موضوع تائه يا ولاد الحلال

[Amira Khaleel]

أنا عضوة قديمة

و مشاركاتى قليلة جدا

لكن بتابع من ورا الباب لإنى يمكن كسولة جدا طب إيه اللى جابك النهاردة ؟ سؤال وجيه

زى ما قلت أنا بتابع من ورا الباب يعنى مش كل يوم يمكن مرتين تلاتة فى الشهر و دى علاقتى بالنت لا طبعا بأستخدمها ادور على حاجة أو أشوف أخبار

بعد الثورة لقيت فى هوجة فى محاورات المصريين مفهمتش فعلا مفهمتش ما هما المسلمين الشداد شوية موجودين من زمان لكن لاحظت إنهم مزودنيها شوية هما أحرار لكن من ناحية تانية لاحظت غياب كامل للأقباط و دول كانوا عدد قليل.

نرجع لموضوعنا

كان فيه موضوع بعنوان متهيأى دعوة للمسيحيين للمشاركة فى الحياة العامة إفتكرته و حبيت أرد عليه مش لاقياه

بصرف النظر .... حكون معاكم تقريبا كل يوم

و عايزاكم ترحبوا بأختكم أو زميلتكم أو جارتكم القبطية اللى غابت مدة و جاية دولوقت علشان تمارس مصريتها بكل حب و تقدير للجميع.

[jamalpody]

حمد الله علي السلامه بعد ست سنوات والدليل اهوه

هنا

[Folana]

السلام عليكم ورحمة الله...

أميرة هانم وحشتينا وحمد لله على السلامة..

يارب تطولى معنا المرة دى ويارب تقدرى تقنعى جميع الاخوة والأصدقاء المسيحين - أو خلينى أقول المصريين - بالعودة للمشاركة

ويارب تقنعى اللى فى بالى ويبقى لك الحلاوة

وده الموضوع اللى بتدورى عليه

دعوة المسيحين..

تم تعديل 25 يونيو 2011 بواسطة Folana

[Amira Khaleel]

شكرا

دخلت الموضوع و كتبت سطر و الا إتنين

لكن مش ده الموضوع اللى بدور عليه ! .... يكونش راح فى الوبا على رأى س.س

[عبير يونس]

أهلا و سهلا يا فندم

شرفتي بيتك و مطرحك

و كزرولتك موجودة و مستنياكي بفروغ صبر

:closedeyes:

[Folana]

شكرا

دخلت الموضوع و كتبت سطر و الا إتنين

لكن مش ده الموضوع اللى بدور عليه ! .... يكونش راح فى الوبا على رأى س.س

السلام عليكم...

مش عارفة يا أميرة ده ردك على استاذ جمال ولا على مداخلتى

بس الرابط الموجود فى مداخلتى هو رابط الموضوع اللى حضرتك بتسألى عنه

دعوة للمسيحين فى مصر للمشاركة فى الحياة العامة

حتلاقيه فى منتدى سياسة داخلية فى الموضوعات المثبتة

أرجو الا تحرمينا من مشاركاتك فيه

تحياتى

[باهى الطائر الحزين]

[color="#0000FF"

]تحية الاسلام / السلام

عليكِ اختنا : اميره وعلى من تبع الهدى

نورتى المحاورات واتمنى لكِ التوفيق والتفاعل المثمر مع باقى الزملاء الافاضل

وأحب أضيف ان الكل مزودها اليومين دول سواء مسلمين او اقباط وكلنا مصريين

عايز اقول ان الكل الان له مطالب وصلت حد المطامع ،، منها الفئويه ومنها الشخصيه

واصحاب الاجندات ،، ناهيك عن المطامع الخارجيه التى لها اصابع ممتده فى الجبهه الداخليه

وكله محمل على الجيش وحكومة تسيير الاعمال وعلى رأسها الرجل الفولازى / شرف الذى نتشرف

به جميعا ،، الجيش مالوش خبره ،، والحكومه تعمل فى ظروف صعبه للغايه ،، الخزينه العامه فارغه

والإيرادات تكاد تكون معدومه ،، الناس صبرت ثلاثون عام على نظام فاسد باع القطاع العام وتلاعب

بمقدرات الشعب ،، وكأنهم كانوا خُشباً مسنده ،، ومش قادره تصبر سنه واحده ولا اتنين حتى توفق الاوضاع

وتسير المركب الى بر الامان ،، فى الحقيقه اللى انا شايفه ولمسه ان مافيش حد بيفكر فى مصر كمصر ،، كله

بيفكر فى نفسه واطماعه الشخصيه ،، ولو فضلنا كده المركب بكل اسف هتغرق هتغرق ،، نحن الان نختلف فقط

من اجل الاختلاف !!،، مافيش صبر روح التعاون ازهِقت ،، طول عمرنا مصريين مسلمين ومسيحيين ايه اللى جد

علينا مش عارف ،، قبل خمسة اشهر لم يكن احد يتكلم عن وحده وطنيه ؟؟،، لأنها موجوده اصلآ زى طول عمرها

من ايام الفتح الاسلامى ،، الان نتصيد الاخطاء لبعض ،، صوتنا على التعديلات الدستوريه بسرعه !! علشان

نفوت الفرصه على الكلام فى الماده الثانيه ،، مانتكلم فى حوار مجتمعى شفاف ،، واللى له حق يخده مادام

مصرى وعضو فاعل فى المجتمع ،، البعض بينكش فى موضوع الجزيه ،، والطرف الاخر فى قانون موحد للاديان ....!!

دول عايزين يبنوا مسجد والتنيين عاوزين يبنوا كنيسه والمأذنه اعلى ولا القبه ،، والناس مابتصليش اصلآ

هلاقى ناس كتير تهاجم كلامى ،، لكنى اكتب واقع ،، وان تغافل عنه البعض ،، لا تنتفى الشمس سوى لمعصوبى الاعين

تعالوا نحب مصر ،، تعالوا نشتغل ،، تعالوا نيجى على نفسنا كمان سنه ولا اتنين ،، وصدقونى مصر هاتبقى احلى

مصر هاتبقى اكبر ،، مصر هاتبقى اوسع ،، واللى قدر يحتوينا ويضمنا لاكثر من الف سنه ،، قادر على استيعبنا

بجميع اطافنا وديانتنا وطوائفنا ،، حابب اتكلم عن حاجات فى سلوكيات الفرد المصر ،، لكن عارف انى رغيت كتير

شكراً لكل من اتسع صدره ،، مصر اولآ ،، مصر دائماً مصر مصر مصر امانه فى ايديكوا يامصريين حافظوا عليها .

[Om Zayd]

[Khiber]

كدة الغيبة دى ياأميرة

طيب آدى السلطانية

أنا نسيت هى سلطانية وألا كزرونه

[Khiber]

أميرة من زمن المحاورت الجميل

فاكرة د عبلة ود رجب

سيفود

هشام عبد الوهاب

بروف

فريفري

ياااااااااااااااه كانت أيام