هل بدأ معسكر "الدستور اولاً" في الانهيار ؟

[MohamedAli]

هذه التصريحات والمواقف بدأت في التوالي فجأة مما يجعلها برأيي ذات معني مهم

قال الدكتور عمرو حمزاوي، أستاذ العلوم السياسية بجامعة القاهرة، وأحد مؤسسي حزب مصر الحرية، إن الدعوة التي أطلقتها بعض القوى الأحزاب السياسية لوضع الدستور قبل إجراء الانتخابات البرلمانية المقررة في سبتمبر المقبل، وفقاً للإعلان الدستوري، بمثابة إلتفاف على الديمقراطية واستعلاء على المواطنين.

وأضاف حمزاوي، في تصريحات لـ ''مصراوي'' يوم الأحد: على من يدعون لـ ''الدستور أولاً'' احترام قواعد اللعبة الديمقراطية وعدم تجاهل نتائج الاستفتاء الذي حصل ورأي الأغلبية.

إبراهيم عيسى | فى الميدان : حملة توقيعات الدستور أولا أرى أنها خارج اللعبة ... وتحليلى الشخصى أن الخوف من الإخوان ليس له معنى ... ويمكن الإتجاه إلى التوافق الوطنى للحل الوسطى

اما جورج اسحاق :

وعارض اسحاق دعوات بعض القوى والأحزاب السياسية إلى وضع الدستور أولاً، معتبراً أن هذا الأمر بمثابة التفاف على نتيجة الاستفتاء والإعلان الدستوري، والذي واتفق عليه 77% ممن أدلوا بأصواتهم.

نوارة نجم : حوار الدستور اولا ده حوار فاكس وما حدش مهتم بيه ولا يهم اي حد من الناس، بس فيه خطورة ان امريكا تضغط في سكته والناس بتوع الدستور اولا صوتهم عالي، ما بيوصلش للشارع، لكن بيوصل لبلاد الفرنجة

نوارة نجم: لو الكلام ده صحيح ودعوة يوم 8 يوليو للدستور اولا يبقى انا شخصيا مش حانزل، جرا ايه فيه ايه؟ هو كل ما النتيجة مش حتعجبكم حتعيدوا الماتش؟ وده حيحصل بقى في الانتخابات البرلمانية والرئاسية؟ حتفضلوا تعملوا زي عم ايوب وتقولوا: لأ.. تؤ.. انا حايس احد هناااااك انا مش مرتاح في السرير ده

لو تم تجاهل نتيجة الاستفتاء واتعمل الدستور اولا عكس الرغبة الشعبية تبقى سابقة خطيرة ويبقى عمرنا حيبقى عندنا ديمقراطية ابدا، وكل ما تطلع النتيجة كخة حتغيروها، ايه الحمرأة دي؟

لو ده عنوان يوم 8 يوليو انا مش نازلة... هو مش دور كوتشينة خسرتوه وبتفركشوا الورق

وبلاش سفسطة بقى وكلام في الفاضي

بتوع الدستور اولا دول بيعطلونا عن القضايا الحقيقية اللي احنا محتاجينها زي اكمال محاكمة مبارك، وفتح قضايا زي القديسين والطيارة اللي كان فيها الظباط، وبناء داخلية جديدة، والغاء الامن الوطني، والحد الادنى والاقصى للاجور

وبدل ما يحققوا مطالب الشعب عايزين يعادوا الشعب

انتوا متسلطين علينا ولا ايه؟ لا انا كده ابتديت اشك بقى، ده مش خلاف في الرأي ولا وجهات نظر، ده اصرار على تفريق الصف، وعلى اهدار طاقتنا في حاجات ما تهمش الناس، واصرار على الابتعاد عن اهداف الثورة.. كده تبقوا متسلطين علينا

والله اعلم بقى مين اللي مسلطكم، المجلس ولا امريكا ولا الفلول.. المهم ان ريحتكم بقت نتنة وفاحت

انا مسئولة عن نفسي بس..

انا مش نازلة

المصادر :

http://www.masrawy.com/News/Egypt/Politics/2011/june/20/hamzawy_democracy.aspx

http://www.facebook.com/photo.php?pid=586910&id=178027858907418

http://tahyyes.blogspot.com/2011/06/8.html

http://www.masrawy.com/news/egypt/politics/2011/june/20/dst_firstham.aspx?ref=rss&utm_medium=twitter&utm_source=twitterfeed