كالعادة..المركز الثاني ينادي الزمالك..فينك ياراجل من زمان

[Alattar]

كعادته في السنوات الأخيرة..الزمالك علي وشك أن يلبي نداء المركز الثاني

فتح الزمالك الطريق للأهلي للانفراد بصدارة الدوري المصري بعد تعادل سلبي هزيل في المباراة التي جمعت بين الفريقين ضمن المرحلة الـ25 من المسابقة مساء الاثنين.

ورفع الزمالك رصيده من النقاط 50 بالمركز الأول بشكل مؤقت وفي انتظار الاهلي (49 نقطة) الذي يواجه إنبي يوم الاربعاء، فيما رفع الفريق العسكري من رصيده للنقطة 31.

وعانى الزمالك هجوميا امام دفاعات طلائع الجيش المتكتلة، حيث تواجد الايفواري ابوكونيه في خط الهجوم منفردا بسبب غياب احمد جعفر للايقاف وعمرو زكي ومحمد عودية للاصابة.

بدأ الزمالك المباراة بالضغط على الجيش وشن أولى هجماته بعدما انطلق محمد عبد الشافي مخترقا المنطقة من الناحية اليسرة ومرر بالعرض ولكن عماد السيد حارس الزمالك السابق أمسك كرته بثبات في الدقيقة الثانية.

وراوغ شيكابالا أكثر من مدافع على حدود منطقة الجيش ومرر لحسين ياسر المحمدي المنفرد بالمرمى ولكن تسديدته وجدت عماد السيد لتفقد خطورتها في الدقيقة الخامسة.

وأضاع الايفواري أبوكونيه فرصة سهلة بعدما انطلق ناحية المرمى دون ضغط وسدد بغرابة أمام المرمى في الدقيقة 11.

استمر الزمالك في ضغطه على الجيش الذي تكتل دفاعيا بشكل جيد وأحبط معظم محاولات الابيض الهجومية.

ودفع المدير الفني لطلائع الجيش فاورق جعفر المهاجم دودزي على حساب لاعب الوسط سيد عبد العال في الدقيقة 30.

وحاول حسين ياسر التسديد من خارج المنطقة لايجاد حلا لفك التكتل الدفاعي وأطلق تصويبة من أول لمسة ولكن كرته مرت بقرب العارضة في الدقيقة 35.

وتصدى عماد السيد لتصويبة محمود فتح الله من خارج المنطقة من ركلة ثابتة في الوقت المناسب في الدقيقة 37.

وظهر صلاح امين في الدقيقة 40 وأطلق تصويبة ليست بالقوية أمسكها عبد الواحد بسهولة.

وأضاع شيكابالا فرصة هدف محقق بعدما سدد ركلة حرة من خارج المنطقة مرت بجوار القائم الايسر لعماد السيد في الدقيقة 57.

واشترك ايمن حفني على حساب صلاح امين في الدقيقة 60.

وحصل حسام عبد العال من الجيش بعد تدخل قوي على عبد الشافي في وسط ملعب الزمالك في الدقيقة 73.

وقرر المدير الفني فاروق جعفر سحب دودزي بعدما أشركه في المباراة ليدفع بعامر صبري في الدقيقة 75.

ودفع حسام حسن بوجيه عبد العظيم وحسن يوسف بدلا من حسين ياسر وابوكونيه، ليلعب الزمالك بدون مهاجم صريح.

وانطلق شيكابالا من وسط الملعب وراوغ المدافع واخترق المنطقة ورواغ المدافعين وأطلق تسديدة قوية ولكن لسوء حظه بجوار القائم الايمن للحارس عماد السيد في الدقيقة 76.

وكاد بابا اركو ان يخطف الزمالك بعدما انطلق ناحية مرمى عبد الواحد السيد وسدد كرة من فوق الحارس ولكنها مرت بجوار القائم الايسر في الدقيقة 81.

طبعا لو الأهلي ان شاء الله فاز علي انبي في مباراة الغد..يبقي الزمالك هيرجع لمركزه المعتاد في السنوات الأخيرة..

و عشان ما حدش يفتكر ان دي شماته ولا حاجة..بس الزمالك كان بإيده يحافظ علي فرق الست نقاط بينه وبين الأهلي..ويفوز بالدوري حتي لو خسر مباراة الأهلي..و لكنه خسر المركز الأول بأقدام لاعبيه..

و في إعتقادي لو المركز الأول راح للأهلي بكره..مش هيبقي من السهل انه يتنازل عنه للزمالك مرة أخري..و الجولات الأخيرة هتكون قوية جدا

[Alattar]

كعادته في حرق دم جمهوره..الزمالك النهاردة اتهزم يا مينز تاني من المصري في بورسعيد

فعلا..أصبح الزمالك فريق معقد و غريب و عجيب..الفرق بينه و بين الأهلي كان وصل في وقت من الأوقات الي سبع نقاط..و دلوقتي ممكن ان شاء الله ان الأهلي كسب الاسماعيلي النهاردة..يبقي الأهلي متقدم علي الزمالك بفرق 5 نقاط..تخيلوا؟

مش عارف بصراحة كده حسام و أخوه شكلهم كده هيدوروا علي فريق تاني..و الزمالك هيبدأ يفكر ممكن في حسن شحاته..أو مدرب أجنبي

كده يبقي مبروك علي الزمالك المركز الثاني..ده ان عرف يحافظ عليه كمان..وحظ أوفر ان شاء الله في خلال العشرين سنة القادمة

[ozoozo]

انا كده امنت ان الثوره دي كانت مؤامره عشان الزمالك يخسر الدوري

والدليل ان اول ماالاهلي طلع المركز الاول الشرطه بدأت تعود بقوه للشارع

والجروب بتاع احنا اسفين ياريس اتقفل

رحمتك يارب

[ahmed el masry]

ربنا ما يحرمش الزمالك من المركز التاني و لا يحرم المركز التاني من الزمالك ابدا ابدا ابدا

امين يا رب العالميين :partytime:

[Ahmed Anwer]

بيسألو واحد زملكاوي الدستور الاول ولا الانتحابات الأول راح باصص في الارض ومعيط وقالهم الاهلي الاول

[ahmed el masry]

بيسألو واحد زملكاوي الدستور الاول ولا الانتحابات الأول راح باصص في الارض ومعيط وقالهم الاهلي الاول

جامدة موت bv:-

[محمد عبدالعزيز]

زملكاوى خطيبته بتقوله : حبيبى عايزة أعترفلك , إنت مش أول واحد فى حياتى ..

الزملكاوى قال : يا رب , هو المركز التانى دا ورايا ورايا

[ابوهنا]

ايها المشجعون فى هذه الظروف الصعيبه التى يمر بها النادى قررت ان افلت من الفضيحه و التخلى عن منصب مدرب النادى بصوره كامله و نهائيه و الله الموفق و المستعان

تم تعديل 26 يونيو 2011 بواسطة ابوهنا

[ابو محمود]

مبروك لكل الاخوة الاهلوية وهارد لك لكل الزملكاوية اخواتنا بتوع المركز الثانى سؤال للجميع هلى ينفع نقول واحد بدون ما يكون وراة 2

[محمد عبدالعزيز]

واحد زملكاوي بيسأل بياع الجرايد عندك المصري اليوم

قل له لَا .... عندي المصري الأمس

[Ahmed Anwer]

فوائد الزوج الزملكاوى

فوايد انك تتجوزي واحد زملكاوي .. .. .. .. ..... .. .. اولا .. ده واحد راضي بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدوري ومبياخدهوش وعادي جدااا مبيعترضش ثانيا .. عنده حصانه ضد الضغط والسكر .. لأنه لو كان عنده استعداد يجيله ضغط أو سكر كان جاله من زماااااااااااااااان ثالثا .. أصيييييييييييييييل .. يعني بقاله سنييييييييين بيشجع الزمالك وعارف انه مش هياخد الدوري ومع ذلك عمره ما فكر يسيبه فصدقيني مهما عملتي ومهما كانت عيوبك مش هيفرط فيكي رابعا .. متسامح .. يعني تلاقي أصحابه الاهلاويه كل شويه يعايروه .. وتلاقيه مبيردش عليهم .. مش عشان عينه مكسوره لا سمح الله بس عشان قلبه كبيييييييييييير خامسا .. مختلف .. يعني مصر كلها بتشجع الأهلي وده طالعلك فيها بيشجع الزمالك وعادي جدااا معندوش أي مشكله وده في حد ذاته تميز واختلاف سادسا .. هيلتمسلك الأعذار .. يعني مثلا يبقي عارف ان الزمالك كان أداؤه زي الزفت ومع ذلك ميحبش يلوم عليه أبدا .. تلاقيه بيقولك التحكيم .. مش عشان حاجه بس هو طبعه كده يحب يلتمس الأعذار لأي حد سابعا .. مبيعرفش اليأس .. يعني تلاقيه واخد اصحابه ورايحين يشجعوا الزمالك في الاستاد .. ومع انه كل مره بيخسر .. الا انه مبييأسش .. كل مره بيروح يشجع علي أمل انه يكسب عادي جداااا