إحالة هيكل للنيابة العسكرية

[Alshiekh]

إحالة هيكل للنيابة العسكرية

تم اليوم إحالة الكاتب الصحفى محمد حسنين هيكل الى النيابة العسكرية بسبب تصريحاته حول الضربة الجوية فى حرب 73، على أثر بلاغ تقدم 45 طيارا ممن شاركوا فى حرب أكتوبر 1973 إلى النائب العام ضد الكاتب الصحفى محمد حسنين هيكل.

واتهم البلاغ هيكل بإهانة القوات المسلحة بسبب تصريحات أدلى بها لجريدة "الأهرام"، وقال فيها إنه لم تكن هناك ضربة جوية فى الحرب، وإن ما حدث لا يخرج عن كونه مظاهرة جوية لإعادة الروح المعنوية للمقاتلين، واصفين التصريحات بأنها "كذب صريح ومحض افتراء"، وألحقت ضرراً بالمقاتلين وأسرهم وزملائهم وأبناء وأسر الشهداء وأدت إلى الحط من شأنهم .

قال الطيارون فى البلاغ إنه من غير المعقول إرسال 220 طائرة إلى المجال الجوى للعدو المتفوق فنياً على مصر لتحقيق هدف نفسى يتمثل فى رفع الروح المعنوية للجنود، مستشهدين بآراء وشهادات خبراء عسكريين مصريين وإسرائيليين وأجانب حول دور القوات الجوية المصرية فى المعركة، مطالبين بالتحقيق مع "هيكل" وإلزامه بالتعويض المادى عما ترتب على تصريحاته من أضرار.

http://www.youtube.com/watch?v=BwGs9QoaqIE

[Alshiekh]

يظهر إن هيكل لسانه حيجيب له وجع القلب وحيقلب عليه الجديد والقديم

من كام يوم قال انه عنده معلومات موثقة عن ثروات مبارك وعائلته

ودلوقت بيشكك ( كعادته ) في سلاح الطيران وفي دوره في حرب اكتوبر 1973

[tarek hassan]

كان لابد من وضع حد لإساءات هذا الكاتب والحمد لله أتى اليوم

[ذهبية]

بصراحة هيكل اخطا خطا كبير فى التقليل من قواتنا الجوية صحيح الخطاالاكبر هو تقزيم دورها فى الضربة الجوية بقيادة مبارك كانة هو من فعل كل شىء و محى كل الابطال

لكن ليس معنى ذلك ان القوات الجوية كانت بتتفسح رايح جاى اثناء الحرب

القوات الجوية كانت سبب اساسى فى انتصارنا و ليست هى فقط محمد حسنى مبارك كل جندى شارك فى المعركة فى السماء و الارض كل جندى

بنى سد و ميكانيكى اصلح طائرة بطل فى الحرب

كل عامل بنى مطار او ثكنة عسكرية بطل و شارك فى النصر

انا لو مكان اى بطل من هؤلاء الابطال اللى ضحوا بحياتهم علشانا و هما بيحاربوا عدو يملك احدث الاجهزة و احدث الطائرات و نحن

كنا متاخرين عنة فى كل شىء ماعاد ايمانا بالنصر و شجاعة ابطالنا

و فجاة يتم محو و انكار تضحيتى كنت هازعل على حياتى و على تاريخى و احس بالقهر

الف تحية من القلب لابطال النصر من كانوا فى السماء و من كانوا فى الارض

الف تحية للمحارب المصرى اللى تحدى كل الظروف و ضعف الامكانيات و حقق النصر

و ارجو ان يتم توثيق الحقيقة من ابطالها الحقيقين للاجيال القادمة ليعرفوا الابطال الذين تم محوة سيرتهم فى سبيل اظهار ابطال اخرين

ارجو ان تقوم القوات الجوية المصرية بعمل ملف تذكر فية ما تم و ما حدث و كتابة اسماء كل بطل و صورتهم

حتى لا نتفاجا بيوم بتاريخ اخرررر مزيف زى اللى عشناها طوال الثلاثين سنة

[م تيمور المراغي]

شهادة الاعداء غير مجروحة

http://www.youtube.com/watch?v=w4hO6BE_hQM

انا والدي كان نقيب طيار مقاتل في 73 وحكى لي عن بطولاته و زملائه عشرات الحكايات

السرية بتاعته كانت مكونه من 50 طيار لم يبق منهم الا 3 ,,

معقول ال 47 استشهدوا في استعراضات جويه !

هيكل خانه التوفيق

رغم اعجابي اللا متناهي بشخصه وعبقريته لكن !

[se_ Elsyed]

مرة أخرى .... هي كانت ثورة ولا شاي بلبن ؟

لما نحول صاحب رأي للمحاكمة او للتحقيق عشان قال رأي ليس فيه سب او قذف ....

ده بعد الثورة واخدين بالكم ؟

يبقى فرقنا إيه عن الحكم على طلعت السادات بالسجن عام بتُهمة الأساءة إلى القوات المسلحة " ايام المخلوع مبارك .. يا حلاوة !!!!!!!!

اه صحيح عرفتوا إن في مجرمين من مجرمي الشرطة المتهمين بقتل المتظاهرين إتاجلت القضية النهاردة تاني وتالت ورابع لشهر 9 ؟

إنما اليومين دول اللي بيحلم بس بالمجلس العسكري او القوات المسلحة .. بنقيم عليه الحد قبل ما يرتد إليه طرفه ....

مش كده ولا إيه ؟

وبعدين إحنا مش بنقرأ صحف عالمية وبنطلع على تليفزيونيات وميديا عالمية ...

وشوفوهم بيقطعوا في أجدع رمز في الدولة إزاي وماحدش بيقول لهم كخ

أنا طبعاً مش عاوزها مشتمة او فوضى ... لكن باطالب المجلس العسكري ياخد نفسه شويه وما يبقاش طلقه حامي في هيافات ..... وفي قضايا تانية مصيرية بتضيع البلد يبقى لوح تلج

[pink rose]

مرة أخرى .... هي كانت ثورة ولا شاي بلبن ؟

لما نحول صاحب رأي للمحاكمة او للتحقيق عشان قال رأي ليس فيه سب او قذف ....

ده بعد الثورة واخدين بالكم ؟

يبقى فرقنا إيه عن الحكم على طلعت السادات بالسجن عام بتُمهة الأساءة إلى القوات المسلحة " ايام المخلوع مبارك .. يا حلاوة !!!!!!!!

اه صحيح عرفتوا إن في مجرمين من مجرمي الشرطة المتهمين بقتل المتظاهرين إتاجلت القضية النهاردة تاني وتالت ورابع لشهر 9 ؟

إنما اليومين دول اللي بيحلم بس بالمجلس العسكري او القوات المسلحة .. بنقيم عليه الحد قبل ما يرتد إليه طرفه ....

مش كده ولا إيه ؟

وبعدين إحنا مش بنقرأ صحف عالمية وبنطلع على تليفزيونيات وميديا عالمية ...

وشوفوهم بيقطعوا في أجدع رمز في الدولة إزاي وماحدش بيقول لهم كخ

أنا طبعاً مش عاوزها مشتمة او فوضى ... لكن باطالب المجلس العسكري ياخد نفسه شويه وما يبقاش طلقه حامي في هيافات ..... وفي قضايا تانية مصيرية بتضيع البلد يبقى لوح تلج

مش لما يبقى رأي نبقى نطالب المجلس العسكري ياخد نفسه شوية

الراجل طالع يتهم شرفاء الوطن و ابطاله انهم كانوا طالعين يتفسحوا

بقى طيارين اكتوبر كانوا طالعين يرفعوا الروح المعنوية بس و يرجعوا يا سلام

و الناس اللي استشهدت في الطلعات الجوية و منهم عاطف السادات و غيره من الابطال دول كانوا ايه

الراجل هيكل دا عمري ما ارتحتله و الحمدلله ان الله بيثبتلي ان احساسي في محله

[Howayda Ismail]

يظهر إن هيكل لسانه حيجيب له وجع القلب وحيقلب عليه الجديد والقديم

من كام يوم قال انه عنده معلومات موثقة عن ثروات مبارك وعائلته

ودلوقت بيشكك ( كعادته ) في سلاح الطيران وفي دوره في حرب اكتوبر 1973

لا وحضرتك الصادق الظاهر انه كبر وخرف

طيب يشوف عيالهم والفساد اللى كانوا منقوعين فيه

من فترة قرات عن هروب ابنه للخارج

احمد محمد حسنين هيكل

هرب أحمد محمد حسنين هيكل رئيس مجلس إدارة شركة القلعة للاستثمار، إلى خارج مصر، رغم صدور قرار النائب العام في 14 مايو 2011 بمنعه هو وعاطف عبيد، رئيس الوزراء الأسبق، من السفر بعدما كشفت عنه التحقيقات من وقائع تسهيل الاستيلاء على المال العام والتربح وقيام عبيد بإصدر قرارات خصخصة لشركات عامة، وباعها لهيكل بأسعار متدنية.

ونفى مصدر بشركة القلعة هروب احمد هيكل، موضحا أنه متواجد في الخارج قبل صدور قرار المنع واضاف انه دخل مصر أمس

في حين قال مصدر قضائي: إنه في حالة وجود احمد هيكل بالخارج كان القرار الذي سيصدر من النائب العام هو ترقب الوصول وليس المنع.

وقال مصدر لـ"بوابة الوفد": إن احمد هيكل هرب بمعرفة شخصية كبيرة على صلة قرابة به وابن هذه الشخصية شريك لأحمد هيكل في إحدى الشركات، موضحا أن هيكل شارك في مؤتمر عقد بأمريكا عن الاستثمار والتمويل. وتساءل لماذا لم يتم التحقيق مع احمد هيكل حتى الآن؟.

وتقدم الدكتور جمال زهران عضو مجلس الشعب السابق وأستاذ العلوم السياسية ببلاغ للنائب العام مع أهالي الدائرة والعاملين بشركات البترول يتهم فيه كلا من أحمد وحسن هيكل وجمال مبارك نجل الرئيس المخلوع وسامح فهمي وزير البترول الأسبق بالاستيلاء علي شركات البترول العامة.

وقال زهران لـ"بوابة الوفد": إن شركة القلعة تقوم بتضليل د.عصام شرف رئيس الحكومة من خلال مشروع الشركة المصرية لتكرير البترول والمازوت بأنه سيضخ 3.7 مليار دولار استثمارات أي نحو 22 مليار جنيه، موضحا أن الأهالي لن يسمحوا بقيام هذه الشركة لأنها مدمرة للبيئة وتسبب السرطان وفقا لتقارير الجامعات تلوث مياه ترعة الإسماعيلية والسلام ومدن القناة إلي جانب القليوبية والقاهرة، إلي جانب أنهم قاموا بالاستيلاء علي أربع شركات حكومية هي القاهرة لتكرير البترول ومصر للبترول وانابيب البترول والجمعية التعاونية للبترول حصلوا علي أراض جاهزة بمعاملها، كما سيتم تدمير كل العمالة في الاربع شركات العامة مقابل تعيين 700 عامل فقط.

وأضاف أن هناك ضغوطا من شركة القلعة والخرافي والمجموعة السعودية علي الحكومة لتنفيذ المشروع موضحا أن شركة القلعة هي التي يمتلكها احمد وحسن أبناء محمد حسنين هيكل إلى جانب شركة هيرمس التي يساهم جمال مبارك في احدي شركاتها بنسبة 15%.

رابط الخبر

[Howayda Ismail]

مش لما يبقى رأي نبقى نطالب المجلس العسكري ياخد نفسه شوية

الراجل طالع يتهم شرفاء الوطن و ابطاله انهم كانوا طالعين يتفسحوا

بقى طيارين اكتوبر كانوا طالعين يرفعوا الروح المعنوية بس و يرجعوا يا سلام

و الناس اللي استشهدت في الطلعات الجوية و منهم عاطف السادات و غيره من الابطال دول كانوا ايه

الراجل هيكل دا عمري ما ارتحتله و الحمدلله ان الله بيثبتلي ان احساسي في محله

لى سؤال بسيط هل هيكل كان من محاربى اكتوبر وشارك فى الحرب بشحمه ولحمه

يعنى هو كان طيار معاهم ولا هو اللى وضع خطة الحرب والضربة الجوية

انا مش بتريق والله بس هو عرف المعلومات دى منين عشان يصرح بيها ؟!

[شرف الدين]

بكل أسف هيكل دائما ما يخلط السياسة بالأمور الشخصية.

وكل قصصه وحكاياته أبطالها قد ماتوا ...

هل ينسى أحد حكاية فنجان القهوة الذي أعده السادات لعبد الناصر قبل موته ؟

تلك الحكاية التي من تأليف ومونتاج وإخراج هيكل ...

[Alshiekh]

مرة أخرى .... هي كانت ثورة ولا شاي بلبن ؟

لما نحول صاحب رأي للمحاكمة او للتحقيق عشان قال رأي ليس فيه سب او قذف ....

ده بعد الثورة واخدين بالكم ؟

يبقى فرقنا إيه عن الحكم على طلعت السادات بالسجن عام بتُهمة الأساءة إلى القوات المسلحة " ايام المخلوع مبارك .. يا حلاوة !!!!!!!!

اه صحيح عرفتوا إن في مجرمين من مجرمي الشرطة المتهمين بقتل المتظاهرين إتاجلت القضية النهاردة تاني وتالت ورابع لشهر 9 ؟

إنما اليومين دول اللي بيحلم بس بالمجلس العسكري او القوات المسلحة .. بنقيم عليه الحد قبل ما يرتد إليه طرفه ....

مش كده ولا إيه ؟

وبعدين إحنا مش بنقرأ صحف عالمية وبنطلع على تليفزيونيات وميديا عالمية ...

وشوفوهم بيقطعوا في أجدع رمز في الدولة إزاي وماحدش بيقول لهم كخ

أنا طبعاً مش عاوزها مشتمة او فوضى ... لكن باطالب المجلس العسكري ياخد نفسه شويه وما يبقاش طلقه حامي في هيافات ..... وفي قضايا تانية مصيرية بتضيع البلد يبقى لوح تلج

هيكل مطلوب للنيابة في التحقيق المفتوح بشأن بلاغ تقدم به 45 طيار من اللى اتهمه هيكل ضمنيا بأنهم كانوا طالعين يتفسحوا

[Alshiekh]

مش لما يبقى رأي نبقى نطالب المجلس العسكري ياخد نفسه شوية

الراجل طالع يتهم شرفاء الوطن و ابطاله انهم كانوا طالعين يتفسحوا

بقى طيارين اكتوبر كانوا طالعين يرفعوا الروح المعنوية بس و يرجعوا يا سلام

و الناس اللي استشهدت في الطلعات الجوية و منهم عاطف السادات و غيره من الابطال دول كانوا ايه

الراجل هيكل دا عمري ما ارتحتله و الحمدلله ان الله بيثبتلي ان احساسي في محله

لى سؤال بسيط هل هيكل كان من محاربى اكتوبر وشارك فى الحرب بشحمه ولحمه

يعنى هو كان طيار معاهم ولا هو اللى وضع خطة الحرب والضربة الجوية

انا مش بتريق والله بس هو عرف المعلومات دى منين عشان يصرح بيها ؟!

هيكل كان بيكتب " بصراحة " في الاهرام ، وكان من ضمن كتاباته التي لاأنساها هو تثبيط عزيمتنا على الجبهة ( قبل بدء الحرب ) بتذكيرنا بأنابيب النابالم الموجودة على طول الضفة الغربية لقناة السويس وكيف أن قناة السويس ستتحول إلى بحر النيران ، لدرجة أن كان معانا زملاء جالهم انهيار عصبي عند بدء الحرب لانهم تخيلوا ان احنا حنتحرق لو قربنا من القناة.

[Howayda Ismail]

هيكل كان بيكتب " بصراحة " في الاهرام ، وكان من ضمن كتاباته التي لاأنساها هو تثبيط عزيمتنا على الجبهة ( قبل بدء الحرب ) بتذكيرنا بأنابيب النابالم الموجودة على طول الضفة الغربية لقناة السويس وكيف أن قناة السويس ستتحول إلى بحر النيران ، لدرجة أن كان معانا زملاء جالهم انهيار عصبي عند بدء الحرب لانهم تخيلوا ان احنا حنتحرق لو قربنا من القناة.

يعنى افهم من كلام حضرتك انه كان عميل لاسرائيل

انا عارفة ان حضرتك متقصدش تقول كده

لكن بما ان ده اللى كان بيعمله واللى قاله بعد كده عن الطيارين بالنسبة لى اقل وصف له انه عميل

ويمكن كان جاسوس واحنا مكناش نعرف

المفروض كاتب كبير كده يكون محفز ومشجع للجنود وغير مثبط لهمتهم وعزيمتهم كما وصفت حضرتك

[pink rose]

مش لما يبقى رأي نبقى نطالب المجلس العسكري ياخد نفسه شوية

الراجل طالع يتهم شرفاء الوطن و ابطاله انهم كانوا طالعين يتفسحوا

بقى طيارين اكتوبر كانوا طالعين يرفعوا الروح المعنوية بس و يرجعوا يا سلام

و الناس اللي استشهدت في الطلعات الجوية و منهم عاطف السادات و غيره من الابطال دول كانوا ايه

الراجل هيكل دا عمري ما ارتحتله و الحمدلله ان الله بيثبتلي ان احساسي في محله

لى سؤال بسيط هل هيكل كان من محاربى اكتوبر وشارك فى الحرب بشحمه ولحمه

يعنى هو كان طيار معاهم ولا هو اللى وضع خطة الحرب والضربة الجوية

انا مش بتريق والله بس هو عرف المعلومات دى منين عشان يصرح بيها ؟!

هيكل كان بيكتب " بصراحة " في الاهرام ، وكان من ضمن كتاباته التي لاأنساها هو تثبيط عزيمتنا على الجبهة ( قبل بدء الحرب ) بتذكيرنا بأنابيب النابالم الموجودة على طول الضفة الغربية لقناة السويس وكيف أن قناة السويس ستتحول إلى بحر النيران ، لدرجة أن كان معانا زملاء جالهم انهيار عصبي عند بدء الحرب لانهم تخيلوا ان احنا حنتحرق لو قربنا من القناة.

استاذ محمد

هل ينفع حضرتك تفتح توبيك عن ذكرياتك في الحرب

الفترة اللي قبلها

الاستعدادات نفسها

و قت الحرب

شعورك وقت ما عديتوا القناة

كل حاجه كل حاجه بالتفصيل

كان نفسي اعيش الفترة دي بجد

كان نفسي احس بالروح اللي كانت موجودة وقتها

ما عنديش حد شارك في الحرب يحكيلي بالتفاصيل اللي نفسي احس اني عايشاها من كتر ما هي دقيقة

الافلام مهما كانت مش زي الواقع

هل طلبي دا ممكن يتحقق؟

و نسمي التوبيك يوميات بطل من اكتوبر

[شرف الدين]

هيكل كان بيكتب " بصراحة " في الاهرام ، وكان من ضمن كتاباته التي لا أنساها هو تثبيط عزيمتنا على الجبهة ( قبل بدء الحرب ) بتذكيرنا بأنابيب النابالم الموجودة على طول الضفة الغربية لقناة السويس وكيف أن قناة السويس ستتحول إلى بحر النيران ، لدرجة أن كان معانا زملاء جالهم انهيار عصبي عند بدء الحرب لانهم تخيلوا ان احنا حنتحرق لو قربنا من القناة.

احنا ممكن نحسن الظن يا استاذ محمد .. ونبص للمسألة دي من زاوية تانية

وهي إن كتابات هيكل في الفترة دي كانت تعتبر جزء من خطة الخداع اللي اشتركت فيها أجهزة الدولة كلها تقريبا .. وأكيد كان الإعلام له دور كبير في خطة الخداع دي..

يعني لما كاتب بحجم هيكل وقتها يكتب الكلام ده وإزاي إن مصر مرعوبة من أنابيب النابالم اللي هتحول القناة لجهنم لحظة ما المصريين يفكروا يعبروها ..

مش الكلام ده أكيد كان بيوصل لإسرائيل وكان بيخليهم يظنوا أكتر وأكتر إن المصريين لا يمكن يفكروا أبدا في عبور القناة.

واعتقد إن اللي يأيد وجهة نظري دي إن علاقة هيكل بالسادات كانت كويسة طوال فترة ما قبل الحرب وحتى بعد الحرب بفترة فضلت علاقتهم كويسة.

[أبو محمد]

مرة أخرى .... هي كانت ثورة ولا شاي بلبن ؟

لما نحول صاحب رأي للمحاكمة او للتحقيق عشان قال رأي ليس فيه سب او قذف ....

ده بعد الثورة واخدين بالكم ؟

يبقى فرقنا إيه عن الحكم على طلعت السادات بالسجن عام بتُهمة الأساءة إلى القوات المسلحة " ايام المخلوع مبارك .. يا حلاوة !!!!!!!!

اه صحيح عرفتوا إن في مجرمين من مجرمي الشرطة المتهمين بقتل المتظاهرين إتاجلت القضية النهاردة تاني وتالت ورابع لشهر 9 ؟

إنما اليومين دول اللي بيحلم بس بالمجلس العسكري او القوات المسلحة .. بنقيم عليه الحد قبل ما يرتد إليه طرفه ....

مش كده ولا إيه ؟

وبعدين إحنا مش بنقرأ صحف عالمية وبنطلع على تليفزيونيات وميديا عالمية ...

وشوفوهم بيقطعوا في أجدع رمز في الدولة إزاي وماحدش بيقول لهم كخ

أنا طبعاً مش عاوزها مشتمة او فوضى ... لكن باطالب المجلس العسكري ياخد نفسه شويه وما يبقاش طلقه حامي في هيافات ..... وفي قضايا تانية مصيرية بتضيع البلد يبقى لوح تلج

سين سين .. سونسون .. أبو الأسيان ...... أنا مصدوم فيك

أنا كنت متقوقع ومش بادخل المحاورات لأسباب خاصة بى وبمزاجى الخاص والعام .. أقوم أول ما ادخل المحاورات وابدأ أقول لنفسى انى كنت غلطان فى دخول القوقعة ألاقيك كاتب المداخلة اللى فوق دى ؟

بقى يا راجل يا طيب حبك "للأستاذ" .. يخليك تهوِّن من جريمته فى حق الانتصار الوحيد اليتيم فى التاريخ المصرى الحديث ؟ .. يخليك تدخل تتوهنا فى دهاليز علشان نطلع منها نقول "أستاذ" وغلط يا جماعة .. متبقوش محسوكين كده مع الراجل الأستاذ الطيب اللى على نياته .. أنا فعلا مصدوم يا سين سين وحارجع اتقوقع تانى ويمكن ابطل كتابة فى المحاورات ..

الأستاذ محمد كتب :

هيكل كان بيكتب " بصراحة " في الاهرام ، وكان من ضمن كتاباته التي لاأنساها هو تثبيط عزيمتنا على الجبهة ( قبل بدء الحرب ) بتذكيرنا بأنابيب النابالم الموجودة على طول الضفة الغربية لقناة السويس وكيف أن قناة السويس ستتحول إلى بحر النيران ، لدرجة أن كان معانا زملاء جالهم انهيار عصبي عند بدء الحرب لانهم تخيلوا ان احنا حنتحرق لو قربنا من القناة.

وعلشان إيدى مصدية ومزرجنة على الكيبورد ..

وعلشان أرد على سؤال الفاضلة Hend Ali باقول إقروا الموضوع ده ياجماعة .. كلهم تلات صفحات .. بس فيهم "بعض" مما حاولت التنبيه إليه من "الأستاذ" وسمومه

وسامحونى

[shawshank]

مرة أخرى .... هي كانت ثورة ولا شاي بلبن ؟

لما نحول صاحب رأي للمحاكمة او للتحقيق عشان قال رأي ليس فيه سب او قذف ....

متفق مع حضرتك تمامًا. هي فين الجريمة؟

واحد قال تصريحات. هي دي جريمة؟ طب ما يصرح زي ماهو عايز. الرد المظبوط إن القوات المسلحة تكذب ويظهر مثلا نماذج من أبطال الطيران في أكتوبر يحكوا اللي حصل. بكده يبقى هيكل تم تكذيب كلامه، وتم زعزعة ثقة الناس فيه، ومحدش هيصدقه تاني. إنما إحالة للنيابة؟ بتهمة تصريحات؟ غريبة دي.

ولو هيكل وحش، يبقى الناس هتصدقه ليه؟ ممكن عشان معندهمش الوعي الكافي. يبقى الحل هو توعية الناس الوعي الكافي.

سبب المشكلة إن القوات المسلحة أو اللي مقدمين البلاغ شايفين إن هيكون فيه ناس تصدق كلام هيكل. لو كان هناك ثقة 100% إن مفيش حد هيصدقه، ماكانش حصل حاجة. لنفترض جدلاً إن واحد صرح وقال إن ماكانش فيه حرب أكتوبر أصلا وإسرائيل لسه محتلة سيناء وقواتها موجودة من سنة 1973 لحد دلوقتي في القاهرة. هل هتحقق النيابة العسكرية معاه؟ مفتكرش. لأنه محدش هيلتفت أصلا لكلامه. يبقى المشكلة وجود ناس هتصدق هيكل أو تسمع له، يبقى الحل توعية الناس مش تكميم الأفواه.

ولو قلنا إن الكلام ده لو صدر من حد تاني ماهوش معروف ولا شخصية عامة زي هيكل كان ممكن يعدي بدون تحقيق، يبقى كده بنحرم هيكل من حق من حقوقه كمواطن عادي بس عشان هو شخصية عامة. وده لا يستقيم.

هيكل ماشاركش في الضربة الجوية ولا كان ضمن من خططوا لها. يبقى ده أدعى إن الناس تصدق القوات المسلحة اللي خططت ونفذت، مش تصدق هيكل. المفروض إن مؤسسة عسكرية عريقة ماتتأثرش بالسهولة دي بكلام ساذج ومنافي للمنطق. أنا حاسس إن المجلس العسكري أصبح عنده حساسية مفرطة أكتر من اللازم، وده مينفعش في السياسة خالص. أو أصبح عند الجيش تضخم في السلطة والنفوذ أكثر من اللازم.

تم تعديل 12 يونيو 2011 بواسطة shawshank

[se_ Elsyed]

مصدوم ليه يا عم ابو محمد ؟؟؟

أنا لا مع هيكل ولا مع الجزيرة ..

أنا بس مستغرب عشان ماحدش فيكم مستغرب إن في قضايا متلتلة عندنا ونازلين في تأجيلات لشهور وهاتدخل في سنين .... ومع ذلك دمنا حامي قوي في حاجات لا هاتوادي ولا تجيب وبنطالب بالقصاص العاجل لواحد بيقول رأي مختلفين معه أو رأي جرح إحساس القوات المسلحة اللي بقت أستغفر الله العظيم زي الذات الألهية وممنوع حد يقرب منها

طب يا عم هيكل الناس كانوا طالعين يعملوا شقلبظات ويتفسحوا ... فهل هذا يُقلل من إنتصار إكتوبر أو يخلينا نعيد النظر فيها ؟

لا مؤخذه ... ده أحنا ليل نهار بنسمع من أشقاءنا الفلسطينيين ما في الخمر عن أكذوبة أكتوبر .. ومع ذلك ولا بيهمنا

الشيء اللي كنت عاوز أوصله والدكتور شاوشنك ركز عليه

معليش هاعيد السؤال ؟

هي كانت ثورة ولا شاي بلبن ؟

لو شاي بلبن . يبقى يالا نقطع في بعض ونحاكم بعض عشان كل واحد بيفتح بؤه ونسيب بقيت الجرايم والمجرمين اللي بيبرطعوا في البلد

لكن لو كانت ثورة يبقى قرار يُتخذ حالاُ بفتح ملفات حربي 67 و 73

وخلونا نبدأ بـ 73 ونعرض للناس اللي أنا منهم تاريخ صح وتاريخ حقيقي ..

مش تاريخ صاحب الضرب الجوية اللي فتحت باب الملوخية والكلام الهجص ده

من سنتين التليفزيون إتجنن في مخه وأستضافوا بعض قادة الوحدات اللي شاركوا في حرب 73 واللي إتكلموا على استحياء ... أقسم بالله أنا شعري طقطق من المعجزات اللي كنت بأسمعها

واللي السادات ومبارك شاركا في طمس كل تلك البطولات لمصلحتهما الشخصية وعشان ما يبقاش على الحِجر غيرهم ... بالمناسبة كان هايحصل لو كان والعياذ بالله جمال تولى الحكم .. والحمد لله بلا فخر كنا أول من كتب هذا وأنا كتبت إن جمال اللي عنده ساعتها 10 سنين كان ممتاز القط هايكتب عنه " البطل جمال مبارك صاحب بامبرز الحرية واللي شارك مشاركة حقيقية في حرب أكتوبر وكان سبب من أسباب الإنتصار لإنه كان طفل بريء وإحنا عارفين الطفل ما بيعرفض يكذب .. والأطفال أحباب الله .. فكان كل يوم يدعي ويقول - يالب ينصلك يا بابا على مين يعاديك )

يبقى شارك في النصر ولا لأ ؟

إذن دعونا من كل هذا وهيكل قال وهيكل عاد وخلونا خلال الفترة القادمة وده شيء في منتهى السهولة نخصص برامج وكُتب نسمع فيها الأبطال الحقيقيون لصناعة النصر ويبقى هو ده التاريخ اللي يُدرس وهو ده اللي الشيء اللي يخلينا نفخر ببلدنا وبتاريخنا ..

ده في بلاد يا جماعة بتزيف التاريخ عشان تعمل لنفسها بطولات وهمية ..

ما بالنا وتاريخنا مليان فخر وعِزة ومع ذلك مكتمين عليه

أه بالمناسبة ... حد يعرف حاجة عن ثورة يوليو غير اللي جه في فيلم رُد قلبي ؟

بلاش كده ... نعرف حاجه عن تفاصيل معاهدة كامب ديفيد ؟

فهمتوا أنا عاوز اقول إيه ؟

---------

اما من يُهاجم هيكل عشان إبنه رئيس مجلس إدارة شركة كبيرة ولم يثبت عليه أي تُهمة حتى الان ... وخلونا نفترض إن إبن هيكل أخد أعدام

ومع الفارق في التشبية

فهل سيدنا إبراهيم مسه شيء من كون أبوه كافر ؟

او سيدنا نوح مسه شيء كون إبنه كافر ؟

لأ أيها السادة .. بلاش نخلط الأمور وخلونا نحاسب على واحد على ما يفعله هو مش ما يفعله أبوه أو أخوه أو إبنه

[أبو محمد]

أولا .. علشان موضة مهاجمة المجلس العسكرى عمال مع بطال .. المجلس العسكرى لم يكن هو من أحال هيكل إلى النيابة العسكرية ، بل هو النائب العام بناء على بلاغ من بعض ضباط القوات الجوية الذين شاركوا فى حرب أكتوبر وعلى رأسهم اللواء محمد زكى عكاشة وهو رجل عادل فى تصريحاته يقول الحق .. قال حقيقة الضربة الجوية الأولى اللى الأستاذ بيقول انها كانت فسحة (لاحظ ان الأستاذ وقتها كان ما زال فى دائرة صنع القرار وهو من كتب التوجيه الاستراتيجى للحرب .. وقال عكاشة أيضا رأيه فى مبارك وفى الخطأ الذى ارتكبه بإلغاء الضربة الجوية الثانية :

واسمع ما قاله الرجل بنفسه .. ولاحظ شعوره فى آخر المقطع .. هو نفس شعورى ، وشعور الأستاذ "محمد" وشعور كل من كان له سهم ولو صغير جدا فى تلك الحرب .. هيكل لا يهين الجيش وحده (ومع ذلك ليس الجيش من أحاله للنيابة العسكرية) بل أهان شعبا بأكمله .. وبالذات الكهول يا سى السيد .. اللى مفروض ينضربوا بالنار زى خيل الحكومة

http://www.youtube.com/watch?v=_9yTr5q3zI8

السؤال .. ألا يعتبر الأستاذ مروجا لأكاذيب هو يعلم حقيقتها تماما ؟ .. السؤال الذى يفرض نفسه بعد ذلك .. لماذا؟ .. لماذا؟ .. قلتها فى عام 2007 على المحاورات .. كما قالها ناصر الدين النشاشيبى قبلى : من ؟ .. من يا هيكل .. أتسمعنى ؟ من المسؤول عن هزيمة 67 وضياع القدس وباقى فلسطين ؟ .. من ؟

نحن فى مرحلة انتقالية .. حيث يلعب كل خائن دوره فى تعكير مياه مصر وصولا إلى فوضى كوندليزا التى تهدف إلى تقسيم مصر مع دول عربية أخرى (إقرأ موضوع الفاضلة مصرية متغربة عن موضوع التقسيم .. سأدلى بدلوى فيه إن شاء الله) .. ولكن صعب .. لأن هناك من الأحياء من يعرف التاريخ الذى يحاول الأستاذ استخدامه لتأدية دوره فى التلاعب بالعقول .. دوره الذى يؤديه "باحترافية شديدة" منذ أن كان مراسلا عسكريا فى الحرب الأميريكية/الكورية قبل 1952

أشوفكم بالليل إن شاء الله وأحيانا إلى ذلك الوقت

[م تيمور المراغي]

اللواء طيار محمد زكى عكاشة: إلغاء «مبارك» الضربة الجوية الثانية تسبب فى «مذبحة الهليكوبتر»

السرية بتاعته كانت مكونه من 50 طيار لم يبق منهم الا 3 ,,

مذبحة الهليكوبتر دي هيا اللي استشهد فيها زملاء والدي 47 طيار مقاتل وتبقى من السرية 3 افراد فقط

سعيد سنبل

عبد المنعم المراغي ( مصاب حرب في قدمه )

والثالث للاسف لا اتذكر اسمه ,,

صور الثلاثة وهم يتقلدون الاوسمة من الرئيس السادات بحضور حسني مبارك والرئيس جعفر نميري عندي في القاهرة

لما ارجع مصر خلال اسبوعين ان شاء الله اسمحوا لي انزلها هنا ,,