلام مفيد اقدر استفيد منه غير انها بلد الكفر وانها كذا وكذا .. طيب ما تجيب امثلة واضحة او مواقف واقعية نقدر نستفيد منها ومش نقع فى الاخطاء اللى حضرتك وقعت فيها .. وبكدة انت استفدت وخليت غيرك يستفيد واى واحد هو اللى يقرر ساعتها انها يهاجر ولا يتغرب ولا لأ .. موضوع الدكتور تهامى بيتكلم عن كل حاجة فى كندا وفى السلبيات والايجابيات حتى فى موضوعه الاخير بيتكلم عن الحاجات الوحشة وبكل وضوع ساعتها ممكن الواحد يفكر هل ممكن اتأقلم مع العالم دة واقدر ازيد من ايمانى واربى اولادى فى هذا المجتمع ام لأ .. والاهم من كدة كل بلد فى الدنيا فيها مميزات كتير وعيوب كتير واللى بيتغرب او بياهجر بيبقى عارف من الاول انه هيضحى بحاجة فى سبيل الحصول على حاجة تانية وبالتاكيد تكون الافضل..

ناس كتير تقول ان دبى بلد فيها جنس فى الشوارع وفيها كذا وكذا .. كلام مظبوط بس اللى يدور لان حضرتك مش هتلاقيها فى الشارع العام او فى الهاى واى .ز يعنى حضرتك هتلف وتسال وتعرف الشوارع الداخلية علشان توصل للاماكن دى وفى نفس الوقت هتلاقى اماكن فيها ما شاء الله جوامع منورة من على بعد كيلو وتقول سبحان الله على الباء والروعه ..

يعنى اللى عاوز اقولة ان اللى ينطبق عليك مش بالطبع هينطبق على غيرك.. انت راجل طالع من بيتكم عارف ربنا وبتخاف من الله يبقى والله لو حتى فى اسرائيل وعايش فيها هتخاف من ربنا .. اللى بيخاف يغضب ربنا بيخاف فى اى ماكن وفى اى زمان .. يعنى مش مرتبطة ببلد معينة ..

لكن انا مش ضد اللى يفتح مواضيع يقول عيوب اى بلد مهما كانت لكن اللى يقول عيوب ويسكت ومش يجيب امثلة واقعية نستفاد بيها يبقى لما اخذة احنا بنعمل اشاعات وبنصدقها .. يعنى حصل معاك حدث واقعى استفدت منه احكية وخلى غيرك يستفيد ويدعيلك كمان .. لكن ملهوش لزوم نقول اة صح كندا وحشة ومصر حلوة او الهجرة وحشة يا مسلمين ..

كل اللى بيفكر يهاجر عارف انه هيتعب كتييير اوى .. اذا كان من اول ترتيب الاوراق وارسالها متعب بما فية الكفاية امال الحياة هناك هتبقى عاملة ازاى... بس فى النهاية مع الصبر والاجتهاد اكيد هنرتاح . ومش شرط فى كندا فى اى مكان فى العالم طول ما فية صبر وثقة فى الله سبحانه وتعالى اكيد ربنا هيكرمنا.. اتمنى اكون وضحت قصدى فى الكلام دة واتمنى بجد نبطل نحطم فى بعض حتى لو بالكلام البسيط ..انا واحد من الناس احلم واموت واسافر كندا وازعل لو انا دعيت عليها وحد قال امين .. زى ما انا موجود فى دبى وزهقان منها اكيد فية ملايين غيرى بيتمنوا يعيشوا فى دبى ويشتغلوا اى حاجة ساعتها هروح اقولهم لا لا دبى وقرفة .. يمكن تكون مقرفة بالناسبالى انا لانى عيشت فيها سنين وشوفت فيها الكويس والوحش ..يمكن بقول ان دبى نص العالمية او بمعنى اصح حصلت على نص الأدمية لكن علشان احس انى بنى ادام كامل ومعايا جميع الحقوق يبقى لازم اكيد هنبص على البلاد اللى فى الدرجة الاولى زى كندا امريكا استراليا ..

لكن لو لاقيت حد بيقول انا نفسى اسافر دبى مش هروح جنب ودنة واقوله لا لا دى بلد فيها جنس وبلد مقرفة وبلد كذا وكذا وكذا .. بالعكس هقعد معاه واقولة من اول ما دخلت البلد لغاية امهاردة واحكيلة من الواقف الحلوة والوحشة علشان يبقى متوقع الحياة مش اكتر ولا اقل .. متوقعها بالحلو والوحش .. وادعيلة ربنا يوفقك يمكن يكون رزقة فى البلد دى احسن من رزقى هو حد عارف ربنا كاتب لينا اية .. ودائما وابدا صوابعك مش زى بعدها ..

ارجوا من صاحب الموضوع يتقبل احترامى وكلامى واتمنى انه لو عندة بعض المخاوف او العيوب الى هو شافها فى كندا يقولنا عليها من امثلة ووقائع حقيقية علشان نستفيد .. لكن مش افتح موضوع وبعد كدة بح فص ملح وداب ومش بيرجع تانى والناس تزعل منك .. مع احترامى لكل الاعضاء وربنا يكرم جميع الملسمين فى كل بلاد العالم

[malekmalooka]

من حق أي حد يقول العيوب اللي شافها ، وكنا اتكلمنا على المقاط دي في توبيك اسمه "كندا وحشة"...

وطبعاً كندا مش الجنة ومليانة عيوب. بس زي ما قالتها الزميلة malekmalooka وقالها من قبل د. هشام إبراهيم إن لا كندا جنة ، ولا مصر جهنم.

وأنا مقتنع إن اللي يقول العيوب هناك كلامه أهم من اللي يقول المميزات ، ع الأقل عشان نتحسب ليها ، ونعمل حسابها من بدري.

وطبعاً من حق أي حد يقول اللي شايفه ، طالما كان الحوار موضوعي ومنطقي. بس يا ريت لو تقدري تقوليلنا إيه السلبيات اللي شفتيها في كندا ، يمكن في كيبيك على ما أعتقد. لو تحبي تناقشيها طبعاً.

استاذ moheltohamy قبل اي حاجه احب اشكر حضرتك على مساعدتك لينا و ردك على كل اسألتنا الكتيره قبل السفر و نصائحك اللي كلنا بنستفيد منها,انا فعلا ناويه اكتب كل انطبعاتي عن كندا بس الفكره ان انا لسه جايه هنا من فتره قصيره جدا و عايزه ابدأ اكتب لما اكون كونت صوره صح عن كندا,لاني حاسه اني متأثره بالغربه و الاختلافات الكتير فمش شايفه غير الوحش ,دعواتك لينا