الأيطاليين و باقي الأتحاد الأوروبي

[linux]

سوري يا سكوربيون، بس الوصلة دي بتخليني أفكر ... امال لو الفيلم كان عن مصر و مش أيطاليا كان بقا ايه الوضع :unsure:

http://users.pandora.be/stefdirrix/flash/italy.htm

[المسروق]

هو عايز يتكلم عن مصر بس الظاهر ملقاش علم مصر فمشاها إيطاليا

[Tamsite]

السؤال المهم فعلا :

مين اللي عمل الفيلم ده أصلا و جنسيتهم إيه ؟

أعتقد من الأسماء اللي في التترات أنهم إيطاليين ، وبينتقدوا نفسهم بشجاعة حقيقية ، وفي إطار كوميدي كارتوني ( يفطّــــــــس من الضحك ) :blink:

وده اللي ممكن يخلي الطلاينة نفسهم يضحكوا ويتقلبوا على ظهرهم من كتر الضحك لو شافوه ، لأنه نقد منهم وإليهم

أما لو كانوا اللي عملوا الفيلم ده مثلا ألمان أو انجليز أو بلجيك ، فتبقى مصيبة سودة تخلي الطلاينة يسبوا أي حد اوروبي غيرهم لسابع جد ، وهم ما يتوصوش أبدا في الشتيمة والردح non::

وانا شايف تشابه كبير جدا بيننا كمصريين وبين الإيطاليين بخصوص الفيلم ده ;)

1- النقد ده فعلا ناقصه علم مصر زي ما قال الصديق ( المسروق )

2- ونفس المبدأ يطبق ، إنه لو جم مصريين وعملوا فيلم زي ده عن مصر ، هنفطس كلنا كمصريين من الضحك :D

أما لو جه حد تاني مش مصري عمل حاجة زي كده :

تبقى مصيبة وكارثة ، وازاي حد مش مصري ييجي ويتريق على المصريين بالشكل ده ، المصريين الجدعنة والشهامة وحضارة 7000سنة ، وباقي الكلام اللي انتوا حضراتكم جميعا عارفينه .

الخلاصة :

احتمال يكون الشعب الايطالي عندهم برضه المثل القائل ( أنا أدعي على ابني ، وأكره اللي يقول آمين )

بس إن جينا للحق ، أنا كنت هموت من الضحك وأنا بتفرج على الفيلم ده non::

شكرا يا عزيزي linux على هذه الوصلة ( الجامدة قوي )

وأنا أدعو كل الأصدقاء انهم يدخلوا يتفرجوا عليها ، ويستحملوا شوية بطء التحميل ، لإن النتيجة في الآخر تستحق :blink:

تحياتي وتقديري ................

[Cleo]

علم مصر إيه وعلم سوريا إيه..!!

ده احنا لما كنا نيجى نعدى الشارع فى روما كنا بنبقى عجبة والناس كلها تيجى تتفرج علينا..!! :blink: