ثقافة السلام ....

[Salwa]

ما معنى السلام ؟؟؟

من اين يأتى السلام ؟؟؟

سوف اتحدث معكم بعض الوقت فى اشياء متفرقة بدون ترتيب تدور حول هذا الموضوع ....

هل كلمة سلام تعنى ببساطة ........حرية وسلام وعدل ؟؟؟

السلام العالمى لم يتحقق رغم اننا يوميا نستمع الى متحدثين باسم الشعوب يتشدقون ويطالبون به ........ولكنها اقوال فقط بلا افعال .

ولكن...من اين يبدأ السلام العالمى ؟؟؟....

ببساطة...يبدأ من الاسرة والمدرسة ....بالترتيب .

الاسرة فى اى مكان على سطح الأرض.......

وفى الحقيقة ان السلام ليس مشكلة سياسية ولكنه مشكلة افراد .

البعض منهم لأنه لايعرف معناه ولم يعشه ...اتخذ قرارات مخالفة للسلام..ادت بالتالى الى انتشار ثقافة الحرب بدلا من ثقافة السلام

مثلا......

فى احيان كثيرة تقوم مشادة او مشاجرة بين طفلين فى الحى او فى المدرسة ونجد طفل ثالث يحاول .....( يخلصهم من بعض ).

ماهو موقفنا ازاء تصرف هذا الطفل الثالث ؟؟...لانهتم به وكل ما يهمنا هو البحث عن سبب الشجار ومصالحة الطرفين المختصمين

واين نحن من هذا الطفل الذى كان يريد السلام ؟؟؟...

لا نشجعه....لانثنى على تصرفه ...لا نشعره انه قام بعمل رائع ..

هذا خطأ نقع فيه جميعا ...

ايضا ...المدرس الذى يدخل الفصل وهو ..داخليا ...محمل باعباء المعيشة وساخط على كل شئ ..مشاكل مع الاسرة ومشاكل المواصلات وغيره وغيره ........لا يستطيع ان يعيش فى سلام مع نفسه ......فكيف سينقل شعور السلام الى تلاميذه ؟؟

ببساطة ...كيف انقل شعور ..لا اشعر به ....

فى الاسرة .......يخلط الاغلبية بين الهدوءوالتصرف فى صمت ....وبين السلام .او العيش فى سلام ...

بمعنى ....ان وجود الأب فى المنزل ضرورى وليس معنى وجوده جالسا يقرأ جريدة فى صمت او يستمع بشغف الى برنامجه المفضل ..ووجود الام ايضا فى المنزل تطبخ او تتحدث مع صديقاتها او حتى تقرا او ترى التلفزيون ..فى نفس المكان مع الأب ..لايتبادلون اى حديث......طيب او رضى ....انهم على وفاق ....او كل منهما مقتنع بالآخر مثلا ؟؟

فى احيان كثيرة جدا لا يشعر الطفل بالامان والسلام فى هذا الجو الهادئ الذى يشعر هو فقط بيقين ان الصلة الروحية بين ابويه منعدمة .....

يجب ان نتعلم كيف نزرع ثقافة السلام فى نفوس ابناءنا .....

نتحدث كثيرا عن السلام واقصى مانفعله ....

نقيم ندوات ونكتب مقالات ...ونقيم مهرجانات لا معنى لها ...

يجب ان نبدأ من البراعم وقبلها من انفسنا ......

نعمل على حماية الاطفال من عنف الاسرة والطريق والمجتمع ..

نحاول حل مشاكل بلدنا ..( كل بقدر استطاعته ) ..

السلام معناه ان يجد الطفل غذاؤه الكامل وليس مايسد الرمق فقط

ان يجد ما يستره كاملا وليس ما يستر العوره ..

ان يتطلع الى الغد وكله امل

ان ينشا غير ساخط ......وان يعيش فى امان ..

وللحديث بقية

تحياتى ......

[ragab2]

أمريكا

تنادى بالسلام

وتشجع اسرائيل على العنف وارتكاب المجازر واحتجاز أراضى الغير

وتشجيع الديكتاتوريات فى الشرق الأوسط فى البلاد العربية لارتكاب مختلف أنواع القمع والاستبداد

فمن أين يأتى السلام مع كل هذه المظالم

[Salwa]

الفاضل د.رجب..

اعتقد ان فيه سوء تفاهم هنا .....او....تقفيل لكل الابواب ..

اجعل حتى باب واحد مفتوح ....ولو نصف مفتوح ..

كلنا نعلم ان 20% من سكان الكرة الارضية يستولوا على 80% من خيراتها .....!!!....صح...؟؟؟

اكثر ناس تتمنى السلام هم من عاشوا الحرب ....

تعالى نسأل طفل عاش اهوال الحرب وجرب الجوع والتشرد ...تعالى نساله هل تريد الاستقرار فى بيت جميل والذهاب الى المدرسة وووووو.....فماذا سيكون الرد ؟؟؟ ياريت هل هذا ممكن يكون واقع ؟؟ ام اننى احلم ؟؟

ولهذا موضوعى كان عن ثقافة السلام وزرعها فى النشئ فى كل انحاء العالم ....

مثلا الطفل الاسبانى يتعلم انه يجب ان يقتسم مايحصل عليه من مصروف مع طفل آخر فى العالم الثالث او الرابع .....يتعلم ان يحافظ على كتبه وان يعطيها للمدرسة فى آخر العام حتى يحصل عليها طفل فقير او تتجمع ويتم ارسالها مع معونات اخرى الى دول فقيرة فى اميركا اللاتينية .....نفس الشئ مع الملابس واللعب وكل شئ ....

الطفل المصرى المقتدر وينشا فى اسرة متدينة سواء كانت مسلمة او مسيحية يفعل نفس الشئ ......يعطى صديقه ويتعايش معه فى سلام ...يذهب للجهات المعنية ويعطى بعض من ممتلكاته الشخصية ...

وابسط شئ مثلا ان يطلب ابنى او ابنتى عندما كانوا صغارا التبرع بمصروفهم خلال شهر رمضان لاطفال فلسطين ..

هذا هو سلام الاطفال.......رجال ونساء المستقبل ..

بالنسبة لاميركا ........ماذا تتوقع من طفل نشا ووجد اباؤه يستولوا على ارض ويقتلوا سكانها او يأخذوا ارضهم عنوة كى يعيشوا هم بسلام ؟؟؟

نشا هؤلاء الاطفال على نفس المنهج......والنتيجة ؟؟؟

بوش الاب..والابن ...

نفس الشئ بالنسبة لهتلر ....صدام ....وغيرهم ..

ابحث عن الاسرة ......

ابحث عن الجذور .....

انا لم اقل انسى اللى فات .....ولا قلت تعالى نعمل سلام مع اميركا ......

انا قلت اقتنع بالسلام مع نفسك ثم مع غيرك ثم علمه لابناءك واحفادك .......

حتى ديننا الحنيف مش بيقول ابدأ بالعنف.....لكن ....

ادفع بالتى هى احسن .........

ده فى الاول ........وبعدين ؟؟......واعدوا لهم ما استطعتم ...الخ.

يارب اكون وضحت وجهة نظرى..

مهم جدا جدا جدااااااا.......اننا نفكر فى التربية السليمة لاطفالنا ....سلام مع كرامة .....سلام مع استعداد ....

ممكن تكون متدين ومسالم ....لكن حازم وقت اللزوم .

ممكن تكون طيب القلب لكن قوي الايمان والشخصية ..

لا علاقة لهذا بذاك ...

يجب ان نواجه انفسنا .....يجب ان نعلم ابناءنا ان السلام النفسى يجعلهم افضل تفكيرا ويستطيعوا فى المستقبل اتخاذ قرارات عاقلة وليست هوجاء كهؤلاء المضطربين نفسيا الذين ضيعوا العالم بسبب امراضهم وعقدهم ....

والله العظيم الموضوع ده مهم جدا ...وشئ غريب انكم لا تعطوه اى اهتمام ....

يعنى مطلوب مننا نطالب بالثار ؟؟؟ على طول الخط .....

سهل الهدم وصعب البناء .....فلنفكر فى المستقبل .....

لا اتذكر جيدا قول هيرودوت .ولكنه قال ما معناه ..

فى حالة السلام ........يدفن الابناء اباؤهم .

وفى حالة الحرب ....يدفن الآباء ابناؤهم .

خلينا نحاول نزرع حاجة صح .........والا ايه ؟؟

وللحديث بقية ..

[هشام عبد الوهاب]

يجب ان نتعلم كيف نزرع ثقافة السلام فى نفوس ابناءنا .....

من اجمل ماقرأت ..........

فى انتظار باقى الحديث .

[ragab2]

كلامك

صح مائة فى المائة يا حاجة سلوى

وجميل أن ننشئ أطفالنا على ثقافة السلام والمحبة

ولكن قصدى أنه حتى لو نشأ أطفالنا على ثقافة السلام

وبعد الكبر والبلوغ شاهدوا الأهوال التى ترتكب فى حق المواطن سواء داخل الوطن من حاكم ديكتاتور وغياب العدل وتفشى الرشوة والواسطة والفساد

أو خارجه من مذابح فى افريقيا وأمريكا اللاتينية والعراق وفلسطين

هل تعتقدين أنهم سيظلوا يؤمنوا بالسلام الذى نشأوا عليه

سيتحول البعض منهم الى وحوش آدمية حتى يستطيعوا العيش فى غابة الفساد والقهر

وشكرا

لهذا الموضوع المهم

[Salwa]

صباح الخير.

رأيت هذا الموضوع اليوم فى موضوعات مشابهة ..وقلت فرصة وده وقته فعلا اننا نرفع موضوع زى ده.

قلت من سبع سنين...وللحديث بقية .

ويظهر حان وقت الاستماع لحديثكم انتم و لآراءكم. :clappingrose:

[لماضة مصرية جدا]

ما معنى السلام ؟؟؟

من اين يأتى السلام ؟؟؟

السلام معناه ان يجد الطفل غذاؤه الكامل وليس مايسد الرمق فقط

ان يجد ما يستره كاملا وليس ما يستر العوره ..

ان يتطلع الى الغد وكله امل

ان ينشا غير ساخط ......وان يعيش فى امان ..

وللحديث بقية

تحياتى ......

السلام عليكم و رحمة الله و بركاته

أول مرة اقرا التوبيك دوت

ووقفت عن الاقتباس اعلاه

عندي قناعة.....أن السلام حالة روحانية يعيشها البني آدم مع نفسه...يتصالح مع نوازعه و رغباته و احلامه

حالة صفو....تعيد للانسان توازنه كل ما مركب حياته تتارجح مع الموجة

الطفل و هو صغير بتبقي اهتمامته...و معاركه الانسانية انه ياكل....ينام...يضحك...يلعب....و لازم نعترف ليه بالتفوق علينا احنا الكبار انه بيقدر يعبر عن احتياجاته بشكل واضح

و لما بيكبر بتتعقد جواه حاجات كتير

لانه مبقاش البنبوناية اللي اتربت في ورق سوليفان

ده بيخرج لمجتمع تاني اكبر.....و فيه ضغوط اكتر

لو هفكر مع حضرتك

يهمني اني اربي ولادي باذن الله

1- ازاي يفهم نفسه....قدراته....حدوده...احلامه....جميل ان عينيه...تبقي ف السما....بس رجليه تكون عي الارض

بحس ان كل العنف اللي حوالينا هو عنف بيبدا من جوانا احنا الاول....من احباط....من عجز....من فجوة ما...بتخلي الواحد يفضي العنف ده علي اضعف حلقة في السلسة

2- يهمني اني اربي فيهم....انه يعتمد علي نفسه....محدش راح يجي...و يشده من ايده و يخليه يوصل لحالة الصفو و لا السلام دي.....هو لازم يعلم نفسه....و يشدها لو هيحس انها بتنزل لتحت...هو اللي هيكون بيطبطب علي حاله....و ميستناش كتير من اللي حواليه...لكن عمره ما يفقد ثقته و ايمانه بيهم

3- هعلمه....ازاي يكون ليه....."ملاذ أمن"....و برضه عمره ما هيكون بني آدم....ازاي يكون ملاذه الامن دايما هو ربنا.....هعلمه ازاي يتواصل مع ربنا....في كل عبادة....ازاي يلجأ ليه....ازاي يدعي....ازاي يوقن في الدعاء....ازاي ينتظر الاجابة

4- هعلمه.....انه يفتح قلبه و عقله.....للمختلف اكتر منه للمتشابه....لما بنجري علي الناس بوش مبتسم....و بعيون قادرة انها تشوف نقاط التقاء اكتر من نقاط الاختلاف....حقيقي انسانيته راح تتغير...و تعامله مع الناس راح يتغير

5- هعلمه....ان جزء من "السلام".....انه يمر بمراحل العنف....و ده طبيعي....عشان تعرف الشيء بتمر بنقيضه.....هيتعلم من تجاربه....هيقرا من تجارب الاخرين....و هيفضل اهم تجربة اللي هيصيغها هو و يعيشها هو....مش تجاربي انا

ده اللي انا بشوفه في ولادي....و نفسي يتحقق ليهم

و عشان انا لسه معنديش...اولاد...و لا ابوهم اصلا

فأنا بحاول..."اربي" نفسي و بجتهد....و بقع...و بقوم...بس عندي الارض الصلبة اللي برجع ليها تاني

كملي يا ماما سلوي

و غذي التوبيك بتاع حضرتك.....بخبرات من الحياة....صدقيني راح تنفعنا كلنا

صباح...حضرتك.......حالة صفا.....بتيجي من جوانا احنا

[عبير يونس]

اللهم أنت السلام و منك السلام تباركت يا ذا الجلال والإكرام

لا سلام إلا في القرب من الله تعالى

اليقين في وجوده سبحانه و في قدرته اللانهائية

ذكره في القلب و باللسان و سجود الجسد و التصاقه بالأرض في منتهى التذلل والعبودية للواحد القهار

لحظة التصاق الجبهة بالأرض و توجه القلب لخالقه هي أكثر اللحظات سلاما

أن نعلم أولادنا اللجوء إلى الله تعالى هو أفضل ما يمكننا تقديمه لهم

و هو ما سيحقق لهم السعادة في الدنيا و الآخرة