حدش شاف لماضة

[ابراهيم عبد العزيز]

حمد لله على السلامة يا أخت لماضة وعودا أحمدا

[amanym]

ايه ده يا جماعة التوبيك قلب خناقة وتهزيـئ انااخد نفسى واطلع منه لاحسن اسمعلى كلمه كده ولاكده وانا عندى الضغط اساسا ..

[المهندسه]

حمدلله على سلامتك يا ريهام ..وحشتينا و افتقدناكى اوى

ربنا يرشد للصالح ان شاء الله فى ال شاغل بالك من قرارات حاليه

ربنا يوفقك للخير يارب

و ما تغيبيش علينا تانى

بصراحه انا خوفت فعلا تكونى انسحبتى انتى كمان

لكن الحمدلله ..وحمدلله على سلامتك

[ذهبية]

قبل اى حاجة بادعولك من كل قلبى ان تكونى باسعد حال و ربنا دايما يسعد ايامك زى ما كنتى بتسعدينا بكلامك

و خفة دمك و حبك ومساندتك للكل

بس عايزة اقولك شوية كلمات حاسة انى عايزة اقولها ليكى من قلبى

انا اشتركت فى المنتدى من مدة صحيح دخولى مش منتظم زى كتير من الاعضاء لكن قدرت اتعرف على كل الاعضاء هنا من حروفهم و

كلماتهم ااقدر اقولك يا ريهام ان من ساعة ما دخلتى المنتدى و خليتى المنتدى طعم تانى و لون تانى خالص

قدرتى بجد تربطى بينا بالابتسامة الى طالعة من القلب و المشاعر الفياضة الى طالعة من القلب

من حقك تاخدى راحة منا و من المنتدى كلة بس مطوليش الغياب

لان بجد غيابك فارق معانا كلنا

[نوران]

السلام عليكم

تحيه طيبه استاده ريهام :flr1:

ربنا يوفقك لما فيه الخير في حياتك كلها .. امين

[باهى الطائر الحزين]

الاصدقاء كلنجوم

مهما غابت او خفت بريقُها

نعلم مكانها فى السماء

[التونسى]

ربنا يوفقك يا لماضه فيما يحبه ويرضاه ..اى نعم المحاورات بيت افتراضى جميل بيجمعنا كلما تسمح الظروف...وفيه بنفرغ كتير من الطاقات النفسيه والذهنيه .. لكن تظل حياتنا على ارض الواقع هى الاهم .. وشغلنا الشاغل ..وكثيرا ما تحرمنا الظروف الحياتيه من التواصل الكترونيا .. وقد ننقطع تماما ..ولكن تبقى الذكرى الطيبه للمكان والاشخاص تداعب خيالنا

ربنا يكرمك يا ريهام ودايما نطمن عليكى ان شاء الله

[engmido]

اولا واخيراا ... ربنا يوفق الجميع الى ما يحب ويرضى من القلب خالصة لوجهه الكريم

--

ثانيا يحزننى جداا الرد الناشف معلشى ملهاش تسمية غير كده من الاخت لماضة ربنا يوفقك سوا دخلتى وشاركتى او لم تشاركى حتى لو استفزك احد لا يجوز الرد هكذا

وخصوصا على العضوة amanym لان هناك فعلا اعضااااااااء كتييير طفشوا ( او سموها زى ما تسموها)

فهى بتعلق عادى وللعلم انا لا اعرفها

وشكرااا وربنا يوفق الجميع لما يحبه ويرضاه

[Damo]

السلام عليكم

يا جماعة ريهام كلنا نعرفها من زمان ومش غريبة على حد فينا. و نعرف إنها انسانة محترمة جدا ولايمكن نتوقع منها أي تصرف غير مقبول بـأي حال من الاحوال.

واضح جدا من ردودها إنها بتمر بظروف صعبة. محدش فينا مر بمحنة إلا وكانت لماضة بتختفي وكل الهزار يقف وتطلع ريهام تقف جمبو. كده احنا بنرد الجميل ؟؟؟

أنا مضايقة قوي من بعض ردود الفعل اللي هاجمتها كأن لسة متعرفين عليها امبارح.

ربنا معاكي ريهام إن شاء الله فترة و هتمر.

تم تعديل 12 يونيو 2011 بواسطة Damo