حسبنا الله ونعم الوكيل فيك يامبارك انت وعصابتك

[Howayda Ismail]

اول مرة اسمع عن منطقة ( بطن البقرة ) فى برنامج عمر خالد انهاردة بجد قلبى وجعنى واتغميت

من اللى شفته فى الحلقة عملت سيرش عشان اعرف اكتر عن المنطقة لاقيت الفيديو ده لعمرو الليثى

لنفس المنطقة وكانت انظف من دلوقت

اللى حرق دمى ان الفيديو ( تم تحميله في 23/07/2009 ) تقريبا من سنتين

يعنى البهايم ولاد .......اللى كانوا ماسكين البلد اكيد شافوا الحلقة ورغم كده لم يحركوا ساكنا

بل الحالة زادات سوء وهم كانوا هما بيزدادوا فحشا وغنى

صدقونى معدش فى قلبى ذرة استعطاف ولا رأفة للكلاب دول

اهديه للناس اللى متعاطفة معاه و اقولهم اسأل نفسك تقبل ابنك اوبنتك يعيش فى مكان زى ده

http://www.youtube.com/watch?v=tWv8gFBl_QU

[Howayda Ismail]

دى مش مناطق عشوائية دى مناطق لا انسانية

وبيسألوا دلوقت البلطجية كتير فى البلد ليه

دى منطقة من مئات المناطق الموجودة فى الجمهورية تحت خط الفقر ومافيش اى احترام لادمية الانسان

لاشغل ولا فلوس ولا تعليم لازم يطلع بلطجى لانه كاره نفسه وحياته ودنيته كلها

كل الناس فى المنطقة غلابة بتقول اجيب منين عشان تصرف على حاجات كان المفروض الحكومة توفرها لهم

ابسط شئ المجارى وسكن بسيط آدمى

والله العظيم لو بايدى اجيب الكلاب اللى فى طرة ومعاهم مبارك وارميهم يدوقوا حبة من اللى ناس ديقاه

يشوف حيصرف قرفه فى انه مجارى ولا يتغسل منين بس بشرط يروح معهوش ولا مليم عشان يجرب الحوجة زى الناس دى

http://www.youtube.com/watch?v=WwYgYDxbDdA&feature=related

[Howayda Ismail]

انا شايفة ان الفقر فقر النفس مش فقر الفلوس

الناس رغم غلبها وفقرها مبتوقلش غير الحمد لله

والحرامية ولاد .... كرشهم مكنش بيشبع وعمالين يمصوا فى دم الغلابة وينهبوا خير البلد ويعبوا فى مليارات

والناس مش لاقية ملاليم حق علاجها

http://www.youtube.com/watch?v=EcBtyGlQgNk&feature=related

[capitshino]

الناس دى كانت بتبذل قصارى جهدها للوصول الى خط الفقر

حسبى الله ونعم الوكيل فى اللى كان السبب .

[arkan]

الناس دى كانت بتبذل قصارى جهدها للوصول الى خط الفقر

حسبى الله ونعم الوكيل فى اللى كان السبب .

علشان يشحتوا علينا

حسبي الله ونعم الوكيل

[Diab]

http://www.youtube.com/watch?v=VW6GqV_Wvcs

[أبوعمار]

طبعا المذيع اللي يوصل بالكاميرا والميكروفون للمناطق دي ويعرض معاناة الناس فيها ..... يبقى جزاه الله خيرا

على الأقل أحسن من برامج التوك شو اللي لا بتودي ولا بتجيب

بس هل أكون طماع لو حلمت إن دور المذيع يكون أكبر من كده؟؟؟؟؟؟؟؟

يعني ليه لأ ؟؟؟؟ لو المذيع أخد تسجيل الحلقة وراح للمسئول بنفسه وسجّل معاه وصوّر رد فعله وتعليقه فورا على الموضوع؟ ليه لأ؟

على الأقل يمكن يتكسف على دمه ويصدر أي قرار لحفظ ماء الوجه

وكمان عشان الناس اللي تشوف الحلقة تلاقي حاجة تبرّد نارها.... بدل مانشوف الحلقة وضغطنا يعلى ...وإحباطنا يزيد.... ونتخنق أكتر

وبعد شوية نمصمص شفايفنا ونقول الحمد لله ... احنا أحسن من غيرنا

وتفضل البؤر دي تأوي البلطجية وتنتج كل يوم مجرمين ساخطين على المجتمع .... وممكن يكون عندهم حق

وغير كده فيهم ناس يستاهلوا العيشة الكريمة..... حرام تمتهن انسانيته بالطريقة دي

أفتكر إن اللي يجيب على التليفزيون الحلقات اللي تحزّن دي .... من غير مايطرح حلول ... ويوصل للمسئول

يبقى ما أفادناش كتير لأن الكلام دي لا يخفى على أي مسئول ... بس المهم ايه اللي يجبره إنه يتحرك؟؟؟؟؟؟؟؟؟

فيه ناس تخاف ... ماتختشيش

[engmido]

لا حول ولا قوة الا بالله

حسبى الله ونعم الوكيل

[ابراهيم عبد العزيز]

لا حول ولا قوة إلا بالله

فى عهد النظام السابق زحفت وانتشرت المناطق العشوائية فى مصر كما لم يحدث فى تاريخها , وذلك بسبب فساد المحليات والذى كانت رائحته تزكم الانوف

ومع كل هذا الزحف العشوائى وتزايد نسبة الفقر فى الشعب المصرى لتصل الى 40% , كنا نرى الحكومة تعرض ارقام نمو اقتصادى ضخمة والناس كانت تزداد فقرا لان هذا النمو الاقتصادى كانت تستفيد به فئة محددة ومعروفة

عموما كل الشكر للمذيع عمرو الليثى على عرضه هذه الحالات حتى لا يتم نسيانهم

ولكن لى عتاب ولوم على نوعية اسئلته التى تزيد الألم والجرح بدلا من أن تخففه

فهو يسال مثلا السيدة التى كانت تقول له أنها وبناتها الثلاثة وابنهم الشاب ينامون فى هذه الغرفة فيقول لها المذيع :

وهل يصح أن ينام شاب فى عمر الثامنة عشر مع اخواته البنات فى غرفة واحدة ؟؟؟

طيب يا سيد عمرو وهل وجدت هذه السيدة غرفة أخرى وهى امتنعت عن الفصل بين البنات والشاب ؟؟؟

[Howayda Ismail]

معلش سامحونى ان كنت ضايقتكم بالفيديوهات دى لكن لازم كلنا نشوفها واللى يقدر يساعد يساعد باى حاجة

بتبرع بصدقة بزكاة اوبشراء منتجات من المنطقة دى يقدمها هدايا لمعارفه او لبيته ان شالله يساعد بالدعاء حتى

ان ربنا يكرمهم ويهتموا بيهم

انا بقالى يومين تعبانة ومضايقة وكنت ناوية اقاطع النت والاخبار عشان اريح دماغى لكن حسيت ان دى انانية

منى لو عملت كده وحكون زى النعامة اللى بتدفن راسها فى الرمل صحيح المنطقة بعيدة عنى لكن اكيد

فى اسكندرية فى زيها كتير الفرق ان اسكندرية فيها تكافل بين الاهالى ومن الاخوان المسلمين للمناطق عندنا

اكتر من القاهرة كتير وفى فرص شغل عندنا اكتر فى المنطقة الحرة وبرج العرب والعامرية وغيرهم

يعنى حالة الفقر مش بالبؤس ده وهو ده اللى تعبنى من حالات الناس دى واللى تعبنى اكتر حالة الاهمال

واللامبالاة اللى بيعانوا منها سنين طويلة لابسط حقوقهم ان يحسوا بادميتهم زى بقية البشر

الجوامع العادية لااخوان ولاسلفية فقط لكن التابعة للاوقاف ايضا فيها مساعدات وتكافل من اهل الخير

للاهالى المحتاجة وحالات الزواج والعلاج بما ييسر الله لهم من تبرعات اهل الخير

http://www.youtube.com/watch?v=riZ3dME6L0Y

اعذرونى انى طولت عليكم لكن لى كلمة اخيرة فين خالد يوسف وافلامه من الكلام اللى ورد فى الفيديو

مركز ليه على السلبيات والحاجات اللى نفرتنا من الناس دى وشوهت صورتهم برة وجوة

للدرجة دى الناس بقت رخيصة ومستباحة لغيرهم يتاجروا بيهم وباعراضهم مع ان وارد جدا كل الفجور

والفسوق اللى افلامه بل موجودة بالفعل فى الطبقات الهاى العليوى ملاك مارينا ونزلاء طرة وغيرهم

الفساد والفجور ملهوش مكان يبقى ليه يظلمهم يحصره فى فئة الغلابة دول مش كفاية غلبهم عليهم

من الاخر دعوة لمحاربة نوعية افلام خالد يوسف وامثاله

[Howayda Ismail]

انا لاقيت من واجبى ان احط الفيديو ده

احنا نازلين كلام وبس من ورا الكيبورد ومبنعملش حاجة

والاخوة المغتربين بيقولوا عاوزين نساعد , عاوزين نشوف مصر حلوة

اهى جت الفرصة اللى نفسه يساعد اهو قدامه الطريق اللى يبتدى منه المهم اخلاص النية

http://www.youtube.com/watch?v=doHz5Di8zFs

[Howayda Ismail]

http://www.youtube.com/watch?v=SCjuAIoj7U8

ان شاء الله بكرة احلى

[Alshiekh]

السلام عليكم

انتوا مستغربين ليه؟

وبتحطوا اللوم على مين؟

الحقيقة اللوم يقع على أكبر رأس لغاية أصغر واحد في العشوائيات مرورا بينا كلنا.

كلنا اشتركنا في تلك الجرائم بشكل أو بآخر

الأحياء ياحضرات الأفاضل عندها مهندسين موزعين على كل شارع وحارة وخرم فى حدود الحي ، وعندهم خرائط بكل شجرة وبلاعة وعتبة سلم كل واحد في منطقته.

وتحت عينيهم وبصرهم ارتفعت كل العمارات المخالفة وتم بناء العشوائيات بالرشاوي اللى حصلوا عليها.

المهندس من دول كان بيتقاول مع المواطن على الرشوة ، ولو مواطن طلع جدع وبلغ عنه ، كل اللي كان بيحصل اما انهم ينقلوه لحي تاني أو لمنطقة تانية في نفس الحي وفي نفس الإدارة.

سكان العشوائيات مسئولين مع المهندسين والموظفين المرتشين في الأحياء ، وعلى رأسهم مديري ورؤساء الاحياء وفوق منهم وزير الإدارة المحلية وفوقهم رئيس الوزراء ومن فوقه رئيس الجمهورية.

الكل مسئول

الناس اللى عايشة فى العشوائيات اما ملاك أو سكان ، الملاك سلكوا امورهم علشان يدخلوا الماء والكهرباء ودفعوا المعلوم بالآلاف ، والسكان عارفين ان المساكن دى مخالفة ورغم كده وافقوا على السكن وبعضهم دفع رشاوي لموظفي الكهرباء والمياه علشان الماء والكهرباء تدخل لهم.

أتذكر عام 1983 كان لي واحد معرفة عنده بيت فى العجمي ، والبناء هناك لم يكن صدر له تراخيص بعد ، واراد ادخال الماء والكهرباء ، كان المطلوب خطاب من الحي بالموافقة على ادخال الماء والكهرباء ، تخيلت أن الموضوع مجرد اجراءات ادارية ، وكان ابن صديقي مهندسا في حي العامرية ، وقلت له على الموضوع ، وفوجئت به يطلب مقابلة المعرفة ، وفوجئت به يطلب 200 جنيه على كل خطاب ، انا افتكرت انها رسوم ، ولكن لخيبة ظني كانت رشوة ، يأخذ هو 200 لنفسه و100 لمعاونيه و100 لرئيس الحي ، ولما قلت له ده حرام ، قال لي لو ماعملتش كده ماعرفش اعيش ولا اركب عربية ، سألته ان كان بييجي له شغل كثير بالشكل ده ، قال لى 5 - 10 زبائن في الشهر ، المهندس ده كان عمره 26 سنة ، ومرتب ابوه كان حوالي 60 جنيه.

لو عايزين نصلح العشوائيات ل، لازم البلد تنضف من مرتشي الإدارات المحلية.

[Howayda Ismail]

السلام عليكم

انتوا مستغربين ليه؟

وبتحطوا اللوم على مين؟

الحقيقة اللوم يقع على أكبر رأس لغاية أصغر واحد في العشوائيات مرورا بينا كلنا.

كلنا اشتركنا في تلك الجرائم بشكل أو بآخر

الأحياء ياحضرات الأفاضل عندها مهندسين موزعين على كل شارع وحارة وخرم فى حدود الحي ، وعندهم خرائط بكل شجرة وبلاعة وعتبة سلم كل واحد في منطقته.

وتحت عينيهم وبصرهم ارتفعت كل العمارات المخالفة وتم بناء العشوائيات بالرشاوي اللى حصلوا عليها.

المهندس من دول كان بيتقاول مع المواطن على الرشوة ، ولو مواطن طلع جدع وبلغ عنه ، كل اللي كان بيحصل اما انهم ينقلوه لحي تاني أو لمنطقة تانية في نفس الحي وفي نفس الإدارة.

سكان العشوائيات مسئولين مع المهندسين والموظفين المرتشين في الأحياء ، وعلى رأسهم مديري ورؤساء الاحياء وفوق منهم وزير الإدارة المحلية وفوقهم رئيس الوزراء ومن فوقه رئيس الجمهورية.

الكل مسئول

الناس اللى عايشة فى العشوائيات اما ملاك أو سكان ، الملاك سلكوا امورهم علشان يدخلوا الماء والكهرباء ودفعوا المعلوم بالآلاف ، والسكان عارفين ان المساكن دى مخالفة ورغم كده وافقوا على السكن وبعضهم دفع رشاوي لموظفي الكهرباء والمياه علشان الماء والكهرباء تدخل لهم.

أتذكر عام 1983 كان لي واحد معرفة عنده بيت فى العجمي ، والبناء هناك لم يكن صدر له تراخيص بعد ، واراد ادخال الماء والكهرباء ، كان المطلوب خطاب من الحي بالموافقة على ادخال الماء والكهرباء ، تخيلت أن الموضوع مجرد اجراءات ادارية ، وكان ابن صديقي مهندسا في حي العامرية ، وقلت له على الموضوع ، وفوجئت به يطلب مقابلة المعرفة ، وفوجئت به يطلب 200 جنيه على كل خطاب ، انا افتكرت انها رسوم ، ولكن لخيبة ظني كانت رشوة ، يأخذ هو 200 لنفسه و100 لمعاونيه و100 لرئيس الحي ، ولما قلت له ده حرام ، قال لي لو ماعملتش كده ماعرفش اعيش ولا اركب عربية ، سألته ان كان بييجي له شغل كثير بالشكل ده ، قال لى 5 - 10 زبائن في الشهر ، المهندس ده كان عمره 26 سنة ، ومرتب ابوه كان حوالي 60 جنيه.

لو عايزين نصلح العشوائيات ل، لازم البلد تنضف من مرتشي الإدارات المحلية.

معظم الناس دى غلابة ومغلوب على امرها

بتسكن فى اوضة ايجارها 60 او 100 جنيه بكتيره معهاش تكمل حتى بقية الشهر عيش حاف

اللوم على الراعى اللى ساب الرعية يتظلموا بالشكل ده

اما موضوع العجمى وحى العامرية حضرتك جيت على الجرح

المهندس من دول كان بيلف فى الشوارع يلمح بس خيال شكارة اسمنت فى الارض ولا خشب بيشد

علنى كده واجبارى حتدفع ولا والناس طبعا بتدفع من سكات ياما مضطرة ياما لانها حتلم اضعاف الاضعاف

الفساد مشترك يااستاذ محمد

قبل الثورة العمارة اللى قدامى على الطريق العمومى اسكندرية مطروح تابع لحى العامرية

يعنى مش شارع جانبى ولا زقاق ضيق حيدارى فيه طلع بالحوائط الاول وركب النجارة وعلق الحبال

ونشر غسيل كان فيها سكان وكل ده وهى منها للسما من غير سقف ولا حتى محارة شيفاها من عندى من فوق

وطبعا ده حصل بدفع المعلوم لمهندس الحى

ونفس الموضوع اتكرر اليومين دول من نفس الشخص لعمارته التانية لكن عشان فيه انفلات دلوقت رمى السقف الاول

حضرتك ممكن تقولى مبلغتيش ليه لما انت شايفة اللى حصل

اقول لحضرتك لان صحبة عمرى مهندسة فى الحى وسمعت بلاوى عن الحى ورئيسه ومهندسيه والرشاوى

هى عشان تتجنب المواضيع دى كانت بترفض اى ترقية او حاجة متعلقة بشبهة رشاوى

ورغم ان مرتيها لايزيد عن 350 جنيه الا انها قررت تشتغل نص المدة بنص الاجر ومتزوغش زى زمايلها

لتراعى مولودها بعد استنفاذ الاجازات نصهم كان بيمضى ويمشى ويمكن ميجيش من اصله ويداروا عليه

واعتقد لحد دلوقت البيه اللواء رئيس الحى مازال فى منصبه رغم انهم حرقوا مكتبه وصوره ومتعلقاته

ايام الثورة وفى طلبات كتير فى اسكندرية باقالة جميع رؤساء الاحياء اتباع الحزب الوطنى مزورى الانتخابات

للاسف الناس استغلت الثورة اسوا استغلال للبناء المخالف

العجمى تحول فى يوم وليلة لنطحات سحاب حتى فى الشوارع الضيقة اللى عرضها مترين

يبقى حنلوم على اللى ملهومش حول ولاقوة

[se_ Elsyed]

طب لما تعرفوا إن المناطق دي كلها كان له ميزانيات ضخمة لتطويرها من سنوات طويلة وكله إتلهف وإتحط في كروش المسئولين برئاسة كبيرهم الذي علمهم النهب مبارك

على سيل المثال ....

بالصدفة البحتة .. كان المجرم والمخرب محمد إبراهيم سليمان لفترة طويلة يشغل منصب وزير الأسكان ... وعذان طمع وجشع الدنيا اللي أعمي قلوبهم وبصيرتهم .. فساب الدنيا بحالها ورشح نفسه نائباً عن منطقة منشية ناصر والدويقة ... ويشاء السميع العليم إن الصخرة تقع وتقتل العشرات في تلك المنطقة التي تأبى الحيوانات إنها تعيش فيها ..

واخدين بالكم وهو وزير إسكان ونائب مجلس شعب عن تلك الدائرة .. ومع ذلك ما راحش زار الناس دي ولا قال لهم قلبي عندكم يا جماعة

واللهي يفضحه دنيا وأخرة نعرف بعد كده إنه تلفى سنة 98 مبلغ حوالي 100 مليون جنيه من الشيخ زايد رحمه الله مخصصاً فقط لتطوير منطقتي الدويقة ومنشية ناصر ..... وراح الكلب سارق المبلع وما صرفش على المنطقة جنيه

ولأن به كل مقومات الحرامي الصح .. فلقد منحه مبارك وسام النيل من الطبقة الأولى تقديراً لمجهوداتة ..

[عبير يونس]

السكوت على الظلم و الرضاء به

يبعث بطاقة تُغذي الظالم

و تزيد من حجمه

المثل اللي بيقول

ما يضيعش حق وراه مطالب

مثل صحيح مليون في المئة

طبعا واحد لوحده يطالب

و الباقي بيتفرجوا

ما ينفعش

لازم الاتحاد

لمواجهة الظلم

كنت دائما أقول

و لازلت

أن الفساد مهما تضخم فهو بالون

و دبوس صغير كفيل بتفجيره

الخوف من رشق ذلك الدبوس

يمنع العديد من الناس

من القيام بذلك

و مادام حاجز الخوف انهار

يبقى ايه المانع

من البحث و التنقيب و مطاردة الفاسدين؟؟؟!!!

[ViralMind]

السلام عليكم..

موضوع العشوائيات فى منتهى الخطورة... و لازم يكون ليه ملف خاص.. و انهاء عصر العشوائيات فى مصر لازم يكون هدف قومى.

طبعا لازم نفصل بين العشوائيات و المناطق الشعبية.. صحيح المناطق الشعبية تفتقد التخطيط.. و مليانة ناس فوق بعض.. بس عالاقل فيها خدمات زى الماية و الصرف الصحى و ما الى ذلك.

طبعا نبدأ بالقاهرة الكبرى.. بخطة بسيطة جدا.. و على مدى 5 سنين.. هيتم انهاء العشوائيات.. بس المهم انها تكون هدف قومى.

طيب ليه انا مركز على كلمة هدف قومى؟

لان الثورة منجحتش الا لما بقت هدف قومى و شعبى.. و نزل فيها مش اقل من 5 مليون..

و لان الشعب ده مش هيقوم الا بهدف قومى و شعبى.. و تحريك من الشباب.. هدف يحسوا انه ملكهم و بيحقق رغباتهم و طموحاتهم.. مش مجرد كلام فى الهوى.. ولا رسومات على ورق.. و مؤتمرات فاضية و ناس بتسقف عالفاضية و المليان.

الخطة كالتالى:

يتم تمديد القاهرة.. نبدأ نوسع فى القاهرة حبة حبة.. و ننقل برة ام الحتة الخنقة اللى احنا ماسكين فيها دى..

يعنى الحرامية كانوا عمالين ياخدوا الاراضى اللى حوالين القاهرة.. طيب ليه الاراضى دى متبقاش ملك للناس.. و تتملك بتمنها الفعلى.. يعنى الارض تتحسب عالناس ببلاش.. و الناس تتحمل فقط قيمة ادخال المرافق.. علشان ميبقاش فيه اعباء عالدولة.. و لو كام رجل اعمال يساهم.. يكون مشكورا.. و مفيش مشكلة نسمى الشوارع على اسمائهم كإهداء ليهم.

النقطة التانية.. طيب مين اللى هيبنى المناطق الجديدة دى؟

شوف بقى احنا عندنا كام شاب عاطل فى المناطق العشوائية دى ذات نفسيتها..

طيب ايه المشكلة اننا نلم كل الشباب العاطلين فى المناطق العشوائية دى.. و ندخلهم فى برنامج الخدمة العامة.. و بكده هنبقى وفرنا عمالة.. و كمان انجزنا المشروع.. و كمان اوقفنا هذا الهدر البشع فى طاقات شبابنا...

و طبعا يكون الشغل فى الخدمة العامة بمقابل يقدر يعيشهم.. و لكن بمبلغ اقل من اللى هيتدفع لعامل كنا هنجيبه من برة.

ملخص الكلام.. حل الموضوع فى نقطتين:

1- انقل لى العشوائيات دى برة القاهرة.. على اراضى جديدة.. يكون سهل ربطها بالقاهرة... يعنى ماتحدفهمش قوى.

2- هات لى الشباب بتوع العشوائيات و دخلهم فى الخدمة العامة علشان يبنوا هما بنفسهم بيوتهم اللى هيعيشوا فيها.

كيميا دى؟ :closedeyes: