حازم صلاح أبو إسماعيل .. اول لقاء له بعد إعلان نيته الترشح لرئاسة الجمهورية

[Alshiekh]

هي الناس دي معندهاش شغل؟

مين بيدفع لهم ؟ وكم تم دفعه حتى الآن؟

وكم تكلفوا حتى الآن؟ ومن الممول أو الممولين؟

وكيف بدأت الحملة ولم تبدأ حملات الدعاية رسميا بعد؟

هل الممول هو نفس الجهات التي تمول القنوات الفضائية الإسلامية؟

تلك القنوات التي أقر الشيخ بأنها ممولة من الخليج والسعودية؟

وكم ستتكلف تلك الحملة التي لم يتقدم صاحبها بعد بأوراق الترشيــح؟

[نوران]

حازم رئيس لكل المصريين

تم تعديل 26 مارس 2012 بواسطة نوران

[محمد عبدالعزيز]

ولاد أبو إسماعين مغرقين البلد بوسترات

يخرب بيت كده

ده كده عمل رقم قياسى وغلب بلياردو التيتى وتلج شعبان الدكر

[capitshino]

أنا عندي سؤال وياريت اللي يعرف يرد عليه مباشرة من غير أعتقد وربما ويمكن

هل لاتصدر بطاقات رقم قومي لأفراد القوات المسلحة والشرطة؟ وهل يتم سحب بطاقات الرقم القومي من الأفراد عند تجنيدهم؟

قدر علمي أن البطاقة المدنية ضرورية ولاتغني عنها البطاقة العسكرية لإجراء أي معاملات مدنية ، وأعتقد أن من أنهوا الخدمة العسكرية مؤخرا يمكنهم أن يفيدونا في هذا الأمر.

اللى اعرفه ان فى رقم على كل بطاقة ليبين بعض المعلومات

الرقم ده بيكون على ظهر البطاقة اعلى اليمين

للمدنيين يبكون رقم واحد

وللشرطة رقم

و مسجل خطر رقم اخر

وهكذا

وممكن تتاكد من الموضوع ده بنفسك

تم تعديل 26 مارس 2012 بواسطة capitshino

[capitshino]

هو الفينو ربنا مبارك فيه ليه كده ؟

لأ بجد والله .. ده رغيف الفينو بيبقى مسخوط ومتاكل قبل كده في مصر

ولا يكونش البركة حلت عليه من الشيخ حازم ؟

يا مخبوزاتك يابو إسماعين

لا بركة ولا حاجة

لسه فى ناس عندها ضمير فى مصر

وبرده فى اماكن الفينو فيها اكبر من اللى فى هنا .. بس كله بتمنه

[capitshino]

هي الناس دي معندهاش شغل؟

كل واحد حر فى وقته با استاذ محمد مادام مش بيعمل حاجة غلط

مين بيدفع لهم ؟ وكم تم دفعه حتى الآن؟

انا واحد من الناس ممكن اشتغل مع حملة مرشح الرئاسة اللى هانتخبه بدون اى مقابل .. بل وممكن اساعد ماليا

قدر المستطاع

وكم تكلفوا حتى الآن؟ ومن الممول أو الممولين؟

كم تكلفو اعتقد كتير ومش عارف فى مموليين ولا تبرعات من الناس . ولكن الشيخ هو وغيره مطالبين بتوضح

كم تكلفت الحملة للشعب ومصادر الاموال

وكيف بدأت الحملة ولم تبدأ حملات الدعاية رسميا بعد؟

وهل السؤال ده للشيخ حازم ولا لكل المرشحين اللى حملتهم الانتخابية بدءت منذ مدة

هل الممول هو نفس الجهات التي تمول القنوات الفضائية الإسلامية؟

ممكن اه وممكن لا

تلك القنوات التي أقر الشيخ بأنها ممولة من الخليج والسعودية؟

كثير من هذه القنوات اصحابها غير مصريين او سعوديين .. كقناة الناس

وكم ستتكلف تلك الحملة التي لم يتقدم صاحبها بعد بأوراق الترشيــح؟

كتير . واعرف ناس يطبعون له الملصقات باموالهم الخاصة .. ولم يقابلوه يوما هو ولا احد من القائمين على حملته

[عادل أبو عمر]

ولاد أبو إسماعين مغرقين البلد بوسترات

يخرب بيت كده

ده كده عمل رقم قياسى وغلب بلياردو التيتى وتلج شعبان الدكر

اخي الفاضل باشمهندس محمد

على فكرة انا قريت تصريح للشيخ بيرفض هذا السلوك في لصق البوسترات بمثل هذا الشكل الغير مقبول بالتأكيد ..

تحياتي لحضرتك

[عادل أبو عمر]

[ام سلمي]

طيب شوفوا دي

[ام سلمي]

مفاجاة من العيار الثقيل

[عادل أبو عمر]

حازم صلاح ابو اسماعيل على المحور ... بعد قليل

الشيخ حازم كان كالعادة هادىء و واثق و ردود جيدة بشكل كبير

و احب اشكر القائمين على الحلقة اللى جابوا شخصيات محترمة بتسأل أسألة جيدة

و ان كان جابوا صحفية فى جريدة الاهرام تقريبا اسمها جيهان الغرباوى و عمالة تكلمة كده زى ما يكون بتكلم واحد من مجاذيب المولد و شكلها مينفعش تكون صحفية فى اعرق صحيفة و هى الاهرام دى اخرها تكون صحفية فى مجلة سمير و الشيخ حازم محترم و متربى و بيرد على الجميع باحترام المهم سالت الشيخ حازم حتة سؤال رهيب بتقوله بعد ما تفوز بالرئاسة هل هتدن تانى فى مجلس الشعب ؟!!!! jdw::

راحت المذيعة قالتلها اللى اذن فى المجلس أ-ممدوح اسماعيل (و اساسا الشيخ حازم مش عضو فى المجلس lo:: )

اااه من الكوسة ...

أما صحفية غبية صحيح

إزاى يدن تانى فى مجلس الشعب؟!!

يدن فى الرئاسة طبعاً هو مش حيبقى رئيس؟!!!bsh:)

على فكرة لو شوفتها يا باشمهندس هتقول عليها اكتر من كدة مش لشخصها طبعا ... لكن أدائها فعلا سيء جدا بالذات لأنها المفروض صحفية يعني المفروض تكون أكتر واحدة في المواطنين اللي حضروا تعرف تعمل مقابلة او تحقيق صحفي و تكون محضرة الأسئلة بتاعتها كويس في مواجهة على الهواء مع واحد مفروض إنه مرشح رئاسة ..

على فكرة ماختلفتش معاك أكيد بإذن الله الأذان سيرفع في رئاسة الجمهورية عن قريب و فيه حد يكره كدة ..

بس المشكلة في طريقة إلقائها للسؤال التي تكشف جهلها بالاحداث و جهلها أيضا بالشخص الذي تحاوره ..

على فكرة ده كان سؤالها العجيب الثاني ...

لكن سؤالها الأول و الأعجب و هي بتقوله إن صفحات المعجبين و المؤيدين لحضرتك مشتعلة خلال الثلاثة أيام الماضية عن قصة ان الشيخ حازم أثناء خروجه من مسجد أسد بن الفرات و لقى ست عاجزة مشلولة فالشيخ قرا على راسها قرآن فالست وقفت و مشيت و الناس هللت الله أكبر ... فهي من درجة اعجابها بهذه القصة تفائلت و قالت إن ميزانية وزارة الصحة هتقل .. رد الشيخ حازم قالها محصلش ..

[عادل أبو عمر]

مفاجاة من العيار الثقيل

آه كدة .. دي بقى معقولة

[الدكتورة أم أحمد]

السلام عليكم ورحمة الله وبركاته

تحياتي لأهل المحاورات جميعا

هي الناس دي معندهاش شغل؟

هل يوجد شغل أفضل من هذا !!!؟

إنه وقت يُحتسب في سبيل الله

اليوم كنت أريد قراءة قرءان وتذكرت إنه يجب ان أرسل رسائل للدعوة لمؤتمر الأستاذ حازم بالمنصورة يوم الأربعاء القادم وأيضا أرسل رسائل أحث فيه من على قائمة هاتفي لتأيده والعمل في الحملة فقلت في نفسي كلها أعمال صالحة وأرسلت الرسائل وأحسب إن هذا حال كل من يعمل في الحملة

مين بيدفع لهم ؟ وكم تم دفعه حتى الآن؟

من حر مالنا وبسخاء لأننا نحتسبه أيضا عند الله

وكم تكلفوا حتى الآن؟ ومن الممول أو الممولين؟

صعب حصر ذلك أكيد لأن الإنفاق ليس مركزي محض فمن يعمل في الحملة يعرف أماكن تبيع مادة الدعاية بسعر التكلفة وتشتري من مالها

وتلصق ولعل هذا يبرر الإسراف في لصق البوسترات وأناأسرفت أيضا في لصق البوسترات وكان غرضي أن تكون ملفتة للمارة

وكيف بدأت الحملة ولم تبدأ حملات الدعاية رسميا بعد

لأننا نتصرف من تلقاء أنفسنا والذي أعرفه أن الأخ المشرف على الحملة في مدينتنا لم يبدالجملة بعد وننتظر بدايته بفارغ الصبر

هل الممول هو نفس الجهات التي تمول القنوات الفضائية الإسلامية؟

تلك القنوات التي أقر الشيخ بأنها ممولة من الخليج والسعودية؟

بناء على ما أسلفت من القول لا يوجد تمويل خارجي والتمويل مصري محض

فمثل القنوات الفضائية ومموليها كمثل المدارس الإسلامية التي يستثمر فيها من يستغلون رغبة أولياء الأمور في إدخال أبنائهم مدرس إسلامية

وكم ستتكلف تلك الحملة التي لم يتقدم صاحبها بعد بأوراق الترشيــح؟

أكيد كتير ودعواتك إن ربنا يوفقه ويكلل تعبنا بالنجاح ويعز بأبو اسماعيل الدين والبلاد والعباد

آميين

تم تعديل 26 مارس 2012 بواسطة الدكتورة أم أحمد

[عادل أبو عمر]

السلام عليكم ورحمة الله وبركاته

تحياتي لأهل المحاورات جميعا

وعليكم السلام ورحمة الله وبركاته

ألف حمدا لله على سلامة حضرتك يا دكتورة

و سعداء بعودة حضرتك

ربنا يبشرك بالخير

و يارب يجعل أعمالنا جميعا صالحة و خالصة لوجهه الكريم

[se_ Elsyed]

ما أعتقدتش الشيخ حازم هايستحمل لأخر الإنتخابات بجد هههههههه

المصريين مالهمش حل والله

---------

هل يوجد شغل أفضل من هذا !!!؟

إنه وقت يُحتسب في سبيل الله

اليوم كنت أريد قراءة قرءان وتذكرت إنه يجب ان أرسل رسائل للدعوة لمؤتمر الأستاذ حازم بالمنصورة يوم الأربعاء القادم وأيضا أرسل رسائل أحث فيه من على قائمة هاتفي لتأيده والعمل في الحملة فقلت في نفسي كلها أعمال صالحة وأرسلت الرسائل وأحسب إن هذا حال كل من يعمل في الحملة

حمد الله عالسلامة يا دكتورة

طب سؤال

أنا لو إشتغلت في حملة حمدين صباحي أو أبو الفتوح ... يبقى كده في سبيل إيه ؟

إحنا خلاص حطينا رجلنا على أول طريق غزوة الصناديق الثانية ... وربنا يستر على مصر بجد

[أبو يمنى]

حمدا لله على سلامتكم يا دكتورة.

افتقدنا قلمكم المتميز.

[أبو يمنى]

حمد الله عالسلامة يا دكتورة

طب سؤال

أنا لو إشتغلت في حملة حمدين صباحي أو أبو الفتوح ... يبقى كده في سبيل إيه ؟

تحية طيبة .

إجابة السؤال : هل هذا العمل أو ذاك هو "في سبيل الله" أم لا ، مرتبطة بنيّة صاحب العمل نفسه.

مثلاً :

قد تجد شخصاُ من العاملين في السياحة اقتنع برؤية الشيخ حازم في هذا المجال، ورأى فيها زيادة لدخله ، فدعم الشيخ بناءً على ذلك فقط .

وقد تجد شخصاً آخر اقتنع ببرنامج الدكتور أبو الفتوح ، ورأى في دعمه مصلحةً للبلاد .

فلا يستوى هذا وذاك ، فالذي احتسب إفادة الصالح العام أفضل من ذاك الذي نظر لمصلحته فقط .

بالنسبة لمؤّيدي الشيخ حازم ، فالاتجاه العام منهم يؤيده لأنه يجمع بين الرؤى العميقة في جوانب عدّة والشخصية القويّة والاطلاع الواسع وبين الاعتزاز بالشريعة الاسلامية التي فيها الخير والبركة على البلاد والعباد .

الخلاصة : ادعم من شئت وليكن لك نيّة حسنة تؤجر بها على عملك هذا .

[capitshino]

ما أعتقدتش الشيخ حازم هايستحمل لأخر الإنتخابات بجد هههههههه

المصريين مالهمش حل والله

---------

هل يوجد شغل أفضل من هذا !!!؟

إنه وقت يُحتسب في سبيل الله

اليوم كنت أريد قراءة قرءان وتذكرت إنه يجب ان أرسل رسائل للدعوة لمؤتمر الأستاذ حازم بالمنصورة يوم الأربعاء القادم وأيضا أرسل رسائل أحث فيه من على قائمة هاتفي لتأيده والعمل في الحملة فقلت في نفسي كلها أعمال صالحة وأرسلت الرسائل وأحسب إن هذا حال كل من يعمل في الحملة

حمد الله عالسلامة يا دكتورة

طب سؤال

أنا لو إشتغلت في حملة حمدين صباحي أو أبو الفتوح ... يبقى كده في سبيل إيه ؟

إحنا خلاص حطينا رجلنا على أول طريق غزوة الصناديق الثانية ... وربنا يستر على مصر بجد

طيب ممكن تحدد يا احمد المصريين مالهم حل فى ايه بالظبط

اصلى شوفت واحد مركب الصورة على ورق تواليت وكاتب تعليق مش كويس

_________________

اما بخصوص احتساب الوقت فى سبيل الله

فمش بس انك تنتخب حمدين صباحى او ابو الفتوح فى سبيل الله

فحضرتك ممكن تحتسب كل شئ لله .. جدد النية مثلا ان ابنك انت بتعلمه احسن تعليم علشان فى المستقبل

يفيده بلده و اهله فى اى من المجالات .

تحياتى

[Alshiekh]

طب سؤال

أنا لو إشتغلت في حملة حمدين صباحي أو أبو الفتوح ... يبقى كده في سبيل إيه ؟

شوف يا سي السيد

لو هاجمت الشيخ حازم أبو إسماعيل ستجد من يهاجمك ويتهمك بأنك تهاجم الإسلام

إذن الشيخ حازم أبو إسماعيل = الإسلام ( في نظر مؤيديه )

إذن فمن يعملون في حملة أبو إسماعيل هم يعملون في سبيل الإسلام

حمدين صباحي ليبرالي علماني = ليبرالي علماني كافر قذر متعفن

عبدالمنعم أبو الفتوح مغضوب عليه من المرشد ومطرود من رحمة ربنا وبيؤمن بمبادئ الليبرالية الإسلامية = ليبرالي كافر قذر متعفن

يبقى من يعملون في حملة صباحي أو ابو الفتوح هم يعملون في سبيل الليبرالية الكافرة الفاسقة القذرة المتعفنة

مع ملاحظة أنه في حالة رضا المرشد على أبو الفتوح فلسوف تتبدل عقيدة أبو الفتوح ليصبح مؤمنا مسلما ومن يعمل معه سيكون من العاملين في سبيل الله ولكن بدرجة أقل علشان مش بيعرف يعالج بالقرآن ودقنه مش طويلة.

واللي يعيش ياما يشوف ، واللي يبحث في أحوال المصريين يشوف أكثر

[capitshino]

طب سؤال

أنا لو إشتغلت في حملة حمدين صباحي أو أبو الفتوح ... يبقى كده في سبيل إيه ؟

شوف يا سي السيد

لو هاجمت الشيخ حازم أبو إسماعيل ستجد من يهاجمك ويتهمك بأنك تهاجم الإسلام

إذن الشيخ حازم أبو إسماعيل = الإسلام ( في نظر مؤيديه )

الاصح فى رائى ان تكتب "إذن الشيخ حازم أبو إسماعيل = الإسلام ( في نظر بعض من مؤيديه )

"

تم تعديل 27 مارس 2012 بواسطة capitshino