العطور التى تجعل المرأه تعشقك آيها الرجل...

[ابوهنا]

1- التـــــــــديـــــــــــــن:

ان ال...نساء يفضلن الرجل المتدين بلا غلو وحسب بيئتهن ،

والرجل الذي فيه دين سوف يكون بإذن الله اميناً عام على اولادها وهو إن احبها اكرمها ،

وإن لم يحبها لم يظلمها ، فالدين يحجز عن الظلم ،

كما انه يحمي من الوقوع في الموبقات ،

التى تكرهها المرأة في زوجها ويكرههها كل عاقل،

والتى تؤدي الى ذهاب الرجولة وهلاك الاسرة كإدمان المخدرات وشرب الخمر والفجور والفساد

فإن الدين يعصم من ذلك كله بإذن الله ،وفوق هذا يمنح القوة والامانة ،

2- الشخصية القويه :

المرأة تحب الشخصية القوية في زوجها

لانها بذلك تعرف انها تستطيع الاعتماد عليه بعد الله ،

وأنه اهل للمسئولية ، فالزواج حياة كاملة بحلوها ومرها ولياليها البيض والسود

وبمفاجأتها ومصائبها ومسئوليات الاولاد وكل هذا يحتاج الى الشخصية القوية المتزنة

القادرة على تحمل المسئولية ،

فوق هذا فان المرأة بطبيعتها الانثوية

تخب ما يقابلها وهو الطبيعة الرجولية التي فيها قوة وبعض الخشونة

وقوة الشخصية التى تحبها المرأة في الرجل ليست هي ( الجلافة )

ولا السيطره الدكتا توريه ولكنها الشخصيه الرجوليه المتكامله القادرة على مواجهة التحديات

وشق طريق المستقبل وفرض الحق ،

في نفس الوقت الشخصية القادرة على الحب والرقه والحنان والعطف في مواضعها ،

3- الخبرة بطبيعة المرأة :

العمود الذي يقوم عليه الزواج السعيد ،

ولكنها ايضاً الخبرة العميقة بطبيعة المرأة

والتي تجعل زوجها في أفعالة وردود أفعالة ينطلق دائماً وبشكل تلقائي الى ما يسعدها ويشعرها بأنها محبوبته ،

من كلمات الحب الصادقة الصادرة من القلب ....

كذلك المرأة تحب الرجل الخبير بطبيعتها لأنه يفهمها ولا يجبرها على كسر طبيعتها

فهو يعلم ان المرأة عاطفية فلا يكسر عاطفتها بالمنطق ويرغمها بالخضوع للمنطق

بل يأتيها من جانب عاطفتها ويقبل في كثير من الاحيان تناقضها

وعواجتها لانها جزء من طبيعتها لا حيلة لها فيه ،

قال رسول الله صلى الله عله وسلم (استوصوا بالنساء فإن المرأة خلقت من ضلع اعوج، وإن اعوج مافي الضلع اعلاه ، فإن ذهبت تقيمة كسرته ،وإن تركته لم يزل أعوج فاستوصوا بالنساء )

4- الكــــــرم :

المرأة تحب الرجل الكريم وتمقت الرجل البخيل ،

فالكريم بكرمة معها يدل على حبه لها وهذا صحيح وهام ،

كذلك فهو بكرمه يمكنها من التمتع بنعم الحياة من مجوهرات وازياء ومستوي اجتماعي راقي،

اما البخيل فهو يبخل على اهله وزوجتة وابنائه.

5- الشجــــــــــاعة :

المرأة تحب الرجل الشجاع وتكره الرجل الجبان ،

لان في الشجاعة معني القوة والحماية والاعتماد ،

وإذا كان الرجل شجاعاً والمرأة خوافة فقد وافق شن طبقة .

6- النظافة والأناقة:

أناقة الرجل تسحر المرأة وتجعلها تحترمة وتحس انه ذوق وراق ٍ

وبعكس ذلك البهدلة وقلة النظافة ،فالنظافة من الايمان والله جميل يحب الجمال .

7-الرزين الثقيل:

المرأة تحب الرجل الرزين الثقة الكتوم (إلا عنها ) الثقيل ( إلا معها )

9-الشبـــــــاب :

ومن ذا لايحب الشباب؟ وكما ان الرجل يكره المرأة العجوز فإنها لا ترحب بالشايب.مع أننا نجد بعض الشابات يحببن الكهول إما لان الفتاة تجد فيه اباها او لجاهه او لماله .

10-المرح والبشاشة :

لا أحد يطيق العبوس والتكشير وتقطيب الوجه بشكل دائم ،

والكل يعشق الابتسام والمرح وبشاشة الوجه والاقبال على الحياة ،

والمرأة تحب الرجل المبتسم في وجههها بشكل خاص

لأنه بهذا الابتسام يشعرها بالقبول والرضا والسرور بمحضرها

وهذا يرضيها ويسرها ويشعرها أنها محبوبة..

11-غيرتـــــه عليــــــهــــــا :

المرأة تكره الرجل الشكاك ،

ويطعنها في قلبها من يشك في شرفها وهي بريئة ،

ولكنها تحب الرجل الذي يغار عليها لأنها تدرك بفطرتها أن الغيرة دليل الحب والإعزاز والاهتمام ،

ولكن على ان لاتزيد الغيرة عن الحدود وألا تتحول الى رعب وقيد يقيدها .

12-أن يحبهــــــــا لذاتــــــها :

إن المرأة مهما كانت غبية أو قليلة التعليم والثقافة لها في الحب حاسة سادسة تميز بها بشكل

صحيح بالغالب بين من يحبها لمالها او راتبها او جاه اهلها أو نحو ذلك وكل إمرأة امنيتها في الحياة ان يحبها الرجل لذاتها ،

وهذا شيء جوهري عندها جداً فالرجل إذا احب المرأة تمنى أنها تحبة ولكنه يسعد بها لأنه يحبها حتى لو لم تحبه ، أما المرأة

فإنها تتعذب مع الرجل الذي تحبه ولا يحبها ولكنها تسعد مع الرجل الذي يحبها لذاتها ولو كانت لا تحبه بشرط ....ألا

تكرهه.....وفي الغالب ان حبه الصادق لها يشفع له عندها فتحبه ..

13-الـوفـــــــــــــــــــــــــــاء :

إنه من أهم وأشرف الخصال التي تحبها المرأة في الرجل لتحس

أنها تحيا حياة انسانية بكل معنى الكلمة

و صلى الله على نبيبنا محمد

و السلام عليكم و رحمة الله و بركاته

[عبير يونس]

كلمات راقية إلى أبعد حد

استوقفتني بشدة هذه الكلمات

فالرجل إذا احب المرأة تمنى أنها تحبه ولكنه يسعد بها لأنه يحبها حتى لو لم تحبه ، أما المرأة فإنها تتعذب مع الرجل الذي تحبه ولا يحبها ولكنها تسعد مع الرجل الذي يحبها لذاتها ولو كانت لا تحبه بشرط ....ألا تكرهه.....وفي الغالب ان حبه الصادق لها يشفع له عندها فتحبه ..

حقا كلمات تستحق التأمل

[أمل حياتي]

اخي العزيز ابو هنا .....

كل كلماتك ووصفك صحيح لما تريده المرأه بالرجل .....

ولكن المشكله اين الرجل الذي يحمل كل هذه الصفات ؟؟؟؟

فإذا وجدت بعضها نقصت اخرى ......

الرجال كانوا في زمن قديم أما الان فهم أشباه الرجال الا فيما ندر ....

[أمل حياتي]

كلمات راقية إلى أبعد حد

استوقفتني بشدة هذه الكلمات

فالرجل إذا احب المرأة تمنى أنها تحبه ولكنه يسعد بها لأنه يحبها حتى لو لم تحبه ، أما المرأة فإنها تتعذب مع الرجل الذي تحبه ولا يحبها ولكنها تسعد مع الرجل الذي يحبها لذاتها ولو كانت لا تحبه بشرط ....ألا تكرهه.....وفي الغالب ان حبه الصادق لها يشفع له عندها فتحبه ..

حقا كلمات تستحق التأمل

غاليتي مصريه متغربه .....

تلك مجرد كلمات لكن صدقيني ستشعر هذه المرأه بالتعاسه لأنها لا تحبه

اما عذابها مع من يحبها فهو اعتبره قمة السعاده فلا يمكن ان يعيش

المرء دون ان يحب فعليا ويشعر بحرارة الحب ولهيبه والا اعتبر ميتا .....

الحب له بريق ليس من بعده بريق تقبلوا رأييي الصريح مع تحياتي

[ابوهنا]

اخي العزيز ابو هنا .....

كل كلماتك ووصفك صحيح لما تريده المرأه بالرجل .....

ولكن المشكله اين الرجل الذي يحمل كل هذه الصفات ؟؟؟؟

فإذا وجدت بعضها نقصت اخرى ......

الرجال كانوا في زمن قديم أما الان فهم أشباه الرجال الا فيما ندر ....

والله ياسيدتى بالطبع لايوجد رجل يحمل كل هذه الصفات

بعض الرجال تحمل بعض هذه الصفات ولكن الحب هو من يكمل النواقص

تم تعديل 13 يونيو 2011 بواسطة ابوهنا

[عطر الجنة]

اخي العزيز ابو هنا .....

كل كلماتك ووصفك صحيح لما تريده المرأه بالرجل .....

ولكن المشكله اين الرجل الذي يحمل كل هذه الصفات ؟؟؟؟

فإذا وجدت بعضها نقصت اخرى ......

الرجال كانوا في زمن قديم أما الان فهم أشباه الرجال الا فيما ندر ....

والله ياسيدتى بالطبع لايوجد رجل يحمل كل هذه الصفات

بعض الرجال تحمل بعض هذه الصفات ولكن الحب هو من يكمل النواقص

فعلا الحب يكمل النواقص

تحياتى

[أمل حياتي]

اخي العزيز ابو هنا .....

كل كلماتك ووصفك صحيح لما تريده المرأه بالرجل .....

ولكن المشكله اين الرجل الذي يحمل كل هذه الصفات ؟؟؟؟

فإذا وجدت بعضها نقصت اخرى ......

الرجال كانوا في زمن قديم أما الان فهم أشباه الرجال الا فيما ندر ....

والله ياسيدتى بالطبع لايوجد رجل يحمل كل هذه الصفات

بعض الرجال تحمل بعض هذه الصفات ولكن الحب هو من يكمل النواقص

اتفق معك تماما

[se_ Elsyed]

الرجال كانوا في زمن قديم أما الان فهم أشباه الرجال الا فيما ندر ....

ليه الأحباط ده ؟

طب بصفتي واحد ممن ندروا أقدر أطمنك إن الرجالة لسه بخير .. وما ماتوش في 73 زي الإشاعات ما بتقول .. بس في شوية ظروف كده والدنيا هاتتملي أسود مش رجالة

-----------

والله يابو هنا حسبتك هاتتكلم فعلاً عن العطور والبرفانات وكدهوت

فكنت داخل أنصح كل ست ولك فتاة إنها تستخدم

وادعولي

[أمل حياتي]

الرجال كانوا في زمن قديم أما الان فهم أشباه الرجال الا فيما ندر ....

ليه الأحباط ده ؟

طب بصفتي واحد ممن ندروا أقدر أطمنك إن الرجالة لسه بخير .. وما ماتوش في 73 زي الإشاعات ما بتقول .. بس في شوية ظروف كده والدنيا هاتتملي أسود مش رجالة

-----------

والله يابو هنا حسبتك هاتتكلم فعلاً عن العطور والبرفانات وكدهوت

فكنت داخل أنصح كل ست ولك فتاة إنها تستخدم

وادعولي

طيب ده يطلع إيه ؟؟؟؟

[أمل حياتي]

ابو السيد العطور هنا معنويه وليست ماديه

طيب قولنا انت اي عطور عندك ...... هههه

كل واحد يقول اللي عنده ويقر ويعترف انا مستنيه

[se_ Elsyed]

طيب ده يطلع إيه ؟؟؟؟

حضرتك دي أشهر كولونيا في مصر زمان في عصر ما قبل الحداثة

ما كانش عندنا غيرها

باتكلم عن فترة السبعينات والثمانينات

إسمها " كولونيا لمون تلات خمسات من شركة الدكتور الشبراويشي "

وكان لها منافع كتيرة جداً .. على سبيل المثال لا الحصر :

1- الواحد بيستخدمها أفتر شيف .. بعد حلاقة الدقن يعني لإن الكحول فيها كتير - كتير قوي قوي قوي - فكان يا ويله يا سواد ليله اللي يحط منها بعد الحلاقة ... برضوا زمان ما كانش في أمواس حلاقة جيليت فيوجن والحاجات النواعم دي إيه.. لكن كان في أمواس تلمة بتخلي وش الواحد بعد الحلاقة عامل زي الخريطة .. يعن ممكن توصفي لحد مناخير سين سين مثلاً وتقولي له : بُص .. إنت تسيب أول جرح وتاني جرح .. وبعدين تدخل يمين هاتلاقي حُفرة عميقة .. فوق الحفرة دي هاتلاقي حاجه طويلة ... هي دي بقى مناخير سين سين حضرتك ..... وده كله من الجروح والالام والمطبات والواحد بيبقى عامل كانه خارج من معركة مع ولاد أبو إسماعين .. فتخيلي بقى كمية الجروح دي لو طفيناها بكحول مركز ؟ بجد شعور يخلي الواحد يتنطط زي اللي واقف حافي على جمرة نار ..

2- زمان ما كانش في برفانات وكلام من بتاع اليومين دول وأعوذ بالله الحاجات أم بخاخة دي ... فبرضوا الشاب المعجباني اللي شايف نفسه ورايح يقابل الحته بتاعته في حديقة الميريلاند أو طالع المقطم طلعة جوية مباركة .. وعاوز يبقى شاب كووول وروش وريحته حلوه - من وجهة نظرة - كان لازم يتكلين - يحط كلونيا يعني - ( ربنا ما يحكم على حد من ريحة اسانس شادية وسنينها السودا ) ..

على فكرة أسانس شادية لسه موجود اه والله .. بس مش عندنا .. عند الهنود .. إلى الأن بأتحاشى أقابل أو اسلم أو ألمس أي هندي راجع من أجازة .. كلهم بدون إستثناء بيبقوا لسه بريحة الهند ومغرقين نفسهم أساسنس شادية ... وبعدين بييجي يهجم على الواحد عشان يبوسة .. والأسانس بالتالي بينتقل باللمس أو بالرزاز المتطاير ... وبابقى عاوز اولع في جلدي من الريحة الفظيعة بعد التحرش ده ... دي بتبقى مية نار مش برفان دي .. أعوذ بالله ... والله بطني قلبت من السيرة . .

3- لأصحاب الدماغ العالي واللي بيمروا بظروف صعبه وما معهمش فلوس يشتروا بيرة أو أي حاجه مُنكر من اللي بتسطل ... كان الواحد يستسهل وبيمد إيدة على الرف ويمسك القزازة دي ويشرب له بؤين يعمل أحلى دماغ ويتسطل ما يقومش تاني ... دي حقيقة والله .. حيث إن الكولنيا دي تحتوي على نسبة 99 % كحول - سبرتو يعني - و 1 % أسانس .. هبابة أو لحسة ريحة .. لمون زيتون اي حاجه مخللة والسلام ..... تخيلي إن الإختراع ده وصل السعودية من مصر هههههههههههههه وأنتشر موضوع شرب الكولونيا في السبيعنات والثمانينات بين الشباب البايظ ... لحد الحكومة ما منعت المنتجات دي ... ومش معقول الواحد بعدها هايلجأ للبديل ويشرب برفان من بتاع اليومين دول أبو بخاخه والا الناس هايفتكروا إن عنده ربو وبيستخدم بخاخة ... بس غالباً وفي 90 % من الحالات كانوا بيموتوا .. او إذا جت سليمة بيصابوا بالعمى من تاثر الكحول المركز الغير صالح للإستخدام الأدمي على خلايا البصر في المخ .

4- أهم إستخدام بقى وده الإستخدام الأبدي - وحدووووووووووووووووووه - ... بعيد عنك يعني .. بعد ما كانوا بيغسلوا ويكفنوا الميت من دول .. لازم ولابد يغرقوه ريحة 555 دي ... أنا مش بأهزر ...

شوفتي بقى البتاع ده كان مالتي فانكشن إزاي ؟

بالمناسبة ... عندي حاجة حريمي ما بتخرجش إلا للحبايب ..

سيبك من اللي عالشمال .. دي رجالي ... اللي قولت لك على إستخدامتها بتاعت الميتين ..

الحريمي هي اللي لونها تركواز على اليمين .. شايفه القزازة لونها شيك وتصميمها راقي إزاي ؟.

عارفه .... دي بعد الريحة اللي فيها ما تخلص بعون الله ... ممكن تستخدميها في المطبخ .. تمليها زيت زيتون ... أو خل ... وكمان ممكن تستخدميها على ترابيزة السُفرة .. تحطي فيها توابل أو فلفل أسود بس لازم تخرمي الغطا من فوق

بس لو سمحتي مش هاقدر أبعت لك غير عبوة واحدة عشان الطلب عليها كتير .

دي إسمها كولونيا " نِسمة " من الشبراويشي برضوا

مين لسه فاكر الإعلان ده في الثمانينات ؟

هي كانت هي نفس الكولونيا الرجالي بس كانوا بيعبوها في قزازة حريمي ويغيروا إسمها من تلات 555 إلى نسمه ..

من مميزات الريحة الرجالي دي كمان إن القزازة كانت شفافة .. فعشان تقعد فترة أطول مع الواحد وممكن يورثها لولاده من بعده كمان .. فكان بيلاحظ منسوب الريحة وصل لحد فين ... وكل ما كانت تنقص يروح مزودها ميه من الحنفية أو من الترعة أيهما أقرب له يعني

[أمل حياتي]

ابو السيد ههههههههه ضحكتني والله كل ده يطلع من الكلونيا دي

طيب تتشرب ازاي وما يحصلش بالناس حاجه ....

وبعدين انا فاكره الكلونيا القديمه ولسه بتتباع عندنا بالسوبر ماركت

بس كانت الأصليه ولونها اصفر 555 .....

وبعدين انت اعرف مننا بالهنود انا والله مع انهم متكومين هنا لكن ما اشتغلتش معاهم

لكن ريحتهم بتبقى باينه

[mustafagamiel]

كنت اعرف واحد كييف بسي مش لاقي

كان بيشرب سبرتو بسي سبرتو احمر وشغال زي الفل

هههههههههههههه

[ابو محمد بن مصطفي]

انا اللي فكره انه كانوا بيجيبوا دوا الكحة ويخلطوه بكولنيا الشبراويشي واحلي دماغغغغغغغغغغغغغغغ اتعملت فيك يامصر

4- أهم إستخدام بقى وده الإستخدام الأبدي - وحدووووووووووووووووووه - ... بعيد عنك يعني .. بعد ما كانوا بيغسلوا ويكفنوا الميت من دول .. لازم ولابد يغرقوه ريحة 555 دي ... أنا مش بأهزر ...

اهو ده من الاخطاء الشائعة الي الان انه بعد غسل الميت يتم تنجيسه مرة اخري بالسبرتو (الكولونيا) .... ال ايه بكلينوه ربنا يسامحهم