هل إنتقاد المجلس العسكري هو عمل مُشين ؟

[se_ Elsyed]

منتهى البلطجة

ومنتهى البرود والدلع لا مؤخذه من المجلس العسكري الحاكم اللي ساب الموضوع ده يحصل مره وإتنين وتلاتة لحد ما بقى يحدث بشكل يومي .. وأي واحد مش عارف يدخل الحمام بقى يطلع يقطع الطريق اللي قدام بيتهم ... لدرجة وصلنا إن طرق شرم الشيخ وسيناء كلها أستولى عليها البدو تماماً وكل يوم يقطعوا الطرق عشان يطالبوا بالأفراج عن تجار مخدرات أو قتلة ..

على سبيل المثال وللأسبوع الثاني على التوالي يتم إقتحام مستئفى العريش ... الأسبوع الماضي لتهريب متسللة أرتيرية حرس الحدود أُصيبت لما لم تستجب لأوامر حرس الحدود بإيقافها لمنعها من التسلل إلى اسرائيل عن طريق الصحراء .. فاصابوها وتم نقلها الى المستشفى وتم تهريبها تحت وابل من النيران ووسط حراسة الشرطة المستكينة المكسورة الجناح

وبالأمس أقتحم مجموعة من البدو نفس المستشفى وأختطفوا شخص مصاب من قبيلة أخرى لإن بينه وبينهم ثأر ... وسط حفاوة بالغة من الشرطة والجيش اللي بقوا نواعم وبقوا يتخضوا من منظر الرصاص

----------

حادث العياط هو إمتداد لما حدث في قنا

فنحن الأن في أيام إختبارات أخر العام ... وهناك الكثير من الطلبة ياتون من محافظات الصعيد القريبة من القاهرة .... ولكي نعرف حجم المأساة فإن 150 الف حجز في القطارات القادمة والمتوجهة إلى الصعيد قد تم إلغاءها .. يولع الناس بجاز ... ناهيك عن مئات من السياح المسافرون إلى الأقصر وأسوان .....

وما زاد في البلطجة التي لا ألومهم على الأطلاق .. لإن في ظل تراخي المجلس العسكري لاهداف معينة في نفسهم .... يحق للجميع أن يفعل ما يشاء .... وما زاد في تلك الأمور إنهم قطعوا الطريق البري أيضاً .. ونحن نعرف جميعاً إن العياط هي مدخل القادم من الصعيد .. ومخرج الذاهب إلى هناك بعد محافظة الجيزة ..

وتعيش وتاخد غيرها يا سي مجلس ...

[tarek hassan]

وما زاد في البلطجة التي لا ألومهم على الأطلاق .. لإن في ظل تراخي المجلس العسكري لاهداف معينة في نفسهم ....

ما هي هذه الأهداف المعينة التي في أنفسهم رجاء أن تطلعنا عليها لو سمحت لو كنت مطلعا على ما في ضمائر الناس

ويبدو أنك تأثرت بعملية التخوين المنظمة للقوات المسلحة في هذه الأيام من بعض المزايدين على المجلس الأعلى للقوات المسلحة

تفتكروا إيه موقع الثورة المضادة من الأعراب ؟

شيء خطير ومشين فعلا إنك تتهم المجلس بقيادة الثورة المضادة

تم تعديل 6 يونيو 2011 بواسطة tarek hassan

[se_ Elsyed]

وما زاد في البلطجة التي لا ألومهم على الأطلاق .. لإن في ظل تراخي المجلس العسكري لاهداف معينة في نفسهم ....

ما هي هذه الأهداف المعينة التي في أنفسهم رجاء أن تطلعنا عليها لو سمحت

أنظر الكتاب صفحة :

1- إزاي البلطجية بتوع موقعة الجحش عدوا بالحصنة والجمال والبغال والحمير من بين الدبابات ومن فوقها ومن تحتها ؟ إيه كانوا لابسين بردعة الأخفا ؟

2- أرجع بالذاكرة ورا وشوف هجوم البلطجية على ميدان التحرير بالمولوتوف وأسلحة القنص .. والجيش كان واقف يتفرج وده أكتر يوم سقط فيه ضحايا وقعدوا يمكن يوم كامل يطحنوا في شاب التحرير ... إفتكرت يا طارق ؟

3- انظر الكتاب صفحة الأنفلات الأمني اللي مش مسئولة عنه الداخلية .. لان الجيش دلوقت هو اللي بيحكم .... وتكرار الهجوم على اقسام الشرطة والمستشفيات وقطع الطرق اليومي و و و و و و و ؟

4- أنظر الكتاب صفحة 9 مارس وكشف عُذرية البنات المعتقلات الواقعة لم يتم إنكارها ... ما خدتش بالك من دي كمان ؟

5- أنظر الكتاب صفحة المحاكمات الهزلية لمبارك ومراته ... ما عندكش الله يخليك خبر عن القسطرة بتاعت سوزان وصلت لفين دلوقت يعني في قسطرة ولا ما فيش ولا إي بالظبط ؟ أو حالة الإكتئاب اللي جت لمبارك وبقى حالته النفسية وحشه يا ضنايا ؟

6- أنظر الكتاب صفحة تأجيلات كوميدية يومية لمجرمي جهاز الشرطة اللي متورطين في قتل الشهداء بدم بارد ... عندك فكرة إن في بعضهم لسه في الخدمة ويشغل مناصب رفيعة زي فاروق لاشين ؟ تفتكر في كده في الدنيا واحد يبقى متهم بجريمة قتل ومع ذلك يبقى في الخدمة عادي في الزبادي ويتقاضى راتباً كمان .. تصدق بالله ؟ بتوع الجيزة إتحولوا لمحكمة الجُنح .. أه والله .. زيه زي حرامي الغسيل .. تخيل يا طارق ؟

7- يا طارق بيه من أول أمبارح في 70 قطار واقف على القضبان والصعيد إتعزل عن مصر ... سواء عن طريق القطارات اللي الناس البلطجية اللي هناك ولعوا في فلنكات السكة الحديد ومازالت النار مشتعله هناك ... وقطعوا الطريق البري والعربيات ولاشاحنات متكدسة على الطرقات ... أزيدك من الشعر بيت ؟ عارف بتوع قنا عملوا إيه كمان في الازمة اللي فاتت ؟ قطعوا الطريق النهري كمان ؟

يبقى دي دولة يحكمها مجلس عسكري ... ولا مجلس أُنس وفرفشة سعادتك ؟

8- انظر الكتاب مرة أخرى ومعليش هارجعك لذكريات مؤلمة .. عن 120 بلطجي فقط تم إلقاء القبض عليهم في معركة الجمل والتحرير .... تقدر تقول لي هما فين ومين هما ... عندك فكرة ؟ كل اللي تفضلوا علينا به إنهم قالوا إن إتحكم عليهم ما بين 5 إلى 7 سنين .. تخيل ؟ في جرائم قتل شوفناها كلنا على الهواء ...

أضحكك بقى ؟

اللي بيتمسك بمطواه دلوقت بيوصل الحكم عليه لـ 15 سنة .. تخيل ؟

حتى لو كانت قصافة بيقص بها ضوافره

9- انظر الكتاب صفحة " نعم للدستور بدايرة خضرا .. والـ لا تبقى كوخه بدايرة سودا ومعفنه " طب الـ 77 % لهم كل الأحترام والجيش قال إنهم أختاروا الأستقرار .. أستقرار إيه سعادتك ؟ اللي هو عندنا ولا في دولة تانية ؟

10 - أخطر ما في الموضوع .. حتى أمس والتصريحات الرسمية من المجلس العسكري بتقول " لا يُمكن حل المجالس المحلية إلا بحكم محكمة وبالقانون " سلامات يا قانون هههههههههه

52 الف بلطجي يعيثون في الأرض فساداً ويقول لك قانون ؟

طب إنت في مصر يا طارق بيه ... شاور لي على إنجاز للمجالس المحلية من 25 يناير لحد دلوقت .. بلاش قبل التاريخ ده ؟

الأمر الأخطر ... الأخ اللواء النعماني بتاع وزارة المحليات بيقول لسه أمبارح أو اول وسمعته بوداني بيقول : لأ لأ دول مش كلهم حزب وطني " ههههههههه قول وكتاب الله ؟ يعني المفروض نحترمهم ونعمل لهم تماثيل من الشموع السوداء

أقول لك الموقف ده بيفكرني بإيه ؟

بزيكو العجيب الشهير بزكريا عزمي اللي قعد ييجي شهرين حراً طليقاً يٌمارس الأسكواش عصراً في نادي هليوبوليس ... وفي الصباح يذهب عادي جداً إلى قصر العروبة لتدمير أي مستندات تدين مبارك وتدينه ... ولما نفذ المهمة بنجاح باهر .. قالوا له أخ نسينا ... أكتشفنا إن عندك تضخم في البروستاتا .. قصدي في الثروة ..

تخيل المتحدث الرسمي يقول إحنا ما نقدرش نقبض عليه ليه .. ساعتها يعني ؟

أه والله يا عم طارق ولا لك عليه يمين : أصله موظف حكومي ولا يُمكن فصلة إلا بالقانون

لوووووووووووولي

ده على أساس إن سيده وتاج راسه مبارك كان موظف ظهورات .. أو بالقطعه أو رئيس موسمي .. محترف عندنا يعني وعشان كده خلعناه بسهولة

-----------

احكي لك بلاوي تاني يا عم طارق ولا بعد الغدا عشان يجيلك نفس تاكل ؟

[se_ Elsyed]

وما زاد في البلطجة التي لا ألومهم على الأطلاق .. لإن في ظل تراخي المجلس العسكري لاهداف معينة في نفسهم ....

ما هي هذه الأهداف المعينة التي في أنفسهم رجاء أن تطلعنا عليها لو سمحت لو كنت مطلعا على ما في ضمائر الناس

ويبدو أنك تأثرت بعملية التخوين المنظمة للقوات المسلحة في هذه الأيام من بعض المزايدين على المجلس الأعلى للقوات المسلحة

تفتكروا إيه موقع الثورة المضادة من الأعراب ؟

شيء خطير ومشين فعلا إنك تتهم المجلس بقيادة الثورة المضادة

بلاش الكلام الكبير ده يا طارق .. مُشين ومُشير وأمشير

إقرا تعليقي اللي فوق الله يرضى عليك ورد عليه واحده واحده

وأرجع لكل موضوعاتي للإشادة بمواقف معينه للمجلس

وتذكر يا عزيزي

إن دي بلدنا ... وإن لا يوجد أحد فوق النقد المحترم

خد دي قبل ما أروح اتغدا وأجيلك ..

مش في ثورة قامت في مصر ؟

حلو الكلام

اتحدى ثم أتحدى .. لو في الميزانية الجديدة يا طارق المجلس العسكري سمح بالأفصاح عن مخصصات الجيش كام أو مرتبات الناس اللي فوق

وأنا أهو وإنت أهو

[elrasy]

فعلا كان فى حوار من كام يوم على قناة التحرير فيما معناة ان سبب الانفلات الامنى هو عدم وجود ارادة سيادية

[tarek hassan]

أنصحك يا أستاذ أحمد أوعى بعد كده تقعد مع الجماعة دول

وأنت خدت مننا شوية نقاط خضراء علشان قلت لن تكون المحاورات مكانا للهجوم على الجيش تسمح ترجعهم بقى علشان التشكيك الغير منطقي اللي أنت بتقوله ده ده

يا أستاذنا الفاضل أنا قلت لحضرتك مش بالتخمين يكون التخوين

ضروري اللي يتكلم في أمور زي كده يكون شاف ويكون نظر وشاهد ومعاه الدليل حتى يكون شاهدا عدلا وليس راء كمن سمعا من هنا أو هناك

نحن لا نبني أحكاما على مجرد الحدس والظن والتخمين وإنما تبنى الأحكام وخاصة الخطيرة على الرؤية البصرية اليقينية المجردة

ما مصلحة الجيش في كل ما تقوله ؟ الجيش لو كان عايز ينحاز لمبارك كان انحاز على الأقل هربه لما كان مطلبنا فقط إنه يرحل يعني يمشي فقط

هناك فوضى مقصودة وعيال مدربة على إنها تصعب مهمة الجيش والشرطة وعدم عودة النظام ليس من مصلحة الجيش إنما من مصلحة المعطلة المختلقون للذرائع للتأجيل ...... والمنقلبون على الشرعية وأصحاب المصالح الشخصية

9- انظر الكتاي صفحة " نعم للدستور بدايرة خضرا .. والـ لا تبقى كوخه بدايرة سودا ومعفنه " طب الـ 77 % لهم كل الأحترام والجيش قال إنهم أختاروا الأستقرار .. أستقرار إيه سعادتك ؟ اللي هو عندنا ولا في دولة تانية ؟

هو دا السبب في نتيجة الـ 77.2 نعم

مازال البعض يوحي إليك بأن الشعب عبيط وعيال صغيرة بريالة واختاروا نعم علشان هي خضرا وساب لا علشان هي كوخه سودا والسلفيين واقفين بره يقولوا أوعى يا حبيبي تختار لا علشان هي كوخة

تم تعديل 6 يونيو 2011 بواسطة tarek hassan

[se_ Elsyed]

هذه بلدي .. وليست عزبة قطاع خاص

ومن حقي أتكلم عن أي حاجه وكل حاجه ملتزماً بأدب الحوار

من حقي إني ما اشوف تأليه لأي جهة أو شخص مرة أخرى مثلما فعلنا مع حكامنا السابقين

من حقي ما اسمعش إن أنهار مصر بتجري من تحت الحاكم فقط .. وإنه يُرينا ما يرى ... وإنه سوبرمان وعفريت بيفهم في كل حاجه

من حقي ما أسمعش : إنت بتنتقد سياسات الحاكم ؟

سنتك سوخه ووقعتك طين

زي ما عملوا لأول مرة في تاريخ مصر .. حتى ما حصلش في تاريخها الأسود أيام مبارك ..

والباشا اللوا قائد الشرطة العسكرية قدم بلاغ في 3 رؤساء محكمة ..ونزلوهم من على المنصة وهما بيحكموا بين الناس بالعدل .. ليه وليه عشان إنتقدوا القضاء العسكري وقالوا : إزاي يتحاكم مدني أمام المحاكم العسكرية ؟ وفي ثانية إتحولوا للتحقيق والتفتيش القضائي

في حين المجرم قاعد في شرم الشيخ هو ومراته وله كثير من الأعوان منتشرين في مصر - انظر الكتاب صفحة عاطف عبيد رقم 63 .. والصفحة اللي بعدها صفحة يوسف والي - ... وفي بطنهم بطيخة صيفي إنهم مستحيل يتحاكموا ....

لما أنا وطارق بيه وكل مصري أسمع عن إقتراض مليارات الدولارات متغمسة بالذل عشان نخرج من أزمتنا .. في حين إني مش عارف مخصصات الجيش في الميزانية كام وليه .. يبقى من حقي أتكلم

لما أسمع دلوقت حالاً بوداني وزير المالية بيقول : إن فوائد الدين الداخلي والخارجي في موازنة العام الجديد 2011/2012 بلغت

أمسكوا اعصابكم في ناس هنا عندها عيال عاوزه تربيها وخايف عليهم من الضغط والشوجار

بلغت يا حضرات 110 مليار جنية

فوائد بس واجبة الدفع

يبقى من حقي أتكلم

لما أسمع اللوا عبد الرحمن شاهين بيقول : على الرئيس الجديد أن يوضح موقفه من الجيش ووضع الجيش ...

يبقى من حقي اتكلم لإننا كده رايحين في نموذج مش ظريف يكون الرئيس فيه خيال مآته .. والجيش بيحكمنا من وراء الستار وكل شوية يفكروه ويقولوا له : عقلك في راسك .. ونزولنا الشارع قبل كده قدامك .... وخليك ظريف

لما أشوف إعلاميين بيتحولوا للتحقيق أمام النيابة العسكرية في لمح البصر عشان لمحوا فقط بأنتقاد للمجلس العسكري اللي ممنوع الأقتراب أو التصوير

يبقى من حقي أتكلم

لما أشوف عك إداري قدامي وعجن مالوش لازمه وتوريطات أخرى ...

زي

مدينة زويل للعلوم والتكنولوجيا

لا يُمكن أن ننكر أنها عمل عظيم ونقلة حضارية حلمنا بها طويلاً حتى هرمنا و و و و و و و

لكن

دعونا نتذكر إن الطريق إلى جهنم مفروش بالنوايا الطيبة

فلما أسمع 100 مرة في اليوم إن السيد المشير متحمس جداً وقابل زويل وكان مزقطط من الأنبساط وأمر بفتح حساب بنكي في كل بنوك مصر رقم 10001000 لأستقبال التبرعات لإنشاء المدينة

لكن ييجي في نهاية الخبر ... وسيتم الإنتظار حتى إنتخاب مجلس الشعب للموافقة النهائية على المشروع

يبقى كده عك وعفواً ناس مالهاش في الملوخية

طب فرضنا إفتراض واحتمال واحد على الالف إن مجلس الشعب رفض المشروع بالأغلبية وقال مثلاً : ميزانية المشروع ممكن نوجهها في التعليم الفني والصناعي زي كوريا هايبقى أفضل وأحسن لمصر

يبقى إزيك بجا ؟

ووضع الفلوس اللي إتلمت على حس السبوبة هايبقى إيه ؟

إيه حكمدار العاصمة هايوجه نداء للسيد أحمد إبراهيم القاطن بدير النحاس إنه ييجي ياخد فلوسه تاني عشان بطلنا مدن علمية ؟

[ابوهنا]

وما زاد في البلطجة التي لا ألومهم على الأطلاق .. لإن في ظل تراخي المجلس العسكري لاهداف معينة في نفسهم ....

ما هي هذه الأهداف المعينة التي في أنفسهم رجاء أن تطلعنا عليها لو سمحت

أنظر الكتاب صفحة :

1- إزاي البلطجية بتوع موقعة الجحش عدوا بالحصنة والجمال والبغال والحمير من بين الدبابات ومن فوقها ومن تحتها ؟ إيه كانوا لابسين بردعة الأخفا ؟

2- أرجع بالذاكرة ورا وشوف هجوم البلطجية على ميدان التحرير بالمولوتوف وأسلحة القنص .. والجيش كان واقف يتفرج وده أكتر يوم سقط فيه ضحايا وقعدوا يمكن يوم كامل يطحنوا في شاب التحرير ... إفتكرت يا طارق ؟

3- انظر الكتاب صفحة الأنفلات الأمني اللي مش مسئولة عنه الداخلية .. لان الجيش دلوقت هو اللي بيحكم .... وتكرار الهجوم على اقسام الشرطة والمستشفيات وقطع الطرق اليومي و و و و و و و ؟

4- أنظر الكتاب صفحة 9 مارس وكشف عُذرية البنات المعتقلات الواقعة لم يتم إنكارها ... ما خدتش بالك من دي كمان ؟

5- أنظر الكتاب صفحة المحاكمات الهزلية لمبارك ومراته ... ما عندكش الله يخليك خبر عن القسطرة بتاعت سوزان وصلت لفين دلوقت يعني في قسطرة ولا ما فيش ولا إي بالظبط ؟ أو حالة الإكتئاب اللي جت لمبارك وبقى حالته النفسية وحشه يا ضنايا ؟

6- أنظر الكتاب صفحة تأجيلات كوميدية يومية لمجرمي جهاز الشرطة اللي متورطين في قتل الشهداء بدم بارد ... عندك فكرة إن في بعضهم لسه في الخدمة ويشغل مناصب رفيعة زي فاروق لاشين ؟ تفتكر في كده في الدنيا واحد يبقى متهم بجريمة قتل ومع ذلك يبقى في الخدمة عادي في الزبادي ويتقاضى راتباً كمان .. تصدق بالله ؟ بتوع الجيزة إتحولوا لمحكمة الجُنح .. أه والله .. زيه زي حرامي الغسيل .. تخيل يا طارق ؟

7- يا طارق بيه من أول أمبارح في 70 قطار واقف على القضبان والصعيد إتعزل عن مصر ... سواء عن طريق القطارات اللي الناس البلطجية اللي هناك ولعوا في فلنكات السكة الحديد ومازالت النار مشتعله هناك ... وقطعوا الطريق البري والعربيات ولاشاحنات متكدسة على الطرقات ... أزيدك من الشعر بيت ؟ عارف بتوع قنا عملوا إيه كمان في الازمة اللي فاتت ؟ قطعوا الطريق النهري كمان ؟

يبقى دي دولة يحكمها مجلس عسكري ... ولا مجلس أُنس وفرفشة سعادتك ؟

8- انظر الكتاب مرة أخرى ومعليش هارجعك لذكريات مؤلمة .. عن 120 بلطجي فقط تم إلقاء القبض عليهم في معركة الجمل والتحرير .... تقدر تقول لي هما فين ومين هما ... عندك فكرة ؟ كل اللي تفضلوا علينا به إنهم قالوا إن إتحكم عليهم ما بين 5 إلى 7 سنين .. تخيل ؟ في جرائم قتل شوفناها كلنا على الهواء ...

أضحكك بقى ؟

اللي بيتمسك بمطواه دلوقت بيوصل الحكم عليه لـ 15 سنة .. تخيل ؟

حتى لو كانت قصافة بيقص بها ضوافره

9- انظر الكتاي صفحة " نعم للدستور بدايرة خضرا .. والـ لا تبقى كوخه بدايرة سودا ومعفنه " طب الـ 77 % لهم كل الأحترام والجيش قال إنهم أختاروا الأستقرار .. أستقرار إيه سعادتك ؟ اللي هو عندنا ولا في دولة تانية ؟

10 - أخطر ما في الموضوع .. حتى أمس والتصريحات الرسمية من المجلس العسكري بتقول " لا يُمكن حل المجالس المحلية إلا بحكم محكمة وبالقانون " سلامات يا قانون هههههههههه

52 الف بلطجي يعيثون في الأرض فساداً ويقول لك قانون ؟

طب إنت في مصر يا طارق بيه ... شاور لي على إنجاز للمجالس المحلية من 25 يناير لحد دلوقت .. بلاش قبل التاريخ ده ؟

الأمر الأخطر ... الأخ اللواء النعماني بتاع وزارة المحليات بيقول لسه أمبارح أو اول وسمعته بوداني بيقول : لأ لأ دول مش كلهم حزب وطني " ههههههههه قول وكتاب الله ؟ يعني المفروض نحترمهم ونعمل لهم تماثيل من الشموع السوداء

أقول لك الموقف ده بيفكرني بإيه ؟

بزيكو العجيب الشهير بزكريا عزمي اللي قعد ييجي شهرين حراً طليقاً يٌمارس الأسكواش عصراً في نادي هليوبوليس ... وفي الصباح يذهب عادي جداً إلى قصر العروبة لتدمير أي مستندات تدين مبارك وتدينه ... ولما نفذ المهمة بنجاح باهر .. قالوا له أخ نسينا ... أكتشفنا إن عندك تضخم في البروستاتا .. قصدي في الثروة ..

تخيل المتحدث الرسمي يقول إحنا ما نقدرش نقبض عليه ليه .. ساعتها يعني ؟

أه والله يا عم طارق ولا لك عليه يمين : أصله موظف حكومي ولا يُمكن فصلة إلا بالقانون

لوووووووووووولي

ده على أساس إن سيده وتاج راسه مبارك كان موظف ظهورات .. أو بالقطعه أو رئيس موسمي .. محترف عندنا يعني وعشان كده خلعناه بسهولة

-----------

احكي لك بلاوي تاني يا عم طارق ولا بعد الغدا عشان يجيلك نفس تاكل ؟

والله يا اسناذ احمد احترنا واحتار دليلنا معاكم

عايزين المجلس يبقى شديد ولا عايزينه يقبى نعامه

اعتقد انكم عايزينه شديد فى اوقات ونعامه فى اوقات

يعنى لما رجال مايسمى 6 ابريل يروحوا قسم الازبكيه علشان قيل ان مواطن قتل

فى هذه اللحظه ياترى حضرتك كنت عايز الجيش يبقى ايه

لما مايسمى ائتلاف الثوره اصبح وصى على كل شئ فى مصر واصبح من حقه تفتيش اقسام الشرطه ومن حقه تفتيشى شخصيا فى ميدان التحرير لو مريت فيه وحضراتهم عاملين اعتصام ساعتها عايز المجلس يبقى ايه

انا معاك ان كل مايحدث فى مصر هو تقصير من المجلس العسكرى لانه دلع الناس اكتر من اللزوم

لانه منذ خلع مبارك كان لابد ان تحكم البلد بالحديد

يعنى يبقى حظر تجول والناس بتتصور فوق الدبابات

تخيل لو المجلس قام بضرب الناس دى واعتقالهم كان مايسمى ائتلاف الثوره اقام الدنيا ولم يقعدها كما حصل يوم 9 مارس

استاذ احمد لن يتعدل حال البلد الا عندما ياتى رجل قوى يلم بلطجيه مايسمى ائتلاف الثوره ويحطهم فى السجن

لان حتى لو جاء رئيس منتخب الناس دى هتفضل شغاله لانها اصبحت بالنسبه لهم سبوبه ولان الناس اللى دافعين لهم مش دافعين علشان مصر تصبح ديمقراطيه

الاستاذ محمد ساب الموضوع كله وعايز يعمل قانون ضد التميز لانه راى ان ساويريس ممكن يتضرر

الله عليكى يامصر

تم تعديل 6 يونيو 2011 بواسطة ابوهنا

[se_ Elsyed]

أنصحك يا أستاذ أحمد أوعى بعد كده تقعد مع الجماعة دول

وأنت خدت مننا شوية نقاط خضراء علشان قلت لن تكون المحاورات مكانا للهجوم على الجيش تسمح ترجعهم بقى علشان التشكيك الغير منطقي اللي أنت بتقوله ده ده

يا أستاذنا الفاضل أنا قلت لحضرتك مش بالتخمين يكون التخوين

ضروري اللي يتكلم في أمور زي كده يكون شاف ويكون نظر وشاهد ومعاه الدليل حتى يكون شاهدا عدلا وليس راء كمن سمعا من هنا أو هناك

نحن لا نبني أحكاما على مجرد الحدس والظن والتخمين وإنما تبنى الأحكام وخاصة الخطيرة على الرؤية البصرية اليقينية المجردة

ما مصلحة الجيش في كل ما تقوله ؟ الجيش لو كان عايز ينحاز لمبارك كان انحاز على الأقل هربه لما كان مطلبنا فقط إنه يرحل يعني يمشي فقط

هناك فوضى مقصودة وعيال مدربة على إنها تصعب مهمة الجيش والشرطة وعدم عودة النظام ليس من مصلحة الجيش إنما من مصلحة المعطلة المختلقون للذرائع للتأجيل ...... والمنقلبون على الشرعية وأصحاب المصالح الشخصية

9- انظر الكتاي صفحة " نعم للدستور بدايرة خضرا .. والـ لا تبقى كوخه بدايرة سودا ومعفنه " طب الـ 77 % لهم كل الأحترام والجيش قال إنهم أختاروا الأستقرار .. أستقرار إيه سعادتك ؟ اللي هو عندنا ولا في دولة تانية ؟

هو دا السبب في نتيجة الـ 77.2 نعم

مازال البعض يوحي إليك بأن الشعب عبيط وعيال صغيرة بريالة واختاروا نعم علشان هي خضرا وساب لا علشان هي كوخه سودا والسلفيين واقفين بره يقولوا أوعى يا حبيبي تختار لا علشان هي كوخة

جماعة مين اللي بأقعد معاهم ؟

يا عم الله يرضى عليك إقرا الموضوع تاني ... ورد على نقطة نقطة .. قصدي رد على تخميناتي

أقول لك مصلحة الجيش إيه على بلاطه .. وكلام حصري ما هاتشوفه غير هنا ؟

مصلحتة يا سيدي الفاضل إننا تعرف قيمته ...

نعرف قيمته إزاي ؟

يعني عاوز يوصل لنا رسالة بيقول فيها : مش كل الطير اللي يتاكل لحمه .. وانا لحمي مُر إن إتاكل ما يتقرقش وإن اتقرقش بيشحط في الزور وإن إتبلع بيسبب أسفكسيا الخنق

أشرح تاني ؟

يعني أنا مش زي مبارك . وأوعى حد الشيطان يوزه ويثور عليه أو يحاكمني أو يسألني ...

هل تتوقع يا طارق بيه حد من المجلس العسكري ... بلاش دول عشان إنت بتزعل

حد يكون محافظ مثلاً باشا قوات مسلحة زي اللواء عبد الفضيل شوشه محافظ شمال سيناء السابق اللي تسبب بجهله في كارثة سيول العريش ولما مبارك غضب عليه راح نقله من فوق .. لتحت في جنوب سينا حيث شرم الشيخ ومحمية راس محمد والطبيعة الخلابة ...

هل تتوقع حد من هؤلاء وتلكموا حد يقول له كخ وتعالى نحاسبك ؟

بلاش كده

تقدر تقول لي مين يقدر يحاسب الجيش ويحقق في فسادة لو في فساد يعني ؟

أيوه يعني .. ترضاها على نفسك الكرة تتعاد مرة اخرى وتكون في دويلات داخل الدولة وفوق المساءلة ؟ ...

مازال البعض يوحي إليك بأن الشعب عبيط

ما أنا قولت لك .. بلاش كلام كبير ... يوحي لي إيه وينومني مغناطيسي إيه ؟

يا عزيزي أنا عندي مخ بيفكر مش مخ بانية أو مخ بالبيض في سنادوتش فينو ...

منتظر ردك ويارب أطلع غلطان

وعن أذنك هانفصل المداخلات دي في موضوع مستقل عشان نتحبس على حاجه تستاهل

[tarek hassan]

أبو هنا جاب الخلاصة

لو الجيش تعامل بحزم مش هيعجب ولو تعامل برفق مش هيعجب لأن هناك أصحاب المصالح والتوجهات المسبقة

حضرتك يا أستاذ أحمد استرسلت في حكايات كل حكاية عايزه موضوع مستقل وكل حكاية فيها القيل والقال

أكيد مفيش كمال لا فينا ولا في الجيش ولكن لو كل الناس بتفكر زيك كده وفي قلبها كل اللي أنت قلته ده من المجلس الحاكم يبقى العوض على الله مفيش أمل

[se_ Elsyed]

والله يا اسناذ احمد احترنا واحتار دليلنا معاكم

عايزين المجلس يبقى شديد ولا عايزينه يقبى نعامه

اعتقد انكم عايزينه شديد فى اوقات ونعامه فى اوقات

أبو الهنا

مين اللي إحتارتوا معاهم ؟

يعني إحنا مين وإنتوا مين ؟

[ابوهنا]

والله يا اسناذ احمد احترنا واحتار دليلنا معاكم

عايزين المجلس يبقى شديد ولا عايزينه يقبى نعامه

اعتقد انكم عايزينه شديد فى اوقات ونعامه فى اوقات

أبو الهنا

مين اللي إحتارتوا معاهم ؟

يعني إحنا مين وإنتوا مين ؟

انا المواطن المصرى اللى ساب مصر علشان اكل العيش

وانتم كما يسميكم المهندس اؤكتشت النخبه المثقفه

[tarek hassan]

أقول لك مصلحة الجيش إيه على بلاطه .. وكلام حصري ما هاتشوفه غير هنا ؟

مصلحتة يا سيدي الفاضل إننا تعرف قيمته ...

نعرف قيمته إزاي ؟

يعني عاوز يوصل لنا رسالة بيقول فيها : مش كل الطير اللي يتاكل لحمه .. وانا لحمي مُر إن إتاكل ما يتقرقش وإن اتقرقش بيشحط في الزور وإن إتبلع بيسبب أسفكسيا الخنق

أشرح تاني ؟

يعني أنا مش زي مبارك . وأوعى حد الشيطان يوزه ويثور عليه أو يحاكمني أو يسألني ...

مازال البعض يوحي إليك بأن الشعب عبيط

ما أنا قولت لك .. بلاش كلام كبير ... يوحي لي إيه وينومني مغناطيسي إيه ؟

يا عزيزي أنا عندي مخ بيفكر مش مخ بانية أو مخ بالبيض في سنادوتش فينو ...

منتظر ردك ويارب أطلع غلطان

وعن أذنك هانفصل المداخلات دي في موضوع مستقل عشان نتحبس على حاجه تستاهل

أنا مش عارف أرد عليك لسبب هو أنني لا أستطيع الرد على تخمينات بتخمينات مقابلة

حضرتك تتبع أسلوب الدولة الدينية في الكشف عما في نوايا الناس ثم تجعل ذلك حقيقة واتهام يراد البراءة منه والرد عليه

وظني أنه لا يوجد لديك اتهام حقيقي يبني على حقيقة وواقع صحيحان

أنا هبدأ مع حضرتك

ما هو دليك على ما هو ملون بالأحمر غير إنك تقولي : قلبي بيقولي وعقلي بيقولي ومخي بيقولي ... طيب مش ممكن إني أدعي عليك بأن الشيطان هو اللي بيقولك كده وأقولك استعذ بالله قبل ما تكتب

فهو يجري منا مجرى الدم في العروق

مش معقول إنك تعرف إن أفراد المجلس مجتمعين عايزينها فوضى علشان يقولوا لنا مش كل الطير اللي بيتاكل لحمه ياشعب مصر العظيم واعرفوا قيمتي

طالما هم لم يقولوا ذلك فلا يحق لك إتهامهم به

وليه تتخيل إن فيه عداوة وحقد بين الجيش والشعب تستلزم توجيه هذه الرسالة على الأرض

تسمح لي كلامك مش منطقي بالنسبة لي على الأقل

[se_ Elsyed]

أكيد مفيش كمال لا فينا ولا في الجيش ولكن لو كل الناس بتفكر زيك كده وفي قلبها كل اللي أنت قلته ده من المجلس الحاكم يبقى العوض على الله مفيش أمل

فعلاً . لن يكون هناك أمل في حالة سكوتنا على العك .. وتأليهنا لحاكم أو مجلس عسكري أو أي شيء

الله ينور عليك في الجُملة دي ... تستاهل عليها نقطة خضرا

أكيد مفيش كمال لا فينا ولا في الجيش

ما فيش كمال فينا .. دي مسائل عائلية وبيننا وبين بعضينا .. يعني لو إنت شوفتني بادخن سيجارة ممكن تنصحني وتقول لي خلي بالك هايزودوا سعر السجاير 10 % وهايبقى غلط عليك هههه

----------

لكن لما يكون حاكم ... تفرق كتير ... لو شوفت فيه نقص .

وسكتت ... تبقى مصيبة وهايبقى بنخلق مبارك جديد

يبقى لازم

اتكلم .... لازم أتكلم بشتى الطُرق وأقول له حاسب يوجد أمامك منحنى خطر ....

ومش هامسك سيفى وأقوم أعوجاجه بالسيف .. لأننا مش الصحابة ولا هما عُمر وأبو بكر ومش هانوصل للنجوم دول عُمرنا ..

انا مين يا سيدي عشان أقول كده ؟

انا مواطن مصري بسيط .. انا اللي بأدفع الثمن ... أنا اللي الحاكم والوزير بيروحوا لكن بيورطوني ويورطوا ولادي وأجيالنا في الهموم والديون والبلاوي

أنا اللي بأكل أكل بسيط ممكن يكون مُسرطن .. فأروح أتعالج في مركز صحي أو مستشفى الدمرداش وأنتظر دوري لحد ما اموت

وهو لو جاله كُحه ... بيسافر بره أو يقسوا عليه المجتمع ويخليه في مستشفى شرم ويعين له فريق طبي لمدة 24 ساعة .. وفي الأخر أنا اللي بأدفع الفاتورة ... تخيل ؟

[se_ Elsyed]

تسمح لي كلامك مش منطقي بالنسبة لي على الأقل

طب رد عليه طمنني وبدد تخميناتي ووسوسة الشيطان لي وقول لي لأ .. إنت بتحلم يا سين سين .. مافيش أنفلات أمني ... ما فيش تأجيل للمحاكمات إلى ما لا نهاية .. ومامتك سوزان ركبت القسطرة يا سين سين ... وعمو حُسني عنده أحتباس إكتئابي هايقلب على بارانويا .. وإن شهداء التحرير أنتحروا مش الشرطة اللي قتلتهم ... وإن القضاة ما أتحولوش للتحقيق .. وإن البنات كانوا بيكشفوا عليهم عشان يسلموهم لولاد الحلال سُلام وسلمني نضيف أسلمك نضيف ...

هو أنا أكره يكون في النقاط دي بالذات عندي ضلالات سمعيه وهلاوس بصرية ؟

وانتم كما يسميكم المهندس اؤكتشت النخبه المثقفه

يعني قصدك زي فيلم البريء " والعياذ بالله ديمكراطي ؟

هههههههههههه

[tarek hassan]

ليه متجتمعش الحركات الثورية دي وتطالب الجيش بالحزم مع كل أنواع البلطجة بدلا من انتقاده في كل شاردة وواردة وفي الطالعة والنازلة

إن كانوا فعلا جادين أو غير مستفيدين من وجودها فضلا عن الاشتراك في إيجادها

جمعة مواجهة البلطجة والوقوف مع الجيش ضد البلطجية والمخربين

تفتكر ليه فيه ناس كتير من مصلحتها بقاء الوضع على ما هو عليه بل محاولة تطويره

هناك مخططات ضد الشرطة وضد الجيش لصالح بقاء الفوضى وترشيح البلاد للخراب والدمار

ما هو دورنا ؟

ياريت كان الحل إننا نرمي الحمل كله على الجيش قليل الخبرة بالأمن الداخلي

ليس الحل هو انتقاد الجيش صباح مساء ولكن لابد وأن يكون الشعب والجيش إييد واحدة في مواجهة أي بلطجه أو أي خروج بشرط توفر النية الخالصة والتجرد لمصلحة الوطن

[م تيمور المراغي]

كل الشعب بقى عارف ان الانفلات الامني ده مقصود

عشان الناس تتربى وتقول ولا يوم من ايامكم يا باشوات الشرطة وامن الدولة

يا جماعه ,,

الشعب المصري بيتعرض لخطة ممنهجه ومنظمه لتركيعه وقتل روح الثورة والرجولة التي ظهرت بداخلة يوم 25 يناير ,,

وده بيتم على عدة مسارات بداية بالاستفتاء وانتهاءا بقتل سواق الازبكية ,,

ساعدهم في ذلك الصمت المريب من فصيل الاخوان المسلمين والسلفيين اللي اشتروا سكوتهم خلاص بكراسي البرلمان ,,

العالم دي لما بيحبوا يفرضوا الامن بالقوة بيفرضوه

ناسيين اللي حصل قدام السفارة الاسرائيلية !

لما ركعوا الشباب قدامهم واعتدوا عليهم بمنتهى السفالة وسبوهم بامهاتهم امام الجميع ,,

اللي قابلينا قالوا من شب على شيئ شاب عليه

وصعب اللي اتربى في احضان مبارك والعادلي 30 سنه تنتظر منه اي امل او اي رجا

طب ايه الحل ,,!

انكم ما تتخلوش عنا وتساعدونا ,,

ساعدونا اننا نبنيها صح الصح وعلى نضافة ,,

[ابراهيم عبد العزيز]

والله يا اسناذ احمد احترنا واحتار دليلنا معاكم

عايزين المجلس يبقى شديد ولا عايزينه يقبى نعامه

لانه منذ خلع مبارك كان لابد ان تحكم البلد بالحديد

استاذ احمد لن يتعدل حال البلد الا عندما ياتى رجل قوى يلم بلطجيه مايسمى ائتلاف الثوره ويحطهم فى السجن

لان حتى لو جاء رئيس منتخب الناس دى هتفضل شغاله لانها اصبحت بالنسبه لهم سبوبه ولان الناس اللى دافعين لهم مش دافعين علشان مصر تصبح ديمقراطيه

السلام عليكم أبو هنا ,

أنا اقتبست جملا محددة من تعليقك :

يا أخى الموضوع لا محير ولا شىء , المطلوب أن تكون السلطة فى أى دولة رقيقة ورحيمة مع المواطن الشريف البسيط وقوية وحازمة مع كل بلطجى ومتعدى على القانون ( والبلطجى ليس هو طبعا الانسان صاحب الرأى )

اما كلامك الذى قلته وهو (( استاذ احمد لن يتعدل حال البلد الا عندما ياتى رجل قوى يلم بلطجيه مايسمى ائتلاف الثوره ويحطهم فى السجن )) !!

يالله !!! أتركت يا سيد أبو هنا البلطجية الذين يروعون الناس فى الشوارع وتركت المفسدين الذين نهبوا الوطن ومقدراته لسنوات طويلة وتركت الهاربين من السجون وعددهم بالالاف وتركت مسجلين الخطر الذين يمرحون فى الشوارع فى مصر وتركت انصار الثورة المضادة الذين يعلمون على خلق التوتر والانفلاتا الأمنى , أقول أتركت كل هؤلاء وأصبح المشكلة فى ائتلاف الثورة وأصبحوا هم من يستحقون ان يتم وضعهم فى السجون حتى تحل المشكلة !!!

اما موضوع انتقاد المجلس العسكرى فنقول :

المجلس العسكرى اداؤه جيد الفترة الماضية وهو تولى البلاد فى ظرف قاسى ودقيق , واكيد ان انتقاد المجلس العسكرى ليس عملا مشينا ولكن يجب ان يكون الانتقاد هو نقد بناء وليس نقد لمجرد اثارة الشائعات والقلائل .

تم تعديل 6 يونيو 2011 بواسطة ابراهيم عبد العزيز

[م تيمور المراغي]

جمعة مواجهة البلطجة والوقوف مع الجيش ضد البلطجية والمخربين

دي دعوه رائعه وعن نفسي اؤيدها بقوة ,,

[م تيمور المراغي]

يعنى لما رجال 6 ابريل يروحوا قسم الازبكيه علشان قيل ان مواطن قتل

http://www.youtube.com/watch?v=Z6doM2I1l8A