اول سؤال اجبارى فى اللغة العربية ( ثانوية عامة ) عن .......

[Howayda Ismail]

اكتب في هذا الموضوع - اجباري- :

===============================

اكتب فيما لا يقل عن ستة اسطر رسالة الي رجال الشرطة تحثهم فيها علي العودة الي مواقعهم لتحقيق الامن و الامان ..

من اجمل التعليقات على الموضوع

Menna Atef الشرطة زى ما هى ما تحاولش اللى فيهم فيهم مهما تقول لهم مش لو كتبت 6 سطور لو حتى كتبت 6 صفحات

Huda Altwabty شكل الي حط الامتحان ضابط شرطة ونفسه الناس

Lola Ahmed سؤال غبي واللي كتبه اغبي منه .. يعني ايه نحثهم علي العودة للشارع ؟؟؟ يعني هما عايزين عزومة ؟؟ ولا هما بيمنوا علينا لما بيشوفوا شغلهم ؟؟؟انا عمري ماشفت كدة ولا حاشوف بصراحة .. امتي نخلص باه من الناس اللي بتفكر بالطريقة دي ...

Nada Raafat احنا عايزين العيال تنجح وخلاص بلا شرطه بلا شعب

Marwa Salih قال احثهم قال مانشالله عن ابوهم مانزلو والا اتنيلو على عنيهم هو احنا هنشحتهم يشوفو شغلهم؟الللى مش عايز يشتغل يقدم استقالته وده يبقى كرم اخلاق مننا اننا نخليهم يقدمو استقالتهم مايتعزلوش من مناصبهم اللى مايستحقوهاش

Moouny Eme Moouny حسبي الله ونعم الوكيل االامتحان زي الزفت سهل ممتنع وواحد معقد الي كاتبه وشكله حزب وطني انا اخويا كتب فيه الموضوع وهو اصلا قرفان من الشرطه الهي يتحرقوا هما بيعلمونا الادب يعني

هيه وانتم تعليقكم ايه على الموضوع

عن نفسى صراحة حاجة تقرف هو ده وقت ينكدوا على العيال بدل مايكلموا العيال عن حاجة للتنمية

او احلامك ايه بعد الثورة يقولوا لهم بوسوا ايد عموا عشان يرجع

محدش معترض انهم يرجعوا بالعكس الناس بتساعدهم دلوقت ومتعاونة معاهم ومننكرش وجودهم ضرورى

المهم هما يتواضعوا ويحترموا الناس عشان الناس تحترمهم وتحبهم وتنادى برجعوهم

الضابط اللى مش مؤمن برسالته وحقيقة وظيفته مش مفروض يرجع خليه فى بيته احسن

اللى فاكر نفسه راجع عشان يابيه وياباشا وتعظيم سلام بناقص منه ولا ايه

تم تعديل 12 يونيو 2011 بواسطة Hend ali

[م تيمور المراغي]

في اجتماع الشباب مع اللواء العيسوي وزير الداخلية امبارح

تم عرض اقتراح ان تقوم الحركة بتشكيل لجان من شباب الثورة لهم مهام امنية بعد تلقي تدريبات مكثفة لمساعدة رجال الشرطة في فرض الامن ,,

الظابط اللي حيتدلع او يتقاعس يقعد في بيتهم

و مش حيحمي مصر ولا حيكون قلبه عليها زي شباب الثورة

http://www.egyptiantalks.org/invb/index.php?showtopic=122634&st=0&p=748695&fromsearch=1entry748695

[Howayda Ismail]

أول شكاوى طلاب الثانوية العامة من امتحان اللغة الإنجليزية.. وبكاء جماعى بسبب طول الأسئلة وقصر الوقت.. وحالات إغماء بالمنوفية.. وغش جماعى بأبو حماد.. ومحافظ أسيوط يزيد زمن الامتحان 10 دقائق

للمرة الأولى منذ بدء امتحانات الثانوية العامة يخرج الطلاب وهم فى حالة غضب من مستوى الأسئلة، حيث شكا طلاب المرحلة الثانية من امتحان اللغة الانجليزية، مشيرين إلى أن الامتحان تجاوز مستوى الطالب المتوسط.

تركزت شكاوى الطلاب حول الأسئلة "2 و3 و4 و8" والتى وصفوها بأنها جاءت غير مباشرة، وأدت إلى شعورهم بطول الورقة الامتحانية.

تباين موقف طالبات لجنة مدرسة المنيرة بوسط القاهرة من مستوى الامتحان، حيث رأى البعض أنه متوسط يميل إلى الصعوبة فى بعض الأسئلة، فيما بكت طالبات أخريات ووصفن الامتحان بأنه صعب ولا يناسب مستواهن فى اللغة الانجليزية، وبشكل عام سجل امتحان اللغة الانجليزية اليوم أول حالات بكاء فى امتحانات الثانوية هذا العام.

وفى السياق نفسه تناول سؤال الترجمة الاستفتاء على التعديلات الدستورية وجاء نصه كالتالى "لقد وضعت مصر أول لبنة فى صرح الديمقراطية الحقيقية يوم 19 مارس الماضى"، فيما بدا ملفتا أن السؤال السادس الخاص بالقطعة تركز على الصحافة ومبالغة بعض الصحفيين فى تناول الأحداث بغرض جذب القراء، وحكت القطعة قصة مغامرة صحفى داخل أحد القصور الرئاسية.

وفى المنوفية اشتكى معظم الطلاب من صعوبة الامتحان، مؤكدين أن واضع الامتحان لم يراع الوقت، فضلا عن أن الامتحان جاء صعبا، فالقصة أسئلتها صعبة وغير متوقعة، أما القطعة فاختياراتها متشابهه وكلها محتملة، والترجمة جاءت كلماتها ثقيلة وصعبة.

وقد شهدت مدرسة المساعى المشكورة بشبين الكوم والثانوية القديمة بنات أكثر من حالات إغماء بين الطالبات بسبب صعوبة الامتحان، وعدم قدرتهم على الانتهاء من الإجابات قبل الوقت المحدد.

وفى الشرقية اشتكى الطلاب بلجنة مدرسة الثانوى بنين بقرية القطاوية مركز ابوحماد من انفلات اللجان، وشكاوى من قيام بعض الطلاب بالغش داخل اللجنة بصوت عال، مما أثر على تركيز الطلاب الآخرين، وقد أعرب عدد من الطلاب عن استياءهم من امتحان اللغة الانجليزية لصعوبة عدد من الأسئلة بالامتحان.

وشهدت لجان محافظة أسيوط انهيار الدموع داخل اللجان مما أدى إلى قيام المحافظ أثناء تفقده للجنة إسماعيل قبانى بإعطاء تعليماته بتوفير الجو المناسب للطلاب، ومد فترة الامتحان 10 دقائق.

رئيس لجنة امتحانات الثانوية يمنع محافظ الجيزة من تفقد اللجان

بدء تصحيح أوراق إجابات طلاب الثانوية العامة

"الإخوان": إجراء امتحانات الثانوية العامة إنجاز للثورة ونجاح للدولة

أنباء عن تسرب أسئلة امتحان اللغة العربية بنجع حمادى و"التعليم" تنفى

[Howayda Ismail]

[Howayda Ismail]

افراد من الاخوان والجيش و الشرطه .. لحماية لجان الثانويه العامه