جمعه العمل

[مدام علا كامل]

الحمد لله مصر رجعت للمصريين - الشعب المصرى شعب اصيل ومتميز عن كل شعوب العالم

الثوره والحمد لله سلميه ونجحت فى القضاء على الفاسدين - وربنا يرحم الشهداء ويصبر اهلهم

دعوه ارجو ان تنتر بين المصريين لايقاف التظاهرات وقطع الطرق والاحتجاجات اليوميه علشان يبداء العمل فى البناء

كل فئه عندها مطالب يجب ان تتطلبها بطريقه متحضره - ويكون فيه لجنه مثلا من المدرسين لمخاطبه الحكومه - ولو فيه اضراب يبقى يتم الاعلان عنه ويكون فى وقت محدد ولا يضر بالصالح العام

دعوه ان يكون فيه جمعه العمل - اكثر من الميلون فى التحرير ينظموا نفسهم للقيام باعمال تطوعيه مثلا لتنظيف الشوارع - زرع اشجار - المساعده فى بناء بيت - الدخول للعشوئيات لمساعده الناس هناك وتنظيف المنطقه السكنيه اشياء كثيره مصر محتاجها وروح العمل والتعاون اصحبت موجوده فى الشارع المصرى

مش عاوزين العادلى ومبارك وعصابته يشمتوا فى مصر وفى المصريين

العالم كله احترم مصر واخد المصريين ثدوه بعد الثوره - انت مصرى فى الخارج بقت حاجه محترمه جدا ولنا الشرف اننا مصريين

يبقى لازم بدايه لتنميه مصر وبناء مصر والعمل على الاصلاح

الناس فى مصر صبرت 30 سنه يبقى يحاولوا يصبروا الان والاصلاح قادم لا محاله لكن الحكومه و اجهزه التحقيق فى مصر الله يكون فى عونهم الحكايه مش ناقصه مشاكل اكثر

الاضرابات والاحتجاجات لازم تقف لمده علشان مصر - ولو فيه اضراب يبقى لا داعى للتخريب ويكون بنظام ولوقت محدد ولا يعطل العمل او يرهب الاخري

دى فكره يارب تلاقى صدى علشان كلنا نحب مصر - ومصلحه مصر فوق الجميع

عمار يا مصر

مدام علا كامل

نيوزيلاندا