Cleo بتاريخ: 23 سبتمبر 2004 تقديم بلاغ مشاركة بتاريخ: 23 سبتمبر 2004 حصل معايا النهاردة موقف حاسة إن نفسى أحكيه... النهاردة كان عندى دورة تدريبية بعد الشغل تبدأ من 5:30 فى أحد فنادق ال5 نجوم. صليت الظهر والعصر... ولاقيت إن أكيد المغرب هايروح عليا لإن معيش حاجة أحطها على راسى، وكمان ماضمنش ألاقى مكان أصلى فيه فى الفندق. المحاضر بتاعنا كان سعودى بدقن... واحد من الحاضرين برضه كان سعودى بدقن.. فحبوا يقيموا صلاة المغرب جماعة مع بعض الأخوة من الحاضرين.. مكانش فيه حتة فاضية يصلوا فيها غير استراحة صغيرة أمام الكازينو..!! :huh: المهم ابتدوا يصلوا وطبعا صلاة المغرب تؤدى جهرا.. الإمام كان صوته فى منتهى الجمال.. قعدت أعض على ضوافرى من الندم إن مش هلحق المغرب.. (يستكمل) وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 23 سبتمبر 2004 كاتب الموضوع تقديم بلاغ مشاركة بتاريخ: 23 سبتمبر 2004 المهم قبل انتهاء البريك بحاجة بسيطة، قررت أدخل الحمام أعدل شعرى ومكياجى وكدة... قابلت هناك واحدة شكلها كدة من العاملين فى الفندق... فوجئت بها من غير أى مقدمات بتسألنى..... حضرتك صليتى المغرب؟؟ :huh: قولتلها : لسة قالتلى: تحبى تصلى معايا؟؟ بصراحة الشيطان ابتدا يهبطنى... قولتلها :أصل معيش حاجة أحطها على راسى قالتلى بسرعة : أنا معايا طرحة (الشيطان زقطط) ;) لاقيتنى بقولها : يعنى الطرحة دى زيادة؟؟ (عقلى الباطل كان بيقوللى هى أكيد مش زيادة ولا حاجة) فالتلى آه :P .. دى بتاعتنا بنصلى بيها... الشيطان قد يقوللى: أصل دى بتاعت ناس كتير... هاتحطى على راسك حاجة مش عارفة نظيفة ولا لأ.. طب الأمراض.. طل الحشرات... صلى فى البيت قضاء أحسن) taz:: اتغظت منه ورحت قايلالها: ماشى ... أصلى معاكى.. راحت مديانى طرحة نظيفة جدا ودبوس وظبطتلى الطرحة عشان شعرى مايبانش منها وأمتنى فى الصلاة... :blink: (يستكمل) ( وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 23 سبتمبر 2004 كاتب الموضوع تقديم بلاغ مشاركة بتاريخ: 23 سبتمبر 2004 بعد الصلاة سألتها: - انتى إزاى عرفتى إنى ممكن أكون عازية أصلى؟؟ - بيبان على الواحد... وأنا بصراحة كان نفسى أصلى مع حد جماعة... اتمنتها لاقيت حضرتك قدامى..!! :huh: حضرتك قاعدة معانا لغاية الساعة كام؟؟ - 10:30 - يعنى ممكن نصلى العشاء سوا..!!! - انتى بتشتغلى فين فى الأوتيل؟؟ - فى الكوافير..!!! :blink: اتفقنا إنى أول ما أطلع بريك بعد أدان العشا أديها رنة عالموبايل تطلعلى نصلى مع بعض.. إديتها رنة مارديتش.... افتكرت انها مشغولة أتاريها جريت سبقتنى على المكان اللى بنصلى فيه ولما اتأخرت عليها راحت مديانى رنة وفضلت ترن لحد ما فتحت عليها الخط (أنا طبعا فاهمة إنها كارت ومكالمة زى تكلفة عليها... لكن هى ماستخسرتش ثمن المكالمة نظير إنها تصلى العشا جماعة..!!) اتفقنا إن إنشاء الله بكره وبعده كمان نصلى مع بعض.. وحمدت ربنا كتير إن لسة فيه ناس بتحبه وحريصة عليه... وافتكرت الأية الكريمة اللى أنا حاطاها فى توقيعى " ولا تزكوا أنفسكم... هو أعلم بمن اتقى" (تمت) وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
ماجد بتاريخ: 23 سبتمبر 2004 تقديم بلاغ مشاركة بتاريخ: 23 سبتمبر 2004 لا يزال الخير فى أمتى الى يوم القيامه صدقت يا رسول الله ساعد نفسك و انصر نبيك ...... اختار منتجات بلدك رابط هذا التعليق شارك المزيد من خيارات المشاركة
Excellence بتاريخ: 24 سبتمبر 2004 تقديم بلاغ مشاركة بتاريخ: 24 سبتمبر 2004 تقبل الله رابط هذا التعليق شارك المزيد من خيارات المشاركة
bodi بتاريخ: 24 سبتمبر 2004 تقديم بلاغ مشاركة بتاريخ: 24 سبتمبر 2004 الاخت العزيزة كليو اسعدني جدا اقبالك علي اداء الصلاة في جماعة واحزنني عدم ارتداءك الحجاب رابط هذا التعليق شارك المزيد من خيارات المشاركة
Cleo بتاريخ: 24 سبتمبر 2004 كاتب الموضوع تقديم بلاغ مشاركة بتاريخ: 24 سبتمبر 2004 الاخت العزيزة كليواسعدني جدا اقبالك علي اداء الصلاة في جماعة واحزنني عدم ارتداءك الحجاب ولله هو يحزنى أنا كمان... بس إنشاء الله ورا ال taz:: اللى ورايا ده لحد لما لأخلص عليه :huh: أن القصة دى مش بحكيها عشان أقول إن أنا بصلى و كدة.. لكن أنا بحكيها عشان جملة صغية قالتها البنت ومحدش فيكو انتبه لها.. بتقوللى "أتمنيت أصلى جماعة مع حد.. قام ربنا حطك قدامى) يعنى قد ايه هى نيتها كانت مخلصة وقد ايع "بتتمنى" انها تصلى جماعة... ربنا يباركلها ويجمعنى معاها فى الجنة إنشاء الله... وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
DARWEEN بتاريخ: 24 سبتمبر 2004 تقديم بلاغ مشاركة بتاريخ: 24 سبتمبر 2004 ربنا يتقبل ... والله دي مصر زي الفل بناسها ياولاد .. يعني شوفي واحده زي الست دي ربنا جعلها سبب تتغلبي بيه على الشيطان ربنا يكرمها يارب ويزيدها ويزيدك إيمان وتقوى ياكليو تحياتي لها القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
se_ Elsyed بتاريخ: 25 سبتمبر 2004 تقديم بلاغ مشاركة بتاريخ: 25 سبتمبر 2004 بس إنشاء الله ورا ال taz:: اللى ورايا ده لحد لما أخلص عليه :blink: لازم تخلصي عليه وحالاً دلوقت يا كليو .... وإذا كنتي مكسوفة من حد من البشر فتذكري كسوفك أمام ربنا لما يسألك عن ترددك في إرتداء الحجاب ... وبعدين كمان موضوع التسويف والتأجيل ده مش في صالح الإنسان .. فمن نعم الله علينا أنه لم يُطلعنا على ميعاد موتنا وبالتالي فأمامنا فرص كثيره للرجوع إلى الله .. ولكن هل يضمن أياً منا عدد هذه الفرص ؟.. فقد تكون فرصة واحده وبالتالي ألقى الله اليوم أو غداً او حتى بعد ساعة .. وساعتها يقول الإنسان بندم " يا ليتني كنت تراباً " ويتمنى فرصة آخرى صغيرة ولكن بعد فوات الآوان . شوفنا بنات كثيييييييييييييييير بيتحججوا ... طب انا هاتحجب بعد ما أتخطب .. وبعد الخطوبة ... لأ لسه شوية لما أتجوز ... وبعد الجواز طب بعد ما يبقى عندي عيلين .. انا لسه صغيرة وحلوه ... وهـــــــــــوب تلاقيها بقت من فئة " القواعد من النساء " وبالتالي تكون حجتها الأخيرة .. ما خلاص بقى انا الحجاب ما بقاش إلزامي عليه .... وفي أثناء تلك المسيرة تكون شالت ذنوب تنؤ بها الجبال .... لأ ومش بس كده دي هاتشيل ذنوب أمة لا إله إلا الله اللي بيشوفوها من اول البواب وهي نازلة من البيت إلــــــــــــــــــــــــــــــــــــــــى السادة عابري السبيل في الشارع لحـــــــــــــــــــد ما توصل المكان الذي تقصده . وبالتالي مش هايحصل توازن بين الحسنات التي تكتسبها المرأة الغير محجبة من صلاة واعمال خير إلخ .. وبين ما ترتكبه من ذنوب مُركبة بسبب عدم إرتداءها للحجاب ... ومنها والعياذ بالله ذنب " الزنا " ، فإذا كانت المرأة ترتكب ذنب الزنا إذا وضعت أي عطر وبالتالي شمه الآخرون ... ود عطر بس .. يبقى ما بالنا بالمكياج .. يعني صوت وصورة . أنا عارف إن كلامي قاسي شويتين ... لكن القسوة الحقيقية هي في الوقوف امام الله وساعتها الواحد يبقى مش عارف يقول إيه ويبرر بإيه معاصيه . وكما وعدنا الرسول الكريم في حديثه اللي معناه بيقول إن اللي بيترك فعل معين مخافة من الله يرزُقه الله خير منه .. يعني إذا كانت الواحده شغالة في مكان مرموق وتتقاضى مرتب خيالي وقررت إنها تتحجب وبالتالي طردوها من العمل لهذا السبب ... فلابد لها ان تثق ثقة تامة بإن ربنا هايعوضها عن العمل ده بعمل أفضل آلاف المرات .. ويكفي أنها بتتاجر مع الله .. حيث التجارة رابحة ولا مجال للخسارة . وكمان في الأخير بقى .. انا مش شايف أي حجة أو سبب لعدم إرتداء الحجاب في بلد إسلامي ... يعني إحنا مش في اوروبا أو أمريكا وبالتالي الواحدم ممكن تتعرض لمضايقات نتيجة ذلك . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
فــيــروز بتاريخ: 26 سبتمبر 2004 تقديم بلاغ مشاركة بتاريخ: 26 سبتمبر 2004 سبحان الله الذى ادرك صدق نية أمته عاملة الكوافير فى رغبتها فى الصلاه فى جماعه فحققها لها من حيث لم تحتسب .. وكان كريما مع كليو فلم يرد ان يحرمها من ثواب الصلاه فى جماعه .. تقبّل الله <_< "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
Cleo بتاريخ: 26 سبتمبر 2004 كاتب الموضوع تقديم بلاغ مشاركة بتاريخ: 26 سبتمبر 2004 كنت باتكلم مع الأخت دى امبارح... قالتلى انها بتبحث عن وظيفة لأنها نفسها تتحجب والحجاب ممنوع فى شغلها غير إن اليونيفورم بنص كم. وكمان انها ابتدت تستحرم الشغلانة دى... هى دبلوم تجارة ومظهرها كويس جدا ومرتبها حوالى 700 جنيه. حد عنده عرض ليها؟؟ حد يحب يساعدها انها تستغنى بالحلال؟؟ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
فــيــروز بتاريخ: 26 سبتمبر 2004 تقديم بلاغ مشاركة بتاريخ: 26 سبتمبر 2004 طيب ليه ما تفكر تشتغل من منازلهم !! اعتقد حرفتها مطلوبه وبامكان المراه مزاولتها من البيت .. وممكن تبتدى تعمل اعلام لدى المحيطين بها ان لديها خبره جيده فى الموضوع و ممكن تروح للسيدات فى البيت او تستقبلهم لديها و تبقى تبتعد عن الامور اللى فيها شبهات <_< "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
Cleo بتاريخ: 26 سبتمبر 2004 كاتب الموضوع تقديم بلاغ مشاركة بتاريخ: 26 سبتمبر 2004 طيب ليه ما تفكر تشتغل من منازلهم !! اعتقد حرفتها مطلوبه وبامكان المراه مزاولتها من البيت .. وممكن تبتدى تعمل اعلام لدى المحيطين بها ان لديها خبره جيده فى الموضوع و ممكن تروح للسيدات فى البيت او تستقبلهم لديها و تبقى تبتعد عن الامور اللى فيها شبهات <_< الفكرة إن هى مستحرمة الشغلة من الأساس... وبعدين لما زبونة تطلب منها ترفع لها حواجبها أو كدة... طب ماهى كدة بقت نامصة وده حرام... فهى عايزة حاجة مافيهاش شبهة.. وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
فــيــروز بتاريخ: 26 سبتمبر 2004 تقديم بلاغ مشاركة بتاريخ: 26 سبتمبر 2004 مانا عشان كده قلت انها فى هذه الحاله ستختار الا تقوم بما فيه شبهه او حرمانيه مثل هذا الامر .. لكن على الجانب الآخر هناك امور غير محرّمه و هى كثيره ويمكنها القيام بها من منازلهم .. "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
بنت شعنونة بتاريخ: 26 سبتمبر 2004 تقديم بلاغ مشاركة بتاريخ: 26 سبتمبر 2004 لسة فيه خير... الكلمة دي افتكرت اني قلتها في وقف غريب عليا جدا كنت بعت مرة تلغراف مرضي للمستشفى والتلغراف لم يصل وحققوا معايا وانا في التحقيق طلبوا مني اني اروح لمكتب البريد اجيب اثبات ان الجواب وصل المستشفى وانه حد استلمه ومين اللي استلمة :blink: بصراحا حسيت انهم بيعجزوني.. :ph34r: ومع ذلك رحت اول ما دخلت قابلني واحد قاعد على مكتب وانا دايما اشيل شنطة صغنونة اوي كدا المهم ف لقيت كل بيتكلم مع ناس قلت استنى حد يفضى اساله وفجاة كلمني الراجل دا " خير يا هاااااانم.. داخلة كدا وشايلة شنطة! خير؟؟" قلت بس دي بداية مش تمااااااااااام ابدا mc: المهم قلتله على الموضوع الراجل دا اسمه الأستاذ " سكر " وحسب ما فهمت ان دا كنية او لقب المهم انه مش اسمه الحقيقي بس الكل بلا استثناااااااااااااااء بيقوله يا استاذ سكر والله والله الراجل دا قعد معايا يجي ساعتين يكتبلي جواب الاثبات وطلع معايا اختمه ونزلنا نختمه من حتة تانية وهوا بيلح عليا اني اقعد وانا مصممة الف وراه في كل حتة وخلصلي ورقي كله كله وعزمني على حاجا ساقعة كماااااااااان!!!!! وبعد ما خلصت الجواب احترت اوي اديلة فلوس والا اقول شكرا بس والا ايه؟؟؟؟؟؟؟ خصوصا انه مافيش موظف حكومة بيشتغل بذمة كدا لله في لله يعني..!! <_< المهم انا احرجت واكتفيت بشكرا من قلبي بجد ورحت وخلصت ورقي وفعلا كان جواب ما يخرش المية بجد شغل معلمين يعني :D وبعدها بيومين لقيته بيكلمني في المستشفى وبيسألني اذا كان الورق خلص والتحقيق انتهى والا لسا فيه متاعب عشان يخلصهالي!! :huh: :o بجد بجد سسسسسسسسسسسسكككككككككككررر فعلالالالا لسه في خير :) وانا من البلد ديييييييييييي رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان