التلفزيون المصري يرفض ظهور دكتور برادعي ببرنامج عمرو خالد !

[م تيمور المراغي]

دي سناب شوت من تويته للدكتور برادعي

[MohamedAli]

انا سمعت ان السبب (اعطاء فرصة متساوية لكل مرشحي الرئاسة)

يعني كل المرشحين لايظهرورا الان وعند فتح باب الترشح يعطي وقت متساوي لكل مرشح للكلام

رصد | مصر | أثار خبر رفض التليفزيون المصري ظهور الدكتور محمد البرادعي، في ضيافة الداعية عمرو خالد بحلقة الخميس من برنامجه " بكرة أحلى"، ردود أفعال غاضبة جدا بين مؤيدي البرادعي وجمهور عمرو خالد.. وعلى صعيد آخر، أشارت الأنباء الواردة من مبنى الإذاعة والتليفزيون أن قرار إلغاء الحلقة جاء مبنيا على قرار سابق بمنع استضافة المرشحين للرئاسة على شاشات التليفزيون.#RNN

تم تعديل 14 يونيو 2011 بواسطة MohamedAli

[م تيمور المراغي]

ده شغل المجلس العسكري ,,

و اللي ماسك ماسبيرو دلوقتي اللواء طارق المهدي

واحنا عارفين انهم مش عاوزين دكتور برادعي بنزاهته وصدقه يوصل للجماهير العريضة اللي بتابع القنوات الارضية عشان شعبيته ماتزديش لصالح منافسيه الاكثر قربا ورضى من المجلس العسكري ,,

لانه حيكشف كل المستخبي وحيحاسب الكبير قبل الصغير ,,

موضوع منع دكتور برادعي من الظهور لن يمر مرور الكرام ,,

[mustafagamiel]

بصراحة دي قلة أدب

محمد البرادعي ماهو الا مواطن مصري لكن كونه انه يُمنع دي ليس لها تفسير غير ان الجذور السرطانية لازم لا بتر لا معالجة

[م تيمور المراغي]

دكتور عمرو خالد باسلوبه الرقيق كان حيقدم للناس الصورة الحقيقية لدكتور برادعي الانسان المصري المحترم والملتزم ودي طبعا غير الصورة الذهنية السلبية المنطبعه عنه واللي بيتم تسويقها على اساس انه العلماني الكافر ,,

في الوقت اللي تم عمل لقاء خاص على التلفزيون المصري مع المرشد العام للاخوان المسلمين والعديد من رموز التيار الاسلامي

نفسي اعرف ايه سر انحياز المجلس العسكري لتيار دون الآخر ,, !!

[م تيمور المراغي]

يا مجلس يا عسكري الدنيا مقلوبه ,,

كله الا دكتور برادعي ,,

[mustafagamiel]

بسي تفتكر ان الجيش هيكون ضد البرادعي في ايه؟؟؟؟

دا على المزاج ياباشا

[MohamedAli]

ان كان هناك تقصد شخصي لاستبعاد البرادعي وليس سبب موضوعي

فعلى عمرو خالد يلقي لهم بالاستقالة فهو ليس اقل من محمود سعد الذي استقال لنفس السبب

[pink rose]

هو في ايه؟؟؟؟؟؟؟؟؟؟؟؟؟؟؟؟؟

هو احنا ابدا ما بنتعلمش من الاخطاء؟؟؟؟؟؟؟؟؟؟؟

سلمى الصاوي و هوليلة و فيلم و اتهامات اااااااااااااااااد كده للداخلية و في الاخر طلعت كذابة بشهادة اللي عملوا الهوليلة

و نفس الحوار بتاع المجلس العسكري و التشكيك مع ان المجلس العسكري طلع قال احنا مش اخوان

يعمل ايه تاني المجلس العسكري

ها فاضل ايه تاني لم يتم اتهامه بيه

اقولكم المجلس العسكري هو اللي اكل الجبنة

بجد بقت حاجه تطهق

زي الهوليلة السخيفة بتاعت البنات اللي تم الكشف عليهم و طلعت قالت امبارح ناشطة حقوقية ان دا اجراء متبع اصلا مش عشان المظاهرات او غيره الكلام دا في حلقة بلال فضل امبارح

بس طبعا دا لم ينشر و يذاع بنفس حجم التهليل اللي حصل في الاول

ايه الاستفادة من كده عاوزين تشككونا ليه في الجيش و الداخلية عاوزين ايه عاوزين البلد تبقى عراق تانية؟؟؟؟؟؟؟؟؟؟؟؟؟؟؟؟؟

ايه يعني لما دكتور البرادعي ما يطلعش هو كان مين من مرشحي الرئاسة ظهر على التليفزيون المصري لو حد طلع ساعتها نقول ايوة في تمييز لكن ما حصلش

قبل ما اعرف موضوع المنع دا

بعت لدكتور عمرو على صفحته سألت هل كل المرشحين هايظهرو معاك و لا بس دكتور البرادعي لانه لو هو الوحيد اللي هايطلع فا دا يعتبر جزء من الحملة الانتخابية بتاعته و المفروض تكون انت و برنامجك محايدين يا دكتور عمرو

فوجئت بعدها بقرار المنع دا

و لا حسيت بان في لعبة او نظام قديم في الموضوع

ليه عاوزين توهمونا بكده

لمصلحة مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تم تعديل 14 يونيو 2011 بواسطة pink rose

[Ahmed Anwer]

أنا كنت أخدت قرار بعدم التعليق علي أي أخبار في الفترة دي ، لأن معظم الأخبار بتكون مشوشة و أقرب للشائعات

و لكن مستفز إن البرادعي يمنع فيقال محمد بديع ظهر,هل محمد بديع مرشح رئاسة؟أم أصبح ماسيبرو مانع المحجبات حليفا الأخوان؟رجاء قليل من الإنصاف

عموما يظهر أو لا يظهر

وجهتي نظري الشخصية إنه مرحلة و انتهت

كل يوم بيثبت إنه غير كفؤ للمهام الكبيرة اللي كنا معلقين عليه أمل فيها

[م تيمور المراغي]

الافاضل اللي بيقولوا ان التلفزيون عنده حق في منع المرشحين للرئاسة من الظهور

القرار ده ممكن يتاخد بعد فتح باب الترشيح للرئاسه انما مش قبله

حتى الان لم يفتح باب الترشيح رسميا بالتالي لا يوجد شيئ رسمي يقول ده مرشح رئاسي ام غير مرشح ,,

[أبو محمد]

هو في ايه؟؟؟؟؟؟؟؟؟؟؟؟؟؟؟؟؟

هو احنا ابدا ما بنتعلمش من الاخطاء؟؟؟؟؟؟؟؟؟؟؟

سلمى الصاوي و هوليلة و فيلم و اتهامات اااااااااااااااااد كده للداخلية و في الاخر طلعت كذابة بشهادة اللي عملوا الهوليلة

و نفس الحوار بتاع المجلس العسكري و التشكيك مع ان المجلس العسكري طلع قال احنا مش اخوان

يعمل ايه تاني المجلس العسكري

ها فاضل ايه تاني لم يتم اتهامه بيه

اقولكم المجلس العسكري هو اللي اكل الجبنة

بجد بقت حاجه تطهق

زي الهوليلة السخيفة بتاعت البنات اللي تم الكشف عليهم و طلعت قالت امبارح ناشطة حقوقية ان دا اجراء متبع اصلا مش عشان المظاهرات او غيره الكلام دا في حلقة بلال فضل امبارح

بس طبعا دا لم ينشر و يذاع بنفس حجم التهليل اللي حصل في الاول

ايه الاستفادة من كده عاوزين تشككونا ليه في الجيش و الداخلية عاوزين ايه عاوزين البلد تبقى عراق تانية؟؟؟؟؟؟؟؟؟؟؟؟؟؟؟؟؟

ايه يعني لما دكتور البرادعي ما يطلعش هو كان مين من مرشحي الرئاسة ظهر على التليفزيون المصري لو حد طلع ساعتها نقول ايوة في تمييز لكن ما حصلش

قبل ما اعرف موضوع المنع دا

بعت لدكتور عمرو على صفحته سألت هل كل المرشحين هايظهرو معاك و لا بس دكتور البرادعي لانه لو هو الوحيد اللي هايطلع فا دا يعتبر جزء من الحملة الانتخابية بتاعته و المفروض تكون انت و برنامجك محايدين يا دكتور عمرو

فوجئت بعدها بقرار المنع دا

و لا حسيت بان في لعبة او نظام قديم في الموضوع

ليه عاوزين توهمونا بكده

لمصلحة مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مداخلة رائعة

إن شاء الله لن يحدث ما يتمناه حزب حمدى باتشان (شعللها شعللها .. ولعها ولعها) ..

ولعلمك يا سيدتى هناك من يرفع جعيرته بأغنية حمدى باتشان .. وهناك من يؤدى نفس الدور ولكن بنعومة صوت فيروز .. اليوم كنت أشاهد قناة الجزيرة مباشر "مصر" .. ولاحظت أن جميع الفواصل التى تتخلل برامج القناة ليست سوى الفيديو كليب المشهور من السويس فى الأيام الأولى للثورة .. فيديو سيارة الشرطة التى تصدم أحد المتظاهرين الذى كان يقذفها بالحجارة .. كل الفواصل بلا استثناء هى ذلك الفيديو مصحوبا بموسيقى ناعمة

الأهداف هذه الأيام محددة فى هدفين .. الجيش والشرطة بأساليب مختلفة .. وكما يقول المثل : "كل واحد وعلامـُه" .. أو بمعنى أصح و"تدريبه"

ولكن

إن شاء الله لن ينجح الجزء الخاص بمصر فى مخطط "الشرق الأوسط الجديد" .. فهى "مصر المحروسة" .. المحروسة من الله أولا ثم من أولادها الكرام الأوفياء الذين يرعون الزمام

[م تيمور المراغي]

على فكره الشيخ حازم صلاح ابو اسماعيل اللى هو مرشح نفسه لرئاسه الجمهوريه كان على القناه الثالثه اول امبارح ,,

وده يدلكم على انه لايوجد منع لمرشحى الرئاسه من الظهور فى التلفزيون المصرى

يعني المنع موجه مباشرة ضد دكتور برادعي ,,

ايه الجراءة دي !!

[بركة]

تم التراجع وسيظهر الدكتور بصحبة البرادعي الخميس ان شاء الله

[Ahmed Anwer]

من صفحة الدكتور عمرو خالد: التلفزيون المصري يتراجع عن قرار منع استضافة الدكتور البرادعي وحلقته مع الدكتور عمرو على الهواء مباشرة يوم الخميس .. وبالمناسبة عمرنا لو تلاحظوا في الصفحة ما روجنا لأي مرشح رئاسي ولا ذكرنا حتى أسماءهم على الصفحة لأن ده مش دورنا بس منع الدكتور البرادعي من حقه كمصري في الظهور على تلفزيون بلده هو ما دعانا للكتابة

----------------------------------------------------

منقول عن صفحة كلنا خالد سعيد ،،

خلاص بقه !!!!

قال يعني لسه فيه حد في مصر عنده ايريال هوائي !!!

[MohamedAli]

تم التراجع وسيظهر الدكتور بصحبة البرادعي الخميس ان شاء الله

خبر جيد

تم تعديل 15 يونيو 2011 بواسطة MohamedAli

[م تيمور المراغي]

تم التراجع وسيظهر الدكتور بصحبة البرادعي الخميس ان شاء الله

ههههههههه

ايوه كده

طب ما كان من الاول :happy:

دكتور برادعي :wub: :egyflag:

[Alshiekh]

تم حذف المناوشات ونقاشات الجانبية الخارجن عن أصل الموضوع

ونرجو من السادة والسيدات الأعضاء الأفاضل مراعاة التناقش في صلب الموضوع

شكرا لحسن تعونكن

الإدارة

[شرف الدين]

بما أن الدكتور عمرو خالد سوف يستضيف الدكتور البرادعي .. فأنا أود أن يواجهه بسؤال هام جدا .. وأتمنى حقا أن أجد إجابته ...

هل كتب الدكتور البرادعي أو وافق على تقارير تدين مصر إبان رئاسته للهيئة الدولية للطاقة الذرية ؟

يمكن للاستزادة مراجعة هذا الموضوع ...

هل مرر البرادعي تقارير ضد مصر في الوكالة الدولية ؟ ولماذا ؟

وسوف تجدون في هذا الموضوع رابطا لصور التقارير المذكورة.

وهذا رابط لمقال من جريدة الأهرام العربي يتحدث عن نفس الموضوع

الرباط الخاص بي

-----------------------------------------------------------

نرجو من كل مؤيدي الدكتور البرادعي أن يجيبونا عن حقيقة هذا الموضوع ...

[tarek hassan]

معلوم للجميع من يومين إن الدكتور البرادعي سيظهر في التليفزيون الرسمي للدولة الخميس القادم

ومعلوم إنه واخد القنوات إياها لحسابه إما ضيف وإما دعاية له ومش محتاج لعمليات الذلة والمسكنة وإدعاء الاضطهاد والتمييز لكسب أصوات الناس

الرجل يملك أكبر آله إعلامية مساندة في مصر لا تتوفير لغيره وحتى الجواسيس يقال أنها كانت مكلفة بالترويج له

وظهور البرادعي سيخدم كل المرشحين فإنه لا يمكن أن يظهر البعض ولا يظهر البعض الآخر ولذلك سيظهر حتما حازم صلاح أبو إسماعيل وغيره عملا بمبدأ تكافؤ الفرص

تم تعديل 15 يونيو 2011 بواسطة tarek hassan