القبض على رجل الأعمال حسين سالم فى مدريد

[عطر الجنة]

حسين سالم يطلب عدم تسليمه للقاهرة لأنه مواطن أسبانى

[Salwa]

ماما سلوى .. بجد الاخبار دي؟

انهم افرجوا عنه بكفالة ضخمة؟؟

و ايه حكاية الحالة الصحية؟

كلهم بيصيبهم المرض دلوقت؟

صباح الخيرات عزيزتى ام زيد.

شوفى بقى آخر الأخبار بتقول ايه؟؟...طيب بذمتك مش انا قلت الكلام ده ؟؟اصل ده قانون يعنى ..

ازاى يحاكموا مواطن اسبانى كدة من الباب للطاق ..ف محكمة مصرية ؟؟

سبق وقلنا ...ده مواطن مصرى سعودى اسبانى ...

تعالوا بقى وافصلوا كل جنسية عن التانية ...!!!

لو منفعش الخروج من المأزق عن طريق الجنسية الاسبانية ....يبقى جنسيته السعودية تشفع له ..

واوعوا تنسوا انه...بدوى....من بدو سيناء ...!!!!!!!!

ومولود هناك..

انتماؤه؟؟؟....لنفسه.

تم القبض عليه ...ف مدريد...مش زى ما كوووول الجرائد المصرية بتقول ..ف مايوركا؟؟؟

لالالالا

تم القبض عليه وعلى ابنه خالد وشريكه التركى على احسان ((( ده مجرد واجهة يعنى ))) ...و...( على فكرة من ضمن التحقيقات كان فيه ف حسابه سبعتاشر مليون يورو محولة من هذا الشخص لحساب حسين سالم .) قبضوا عليه ف فيلته اللى ف ضاحية ( لاموراليخا ).ف مدريد ..

هو فعلا دفع كفالتين..واحدة بخمستاشر مليون وبعدها فه قاضى تانى حكم بكفالة تانية بأتناشر مليون يعنى مجموع سبعة وعشرين مليون ودى تعتبر اكبر كفالة تقدرها المحاكم الاسبانية ....بعد الكفالة اللى دفعها برضه رجل الاعمال المشهور المتهم باختلاس وتبييض اموال و(( قصص بقى مع رجال اعمال كويتيين )) .....كانت خمستاشر مليون يورو ...بس من كاااام سنة ..

مسألة مرضه...!!!

هو اصابه الاعياء ف التحقيق....ده كمان شئ طبيعى نظرا لكبر سنه والمفاجأة ..

الشئ المضحك فعلالالالالا.....بالنسبة لى ...ماهى اذا كبرت المصيبة اضحكت.

ان المحاميين بتوعه (( المعروفين جدااا )) بيطلبوا مهما حصل عدم تسليمه لمصر

وبأى صفة يتم تسليم مواطن اسبانى ليحاكم فى بلد آخر ؟؟؟ وهو نفسه اتكلم وطلب حقوقه كمواطن اسبانى انه يتحاكم ف ( بلده وموطنه ف اسبانيا ) لأن الحكومة المصرية معروف انها ستعامله بالتنكيل والتعذيب وانه يخشى على حياته..

طيب...

حكاية ازدواج الجنسية ....ممنوع ف اسبانيا..لكن بيسمحوا بيها ف حالات خاصة ..بمعنى ؟؟؟

عمل مشاريع وقدم خدمات وكدة يعنى ..

مش حكاية الغاز بس؟؟

لالالالالالا

فيه حكاية ضحكتنى كمان...

مكتوب انه تحدث شخصيااا مع (( صديقه ثاباتيرو ))....صديقه منين يعنى ؟؟؟

ده أد ابنه....!!

والا هو ماشى على نهج السادات ( الله يرحمه)) صديقى كارتر..وصديقى توت عنخ آمون؟؟

هو ثاباتيرو ...يقدر ...يحمى حرامى؟؟؟ طيب تيجى ازاى دى ؟؟؟

يقدر ثاباتيرو يدافع عنه وهو ....نسف اقتصاد مصر؟؟؟

ده نسف اقتصاد مصر والكلام ده حقيقى فعلالالالالالالالا..

ثاباتيرو ميقدرش يحكم حتى على بقاء الكرسى اللى هو قاعد عليه...واظن انه ميرضاش ..

ثاباتيرو ربما يكون فشل ف حاجات خاصة بالبلد..بس ثاباتيرو مش حرامى ..

ثاباتيرو مش جبان...ثاباتيرو مش بيتوالس مع حد ويسرق شعبه؟؟؟

آل تحدث مع صديقه ثاباترو؟؟؟......نكتة دى والله..

هل معنى ان ثاباتيرو قابله ف عشاء لرجال الاعمال ...,والا قابله ف اى حتة

وميعرفش البلاوى اللى وراه....انه صديقه وحايدافع عن (( حقوقه.؟؟؟))

انا كل ما يمر الوقت أتأكد فعلا فعلا فعلا ان مبارك ده وولاده وزوجته وشلته...

مش ممكن يكونوا بنى آدمين...مش ممكن يكونوا طبيعيين وبيحسوا ..

مش ممكن...

لالهم دين ولا مبدأ...

ملهمش رب..

ملهمش رب ..

ملهمش اى اله....ولا حول ولاقوة الا بالله العلى العظيم..

ويقولك...حقوقى ...حقوق ايه يابتوع الحقوق ...حقك كاسبانى ؟؟؟

حقك كسعودى ؟؟؟

طيب وحقنا كوووووولنا كمصريين سرقتوهم كلكم ؟؟

حقوقنا راحت فين ؟؟

حقوق المصريين اللى شافوا الذل ف بلادهم اللى انتم دلوقت بتتبروا من جنسيتها؟؟؟

ولاد الريس وزوجته...أنجليز.

والوزراء؟؟؟ كل واحد شايل له جنسية تانية ...

طيب مين اللى سرق مصر؟؟؟؟؟؟؟؟؟؟؟؟؟؟؟

مين اللى سرق مصر؟؟؟؟؟؟؟

المصريين؟؟

والا الاسبان؟؟؟

والا الانجليز؟؟؟

والا السعوديين؟؟؟

ماهى كلها جنسيات بيهربوا بيها ...

صباح الخير...

حاجة تفرس بجد....

بس ربنا اقوى من الكل وحق مصر حايرجع ان شاء الله.. :give_rose:

[مهندس حسام الخواص]

يا جماعة هو الكفالة الضخمة دي 27 مليون يورو دى هتروح لمصر ولا اسبانيا ولو راحت لأسبانيا يبقى احنا اضحك علينا ولا ايه

[se_ Elsyed]

يا جماعة هو الكفالة الضخمة دي 27 مليون يورو دى هتروح لمصر ولا اسبانيا ولو راحت لأسبانيا يبقى احنا اضحك علينا ولا ايه

بسم الله الرحمن الرحيم

الاجابة : اسبانيا طبعاً يا حبيبي .. ومصر مش في إعتبارهم أساساً ويمكن يرفعوا علينا قضية تعويض بمليارات اليوروهات لإن واحد أسباني من أصل مصري أضر بإقتصادهم ... واتوقع إن أسبانيا تخرج من أزمتها الإقتصادية على إيد حسين سالم عن طريق مصادرة كل مليم عنده هناك ... ده حوووووت كبير من حيتان أسبانيا

[Salwa]

يا جماعة هو الكفالة الضخمة دي 27 مليون يورو دى هتروح لمصر ولا اسبانيا ولو راحت لأسبانيا يبقى احنا اضحك علينا ولا ايه

بسم الله الرحمن الرحيم

الاجابة : اسبانيا طبعاً يا حبيبي .. ومصر مش في إعتبارهم أساساً ويمكن يرفعوا علينا قضية تعويض بمليارات اليوروهات لإن واحد أسباني من أصل مصر أضر بإقتصادهم ... واتوقع إن أسبانيا تخرج من أزمتها الإقتصادية على إيد حسين سالم عن طريق مصادرة كل مليم عنده هناك ... ده حوووووت كبير من حياتن أسبانيا

اكبر صح.. :give_rose: bv:- bv:-