خايفه انزل مصر

[نوران]

السلام عليكم

ميعاد الاجازه خلاص

كلها ايام ونسافر ان شاء الرحمن

بس مش عارفه ليه عندي احساس بخوف وقلق غريب مش عارفه ايه سببه بالتحديد

هل ده شعور طبيعي وللا انا فيه حاجه غلط؟

صحيح انا بخاف من الطيارة وصحيح فيه مشاكل كتير في مصر مستنيانا وصحيح ولادي هيشبطوا في جدهم وجدتهم ولما تخلص الاجازة هيعملوا مناحه

لانهم مش بيحبوا هنا (السعوديه) مع اننا والله بنفسحهم ونجيبلهم اللي نفسهم فيه وزياده بس برضو بيحبوا مصر جدا عن هنا

انا شايله هم الحاجات دي كلها بس احساس الخوف والقلق ده اكبر من كل الحاجات دي

مش عارفه سببه ومش قادره اسيطر عليه

كل ما بفتكر انها ايام ونسافر ان شاء الله الاقي بطني كركبت ودقات قلبي زادت وايدي تلجت

ربنا يسترها معانا ومع كل المسافرين ويجمعنا مع اهالينا علي خير يارب ويبلغنا جميعا رمضان ...امين

اسألكم الدعاء

شكرا.

[مروان]

ان شاء الله توصلوا بالسلامة وترعوا مجبوري الخاطر وسعداء بعدما تقر الاعين برؤية الاحباب

ولا داعي للقلق مصر بخير

وما يفعله الاولاد سلوك طبيعي كان الله في عونهم

[أمل حياتي]

اختي نوران إنزلوا واتكلي على الله .....

والتغيير لازم وضروره وكل شي مكتوب بأمر الله

وبإذن الله تقضوا أجازه سعيده وتكونوا مرتاحين فيها ...

كل شي بالبدايه صعب وكبير وبيصغر مع مرور الوقت

[نوران]

جزاكما الله خيرا

وشكرا جزيلا علي الدعاء

[ريمون]

"إدخلوا مصر إن شاء الله آمنين"

"مبارك شعبى مصر "

[Om Zayd]

تيجوا بالسلامة

يمكن انتي زي حالاتي .. مبحبش لحظة السفر و كركبته و دوشته و اني هغير نظام حياتي

بالذات لو مسافرة فترة قصيرة و راجعة تاني لنفس النظام

لكن اول ما بنتوكل على الله و نسافر بستمتع بكل ثانية في السفرية

توكلي على الله و استمتعي بمصر .. أهلك و حبايبك

أمل حياتي كانت عاملة موضوع عن الحالة الامنية

http://www.egyptiantalks.org/invb/index.php?showtopic=120794&st=0&p=734461&fromsearch=1entry734461

و متنسيش

الهدايا من مصر

http://www.egyptiantalks.org/invb/index.php?showtopic=120740&st=0&p=734048&fromsearch=1entry734048

:closedeyes:

[نوران]

استاد ريمون ...الف شكر لحضرتك

اختى ام زيد شكرا جزيلا

وربنا يبارك فيكى

[shiko]

نوران

مصر بحالها هاتنور بالعيلة الجميلة ...

دعى القلق ...

افتحى كل انوار وطاقات السعادة بالعودة

لا تنشغلى بالاحداث ....فقط اشغلى روحك وقلبك بتفاصيل الاحداث

جهزى قائمة باحتياجات السفر ....وتذكرى كل تفاصيل السعادة بها

اتصلى باصدقائك بالغربة ....وبلغيهم بسعادة بميعاد سفرك ....

استعدى بملابس جديدة للسفر ....لكى ولعائلتك

تذكرى اى مناسبة سعيدة لعائلتك بالوطن ورتبى للاحتفال بها ....

دللى روحك ...واهتمى كل من حولك ....

اوعدى نفسك بالسعادة فى تلك الايام

وتذكرى ان زوجك وكذلك اولادك فى امس الحاجة لتلك الراحة ..فلا تفسديها عليهم بقلقك

ولا تستهلكى طاقتك فى التفكير والتدبير الذى لا طائلة منه ...

ولا تنسى ...

تفائلوا بالخير تجدوه .....

استعدى لشرنقة من السعادة صنعتيها بنفسك

تم تعديل 11 يونيو 2011 بواسطة shiko

[عاشق النيل]

بعد السلام عليكم

ادعو الله عز وجل ان يكتب لكا المسافرين سلامه السفر ذهاب وعودة وان يجمعنا جميعا باهلنا على خير وصحة وسلامه

وادعوا الله سبحانة وتعالى ان يحفظ بلدنا الغالية عليا وان يوفقنا للعمل الجاد حتى نثبت لانفسنا ولاولادنا اننا نستحق ما قام به المصريين من رغبة صادقة بالتغيير الى الصالح

وانا نازل ان شاء الله بعد شهر ولو انى مش خايف لانى نفسى ف اهلى وبلدى على اى حال تكون علية البلد

وشكرا

:egyflag: :egyflag: :egyflag:

[نوران]

شيكو

شكرا على كلامك الجميل ده

جزاكي الله كل خير

تم تعديل 11 يونيو 2011 بواسطة نوران

[نوران]

استاد عاشق النيل

شكرا وجزاك الله كل خير علي الدعاء

ربنا يجمعنا بأهلنا ويجمع حضرتك بيهم علي خير..امين

انا كنت فرحانه جدا اني مسافره من فترة بسيطة

بس زي ما قلت قبل كده لما معاد السفر قرب حسيت بخوف وقلق غريب مش قادره احدد له سبب

والاحساس ده ليس له علاقه بالتغيير اللي حصل في مصر ولا بالوضع الامني إطلاقا

ربنا يكتب السلامة لكل المسافرين ويوفقنا جميعا لما فيه الخير ..امين

تم تعديل 11 يونيو 2011 بواسطة نوران

[خالد شحاته]

الاخت الفاضله

لتقلقي الجو في مصر امان وسيبك من كلام الاعلام الفاضي انا كنت في مصر من قبل الثوره بكم يوم ولسه واصل الرياض الاسبوع الماضي الفوضي حصلت في كم شهر في الاول بس الان الحمدلله الامن نزل وبكتره بس طبعا الشعب بينظر للشرطه نظره غير النظره الاولي الا قبل الثوره بس بس الامور تمام والحمد لله احسن من الاول مليون مره انتي اتوكلي الله وانزلي اجازتك وتكون اجازه سعيدة عليكم جميعا