يا جماعه ارجوكم ردود واضحه مش لينكات

[رباب مغربي]

السلام عليكم أخواني و أخواتي الأعزاء

أنا هسافر أول يوليو إن شاء الله و أعمل لاندنج في مونتريال هأقعد يومين و هسافر علي تورونتو أقضي شهر هناك

1- الأول انا مش عارفه كارت البي ار بياخد اد ايه و خاصة اني مش عارفه حد هناك و قربت أعيط و الله لأني لازم ارجع تاني لأني عندي التزامات لمدة 6 شهور تقريبا و بعدها استقر إن شاء الله في كندا.

2-خايفه جدا من موضوع الصوره اللي ممكن تكون مش مطابقه للمواصفات و مش فاهمه هو انا بتصورها هنا و لا بتصورها في المطار طيب و ايه هي الطريقه اللي اتجنب بيها انها مش مطابقه للمواصفات.

3-انا مقرره اني ان شاء الله استقر في اونتاريو بس لسه مش عارفه فين بالظبط فهل ممكن لما أعمل اللاندنج المره دي أعمل الميديكال و لا لازم لما كارت البي ار يطلع.

4-كمان سمعت اني لو معايا رخصه و اجيب جواب من المرور ممكن ممتحنش ال G1 بس انا مش عارفه صيغة الجواب تكون ايه و لا عن ايه و ايه هو الفرق بين الG2 و ال G

.آآآآآآآآآآآآآآآآخر حاجه عشان خاطري ابعتولي بسرعه لأن خلاص ان شاء الله فاضل اقل من شهر و اسافر و مش تقولولي لينكات عشان خاطر ربنا

تم تعديل 7 يونيو 2011 بواسطة رباب مغربي

[Alrefaey]

السلام عليكم أخواني و أخواتي الأعزاء

أنا هسافر أول يوليو إن شاء الله و أعمل لاندنج في مونتريال هأقعد يومين و هسافر علي تورونتو أقضي شهر هناك

1- الأول انا مش عارفه كارت البي ار بياخد اد ايه و خاصة اني مش عارفه حد هناك و قربت أعيط و الله لأني لازم ارجع تاني لأني عندي التزامات لمدة 6 شهور تقريبا و بعدها استقر إن شاء الله في كندا.

كارت البى ار بيوصلك على عنوانك فى كندا بعد 45 يوم من اللاندنج اذا كانت الصور سليمة ,ربما يتأخر كمان 5 ايام على اقصى تقدير اما اذا كانت الصور غير سليمة بيوصلك خطاب يفيد بارسال صور سليمة او حضورك شخصيا بالصور السليمة لمقر سريفيس كندا

[/color]

2-خايفه جدا من موضوع الصوره اللي ممكن تكون مش مطابقه للمواصفات و مش فاهمه هو انا بتصورها هنا و لا بتصورها في المطار طيب و ايه هي الطريقه اللي اتجنب بيها انها مش مطابقه للمواصفات.

الصور دى اللى انتى بترسليها مع الميديكال تقريبا او مع الباسبورتات الكلام ده فى حالة اذا كنتى فيدرال اما اذا كنتى كيبك فتأكدى من حد كيبكاوى ,عشان تتأكدى من صحة الصور هما اصلا بيرسلوا لكى خطاب فيه مقاسات الصور التزمى بالمقاس ,وقيسى الصور على المقاس بالمسطرة قبل ارسالها ,

3-انا مقرره اني ان شاء الله استقر في اونتاريو بس لسه مش عارفه فين بالظبط فهل ممكن لما أعمل اللاندنج المره دي أعمل الميديكال و لا لازم لما كارت البي ار يطلع.

ممكن تعملى كارت الاوهيب بس لازم يكون معاكى عقد ايجار سكن ,ولازم ماتقعديش برة كندا 6 شهور والا هيكون مخالف وهيتلغى وممكن تتعرضى للمسائلة اذا اتشفوا انك برة كندا .طبعا فى اونتاريو اوهيب بيطلع بعد 3 شهور بالظبط ,البرتا ممكن بعد اسبوع

4-كمان سمعت اني لو معايا رخصه و اجيب جواب من المرور ممكن ممتحنش ال G1 بس انا مش عارفه صيغة الجواب تكون ايه و لا عن ايه و ايه هو الفرق بين الG2 و ال

خطاب بيانات بالرخصة من المرور تقريبا اسمه شهادة بيانات موضحا فيه تاريخ الاصدار والانتهاء لما بتيجى هنا بترسلى الخطاب الى السفارة للاعتماد وبتروحى تقدمى على الرخصة بتمتحنى اختبار المعلومات وبيحدد لك امتحان سواقة مباشرة بدل ما كنتى تنتظرى عام اجبارى

G

.آآآآآآآآآآآآآآآآخر حاجه عشان خاطري ابعتولي بسرعه لأن خلاص ان شاء الله فاضل اقل من شهر و اسافر و مش تقولولي لينكات عشان خاطر ربنا

بالتوفيق

[رباب مغربي]

و الله بجد يا أخ 'Alrefaey مش عارفه اقولك ايه وضحتلي أمور كنت محتاسه خالص فيه متشكره جدا

[رباب مغربي]

كارت البى ار بيوصلك على عنوانك فى كندا بعد 45 يوم من اللاندنج اذا كانت الصور سليمة ,ربما يتأخر كمان 5 ايام على اقصى تقدير اما اذا كانت الصور غير سليمة بيوصلك خطاب يفيد بارسال صور سليمة او حضورك شخصيا بالصور السليمة لمقر سريفيس كندا

[/color]

متشكره جدا علي اهتمامك بس معلش الغريب اعمي و لو كان بصير طيب اذا كانت الصور سليمه يبقي الحمد لله عدت علي خير إنما لا قدر الله لو الصور مش مطابقه هيبعتولي الجواب ده بعد كام يوم لأني انا كنت ناويه اقعد شهر واحد بس ممكن أقرر أقعد أكتر من كده شويه عشان أكون مطمئنه و لو أنا قعدت أنا و البنات و جوزي هو اللي رجع عشان شغله و طلع لا قدر الله صوره فيها مشكله ممكن يدخل تاني ازاي.

أشكرك جزيل الشكر يا أخي الفاضل

[Alrefaey]

متشكره جدا علي اهتمامك بس معلش الغريب اعمي و لو كان بصير طيب اذا كانت الصور سليمه يبقي الحمد لله عدت علي خير إنما لا قدر الله لو الصور مش مطابقه هيبعتولي الجواب ده بعد كام يوم لأني انا كنت ناويه اقعد شهر واحد بس ممكن أقرر أقعد أكتر من كده شويه عشان أكون مطمئنه و لو أنا قعدت أنا و البنات و جوزي هو اللي رجع عشان شغله و طلع لا قدر الله صوره فيها مشكله ممكن يدخل تاني ازاي.

أشكرك جزيل الشكر يا أخي الفاضل

اسألى براحتك

اضمن شىء ان تكون مدة اللاندنج من 50يوم الى شهرين ,الخطاب ممكن يوصلكم بعد 45 يوم وممكن قبل ذلك باسبوع ,والكروت او الخطابات بتيجى بشكل منفرد بينها وبين بعدها ايام او فى نفس اليوم ,

اذا كان زوج حضرتك متضر للعودة بدرى قبل استلام كارته وانتم جلستم الى حين استلام الكروت مفيش مشكلة ,لكن لو لم يأتى كارت زوجك وطلبو الصور ماهو التصرف

زوجك قبل مايسافر هيصور هنا فى كندا صور مطابقة (فيه استديو فى تورونتو تقاطع ش يانج مع ش سنت كلير ) ممكن يصور عندة ويسافر ويترك الصور معاكى ,لو طلبو الصور انتى ابعتيها بالبريد او بنفسك وقولى لهم ان زوجك مشغول مثلا ومش هيقدر يجى لو سألوكى عليه , طيب لو رفضوا قبول الصور منك وصمموا على حضور زوجك ,

يبقى الحل ان زوج حضرتك قبل الديد تايم اللى هما كاتتبينه فى الخطاب واللى غالبا بيكون 6 شهور يروح السفارة الكندية ويطلب دوكيومنت ترافل

يقول لهم انه بعد عمل اللاندنج اضطر يرجع لامر مهم قبل استلام البى ار ,هما هيعطوة دوكيومنت ترافل يقدر يدخل بيها كندا .

تحياتى