لغز للحل و التفسير

[ام سلمي]

حلول الالغاز علشان نقفل الموضوع ده

لغز مغتربة (القبعات)

قبعة الاول حمراء ، لأن الثالث شايف الاول و الثاني ، لا يمكن يكونوا الاتنين قبعاتهم بيضاء واللا كان عرف ان لون قبعته هو حمراء (لأن ما فيش غير 2 ابيض فقط ) وما كانش اتقتل

يبقي قبعات الاول والثاني اما احمر وابيض او احمر واحمر،

لو فرض ان قبعة الاول كانت بيضاء والرجل الثاني شافها كان عرف ان اكيد قبعته حمراء( لأن ما ينفعش الاول والثاني ابيض) لكن بما انه ما عرفش واتقتل يبقي اكيد كان شايف قبعة الاول حمراء فلم يعرف هل قبعته هو احمر او ابيض .

-------------------------------------------------------

حل لغز ابو ريم

الرقم اليمين معطي ، الرقم الاوسط دائما 9 الرقم الشمال (9- الرقم اليمين)

-------------------------------------------------------

لغز الحاجة الخضراء ، ما اعرفش اجابته :)

------------------------------------------------------

لغز ال 12 كورة

حنقسم الكور 3 مجموعات كل مجموعة اربع كور

اول وزنة : حنحط 4 كور علي كل كفة ونسيب 4 كور علي جنب

الاحتمال الاول (الاسهل ) ان الكفتين يبقوا متساويتين وساعتها ال 4 كور اللي علي جنب حيبقي فيهم الكورة المختلفة

الاحتمال التاني ان مجموعة منهم تبقي اتقل من التانية وساعتها واحدة من المجموعتين دول حيبقي فيهم الكورة المختلفة

الاحتمال الاول (الاسهل):

الوزنة التانية: حاحط 3 كور من المجموعة اللي فيها الكورة المختلفة (المجموعة اللي كانت علي جنب) علي كفة من الميزان، و اسيب كورة علي جنب، واحط 3 كور من المجموعتين اللي اتوزنوا قبل كدة علي الكفة التانية(اي 3 كور ما احنا عارفين ان ما فيهمش الكورة المختلفة)

حيبقي في احتمالين

الاول : الوزنتين يطلعوا قد بعض وساعتها الكورة اللي علي جنب حتبقي هي المختلفة و الوزنة التالتة حتبقي اني احطها علي كفة واي كورة تانية علي الكفة التانية علشان اعرف هي اتقل واللا اخف .

الثاني :يطلع ال3 كور من المجموعة اللي فيها الكورة المختلفة اتقل او اخف ، نفترضها اتقل كدة يبقي عرفنا ان الكورة المختلفة اتقل من الباقيين(ونفس الكلام حينطبق لو اخف حتبقي الكورة المختلفة اخف ) ،

الوزنة التالتة ساعتها حتبقي اخد كورة من ال 3 كور دول علي كفة وكورة علي كفة تانية والكورة التالتة علي جنب ، لو طلعت الكفتين متساويتين تبقي المختلفة هي الثالثة وطبعا كنا عرفناانها اتقل (او اخف )عن طريق الوزنة التانية ، لو الكفتين طلعوا مختلفين يبقي الكورة المختلفة هي اللي في الكفة الاتقل (وطبعا كانت حتبقي اللي في الكفة الاخف لو الوزنة التانية طلعت اخف )

كل ده احنا في الاحتمال الاول ، اخلي الاحتمال الثاني للمداخلة الجاية ان شاء الله

تم تعديل 16 يونيو 2011 بواسطة ام سلمي