تشطيب الشقق ... تجارب شخصية..

[أسد]

شكراً أخي ماجد ...

ياريت يكونوا معمولين أي كلام ..

علشان النتيجة تطلع كويسة ...

[عصام]

على العموم الحل انك تجيب نجار و يعملهم حاجة زى الزرجينه كده ( تسمى سنده ) فى الأتجاه العكسى لتقوس الأبواب و تسيبهم فتره على قد ما تقدر شهر أو أكثر

ليس من الضرورى تركهم لمدة كبيرة ولا حاجة ..

شوف يا سيدى .. بعد ما يعمل الزرجينة فى اتجاه عكسى بيجيب حتة خشب مشطوفة عاملة زى الهرم بالضبط وطولها بيبقى حوالى 10 سم وقاعدتها حوالى 2 سم إسمها خابور أو زمبة ..

ونتيجة عمل الزرجينة المذكورة بيحدث ان يزيد الفاصل بين العارضة والقائم بتوع الباب فى أحد زواياه.. فيتم إدخال تلك القطعة الخشبية فى هذا الفاصل .. والذى يحول دون رجوعه لوضعه القديم الملتوى مرة أخرى!!

لو مش فاهم قوللى أوضح أكثر ..

[ماجد]

كلامك صحيح يا سيدى لو الباب مفتول بالطول

لكن لو مفتول بالعرض ها نعمل ايه

و خد بالك انه الباب اتفتل و هو راكب

[هشام عبد الوهاب]

استاذ ماجد لو امكن استشارة اكون شاكر.

اتفقت مع نجار على عمل عدد كبير من ابواب الغرف (كلها دائرية الشكل من اعلى )

بالأضافة الى عدد كبير جدا من الشبابيك بعضها دائرى والآخر مستطيل او مربع .

اتفقنا على عمل عينة من كل نوع اولا قبل تكملة الكل .. الخشب المستخدم ..سويد وارد فنلندا او امريكا حسب المتوفر حاليا وحشوات الأبواب تغطى بقشرة آرو بعمل كبس لكل الحشوات وليس بلصقها بعد الأنتهاء (هذا ماقاله لى ،خبرتى ضعيفة جدا)

بماذا تنصحنى عند معاينة العينات وهل هناك مؤشرات لجودة الصناعة ....

شكرا

[ماجد]

أخى هشام:

انواع الأبواب 3 أنواع حسب التكلفه ( من الأرخص للأغلى ):

1- باب تجليد

2- باب حشو

3- باب كونتر ملزوق ميلامين ( زى ابواب غرف الفنادق)

و ترتيبهم حسب المتانه و العمر ( بفرض تساوى جودة الخشب ):

1- باب حشو

2- باب كونتر

3- باب تجليد

و سوف نتكلم عن الباب الحشو و التجليد :

الباب التجليد عباره عن شاسيه من الخشب يغطى بلوح ابلكاش من الوجهين .

الباب الحشو فشاسيه خارجى و القلب خشب كونتر.

فى الحاله عندك ابواب خشب حشو فمواصفات الباب و الحلق تكون كالآتى :

الحلق القائمين و الراس قطاع 2 بوصه × 6 بوصه

الباب :

قائمى الباب خشب سويد ( لونه مائل للسمره مش أبيض والا يبقى خشب بياض و هو اقل سعرا ) قطاع 5 سم (2 بوصه) و تمثل سمك الباب × 10 سم (4 بوصه ) و يمكن 2 بوصه × 5 بوصه و هو أحسن.

الرأس اسفلى للباب :

خشب سويد قطاع 2 بوصه × 5 بوصه و يمكن 2×6 و هو احسن

الراس الوسطى للباب :

خشب سويد قطاع 2 بوصه × 4 بوصه

الرأس العليا :

وهى دوران عندك فتكون 2×4 بوصه وتكون اما قطعه واحده وهى صعبة التنفيذ جدا الا اذا كان قطر الدوران كبير جدا أو تكون قطع مركبه فى بعضها بطريقة النقر و اللسان او استخدام خوابير خشب لتجميع القطع مع بعضها بدل المسامير.

يجب عليك معاينة هذه الرأس جيدا و ضمان انها مركبه مع بعضها شحط ( يعنى يالضبط ) و بدون مسمار او غراء.

حشو الباب :

وهى المنطقه الوسطى من الباب وهو اخبرك بأنه سيستخدم قشره كبس فمعنى كده انه سيستخدم كونتر ملصوق عليه قشره بطريقة الكبس)

الواح الكونتر تأتى سمك 13 مم أو 16 مم أو 22 مم ثم تكبس القشره عليها.

اقتراحى لك هو الآتى :

اعمل الباب كونتر22 مم غير ملصوق عليه قشرة ثم ودى الأبواب عند قشرجى موبليا ثم استورجى موبليا .

الفرق ايه :

اولا الواح الكونتر الملصوقه لا يمكن ضمان نوعيتها حيث انها مغطاه ثم انه كيف سيلصق الشاسيه الخارجى فطبعا عند قشرجى ( أو بنفسه ) اذا فالأحسن انه القشرجى يلزقها كلها.

كمان انت كده تستطيع اختيار نوع و لون و نوعيه القشره اللى انت عاوزها بالضبط مش نوع مفروض عليك.

كمان ماذا عن حلق الباب فلابد القشرجى يلزق الحلق وهو راكب ( المصطلح هنا :على ابوه ) ثم الأسترجى يدهن الجميع

بالنسبه لاكسسوار النجاره اختار المفصلات 4 طول 14 سم نحاس ( و يمكنك معرفة النحاس من الحديد المطلى نحاس باستخدام مغناطيس ) و الكالون اشتريه بمعرفتك ايطالى او المانى و الأكر لكل الابواب و بالنسبه لباب الشقه نصف اكره لزوم فتح الباب من الداخل ( خد بالك فيه يمين أو شمال )وكذا المقبض و العين السحريه ( اذا كنت هاتعمل ).

و أى سؤال فى الخدمه

[بنت شعنونة]

اذا اردت ان تؤثث شقة كيف ستكون؟

ممكن كل واحد يتخيل لو حب يأثث شقة ها يعملها ازاي..

الأختيارات كتير و الأسعار نار...

كيف يمكنك ان تختار افضل الأشياء ب افضل الأسعار..!

نبتدي بالجدران "فينك يا طاحوووووووووونة يا فكرية" hg)::

الطريقة المتبعة غالبا في مصر هي الدهانات

قلة قليلة اصبحت تلجأ الى اوراق الحائط لكن ارتفاع سعرها وكذلك عدم احتمالها للرطوبة والأستعمال تجعلها قليلة الجدوى لدينا

الدهانات..

هناك انواع عديدة كما سبق الذكر واستعمالاتها اكثر

مؤخرا اصبحت الألوان القوية تاخد وضعها

مثل اللون البني او النبيتي او الأزرق او الأصفر واخيرا البستاج!

اصبح التغيير مطلوب مادامت الكلفة واحدة

بعض الناس اصبح يلجأ الى جعل الصالة بلون و كل غرفة بلون منفصل

1

2

3

4

5

6

7

[بنت شعنونة]

8

9

رقم 9 دا تحفة الصراحا

ورقم 4 و5 كمان حلوين اوي وممكن الواحد يطبقهم

بس التكلفة كام!

ولا اعرف hg)::

ويعيش ويستحمل والا لا؟

ولا اعرف برضه..!

[بنت شعنونة]

الاباجورات...

اكتشفت فكرة تحفة..

الوسيط... و المزادات..

بيكون فيها اباجورات واشايء اخرى بتكون جديدة نوفي واصحابها لم يستعملوها

ولكن بيكون سعرها نصف الثمن ويمكن اقل

وممكن تكون مستعملة استعمال خفيف

طب وايه المانع

هل لازم نشتري كل حاجا جديدة!

خصوصا لما تكون في السقف وماحدش شايف حاجا hg)::

1

2

3

يفضل في الأضائة ان يكون اتجاه النور للأعلى افضل من ان تكون اضائة مباشرة للأسفل فهي تكون مرهقة للعين..

4

5

6

دي تحفففففة B)

7

[بنت شعنونة]

شفت واحدا زي دي في مزاد

وكان سعرها حوالي 120 جنيه تقريبا

كانت امورة اوي بصراحا

9

قمة الشياااااااااااكة hg)::

10

11

12

[بنت شعنونة]

الأثاث..

اجمل شيء انه يكون بسيط وغير متكلف..

وكلما كانت الغرف صغيرة كلما كانت الألوان الفاتحة مطلوبة

بالنسبة للخشب اصبحت الموضوه الحديثة الخشب المط.."لونه مطفي" عملي اكثر ويتحمل الخدوش اكثر وتنظيفه اسهل..

بالنسبة للصالة يفضل ان تكون منطقة الجلوس ذات لون غامق حتى تتحمل الحياة ولا يذهب لونها وتصبح كوووووم زبالة hg)::

[بنت شعنونة]

1

عاجبني اوي الصندوق اللي جنب السرير دا hg)::

2

دي تحفة فنييييييييييية الصراحا.

3

قمة البساطة

4

5

6

7

قمةةةةةةةةةة الرققققققققة..

[بنت شعنونة]

شفت زي دي بالظبط في مزاد وكانت ب 3000 جنيه..

[se_ Elsyed]

وصلتني هذه الرسالة من احد الزملاء الأعزاء الجُدد بالمحاورات والظاهر إنه كان باعثها لماجد ومالقهوش في البيت فعدى عليه على القهوة وساب الرسالة معايا ... لكن ما يضرش وكله بينفع ... ويالله شدوا حيلكوا وعايزين كل واحد يُدلي بدلوه .. وخصوصاً أُسطى المرمات المعلم ماجد مقاول الانفار وأكبر تاجر أسمنت فى مرسى مطروح واللي انا شغال له سكرتير اليومين دول وبأحضر له البوسطة وأظبط له طلبات الزباين .. ومع ذلك لا زيادة في المرتب ولا نسبة من العمولة .. وكارفني خالص :

الرسالة بتقول

لن اطيل عليك عزيزى ماجد

انا الان اقوم بعمل تشطيبات شقة الزوجية

1 قمت بعمل صيانة بسيطة للسباكة

2 قمت بعمل صيانة مش بسيطة للكهرباء

3 اشتريت بورسلين بريما فرز الت بواحد و تلاتين جنيهه للمتر ( ايه رايك فى السعر و الجودة ؟ ) و المبلط جاى بعد يومين بمصنعية 6.5 جنيه لمتر الارضية و 3 جنيه للمتر الطولى للوزر ... ارجوك قوللى بسرعة نصايحك عن تركيب البورسلين و مزاياه و عيوبه ( انا على فكرة جبت لونين بنى و بيج و هاركبهم زى رقعة الشطرنج بزاوية 45 )

4 بالنسبة لكرانيش الأسقف زميلى عمل كرانيش سنتين و سنتين بجبس سينا و بخمستاشر جنيه للمتر ( مصنعية + مونة ) لكن مش عاجبانى و عاوز كرانيش مزخرفة و لقيت واحد بيعملها تركيب بجبس القومية او البلاح بستاشر جنيه للمتر شامل النقل و التركيب لكن ناس خوفتنى من نوع الجبس ده و من متانة الكرانيش الجبس التركيب و قالولى ان كان و لا بد من كرانيش تركيب يبقى هات كرانيش فيوتك المصنوعة من الفايبر و دى بتتلزق على الحيطة بالغراء ( ايه رايك ؟ )

انا محتاج جدا للنصايح فى مجال تشطيب الشقة و يا رب الرسالة دى توصلك و ترد عليا فى اقرب فرصة

مع خالص الشكر و التقدير

[واحد تاني]

موضوع ظريف ...

للرفع ...

وصلتني هذه الرسالة من احد الزملاء الأعزاء الجُدد بالمحاورات والظاهر إنه كان باعثها لماجد ومالقهوش في البيت فعدى عليه على القهوة وساب الرسالة معايا ... لكن ما يضرش وكله بينفع ... ويالله شدوا حيلكوا وعايزين كل واحد يُدلي بدلوه .. وخصوصاً أُسطى المرمات المعلم ماجد مقاول الانفار وأكبر تاجر أسمنت فى مرسى مطروح واللي انا شغال له سكرتير اليومين دول وبأحضر له البوسطة وأظبط له طلبات الزباين .. ومع ذلك لا زيادة في المرتب ولا نسبة من العمولة .. وكارفني خالص :

الرسالة بتقول

لن اطيل عليك عزيزى ماجد

انا الان اقوم بعمل تشطيبات شقة الزوجية

1 قمت بعمل صيانة بسيطة للسباكة

2 قمت بعمل صيانة مش بسيطة للكهرباء

3 اشتريت بورسلين بريما فرز الت بواحد و تلاتين جنيهه للمتر ( ايه رايك فى السعر و الجودة ؟ ) و المبلط جاى بعد يومين بمصنعية 6.5 جنيه لمتر الارضية و 3 جنيه للمتر الطولى للوزر ... ارجوك قوللى بسرعة نصايحك عن تركيب البورسلين و مزاياه و عيوبه ( انا على فكرة جبت لونين بنى و بيج و هاركبهم زى رقعة الشطرنج بزاوية 45 )

4 بالنسبة لكرانيش الأسقف زميلى عمل كرانيش سنتين و سنتين بجبس سينا و بخمستاشر جنيه للمتر ( مصنعية + مونة ) لكن مش عاجبانى و عاوز كرانيش مزخرفة و لقيت واحد بيعملها تركيب بجبس القومية او البلاح بستاشر جنيه للمتر شامل النقل و التركيب لكن ناس خوفتنى من نوع الجبس ده و من متانة الكرانيش الجبس التركيب و قالولى ان كان و لا بد من كرانيش تركيب يبقى هات كرانيش فيوتك المصنوعة من الفايبر و دى بتتلزق على الحيطة بالغراء ( ايه رايك ؟ )

انا محتاج جدا للنصايح فى مجال تشطيب الشقة و يا رب الرسالة دى توصلك و ترد عليا فى اقرب فرصة

مع خالص الشكر و التقدير

تفتكروا الراجل اللى كان مستني اجابة من سنة 2004 عشان يركب الكرانيش ...

زمانه فين دلوفتي ؟ وياترى عمل ايه ؟

ركب كرانيش جبس سينا ام 15 جنيه وشجع صناعة بلده؟

والا عمل فيوتك ونفع الرشيدي للديكور؟

[se_ Elsyed]

الراجل ده زمانه راح في الكازوزة والسبب

ماجد

فالأسمنت في الوقت ده كان بـ 180 جنيه

أما دلوقت فطن الأسمنت بـ 360 ج غير البقشيش

سُك يا عم عالكرنيش وإنزل بورق الحائط أو خليها عالمحارة وربنا يكملها بالستر ..

[nancy]

س س انت فية اية مش عارف اسعارة

انت مراقب مالى دولى :excl:

[رورة]

ياجماعة.. ممكن نتكمل الموضوع مرة تانية بس بالأسعار الجديدة

الأخ ماجد محتاجة مساعدتك جدا جدا جدا

[عادل أبوزيد]

موضوع قديم و لكنه جديد فى مضمونه و يتناسب مع عديد من الموضوعات و الحوارات الحديثة عن تشطيب الشقق و الديكورات.

أعتقد أنه موضوع يستحق الرفع و ليتنا نقوم بتحديث الأسعار

[mcdo]

السلام عليكم احبابي في الله ياريت حد يفدني في موضوع البورسلين الكيلو باترا قطع ليزر انا نويت اشتريه ان شاء الله

وهشتري كمان السيراميك البركية من كيلو بترا المطلوب

ثمن تركيب المصنعية بسعر انهاردة مش 2004 طبعا

وكمان سعر تركيب سيراميك الباركيه لاني خايف يطلع سعرة غالي في التركيب

وياريت كمان لو حد يعرف صنيعي شاطر جدا يديني تليفونة خصوصا اني مش عايش في مصر ومعرفش حد هناك

ويارت كمان لو حد مركب بورسيلان يحكي تجربتة ويقلي رئية ايه

[fatfouta]

السلام عليكم احبابي في الله ياريت حد يفدني في موضوع البورسلين الكيلو باترا قطع ليزر انا نويت اشتريه ان شاء الله

وهشتري كمان السيراميك البركية من كيلو بترا المطلوب

ثمن تركيب المصنعية بسعر انهاردة مش 2004 طبعا

وكمان سعر تركيب سيراميك الباركيه لاني خايف يطلع سعرة غالي في التركيب

وياريت كمان لو حد يعرف صنيعي شاطر جدا يديني تليفونة خصوصا اني مش عايش في مصر ومعرفش حد هناك

ويارت كمان لو حد مركب بورسيلان يحكي تجربتة ويقلي رئية ايه

انا عملت السيراميك الباركيه ده وشكله تحفة فى غرف النوم على فكرة وسعر تركيب المتر بـ16 ج

قول انت ساكن فين وانا ادلك على صنايعى شاطر جدااا وفنان وامين جدا فى شغله

تم تعديل 22 مارس 2010 بواسطة fatfouta