تايه ومحتاج حد يرشدنى الى الطريق

[ابوعرب المصرى]

انا مصرى موجود فى الرياض من 2 ونصف وللاسف تعترض لعمليه نصب واحتيال من اقرب الناس ليه فانا جاي فيزا حره على اساس ان ابن عمى ده اتفق معايا من مصر انه هيشغلنى وهو مدير مالى فى شركة المهم جيت هنا فى فى اوائل 2009 ونزلت على 2500 ريال شامله السكن والمواصلات وشغل الامن على الرغم انه قبل ماجى كلامته فلى شغل هناك قال تعالك ومالكش دعوه ان شاء الله هاشغلك قولتله هتشغلنى ايه قالى فى الشئون القانونيه او شئون الموظفين

جيت ومن ساعة ماجيت كل ماكلمه يقولى اصبر الوضع هيتغير وقبل ماجى كانى قيالى هات فيزا حره فيها نقل كفاله بسرعه علشان ننقلك كفاله فلما جيت اكلمه على نقل الكفاله يقول مستعجلش اقوله الكفيل طالب منى 2500 نسبه فى السنة غير مصاريف التجديد يعنى بتدخل فى 5000 ريال ، ولما جيت شغلنى من غير حتى ميورينى العقد وكل ماقوله عاوز اشوف العقد يقولى هو حد طلب منك عقود ، ويجوا ناس من نفس البلد ومش يقربوا ليه شى ويشتغلوا شغل غير الامن وبراتب اعلى من 3500 ريال غير السكن والمواصلات رغم انهم نفس موهللى وفى ناس اداب عربى ، المهم بعد 2 ونصف اجلى اقدم على اجازة يقوليلى مالكش غير 15 يوم اجازة طيب ينفع كده اطلب ابن عمى ميردش عليه يبعتلى مع واحد محاسب ساكن معايه يقوله قول لوائل ميطلبنيش تانى

انا دلوقت بدور على شغل بس انا فى حيره ان لو حصلت شغل هضر اقعد سنتين كمان يعنى يبقى 5 سنوات مشوفتش اهلى وبين انى هنا انا عرفت ان الشغل من غير معارف صعب فى التدويرى

فانا بعرض مشكلتى ويعلم الله انه حقيقه وانه اقل من الواقع بكثير

فاى حد من المصريين اللى شغال فى السعودية امامه فرصة عمل

يتصل عليه

0596182920

[مروان]

الاخ وائل

اسال الله ان يفك كربك وييسر امرك

مضيعش وقت اكتر من كده مع ابن عمك

انزل اجازة وشوف اهلك وخليهم يدعولك

ولما ترجع دور على شغل بهدوء وثقة فيما عند الله

وفي نفس الوقت خليك شغال معاه

الى ان تجد فرصة احسن فاعتذر له بهدوء وقل له يا ابن عمي جزاك الله من جنس ما فعلت معي

ان كان خيرا فخير وان كان شرا فشر

متكلموش تاني زي ما قالك ولا تطلب منه حاجة

فقط استمر في عملك وانت بتدور على شغال احسن

ولو فيه حد من الزملاء يفيدك اكتر مني

ربنا معاك

[se_ Elsyed]

المشكلة مش في إبن عمك دلوقت

المشكلة في " إنت بتعرف إيه ... وخبرتك إيه .. ومؤهلاتك إيه "

يعني اللي بييجي من مصر ويقول : هاشتغل أي حاجه ... طب إيه هي الأي حاجه دي ؟

فهمتني ؟

إكتب لنا خبراتك إيه بالتفصيل وبإذن الله يكون خير

[ابوعرب المصرى]

estishhad

شكر لك وبجد انا شوفت حاجات كتيره من مصريين هنا لم ولن اتوقع منهم مثل تلك المعامله ولكن لم ولن افقد حب لبلدى ولا الى اهلى بلدى مهم حصل

تم تعديل 18 يونيو 2011 بواسطة ابوعرب المصرى

[ابوعرب المصرى]

se_ Elsyed

اولا يا استاذى العزيزة انا مش جاى من مصر علشان اشتغل اى حاجه

لانى والله العظيم ربنا وفقنى فى شغلتين واحده فى المياه بس كانت فى القاهره وانا من بنى سويف وطبعا راتبها كان ضعيف وبعقد

والثانى فى التامينات هى كانت حلم بالنسبه لى بس جات بعد ما شريت الفيزا واخد التاشيره من السفاره ومعرفتش ارجعها

وبصراحه استحرمت المبلغ اللى ابى دفعه فى الفيزا وهو مكانش قليله ، وبصراحه انا فى كلمه ابويا قالها لى لما جاتلى شغلت التامينات وكانت حالات اتغيرت وبدات شارد فابى قالى انت مالك لو مش عاوزه تسافر متسافرش الكلام ده قبل السفر باسبوع وكانت الشغلانه لسه جايه ، بصراحه حاسيت انى ابى بيقول كده علشان شافنى مش تمام وانا استحرمت اشيله عب مبلغ يقدر 20 الف جنيه ، فقررت اسافر لسه لاجل ان طمعان فى السفر لا والله فانا لو جاتلى شغلانه التامينات وهى فى نفس منطقتى كنت اشتغلت ولا فكرت فى السفر بس للاسف جات قبل السفر باسبوع

اما بخصوص الموهلات انا حاصل على ليسانس حقوق دفعة 2006 تقدير جيد

معايا الرخصة الدولية لقيادة الحاسب الالى

اشتغلت شهرين فى شركةيوسف مرون للمقاولات فى السعودية طبعا اشتغلت وانا شغال فى الامن كنت بدوام اكثر من 18 ساعه اشتغلت سكرتير مدير مشروع

طبعا اشتغلت شهرين كنت بدوام 18 ساعه لانهم قالو لى انهم هيدونى 2500 ريال وسكن ومواصلات وبعد تلات شهور هنشوف لو هتكمل معنا هنديك 3000 وننقلك كفاله

فانا محبتش اسيب شغل الامن قولت احسن تحصل حاجه فى الشركة الجديده وابقى خسرت كل حاجه ولكن تشاء الظروف بعد شهرين واحد من الناس اللى شغلين معايا يعرف ان شغل شغل تانى يروح يقولهم فى الشركه يمشونى

انا مزعلتش لان كنت مسخير ربنا قبله وعلشان كده مزعلتش حسيت انها جات من عند ربنا

واشتغلت فى مصر سنة فى مكتب محامى

وفتره فى مندوب مبيعات

دية خبراتى

وبالنسبه للكمبيوتر انا كويس فيه الحمد لله

ولكن للاسف الانجليزى مش قوى

وده سبب من سبب الذى كانت حاجز بينى وبين السفر فانا مكنتش عاوز اسافر علشان عارف ان اللغه كل شى ولكن لما ابن عمى قالى تعالى قولت يبقى فرصه الوسطه هتخف من شرط اللغه

دية باقى قصتى

وللاسف اليوم قدمت طلب اجازة مصر شهر المدير قالى هم 10 ايام بس ولو اكتر من كده هنجيب حد غيرك

بجد تعبت وحسبى الله ونعمه الوكيل

[waledbak]

ربنا يوفقك

اعتد تنزل اجازة عادي ورايي تقعدلك سهرين تغير جو كويس

ولما تيجي تدور على شغل يمكن تلاقي شغل احسن

وارسل ورقك لكذا موقع زي موقع بيت

الرزق ملوش واسطة و لا مكان

[for all y]

انا مصرى موجود فى الرياض من 2 ونصف وللاسف تعترض لعمليه نصب واحتيال من اقرب الناس ليه فانا جاي فيزا حره على اساس ان ابن عمى ده اتفق معايا من مصر انه هيشغلنى وهو مدير مالى فى شركة المهم جيت هنا فى فى اوائل 2009 ونزلت على 2500 ريال شامله السكن والمواصلات وشغل الامن على الرغم انه قبل ماجى كلامته فلى شغل هناك قال تعالك ومالكش دعوه ان شاء الله هاشغلك قولتله هتشغلنى ايه قالى فى الشئون القانونيه او شئون الموظفين

جيت ومن ساعة ماجيت كل ماكلمه يقولى اصبر الوضع هيتغير وقبل ماجى كانى قيالى هات فيزا حره فيها نقل كفاله بسرعه علشان ننقلك كفاله فلما جيت اكلمه على نقل الكفاله يقول مستعجلش اقوله الكفيل طالب منى 2500 نسبه فى السنة غير مصاريف التجديد يعنى بتدخل فى 5000 ريال ، ولما جيت شغلنى من غير حتى ميورينى العقد وكل ماقوله عاوز اشوف العقد يقولى هو حد طلب منك عقود ، ويجوا ناس من نفس البلد ومش يقربوا ليه شى ويشتغلوا شغل غير الامن وبراتب اعلى من 3500 ريال غير السكن والمواصلات رغم انهم نفس موهللى وفى ناس اداب عربى ، المهم بعد 2 ونصف اجلى اقدم على اجازة يقوليلى مالكش غير 15 يوم اجازة طيب ينفع كده اطلب ابن عمى ميردش عليه يبعتلى مع واحد محاسب ساكن معايه يقوله قول لوائل ميطلبنيش تانى

انا دلوقت بدور على شغل بس انا فى حيره ان لو حصلت شغل هضر اقعد سنتين كمان يعنى يبقى 5 سنوات مشوفتش اهلى وبين انى هنا انا عرفت ان الشغل من غير معارف صعب فى التدويرى

فانا بعرض مشكلتى ويعلم الله انه حقيقه وانه اقل من الواقع بكثير

فاى حد من المصريين اللى شغال فى السعودية امامه فرصة عمل

يتصل عليه

0596182920

الله يكون فى عونك تم تعديل 19 يونيو 2011 بواسطة for all y

[عنبو]

اول حاجه ربنا يفك همك ويرزقك من حيث لا تحتسب

بس انا عاوز اقولك حاجه يمكن تبقى صعبه شويه ان 2500 ريال بالنسبه للامكانياتك مش وحشه على فكره

انا اعرف محاسبين شغالين على 2500 ريال شامل كل حاجه وده لانه لا معاه لغه ولا دورات ولا خبره يعنى من الاخر

مطورش نفسه نصيحتى ليك لو عاوز تلاقى راتب اعلى من كده يبقى لازم تظبط اللغه عندك

اللغه هتفتح قدامك مجالات كتير قوووى وهتعلى سعرك فى السوق

خدلك اجازه انزل غير فيهم جو وحاول تظبط اللغه فى مصر وترجع تدور على شغل صح ومش تسيب الشغل اليى انت فيه الا لما تلاقى شغل جديد

علشان حتى تغطى مصاريف وربنا يوفقك الى ما يحبه ويرضاه

تحياتى

عنبو

[eng hoss]

انا بصراحه شايف انك جاى على ابن عمك زياده عن اللزوم

وبتقول انه نصب عليك واحتال ومن صياغ الكلام انه ساعدك وشغلك

والنقطه اللى احب اوضحهالك ان اى مغترب فى السعوديه مهما وصل لدرجه عاليه فى شغله

بيبقى محكوم من اللى اكبر منه والضوء متسلط عليه اكتر وخاصة فى ناحية المجاملات للقرايب

وممكن شغله يتأثر بسبب كده لأن كفيله او صاحب العمل هيشك فى المجاملات دى

راتبك مناسب لخبرتك ومجال عملك

وانت معاك تأشيره حره يعنى ممكن تبعد عن ابن عمك وتدورعلى شغل وتشوف هتقدر تتحصل على راتب قدايه

وسعرك كام فى سوق العمل ولو وفقت فى حاجه افضل روحلها فورا