منتخب مصر..يفشل في التأهل لكأس أفريقيا..يادي الفضيحة

[طارق مصرى]

يا سيدي كده أحسن

بصراحة الأيام الجاية عايزين نركز في حاجات تانية كتير أهم من الكورة

الكورة نفعتنا قبل كده بانها كانت الشيء الوحيد اللي بيفرح المصريين ويخرجهم من بيوتهم ينطلقوا في الشوارع والميادين

بس دلوقتي احنا بنخرج كل شوية للميادين بدون الحاجة للكورة

مظبووووووط

[aboamar]

اهو نوفر المليون جنيه

[pink rose]

زي ما قال الريس ..منتخب مصر كويس

ايه داااااااااااااا

انتي ما عرفتيش

مش الشعار اتغير

بقى زي ما قال الريس ............ سجن طرة كويس

اما عن الماتش هههههههههه

فا الصراحة ما عرفتش ان في ماتش اصلا الا من التوبيك دا

عموما انا فعلا مش زعلانة ابدا بالعكس فرحانة

يمكن دا يكون سبب في ان القائمين على ما يسمى رياضة يتطبق عليهم الاعلان انسف حمامك القديم

الطقم دا كله لازم يختفي و يروحوا يقعدوا في بيوتهم اكرم لهم

و يا سلام يا سلام و دا حلم بجد و يارب يتحقق

تختفي من حياة المصريين البرامج الرياضية

زي الكورة مع دريم و ملعب دريم و مش عارفه ايه كده مع شوبير

كل دا كان همه اضاعة وقت المصريين و اشعال حروب تافهة

[ابراهيم عبد العزيز]

السلام عليكم ورحمة الله وبركاته

فى الحقيقة يا اخ العطار على قدر حزنى كمصري لفشل منتخب مصر فى الصعود للكان لأول مرة منذ 30 عاما , إلا أننى لا سعيد بنفس قدر حزنى لهذا الخروج

لأننا الان فى مصر عندنا ما هو اهم ألف مرة من كرة القدم

ولا نريد ان تعود كرة القدم كمخدر للشعب المصرى عن متابعة أحوال مصر والتحول الديموقراطى فيها

وعسى أن تكرهوا شيئا وهو خيرا لكم