كل سنة وأنا طيبة...عيد ميلادي التاسع و الثلاثون!

[أمل حياتي]

كل عام وانتى طيبة يا عبير الورود عقبال 100 سنة يارب

ده ورد طبيعي هديه من مكتبي

[عبير يونس]

كل عام وانتى طيبة يا عبير الورود عقبال 100 سنة يارب

ده ورد طبيعي هديه من مكتبي

مشكورة و ما قصرتي يا الغالية

يكفي حضورك و تشريفك حفلي المتواضع يا غاليتي

[se_ Elsyed]

كل سنة وإنتي طيبة يا مصرية

39 سنة ؟

إنتي على كده دُفعة الشهيد سين سين ؟

[عبير يونس]

كل سنة وإنتي طيبة يا مصرية

39 سنة ؟

إنتي على كده دُفعة الشهيد سين سين ؟

و أنت طيب يا معلم

ربنا يكتبلنا الشهادة يا سين سين ياخويا

بس بعد عمر طويل مديد يا معلمي

ربنا يديك طولة العمر لحد ما تشوف ولاد ولاد ولاد (بالتلاتة) عبد الرحمن باشا كعب الغزال واخواته الكبار قبل منه

آمين

[mustafagamiel]

كل عام وانتي الى الله اقرب

والعام القادم ان شاء الله تحققي كل الامنيات الطيبة

[محمد عبدالعزيز]

كل عام وانتى بخير وسعادة وهناء وراحة بال.

أشكرك على استغلالك الفرصة للفت انتباهنا لفكرة اقتناص فرصة السعادة.

[AccOunTanT]

كل سنة وانتى طيبة وبخير وسعادة أستاذة مصرية

[Handasah]

اختى العزيزة مصرية متغربة كل عام انتى واسرتك بخير وفى صحة وسعادة ودائما منورة محاورات المصريين ...........

[ابراهيم عبد العزيز]

كل عام وانتى بخير ياأخت مصرية مغتربة

والعمر الطويل لكى فى طاعة رب العالمين ان شاء الله

والعام القادم أسال الله ان يحقق لكى امانيكى العلمية والعملية والخاصة

[المهندسه]

كل سنه و انتى طيبه يا مصريه ...و عقبال 100 سنه

ربنا يفرحك بولادك يارب و تبقى دايما سعيده و متفائله كده

و تبقى لغايه 90 سنه .معندكيش كرمشه من كتر الضحك و الفرح و المرح

و دى هديتى و كل سنه و انتى بألف صحه و سعاده

http://www.youtube.com/watch?v=Kdp4_p6HrlU&feature=related

[ابوهنا]

كل سنه وحضرتك طيبه

[masraweya]

دايما في عافيه و ستر

دايما في هنا و راحة بال

[shiko]

فى عيد انتى ....دائما ...

وعيدك هذا العام ابهى الاعياد

..حبيبتى ...يا نداء العيد

كونى عيد...لكل من مر بوجودك

كونى عيد ...لكل ايام الاعياد

كونى عيدك ...انت

كل عام وانت عيد ...

[مسافر زاده الخيال]

كل سنة وانتي بالف خير و

Bon Annivarsire

معليش لاني مبعرفش ازاي احط الصور والحركات الملونه

ايه معنى (كعب الغزال)؟؟؟؟؟؟؟

[المهندسه]

كل سنة وانتي بالف خير و

Bon Annivarsire

معليش لاني مبعرفش ازاي احط الصور والحركات الملونه

ايه معنى (كعب الغزال)؟؟؟؟؟؟؟

مسافر ...اشرقت و انورت كنا مفتقدين حضرتك

معلش اصلح لحضرتك حاجه

bonne anniversaire

اصل ده لعبتى طبعا مافيش مهندسات بتشتغل هنا فى السعوديه ...فقرت عقبال عندك اعمل بالفرنساوى ال درسته من صغرى

و اشتغل مدرسه لغه فرنسيه من بدايه العام الجديد ...و الظاهر القدر بعتلى اول درس خصوصى اهوه..شوف تدابير القدر

ههههههههه...ياريت حضرتك تطمننا على بلديات حضرتك "السارى" ياريت يكون بخير

اما عن معنى "كعب الغزال"...ده يعنى تقدر تقول مصطلح فلكلورى مصرى...مش اى حد جميل بنقول عليه زى الغزال لان الغزال مشهور بعيونه الواسعه

و الجميله و جسمه الرشيق المتناسق وبالتالى رجله و كعبه و كل شىء فيه جميل و متناسق...تقدر تقول حضرتك انه زى ما الاسد ملك الغابه ...الغزال ال "قمر" بتاعهم

يعنى.."كعب الغزال" تعنى مفيش فى جمالك..

[arkan]

كل عام وانتى بألف ياخير ياحكيمة المنتدى

ربنا يرزقك العمر المديد والسعيد ويجعل ايامك كلها في طاعة الله

عنوان التوبيك زي العسل ..

[التونسى]

[عبير يونس]

أخي الفاضل مصطفى جميل

شكرا على الدعاء الجميل

و على تمنياتك الطيبة

أخي الفاضل محمد عبد العزيز

و حضرتك طيب يافندم

و سعيدة أن حضرتك انتبهت لضرورة

اقتناص أي فرصة للسعادة

أخي الفاضل اكاونتنت

و حضرتك طيب يافندم

و ميرسي على التورتة

أخي الفاضل هندسة

و حضرتك طيب يافندم

و شكرا على الدعوات الحلوة

ده نور حضرتك يافندم

أخي الفاضل إبراهيم عبد العزيز

و حضرتك بخير يافندم

و شكرا على الدعاء الجميل و الأماني الطيبة

[عبير يونس]

المهندسة الغالية اوي

ميرسي يا حبيبتي كلك ذوق

و ربنا يبارك لك في بنوتاتك و يهديهم لك

آمين

و أشكرك على تمنياتك الحلوة

و على الهدية الجميلة

أخي الفاضل أبو هنا

و حضرتك بخير يافندم

و يبارك لك في هنا يارب

و ينبتها نباتا حسنا

آمين

حبيبة قلبي مصراوية

ربنا يكرمك يارب على الدعاء

و جميلة اوي السبحة دي

اللهم ارزقني و إياك دوام ذكره عز وجل

آمين

شيكو الغالية اوي

شياكة طول عمرك يا بنتي

كلماتك براقة كما خاتمك

بل أشد بريقا

و كل عام و أنت عيد

أخي الكريم مسافر زاده الخيال

ازدادت سعادتي بوجودك

و زاد نورك من بهاء عيدي

شكرا لتشريفك

و من خلالك ابعث برسالة

لشخص غالي جدا

افتقدك يا ساري

بالنسبة لموضوع " كعب الغزال"

فهو كما قالت مهندستنا العبقرية

دليل الجمال

أما لماذا الكعب تحديدا

فيمكن يكون نسبة لأغنية محمد رشدي

كعب الغزال يا متحني بدم الغزال

لا بجد

اللي أعرفه

إن والدي كان دايما يناديني بإسمي

مذيلا ( حلوة مذيلا دي) بهانم كعب الغزال

يعني

مصرية هانم كعب الغزال:closedeyes:

حبيبتي أركان

ميرسي يا قمر على الدعوات الحلوة

و سعيدة ان عنوان التوبيك عجب حضرتك

بس ايه حكاية حكيمة دي:blink:

اوعى يكون قصدك

حكيمة و بتدي حقن :D

أستاذي محمود البصيلي التونسي

Thank You Dear!

لزوم انجلترا بقى و كدهوت

أسعدني تشريف حضرتك

و Thanks for the candles!

I really appreciate it !

[capitshino]

كل سنه وحضرتك طيبه وعقبال 100 سنة