حدش شاف لماضة

[spain]

البت دي وحشتني

انا صحيح بادخل علي فترات متقطعة

بس ملاحظة غيابها وبشدة مفتقده كلامها

محدش يعرف لماضة مصرية جدا راحت فيين

[Alattar]

هتلاقيها جاية ان شاء الله بعد شوية و تقوللك كنت مشغولة شوية و جيت جري أول ما حد سأل عليا..ووش عيل جري علي مامته أول ما قالتله أنا عاملالك سندوتش مربي بالقشطة..و الكلام العجيب بتاعها ده

[المهندسه]

هتلاقيها جاية ان شاء الله بعد شوية و تقوللك كنت مشغولة شوية و جيت جري أول ما حد سأل عليا..ووش عيل جري علي مامته أول ما قالتله أنا عاملالك سندوتش مربي بالقشطة..و الكلام العجيب بتاعها ده

طيب يا عطار يا اخويا ...ماتاخد لفه بالمرشيدس بتاعتك و تدورلنا عليها ...يالا روح و تعالى بسرعه ماتتأخرش محدش معاه فى المنتدى

دريكسيون غيرك علشان نلفلف وراك ندور عليك..

والله انا معجبه جدا جدا جدا بالصوره...ياريت تعرفنى انت حملتها منين و ازاى

تم تعديل 9 يونيو 2011 بواسطة المهندسه

[Alattar]

هتلاقيها جاية ان شاء الله بعد شوية و تقوللك كنت مشغولة شوية و جيت جري أول ما حد سأل عليا..ووش عيل جري علي مامته أول ما قالتله أنا عاملالك سندوتش مربي بالقشطة..و الكلام العجيب بتاعها ده

طيب يا عطار يا اخويا ...ماتاخد لفه بالمرشيدس بتاعتك و تدورلنا عليها ...يالا روح و تعالى بسرعه ماتتأخرش محدش معاه فى المنتدى

دريكسيون غيرك علشان نلفلف وراك ندور عليك..

والله انا معجبه جدا جدا جدا بالصوره...ياريت تعرفنى انت حملتها منين و ازاى

مش عارف ليه شامم ريحة ليلي في الموضوع ده..حاسس انها هي اللي معجبة بالصورة..

عموما الصورة موجودة في أيقونات المنتدي اللي ما حدش معبرهادي..مع ان والله فيها حاجات مسخرة علي الآخر..

[arkan]

ان شاء الله تكون بخير وتلاقيها مشغولة

تيجي بالسلامة

[se_ Elsyed]

في ناس شافوها بتفسح الفار بتاعها أول امبارح في جُميرا بيتش

وناس تانية بتقول لأ ده الفار وقع في المصيدة ومات وهي في فترة حداد

وناس تانية بتقول لماضه نزلت مصر عشان تشارك في جمعة الغضب الثالثة

[spain]

هتلاقيها جاية ان شاء الله بعد شوية و تقوللك كنت مشغولة شوية و جيت جري أول ما حد سأل عليا..ووش عيل جري علي مامته أول ما قالتله أنا عاملالك سندوتش مربي بالقشطة..و الكلام العجيب بتاعها ده

ههههههههههههههههههههه

ايوة فعلا

هي كلامها كده بس لذيذ مووت

وبتقعد تسألني

عارفة الحاجة الفلانية ؟

تقولي هزي راسك وقولي اه عارفاها

يعني كمان بتطلب ايماءات

تكونش اتخبطت؟ الخبطة اياها

مجرمة بصراحة

[spain]

هتلاقيها جاية ان شاء الله بعد شوية و تقوللك كنت مشغولة شوية و جيت جري أول ما حد سأل عليا..ووش عيل جري علي مامته أول ما قالتله أنا عاملالك سندوتش مربي بالقشطة..و الكلام العجيب بتاعها ده

طيب يا عطار يا اخويا ...ماتاخد لفه بالمرشيدس بتاعتك و تدورلنا عليها ...يالا روح و تعالى بسرعه ماتتأخرش محدش معاه فى المنتدى

دريكسيون غيرك علشان نلفلف وراك ندور عليك..

والله انا معجبه جدا جدا جدا بالصوره...ياريت تعرفنى انت حملتها منين و ازاى

لا مدام فيها عربية ..اي سيارة ..ومرشيدس

لا عندكش مكان في الشنطة ورا

او حطني علي الرفف حيكفي

واهي فسحة بدل الحبسة اللي احنا فيها دي

الغريبة اني بعت لها رسايل ومش بترد

هي مش بتدخل المنتدي

؟

طيب حد هنا يعرفها معرفة شخصية عشان يطمنا عليها

[spain]

في ناس شافوها بتفسح الفار بتاعها أول امبارح في جُميرا بيتش

وناس تانية بتقول لأ ده الفار وقع في المصيدة ومات وهي في فترة حداد

وناس تانية بتقول لماضه نزلت مصر عشان تشارك في جمعة الغضب الثالثة

هي اتخطبت لفار؟

هي مربية فار بجد

طب لو سمحت يا استاذ س س (واضح انك قارش ملحة الفار) مم

ابعتلها انت يمكن لما تشوف اسمك تتخض وترد علي ....اتحاد الملاك

ورد لنا خبر ان قدرت

[Om Zayd]

على فكرة .. ده هامستر مش فار

:closedeyes:

ربنا يرجعك بالسلامة يا لماضة .. و يكون فيه أخبار حلوة

بندعيلك بظهر الغيب .. مش بنجيب في سيرتك و لا حاجة خااااااااااااالص

و آآآآآآدي قعدة

ههههههههههه

[se_ Elsyed]

هي مربية فار بجد

هي بصراحة مربية هامستر .. بس أنا بأسميه فار .. وهي بتضايق من التسمية دي وبتعتبرها إهانة لشُكري .. أيوه انا مسمي الفار ده شُكري .... ومصمم إن هو فار .. وعشان عارف إن الحاجة دي بتغيظها

فبأقعد أقولها

فار

فار

فار

فار

والله لما يبقى دكتور سنان ... برضوا فار

[spain]

على فكرة .. ده هامستر مش فار

:closedeyes:

ربنا يرجعك بالسلامة يا لماضة .. و يكون فيه أخبار حلوة

بندعيلك بظهر الغيب .. مش بنجيب في سيرتك و لا حاجة خااااااااااااالص

و آآآآآآدي قعدة

ههههههههههه

انتوا حتقعدوا كلكم تسوقوا

بيتغيظوني علشان لسه باتعلم السواقه

ليه بس بتفكريني يا ام زايد

دوري انتي عموما

و انا حاركب علي رفف مرشيدش عطار... ارحم

[spain]

هي مربية فار بجد

هي بصراحة مربية هامستر .. بس أنا بأسميه فار .. وهي بتضايق من التسمية دي وبتعتبرها إهانة لشُكري .. أيوه انا مسمي الفار ده شُكري .... ومصمم إن هو فار .. وعشان عارف إن الحاجة دي بتغيظها

فبأقعد أقولها

فار

فار

فار

فار

والله لما يبقى دكتور سنان ... برضوا فار

يعني بتغيظها مرتين مرة بانك مسميه .........(معلش يا لماضة مضطرة اقولها )..فار

وكمان مسميه ...شكري

ياريتها كانت اتخطبت لفار ...كان ارحم

ارحم لي من اني اعرف عنها انها

مربية

مش قادرة اقولها

هامستر

(وش ابو العلا في الزوجة التانية وهو بيقول غصب عنه طاااالق بالتلاته) ...

تم تعديل 9 يونيو 2011 بواسطة spain

[أمل حياتي]

لماضه شخصيه لذيذه جدا والأهم إنها تلقائيه ده أكتر شي يعجبني فيها ....

حالا حتلاقيها ظهرت هى ليست مختفيه .....

[مغتربة]

لموضه فراشه المنتدى الجميله الحمد لله بخير

و يا رب ترجع تانى تشاركنا بروحها الحلوه و قلمها المتميز عن قريب

[amanym]

لماضة بتسلم عليكم فردا فردا و فردة فردة وبتقول

ان سبب انقطاعها المفاجئ هو زميل فاضل هنا مخنوقه من شكلو ,, !

هو ليه يا جماعة معظم الاعضاء بتطفش واللى بينسحب اتمنى الاعضاء دى ترجع تانى حتى بعد ما تريح اعصابها...

[se_ Elsyed]

لماضة بتسلم عليكم فردا فردا و فردة فردة وبتقول

ان سبب انقطاعها المفاجئ هو زميل فاضل هنا مخنوقه من شكلو ,, !

الكلام ده عيب جداً ..

فلو كان من عندك .. يبقى عيب اكتر ...

ولو كان من عند لماضه وقالت لك إنت فقط : والنبي يا تيمور قول لهم إني منقطعة عشان مخنوقة من شكل زميل فاضل هنا ... يبقى عيب برضوا إنك تنقل كلام زي ده ....

وياريت اختنا ريهام تيجي وتوضح الموضوع قبل ما نحذف الكلام اللي مالوش لازمه ده

[لماضة مصرية جدا]

السلام عليكم و رحمة الله و بركاته

شكرا بجد لكل اللي بيسال عليا ربنا يسعد قلوبكم و مش طالبة منكم غير صالح دعواتكم

انا داخلة لسبب صغير...يعز عليا سؤالكم....و يعز عليا اهتمامكم

بس سامحوني الفترة دي

محتاجة اركز في خطوة مهمة و مش عارفة ارجع اكتب في المنتدي زي الاول

ادعولي من قلبكوا اوي

الحاجة بقي الاهم

باشمهندس اركتكيت...مداخلات حضرتك غير مقبولة لا هزار و لا جد و لا اهتمام و لا اي مسمي من المسميات

مافيش اي علاقة شخصية و لا طريقة تواصل بيني و بين حضرتك عشان تتفضل مشكورا و تطلع تتكلم بالنيابة عني في اي حاجة لاني مفتكرشي اني عينت حضرتك تبقي المتحدث الرسمي بتاعي

و اللي بيزعلني بقوله في عينه انه مزعلني...مافيش حاجة و لا حد يقدروا يجبروني اني امشي من مكان انا بحبه و بحترمه و ليا فيه ذكريات عمري ما راح انساها

طريقة حضرتك مرفوضة تماما....

و قولتها لحضرتك قبل كده

و بتضطرني آجي و أقولها برضه علي العام

طريقتك مش عجباني....و متعملهاش معايا

مش هسمح باي مداخلة تاني يكون فيها اسمي و لا اي كلام علي لسان حضرتك

وضحت

و شكرا لكل اللي سال...جزاكم الله كل خير

افتكروني في دعواتكم

[لماضة مصرية جدا]

لماضة بتسلم عليكم فردا فردا و فردة فردة وبتقول

ان سبب انقطاعها المفاجئ هو زميل فاضل هنا مخنوقه من شكلو ,, !

هو ليه يا جماعة معظم الاعضاء بتطفش واللى بينسحب اتمنى الاعضاء دى ترجع تانى حتى بعد ما تريح اعصابها...

السلام عليكم و رحمة الله و بركاته

استاذة اماني....مش عارفة حضرتك اللي كاتباه ده استنتاج و لا استنباط و لا ايه

لان مشاركات حضرتك لسه قليلة و مش عارفة انتي جبتي منين حكاية الناس اللي طفشت و اللي هربت و اللي مسكوها من ع شريط السكة الحديد عشان يا حرام كانت رايحة تنتحر...(وشي و انا مغيوظة اخر سبع حاجات لان جالي هسهس الصراحة)

يا استاذتي الفاضلة لو حضرتك جديدة في عالم المنتديات يبقي اسمحيلي اقولك معلومة صغيرة آد النملة

محدش بيطفش من مكان بسبب المكان.....اللي بيسيب حاجة بيسيبها بارادته و لظروفه و يعز عليه المكان و يرجع يحن ليه تاني و تالت مهما اخدته السنين

و اذا كان علي دعوة حضرتك ان الاعضاء ترجع....انا كمان بقول كل قلم حلو بجد بيفتح ابواب العقل انها تفكر يا ريت يرجع لاننا بنفتقد الفكرة الحلوة

بس في نفس الوقت...طول عمري بقول الدنيا مبتقفشي....بتفضل تمشي...و بتفضل تلف

و بتفضل تورينا اعاجيب البشر....الحلو و اللي نص نص...و اللي اصلا سرااااااب

انا بقول كل ده ليه

عشان اقولك...متشغليش بالك باللي "طفش"....شمري دراعاتك و خشي بعزمك و كل فكرة حلوة هتحطيها و هتزرعيها....اتأكدي انها راح تنبت احلي مما تتخيلي و في يوم راح تمشي....بقراراك....بس اللي بتكتبيه بيفضل يسعد ناس بعديكي

مساكي......حروف....بنتواصل بيها...بس يمكن بتغير في حياة ناس تانية كتير

[Om Zayd]

ربنا ييسر لك الخير و يكرمك

و برده متطوليش الغيبة و طمنينا عليكِ