مسلسل قطع الطريق

[se_ Elsyed]

يعني يا أم زياد إحنا من ساعتها بنتفرج على مسلسل غلط

جينا نتفرج على مسلسل قطع الطريق أتفرجنا على مسلسل البرج المخالف ( الذي لم يحصل على موافقة الصحة والزراعة وشئون البيئة )

ولا مكنش مسلسل دا كان فيلم الحقيقة فيه مظهرتش إلا آخر دقيقة

مش عارف أمتى الإعلام هينقلنا الحقيقة كاملة من أول دقيقة ويوفر علينا كل القيل والقال

فعلا

حسبنا الله ونعم الوكيل

هو احنا هنا بنتكلم عن إن البرج مخالف ولا البرج مايل ولا مطابق لمواصفات الأيزو ؟

يعني لو البرج مخالف .. يقوم اهالي البلد بدل ما يتجمعوا حواليه ويعبروا عن رفضهم لوجوده ... لا يروحوا معطلين مصالح 150 الف مواطن وخسائر لا حصر لها وعزل جنوب مصر كله ومش مهم حد بيمتحن او حد مريض او اشغال الناس او السياحة أو أو او ؟

-----------

عفواً ... ولإنها حكومة فوزية نواعم ... فبالتالي لازم كل 4 ساعات نلاقي حاجه زي :

بالفيديو.. عمال "المترو" يشلون حركة القطارات بمحطة السادات

الإثنين، 6 يونيو 2011 - 19:22

عمال "المترو" يشلون حركة القطارات

شهدت محطة مترو السادات حالة فوضى عامة بسبب اعتصام العاملين بالشركة داخل المحطة فى اتجاه حلوان، وقام المعتصمون بقطع الطريق وشل حركة التشغيل بالمحطة، وإحداث تكدس مستمر بها بعد تزايد أعداد المشاركين فى الاعتصام، وانحصار أعداد الصرافين المتواجدين على شبابيك حجز التذاكر.

وقام المعتصمون بإيقاف حركة القطارات بالخطين بسبب عدم الاستجابة لمطالبهم المتمثلة فى رحيل المهندس محمد شيمى رئيس الشركة، وتجميد نشاط الشركة وإعادة وضعها لما كانت عليه عندما كان جهاز تشغيل تابعاً لهيئة السكك الحديدية، معلنين تخوفهم من إلغاء الدرجات المالية المعينين عليها فى حالة استمرار كيان الشركة.

أقسم بالله لو أنا في موقع مسئولية لأنزل قوات تربط المعتصمين دول وتحطهم تحت المترو ويعدي عليهم .. لإن ببساطة ده إفساد في الأرض

بقى هي دي اهداف الثورة اللي قامت عشاننا كلنا ؟

بقى أي واحد له طلب مشروع أو غير مشروع يروح مولع في الدنيا ؟

هل حد متصور يعني إيه محطة رئيسية وملتقى وتفرع لعدة محاور يحصل فيها كده لمجرد إني أسمع واحد طالع على التليفزيون يقول لازم يشيلوا رئيس مجلس الإدارة ؟

-----------------

أكلمكم أكتر عن الثورة المضادة ؟

من الأمس قام سكان عشوائيات مدينة السلام بنصب خيام أمام مبنى الأذاعة والتليفزيون وجابوا عيالهم وبوابيرهم وحمامتهم - في الشارع طبعاً - وتمترسوا في شارع كورنيش النيل امام مبى ماسبيرو في منظر أقل ما يوصف بإنه قذر لإن منهم ناس ناموا بعرض الطريق لمنع مرور السيارات في الإتجاهين

واليوم أيضاً شارع مجلس الوزراء إتقطع تماماً بثلاث إعتصامات

ما هذا ؟ والبلد تشتغل إمتى عشان تحقق مطالب هذا وذاك وهؤلاء ؟

وأين تفعيل قانون البلطجة وتعطيل المرافق العامة ؟

وما علاقة ذلك كله بحرية التعبير عن الرأي المكفولة للجميع ؟

وأين المجلس العسكري ومجلس الوزراء ؟

وما علاقة ذلك كله بضبط النفس وعدم الرغبة فيالإحتكاك المباشر بالغاضبين ؟

خلاص مش عاوز تحتك يبقى سيبها تولع لحد ما تحل نفسها بنفسها

[se_ Elsyed]

لسه ما كملتش كلامي

الجيش ينقذ سيارة تحمل إجابة امتحانات الدبلومات الفنية أمام ماسبيرو

الإثنين، 6 يونيو 2011 - 20:26

تجمهر المئات من أسر المعتصمين بمخيمات السلام أمام مبنى الإذاعة والتلفزيون بماسبيرو، حول سيارة نقل تحمل كراسات إجابة امتحانات الدبلومات الفنية القادمة من محافظة البحيرة، وتتبعها سيارة شرطة لحراستها أثناء جولتها على مدارس وتوزيعها كراسات إجابة الامتحانات.

يأتى ذلك بعد إغلاق الطريق بالأسلاك الشائكة من قبل المتظاهرين بطريق كورنيش النيل للمطالبة، بحصولهم على وحدة سكنية وتجاهل المسئولين لهم بعد تمكن أحد أفراد الشرطة بإزالة الأسلاك لمرور السيارة.

تدخلت الشرطة العسكرية ورجال الشرطة لإنقاذ الموقف خوفا من تعدى المتظاهرين على سيارة الشرطة وتلك التى تحمل كراسات إجابة الامتحان الدبلومات الفنية ، وتم فتح الطريق أمامها.

[tarek hassan]

مع أننا كلنا بننكر ما حدث ويحدث من فوضى في مداخلاتنا السابقة ورجاء ترجع إليها

ولكن بعض الأخوة الأفاضل وضحوا إن المجلس العسكري واقع بين شقي رحى والظاهر إنه هنج مننا

لو فض اعتصام بالقوة أو اعتقل حد هتشوف كلام عن الاعتقال والتعذيب والحاجات اللي حضرتك ذكرت أشياء منها اليوم

ولو سكت هو اللي بيقود الفوضى لحاجة في نفسه وهذا ليس كلام حضرتك فقط ولكن البعض يردد ذلك

فقام مهنج وسابها تحل نفسها زي واحد قريبنا

تم تعديل 6 يونيو 2011 بواسطة tarek hassan

[se_ Elsyed]

مع أننا كلنا بننكر ما حدث ويحدث من فوضى في مداخلاتنا السابقة ورجاء ترجع إليها

ولكن بعض الأخوة الأفاضل وضحوا إن المجلس العسكري واقع بين شقي رحى والظاهر إنه هنج مننا

لو فض اعتصام بالقوة أو اعتقل حد هتشوف كلام عن الاعتقال والتعذيب والحاجات اللي حضرتك ذكرت أشياء منها اليوم

ولو سكت هو اللي بيقود الفوضى لحاجة في نفسه وهذا ليس كلام حضرتك فقط ولكن البعض يردد ذلك

فقام مهنج وسابها تحل نفسها زي واحد قريبنا

ما هي دي مصيبة يا طارق

الأيدي المرتعشة لا تعمل يا عزيزي

وإذا هما ما عملوش وخافوا من الكلام الناس .. يبقى نروح لمين ونحاسب من ؟

وبعدين نرجع مروجعنا للُب الموضوع ... هو إيه مافيش وسط ؟

يعني يا ندب في الناس وأعتقالات بالجُملة وهتك عرض البنات المحترمين واخد العاطل في الباطل ..

يا نسيب الدنيا سبهلله والبلطجة هي اللي تحكم الشارع وكل اللي عنده طلب خاص يقوم نازل يحتل الشارع وياخده لحسابه ؟