انا في مشكلة..!

[بنت شعنونة]

من خمس سنين يا كليو كان رأيي زي رأيك تمام

انه لالالالالالالازم يكون فيه بيت ملك الزوج عشان الواحدة تحس بالأمان

اقله يوم ما يلاقوش اكل يلاقوا 4 حيطان مجاني يتلموا فيها من غير ما يتزلوا..او يمدوا ايدهم لحد

انما مع الأيام عرفت انه وقت الحاجا

ممكن تبيعي الملك دا كمان وتقعدي تعيطي جنبه طوووووول عمرك

اسأليني انا مجربة دا بقى rs:

الأيجار فايدته انك ممكن تغيري السكن لو اكتشفتي ايييي حاجا مضايقاكي

فرارجي فتح تحت بيتك فجاة

بتاع سمك سكن جنبكم

قطر عدا من حواليكم بدون سابق انذار

يعني ممكن تغيري حياتك بين يوم وليلة

انما الملك

صعب اوي انك تاخدي قرار التغيير بسرعة

طب تصدقي بالله يا كليو

انا عارفة انه عاوز يسافر

بس هوا مش عارف عاوز يسافر امتى

وانا قلتله لو كدا كدا ها نسافر يبقى حرام علينا نتعب قلب اهالينا وندفع فلوس بالهبل على شقة ها نسيبها ونمشي ايا ما كانت!

وكفايا اننا ناجر شقة مفروشة لحين سفرنا بعد يوم او شهر او سنة مدام كدا كدا مسافرين ان شاء الله

كانت عجبته الفكرة

لكن بعد كدا رجع قالي

مش معقولة اكون مصري وما يبقاليش شقة جاهزة في بلدي! rs:

حاولت افهمه معاناة تخزين عفش وامكانية سرقته او المجاري تضرب في الشقة او تلف اجهزة

لكن تقولي ايييييييييه بقى

سي السسسسسسسسسيييييييييييييييييييييييد rs: rs:

استاذ احمد محسن

انا بحاول احكم عقلي

انما قلبي

رغباتي في شكل حياتي

هيا اللي عاملالي كلوووووووو في نافوخييييي :)

[عوف]

إزاى الراجل يبقى عايز يفتح بيت بس البيت مش موجود؟؟؟ 

كلام دقيق وواقعي جدا

لكن حسب ما أعرف أنه في القاهرة الآن نسبة ملحوظة من الأسر تتعامل مع بناتها كما تتعامل مع أولادها، بمعنى أن الأسرة توفر للبنت الشقة والعفش والفرح والرفايع وتديها مصروف شهري وما على العريس إلا أنه يجيب شنطة هدومه.

طبعا وضع سيء وغير سليم لكن للاسف واقع.

[se_ Elsyed]

لكن حسب ما أعرف أنه في القاهرة الآن نسبة ملحوظة من الأسر تتعامل مع بناتها كما تتعامل مع أولادها، بمعنى أن الأسرة توفر للبنت الشقة والعفش والفرح والرفايع وتديها مصروف شهري وما على العريس إلا أنه يجيب شنطة هدومه.

طبعا وضع سيء وغير سليم لكن للاسف واقع.

فين الناس دي يا عم عوف .. لايمني عليهم وانا اتجوز تاني من الصبح ..

مش للدرجة ده يا عم ... أي نعم كثير جداً الواحد بيلاقي ناس متساهلين واهم حاجة عندهم الأخلاق والدين .. لكن مش لدرجة إنهم يجهزوا العروسة ويفرشوا الشقة وكمان يدوا العريس بوكيت موني ... ده كتتتتتتتتتتتتير قوى قوي ..

إلا بقى لو كانت عروسه وقيع وعايزين يلزقوها له .. ودي حاجة ثانية ومش زواج خالص دي كده بيعة وشروة..

لكن نقدر نقول إن في فعلاً ناس لا تهتم بالماديات بحيث تصبح هي العامل الذي يطغى على العوامل الآخرى في الزواج ... ودول ربنا بيوفقهم وبيجعل كل حاجة تمشي بمنتهى السهولة .

[عوف]

فين الناس دي يا عم عوف .. لايمني عليهم وانا اتجوز تاني من الصبح ..

مش للدرجة ده يا عم ... أي نعم كثير جداً الواحد بيلاقي ناس متساهلين واهم حاجة عندهم الأخلاق والدين .. لكن مش لدرجة إنهم يجهزوا العروسة ويفرشوا الشقة وكمان يدوا العريس بوكيت موني ... ده كتتتتتتتتتتتتير قوى قوي ..

إلا بقى لو كانت عروسه وقيع وعايزين يلزقوها له .. ودي حاجة ثانية ومش زواج خالص دي كده بيعة وشروة..

لكن نقدر نقول إن في فعلاً ناس لا تهتم بالماديات بحيث تصبح هي العامل الذي يطغى على العوامل الآخرى في الزواج ... ودول ربنا بيوفقهم وبيجعل كل حاجة تمشي بمنتهى السهولة .

فيه ولكن حظوظ وبتكون البنت حلوة وصغيرة بس في الغالب البنت هي اللب بتجيب العريس، وغالب الحالات بتكون وحيدة ابوها وامها أو بنتين بدون أولاد، أما من حيث فيه فموجود بس مش كتار، وكمان انت مش هتلاقي لانك مسافر وأغلب الحالات دي بيكون الأهل عايزين البنت جنبهم.

فيه حالات اقل يعني يجيبوا الشقة فقط، وفيه حالات تاني يقولوا انت هات بس اي اربع حيطان واحنا نفرشهم وهكذا.

على أي حال انا هديك مثال تاني خالص غير مصري

انا هنا في إحدى دول الخليج ومعانا زميل سوري غلبان جدا وطيب على الأخر

كان الراجل رايح يشوف حاجة في احد الاسواق

شافته ست سورية هي وجوزها

اتعرفوا عليه

جوزوه بنتهم

زي القمر ما شاء الله وعندهم الان بنت جميلة

ده على ايدي

الراجل اداله الدور السفلي في الفيلا

وعربية صحيح مش جديدة بس في النهاية سيارة

وقدامي حماه من يومين متصل بيه على الموبايل بيقوله فيه جواكت حلوة في السوق اديني مقاسك علشان اشتريلك منهم.

بقي ان تعرف ان الرجل عنده اربع بنات بدون اولاد.

[se_ Elsyed]

بقي ان تعرف ان الرجل عنده اربع بنات بدون اولاد.

إعلان طلب عروسة

- شاب مصري متزوج وعلى خُلق يبحث عن زوجة ثانية سورية ( خلينا نحسن النسل ونوطد علاقتنا مع بلاد الشام ) ، بيضاء وزي القمر وملهاش إخوات صبيان وعندها أخت لسه متجوزة واحد سوداني .

مواصفات العريس :

- رِبع ( لا طويل قوي ولا قصير قوي )

- حليوه ( شوية نرجسية )

- يمتلك سيارة متسوبيشي لانسر بحالة جيدة وعندي جاكت جلد بس سكاي ( يعني مش هاكلف حمايا حاجة ) .

- على إستعداد للسكن في الروف اللي فوق الفيلا .. مش هاقول لأ بس يكون مُكيف .

- يشغل منصب مرموق لا بأس به .

- يشترط السرية والتكتم على هذا الإعلان تجنباً لأي اكياس نايلون او سواطير طايشه .. وإنا لله وإنا إليه راجعون .

يا عم عوف إسكت ما تفرسناش بقى خلتنا بوظنا موضوع شعنونة ... شنشن أنا أسف ولكن حكاية العرايس الجاهزة دي بتجيبلي أرتكاريا ، خصوصاً إن الواحد صرف اللي وراه واللي قدامه وحتى اللي جنبه على الزواج .

[Gharib fi el zolomat]

رغم انه كلام خارج عن الموضوع الا انهم كلمتين عايز اقولهم

موضوع الجواز فى مصر ماشى حسب المبدا اللى معاهوش مايلزمهوش

والمبدا ده و صلنا الى 8000000 تعدوا سن الجواز وام يتزوجوا رجال و فتيات

اذكر فى بدايه العقد السابق كنت ابحث عن زوجه و كانت الناس بتهرب منى و يقولوا احنا ما نعرفش اى واحده مناسبه و ده كله لان مادياتى لم تكن كما ينبغى

فى نهيه التسعينات لقيت تغيير 180

لندره الزواج

تلاقى واحد من نفسه يقولك عندى عروسه

طب ما كان من الاول تمشوها صح حسب الدين و الشرع

المصريين يحبوا يعذبوا نفسهم و غيرهم و بعدين يشتكوا

اللى بتتجوز بتتجوز شقه و الا راجل

اذا مت ظمانا***فلا نزل القطر

تم تعديل 20 سبتمبر 2004 بواسطة Gharib fi el zolomat

[بنت شعنونة]

خلاص

فركِش الموضوع كله....

الدنيا دي قذرة اوي

واوحش مافيها البشر

[Cleo]

خلاص

فركِش الموضوع كله....

الدنيا دي قذرة اوي

واوحش مافيها البشر

قدر الله وماشاء فعل...

ربنا يكتبلك واحد يكون ابن حلال بجد ويستاهلك.. fwrk:

[عوف]

إقتباس (بنت شعنونة @ Sep 21 2004, 07:29 AM)

خلاص

فركِش الموضوع كله....

الدنيا دي قذرة اوي

واوحش مافيها البشر 

قدر الله وماشاء فعل...

ربنا يكتبلك واحد يكون ابن حلال بجد ويستاهلك

..

اعترض على هذا الراي

الامور لا تؤخذ هكذا

قرار الارتباط يفترض انه ليس سهلا وكذلك قرار فسخ الارتباط ينبغي الا يكون سهلا

الاخت شعنونة

توجهي الله بالصلاة والدعاء وكرري الاستخارة ولو وجدتي في قلبك اطمئنان اتصلي بعريسك واطلبي منه اكمال المسيرة

هذه نصيحتي

[se_ Elsyed]

لا حول ولا قوة إلا بالله ...

قدر الله وما شاء فعل .. وبإذن الله هاييجي اليوم يا شعنونة اللي هاتحمدي فيه ربنا وتشكريه إن ده حصل .. لأن نصيبك لسه في علم الغيب .. وبعد كده لما تعملي مقارنات مع اللي فات ستشعري قد إيه ربنا بيحبك وستشعري بقيمة إختيارك الموفق .

[moody00x]

قدر الله وما شاء فعل

[Gharib fi el zolomat]

لا حول و لا قوة الا بالله

[ماجد]

الأخت الفاضله ( بنت شعنونه )

سأقول لك رأى و رزقى على الله.

رأى انكم لم تكونوا مرتبطين ببعض بشده. و انما يعنى جوازة شبه تقليديه.

قبل الجواز لابد من انه الطرفين يكون بينهم شىء من الأرتباط يسمح لهم بعمل تنازلات على احلامهم ( و ليس كرامتهم ) و من الطرفين معا.

كمان شخصية الرجل مهمه جدا . اوى تاخدى رجل مالوش شخصيه و مالوش راى سواء امام اهله او امامك.

ثم نصيحه لكل البنات الموجودين بالساحه .... الأمان ليس شقه تمليك

مره اخرى اكرر.....

الأمان ليس شقه او فلوس او عربيه... الأمان هو ان الراجل يكون يعرف ربنا و يتقى الله فيكى .

اذا اعتقدتى ان الأمان مع رجل هو شقته اذا استعدى لكل ماهو مش حلو

من متابعتى لرسائلك احسست بانك لا تستطيعى ان تفرقى بين التنازل عن حلم و التنازل عن حق .

و الحقيقه ان بينهم خيط رفيع جدا. لكنك تستطيعى ان تريه بسهوله فاذا احسست من خطيبك انه عاوز يرضيك و مش قادر فتنازلى فورا عن الحلم او الحق و اذا كان الموضوع استخسار او استهبال فتمسكى فورا و بشده سواء بالحلم او الحق.

و اعتقد انه لم يستطيع ان يكسبك لصفه و يبدو ان ذلك كان ممكنا بسهوله لو وجد المفتاح المناسب فان لكل منا مفتاحا .

على العموم خيرها فغيرها و النصيب لسه ماجاش

ولا يبقى الا قول الله :

(قُلْ لا أَمْلِكُ لِنَفْسِي نَفْعاً وَلا ضَرّاً إِلَّا مَا شَاءَ اللَّهُ وَلَوْ كُنْتُ أَعْلَمُ الْغَيْبَ لَاسْتَكْثَرْتُ مِنَ الْخَيْرِ وَمَا مَسَّنِيَ السُّوءُ إِنْ أَنَا إِلَّا نَذِيرٌ وَبَشِيرٌ لِقَوْمٍ يُؤْمِنُونَ) (لأعراف:188)

(كُتِبَ عَلَيْكُمُ الْقِتَالُ وَهُوَ كُرْهٌ لَكُمْ وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ) (البقرة:216)

تم تعديل 22 سبتمبر 2004 بواسطة ماجد

[بنت شعنونة]

قبل الجواز لابد من انه الطرفين يكون بينهم شىء من الأرتباط

ودا نجيبه منين يا استاذ ماجد! <_<

اشتريه من السوبر ماركت!

كمان شخصية الرجل مهمه جدا . اوى تاخدى رجل مالوش شخصيه و مالوش راى سواء امام اهله او امامك

فين دا برضه؟!

لسا عايش النوع دا؟

بس قبل ما اظلم الكل عندي سؤال مهممممممممم جدااااا

ياريت والنبي حد يجاوبني عليه بجد

يعني ايه كلمة شخصيته ضعيفة او مالوش شخصية امام اهله؟

وازاي افرق مابين الكلمة دي وكلمة احترامه لآهله

ممكن حد يدلني!

ثم نصيحه لكل البنات الموجودين بالساحه .... الأمان ليس شقه تمليك

واضح انه ما بقاش دا كلام البنات خااااااالص

دا بقى كلام الشباب

بمعنى انه الشاب هوا اللي فاكر ان الشقة هيا مفتاح الأمان له

ومفتاح التحكم

بمعنى .. اي وااااااااحد معاه شقة ايا ماكانت

معفنة.. كويسة.. ايلة للسقوط.. ورا الشمس

اي حاجااااااااااا

يبقى فاكر انه بقى هارون الرشيد!!

حتى لو طلبات العروسة ضمن امكانياته؟

طب انا بابا عرض انه هوا يأجرلنا الشقققققققققة

ويدفع اجرها لمدة سنة على سبيل السلف لحد ما ربنا يرزقنا

وهوا رفض؟

طب لييييييييييييييه!!!!!!! lo::

من متابعتى لرسائلك احسست بانك لا تستطيعى ان تفرقى بين التنازل عن حلم و التنازل عن حق

من كتر ما اتنازلت ما بقتش عارفا مين فين و ليه!

بس عشان المركب تمشي ومدام كلها حاجات ممكن تعدي ما اعديهاش ليه

وياريته نفع lo::

الظاهر الواحد لازم يكون مقرف عشان الامور تمشي

اوعدكم

اني ها اسافر برة

اكون نفسي

واجي اشتري عريس تفصيل على مزاجي

كدا اريح

بلا راجل بلا ست.. بلا نساء زمان

خلينا في نساء بكرة اسهل lo::

[Cleo]

واضح انه ما بقاش دا كلام البنات خااااااالص

دا بقى كلام الشباب

بمعنى انه الشاب هوا اللي فاكر ان الشقة هيا مفتاح الأمان له

ومفتاح التحكم

بمعنى .. اي وااااااااحد معاه شقة ايا ماكانت

معفنة.. كويسة.. ايلة للسقوط.. ورا الشمس

اي حاجااااااااااا

يبقى فاكر انه بقى هارون الرشيد!!

فعلا...

ويا سلام بأة لو العروسة تيجى بشقتها معاها.... هى دى الجوازة المثالية..

http://www.egyptiantalks.org/invb/index.php?showtopic=11658

وعلى رأى سى السيد....

إنتى ماخلفتيش رجالة يا أمينة... <_<

[G.G]

أختي العزيزة شعنونة..

هوني عليك..والله ليس الموضوع بهذه القتامة..فقط اصطبري على هذه الأيام البايخة التى تلي فشل مشاريع الإرتباط..

و بعد مرور بعض الوقت حاولي استخلاص النتائج بهدوء و خذي حذرك في المرة القادمة..

فيه ناس كويسين كثير سواء بنات أو أولاد..بس تاهوا وسط الفالصو الكثير بتاع الأيام دي.. <_<

و قالوها زمان حكمة ,لو كل واحد فك خطوبة يسيب البلد و يسافر برة .. البلد كلها هاتبات في الشارع .. s-:

[Ahmed Mohsen]

بس قبل ما اظلم الكل عندي سؤال مهممممممممم جدااااا

ياريت والنبي حد يجاوبني عليه بجد

يعني ايه كلمة شخصيته ضعيفة او مالوش شخصية امام اهله؟

وازاي افرق مابين الكلمة دي وكلمة احترامه لآهله

ممكن حد يدلني!

في فرق كبير ما بين الإتنين يا شانا ....

إحترام الأهل لا يمنع من معارضتهم ولكن بأسلوب محترم ....

مثال: "عندما تطلب الأم من إبنها إنه مش لازم ينفذ كل اللي خطيبته عايزاه عشان ماتركبوش ... لو هو قالها حاضر من غير تفكير يبقي ماعندوش شخصية ... إنما لو قالها دي مالهاش علاقة بدي يا أمي ... يبقي بيعترض علي كلامها بس بأسلوب محترم ... أما بقي لو قالها ياريت ماتدخليش بيني وبينها، يبقي مش بيحترمها خالص"

وفيه أمثلة تانية كتير ... بس عموما الراجل اللي تلاقيه بيحكي كل حاجة لأهله وعلي طول يقولك أهلي وماقدرش اعارضهم وأنا لحم كتافي من خيرهم وبينفذ كلامهم علي طول ومن غير تفكير ... ده يبقي شخصيته ضعيفة.

إنما اللي بيفكر في كلام أهله وبيحاول يوفق مابين فكره وفكر أهله عشان مايزعلهمش ... يبقي بيحترمهم وبيقدر خيرهم عليه بس من غير ما يلغي عقله وشخصيته .

يا تري الفرق وصل؟؟؟ ntw:

نصيحة: يا عزيزتي ... لا تبكي ولا تندمي علي من فضل فراقك علي قربك ... من لم تكوني غالية عنده، لا يستحق ثمن دمعة أو لحظة ضيق

ماتغيريش نظرتك للحياة <_< ... واحمدي ربنا إنه بيحبك وكشف لك شخصيته قبل الزواج ... غيرك كتير جدا لم ينالوا هذه النعمة.

وعلي رأي القائل: "سيبك منهم ده مفيش غيري ... قيمة ومركز ووظيفي ميري" lo::

[بنت شعنونة]

و بعد مرور بعض الوقت حاولي استخلاص النتائج بهدوء و خذي حذرك في المرة القادمة

الواحد ما بقاش عارف ها ياخد حذره من ايييييييه والا اييييه والا اييييييه والا ايييييييييييييييييييييييييييييييييه lo::

استاذ احمد محسن..

وماقدرش اعارضهم وأنا لحم كتافي من خيرهم وبينفذ كلامهم علي طول ومن غير تفكير

للأسف نص الشباب بقى كلامه كدا

ويمكن انا ممكن اعذرهم "شويييييييية"

لآنه هوا شخصيا ما حلتوووووووووش حاجا عشان يتجوز بيها

انما اهــــــــــــــــــلـــــــــــــــــــــه هما اللي صارفين عليه

ف ها يبقى بنظام

اطعم الفم تستحي العين

و اقرع ونزهي

والطريقة دي يعني

كلمة تانية على جنب

مرة كنت بتكلم انا وزميلاتي

وواحدة قالتلنا انه شرعيا لو جالها عريس وابوها رفضه من غير سبب حتى لو كل الناس قالت انه كويس

يبقى لازم تطييييييييييع ابوها

وان دا على الولد والبنت سواء

وان دا امر ربنا

الطاعة العمياء للأهل!

واستدلت بأية " ولا تقل لهما اف ولا تنهرهما"

الله اعلم كلام مين فينا الصحيح lo::

يا تري الفرق وصل؟؟؟

لسا عندي مليون سؤال عن الموضوع دا بيدوروا في بالي

اسألهم؟ lo:: <_<

[Ahmed Mohsen]

لسا عندي مليون سؤال عن الموضوع دا بيدوروا في بالي

اسألهم؟

إسألي طبعا ....

بس ممكن طلب صغنن .... بلاش "أستاذ" دي ... بتحسسني إني خلاص يلا حسن الختام ...

أنا يا شانا عندي 26 سنة ولسة متجوز من 3 شهور ومستني (عتريس أو مسعدة) إنشاء الله . وعلي فكرة، زي معظم الشباب أهلي هما اللي ساعدوني في الجواز بس مش بنظام "إطعم الفم تستحي العين" .

يالا إسألي بقه .........

[se_ Elsyed]

يا جماعة فسخ خطوبة أو حتى الطلاق ليس نهاية العالم ... واظن قليلٌ منا من لم يمر بتلك التجربة سواء شاب او فتاة ...

الدنيا حلوه ومليانه ناس طيبين ... ومش علشان شاب طلع شخصيته ضعيفة يبقى كل الشباب كده ....

يعني ايه كلمة شخصيته ضعيفة او مالوش شخصية امام اهله؟

وازاي افرق مابين الكلمة دي وكلمة احترامه لآهله

ممكن حد يدلني!

فرق السما من الأرض

ضعيف الشحصية لا يستطيع ان ياخذ قرار ... او كما قال الشاعر فريد الاطرش .. أنا كلمة تجيبني وكلمة توديني .

من يطيع والديه : هو شخص محترم ومتربي ويحترم اهله ولا يرفع صوته في وجودهم ... ولكنه قوي الشخصية بحيث يخليهم مثلاً في قاعدة ناس كبار يبقى والديه بيتكلموا ويقرروا ولكنه هو اللي في واقع الامر اللي مخطط لكل حاجة ... وعشان هو متربي يبقى أكيد أهله ناس كويسين ومش ممكن هاياخدوا قرار يضره او يضر حياته ...

اعوذ بالله من كلمة انا .. اول خطوبة ليه روحنا في يوم الإتفاق أنا ووالدي الله يرحمه ووالدتي واخويا الاكبر مني بسنتين لكن هو الكبير برضوا .. وكنت قاعد عامل مكسوف وزي اللي القطة واكله لساني وإتفقوا على كل حاجة ...مين عليه كرسي الحمام ومين عليه الكومدينو والحاجات دي ... وكانت مفاوضات ولا مفاوضات طابا ... وحقيقة الامر قبل ما نروح لبيت العروسة أنا اللي كنت مخطط لكل حاجة وقايل لهم اعملوا كذا وكذا .

وواحدة قالتلنا انه شرعيا لو جالها عريس وابوها رفضه من غير سبب حتى لو كل الناس قالت انه كويس

يبقى لازم تطييييييييييع ابوها

تفتكري يا شعنونة في اهل في الدنيا بيكرهوا أولادهم ومش عايزين يفرحوا بهم فيقوموا يطفشوا اللي يتقدم لهم .؟ إلا بقى لو كانوا مرضى نفسيين ...

رأي الأهل يجب إحترامه لأنهم هم اكثر خبرة في الحياة ولهم نظرة بعيده المدى .. والحب وسهر الليالي والكلام ده مش موجود عندهم او مش هو الأساس اللي بيحكموا فيه على اللي قدامهم ... واعتقد بأن لو شاب متقدم لفتاة واهلها رفضوه . يبقى لازم عندهم سبب وسبب قوي .، ممكن مثلاُ البنت تكون شايفاه الشاطر حسن ... .. لكن اهل البنت رفضوه لإن اهله مش كويسين أو أخلاقهم مش ولابد .

ويا سلام بأة لو العروسة تيجى بشقتها معاها.... هى دى الجوازة المثالية..

يبقى جوز بقى لا مؤخذه يستاهل اللي يجرى له بعد كده ، وخلي بالك فيه زوج وفيه جوز ... والحدق يفهم ( مش ناقصين إنذارات )

طب انا بابا عرض انه هوا يأجرلنا الشقققققققققة

ويدفع اجرها لمدة سنة على سبيل السلف لحد ما ربنا يرزقنا

وهوا رفض؟

طب لييييييييييييييه!!!!!!!

لأن ببساطه في حاجة إسمها كرامة ... ومش ممكن رجل حر يقبل إن شخص أخر يقوم بشيء مطلوب منه نيابة عنه .. مهما كان هذا الشخص حتى لو كانت زوجته ... ده رأيي الشخصي .

اوعدكم

اني ها اسافر برة

اكون نفسي

واجي اشتري عريس تفصيل على مزاجي

ده مش حل .. والعرسان اللي بالشكل كده مش هاتلاقيها إلا في عمر أفندي او شيكوريل ..

سمعتي المثل الصيني اللي بيقول

easy come >> easy go

أهي الجوازات اللي بالشكل ده ينطبق عليها المثل ده ... واحد جاي بشنطة هدومه.. لقى كل حاجة جاهزة ، ما تعبش في حاجة ، يبقى من السهل جداً إنه يستغنى عن ده كله في لحظة ...

اما الشخص اللي تعب وعرق وشقى في كل طوبة من بيته ... فمهما هبت رياح المشاكل والخلافات الطبيعية على بيته فبيكون متمسك به جداً ومن الصعب أن يهدمه .