بشرى سارة للمصريين بالخارج: إعفاء سيارة والأثاث والأجهزة من الجمارك

[se_ Elsyed]

مش عاوز اصدق إلا أما أدوق بنفسي ..

أصل شربنا كتير من الموضوع ده

ياااااااااااااااااه .. ده أنا ساعتها أنزل عربية كرولا موديل 79 عشان ما تشربش بنزين كتير

وأنزل الحراج أشتري عفش بيت مستعمل

ونهيص بقى بعد سنين الحرمان الطويلة

عشان الثورة وعاش الثوار

تبحث وزارة المالية تقديم تيسيرات جمركية جديدة للمصريين العائدين من الخارج، تتضمن إعفاء واردات ومنقولات للمصريين العائدين من الخارج وزيادة حدود الإعفاء من الرسوم الجمركية الممنوح حالياً للمصريين العائدين من الخارج والبالغ 1500 جنيه فقط يتم خصمها من الرسوم الجمركية المقدرة على الأجهزة الواردة بصحبتهم من الخارج.

يدرس د.سمير رضوان وزير المالية حالياً زيادة الإعفاءت الجمركية الحالية للمصريين العائدين من الخارج لتشمل إعفاء كاملاً من الرسوم الجمركية على الأثاث والأجهزة الكهربائية والمعمرة الواردة بغرض الاستخدام الشخصي للعائد من الخارج بعد معاينتها والتأكد من أنها مستعملة، مع الاكتفاء بتحصيل ضريبة المبيعات فقط على تلك السلع التي تتراوح بين 10 و%45 مع وضع ضوابط لمنع تحول الإعفاءات الجديدة الى باب لتسريب السلع المستعملة الى السوق المحلية بغرض الاتجار بها، وكما يتم بحث زيادة حد الإعفاء الشخصي عن 1500 جنيه.

وأكد أحمد فرج سعودي وكيل أول وزارة المالية رئيس مصلحة الجمارك أنه يتم حالياً بحث إعفاء سيارة صغيرة من الرسوم الجمركية لكل أسرة مصرية عائدة من الخارج بشرط مرور فترة زمنية محددة على سفرها للخارج، ويتم حالياً دراسة تأثير ذلك على موارد الخزانة العامة للدولة.

وأضاف سعودي انه يحق أيضاً لكل راكب الاعفاء من أي رسوم جمركية أو ضريبة مبيعات على الهدايا التي تكون معه، وفي حالة عدم وجود هدايا معه، فمن حقه شراء سلع من الاسواق الحرة، وذلك خلال 48 ساعة من عودته وفي حدود 200 دولار وذلك بما لا يجاوز مرتين في العام الواحد للمصري وأربع مرات للسائح الأجنبي.

كما تشمل الإعفاءات الحالية الملابس الشخصية وما يتم شراؤه للاستعمال الشخصي من الأسواق الحرة المقامة داخل الدوائر الجمركية خلال 48 ساعة من دخول الراكب بما لا يجاوز 200 دولار وذلك في حالة عدم تمتعه بالإعفاء المنوه عنه وعدد 200 سيجارة أو 25 سيجارة أو 200 جرام دخان ولتر مشروبات روحية ولتر من الكحول المعطر والأثاث والأدوات والامتعة الشخصية والسيارات التي سبق تصديرها بصفة مؤقتة والخاصة بأشخاص يعتبر محل اقامتهم الأصلي مصر بشرط التحقق من عيناتها وأن تكون مثبتة في جواز السفر.

بالإضافة الى جميع ما يحمله السائح والمصري القادم من الخارج من آلات تصوير وآلات كاتبة أو حاسبة أو أجهزة راديو أو تسجيل أو فيديو أو نظارات مسرحية سواء كانت جديدة أو مستعملة، وكذلك الحلي والمجوهرات الشخصية يكتفي بقيدها في جواز السفر للمطابقة عند المغادرة أو تحرير إقرار من صورتين وتسلم للسائح صورة منه مختومة بخاتم الجمرك لتقديمها عند مغادرة البلاد وإبقاء هذه الأشياء في البلاد وعدم إعادة تصديرها يعتبر تهرباً جمركياً يعاقب عليه القانون.

مصدر الخبر

جريدة الوطن الكويتية

[ام سلمي]

خبر جميل والله يا ريت يكون صحيح ، بس هل موضوع العربية ده مقصود بيه اللي نازل نهائي واللا ممكن اللي نازل اجازة برضه ؟

[se_ Elsyed]

خبر جميل والله يا ريت يكون صحيح ، بس هل موضوع العربية ده مقصود بيه اللي نازل نهائي واللا ممكن اللي نازل اجازة برضه ؟

لأ يا ام سلمى

دول كتير بتعملها منها تونس والسودان وسوريا

وبيشترطوا إن الشخص يكون أمضى 5 سنوات متواصلة في الخارج - على كفيل واحد وبعقد واحد مش كل شويه رايح جاي بتأشيرة جديدة يعني - ... وتكون لمرة واحدة فقط ويكون نازل نهائي ...

[mustafagamiel]

إن الشخص يكون أمضى 5 سنوات متواصلة في الخارج

طيب كويس انها 5 سنين مش اكتر من 6 والا كانوا حطوا العقدة في المنشار هههههههههه

بسي هل ده في صالح الصناعة المحلية (في حال ان وجدت )

[se_ Elsyed]

إن الشخص يكون أمضى 5 سنوات متواصلة في الخارج

طيب كويس انها 5 سنين مش اكتر من 6 والا كانوا حطوا العقدة في المنشار هههههههههه

بسي هل ده في صالح الصناعة المحلية (في حال ان وجدت )

يادي الصناعات المحلية اللي قرفونا بها ...

الصناعات المحلية = الحيتان في عرف مبارك

وبعدين ياريت تيجي على 5 سنوات ..

أنا ما عنديش مانع يعملوها 10 كمان smk: smk: smk: smk:

ولو 15 ويخلوني أنزل عربية ونص ... شغال برضوا

[Abu Reem]

همه لسه بيبحثوا......يعني على ما يبحثوا يكونوا دخلنا في انتخابات برلمان ورئيس جديدة ، وبعدين بعد وجود رئيس جديد ، يبقى سياسات جديدة ويجي وزير مالية يعمل فيها قلبه على مصلحة البلد ، وبدل ما يلغوا جمارك السيارات يزودها ha) ....

- بس حلوة قوي ضريبة مبيعات على الادوات الكهربائية والاثاث من 15 الى 40 % امال الجمرك يبقى كام cr((: لما الضريبة بس كده

- والغريب ان الموضوع ده عاملين له شرط النزول النهائي...غريبة قوي طيب ما يسمح بسيارة واحدة للمغترب على رقمه القومي وملوش دعوة نازل نهائي ولا اجازة وهيرجع تاني...مش فاهم ايه المشكلة يعني.

- انا قلت حل قبل كده انهم يعملوا عرض ( اوكازيون) ادفع 2000 دلاور ونزل سيارتك لمرة واحدة لكل مغترب وخلاص على كده ، يعني لو مليون مصري دفع 2000 دولار مقابل انزال سيارته الى مصر ولمرة واحدة يبقى عندنا 2 مليار دولار دخلوا خزينة الدولة... clwn:

ايه رأيكم،،،

[MOOOM]

والله يا عم سي الأستاذ سي السيد أجمل خبر أقرأة النهاردة .. ربنا يبشركم بالخير .. رغم أني قعدت في مصر ومش هستفيد من الموضوع ده .. وياريت لو تكون للي لسة قاعة في مصر في خلال ثلاث أو خمس سنوات بعد سفر كذا سنة مثلاً ..

ربنا يكرم الجميع ويزيد من الإصلاحات .

وعلى فكرة لو تم تنفيذ هذا الموضوع .. الكل هيستفيد سواءً المسافر أو المقيم .. لأن أسعار السيارات أكيد هتهدى شوية لأن الطلب عليها هيكون أقل في الداخل .. ومتهيألي بردو مش هتأثر على الأقتصاد ولا حاجة .. هيا هتأثر على التجار وهوامير السيارات في مصر فقط لأنها هتخلية بدل ميكسب 150% هتخليه يكسب 50أو 60% فقط .

[se_ Elsyed]

لأ طبعاً

لازم تبقى مبروطة بالعودة النهائية

وإلا أي واحد هايشتري فيزا بكلام فارغ وييجي عشان ينزل عربية

وكمان في ناس كتير مش هاتقدر تنزل عربيات .. فالحيتان هايدفعوا لهم عمولة عشان ينزلوا عربيات بإسمهم

إذا كان يا مؤمن ما عتقوش المعاقين حركياً وبيدوا الواحد 5 الاف عشان يطلعوا عربية بإسمه معفاة من الجمارك ويبيعوها

الموضوع لازم يتظبط ويبقى له ضوابط

انا شايف عربية معفاة جمركياً لكل من أمضى 15 سنة غربة كويس ...

أنا خايف على البلد من الزحمة بس :egyflag: :egyflag: :egyflag: مصر مصر تحيا مصر

[Abu Reem]

لأ طبعاً

لازم تبقى مبروطة بالعودة النهائية

وإلا أي واحد هايشتري فيزا بكلام فارغ وييجي عشان ينزل عربية

وكمان في ناس كتير مش هاتقدر تنزل عربيات .. فالحيتان هايدفعوا لهم عمولة عشان ينزلوا عربيات بإسمهم

إذا كان يا مؤمن ما عتقوش المعاقين حركياً وبيدوا الواحد 5 الاف عشان يطلعوا عربية بإسمه معفاة من الجمارك ويبيعوها

الموضوع لازم يتظبط ويبقى له ضوابط

انا شايف عربية معفاة جمركياً لكل من أمضى 15 سنة غربة كويس ...

أنا خايف على البلد من الزحمة بس :egyflag: :egyflag: :egyflag: مصر مصر تحيا مصر

كويس يا ابو عمر انك ماكنتش وزير مالية كان زمانك نفختنا

خليك محضر خير 15 سنة غربة علشان الواحد ينزل سيارة يكون هوه بعدها رجله والقبر ، خليهم 4 او 5 سنوات تبقى معقولة

- اما مسألة النزول النهائي كشرط ، والخوف من اصحاب التأشيرات الشريعة والهوامير ، وهذا الكلام اعتقد ان التغلب على هذه المشاكل سهل لان الشروط الافضل هي ان يكون هناك عقد رسمي وايضا ان يكون مر على المغترب 5 سنوات ، وبهذا ستتحل مشكلة اصحاب الحصول على التأشيرات السريعة والهوامير

- وبعدين كل بلاد العالم مفيش عندها اي مشلكة في موضوع جمارك السيارات ده ، اشمعنى احنا يعني

المهم ياريت رايك في موضوع ال 2000 دولار مقابل الاعفاء الجمركي للسيارة وده طبعا بالشروط السابقة كنت اتمنى تروج لهذه الفكرة ، فهي ستدر دخلا كبيرا للبلد وسيتستفيد المغترب وستستفيد البلد

[طارق مصرى]

وأكد أحمد فرج سعودي وكيل أول وزارة المالية رئيس مصلحة الجمارك أنه يتم حالياً بحث إعفاء سيارة صغيرة من الرسوم الجمركية لكل أسرة مصرية عائدة من الخارج بشرط مرور فترة زمنية محددة على سفرها للخارج،و يتم حالياً دراسة تأثير ذلك على موارد الخزانة العامة للدولة.

.

الله يبشرك بالخير أعتقد ان الجزء ده بالذات أهم جزء و خصوصا للفرق الرهيب فى السعر بين مصر و السعودية فى السيارات المستعملة او حتى الجديدة و ان كنت اكاد اجزم ان الموضوع ده مش حيحصل لانها حتكون تجارة و توقف حال السيارات فى مصر تخيل لو جبت تويوتا ترسل ولا كرسيدا موديل ثمانينات اخرها 6000 ريال يعنى 9000 جنية و نزلت بيها مصر حبيعاها بكام و اكسب فيها كام كام واحد حيعمل كده ده فى السعودية لوحدها مليون مصرى و ان كنت من الناحية الشخصية البحتة طبعا اتمنى , و بالنسبة يا برنس موضوع الحراج

مفضلش تشترى اجهزة مستعملة و انت نازل مصر يعنى من غير ضمان عندك الجديد فى مصر جيد و سعر مناسب

[dongol]

ممكن كمان يطبقوا ان اللي ينزل السيارة لازم يكون شاريها في سنة الموديل علشان يتغلبوا علي ان الناس تشتري مستعمل رخيص و تنزل تبيعه في مصر

[Alrefaey]

طب واللى مسافر الى بلد مفيهاش كفيل يعمل ايه :sad:

[Abu Reem]

طب واللى مسافر الى بلد مفيهاش كفيل يعمل ايه :sad:

لو بلد مفيهاش ( كفيل) يتصرف ويشوف (كزرافة) او ( كنعامة)) عادي يعني

- اخي رفاعي اعتقد الموضوع ليس من شروطه الكفيل، بس همه يخلصوا بحث الموضوع الاول وادعي ربك انهم يخلصوا بحث خلال هذا القرن

[capitshino]

طب واللى مسافر الى بلد مفيهاش كفيل يعمل ايه :sad:

اللى مالوش كفيل يشتريله كفيل .

[ahmos1]

والله يا ريت و يبقوا مرة فكروا فينا