مهندس صغنن وناوي أبتدي رحله الكفاح إلى كندا

[Mad Kid]

إخواني وأخواتي الأحباء أعضاء أحلى منتدى

السلام عليكم ورحمه الله وبركاته

دي أول إطلاله ليه في المنتدى بعد ما الحمد الله خدت تأشيره كتابه الموضوعات الجديده ty:)

قبل أي حاجه أحب أشكر القائمين على المنتدى الرائع وأحب أشكر كل الأعضاء على مشاركاتهم ومساعدتهم لبعضهم بجد أنا كنت واحد من الناس إلي بتقول إن المصريين مش إيد واحده بره مصر بس المنتدى خلاني بجد أغير رأيي وبجد حسيت إن هنا في أسره محترمه وبجد بتساعد بعض علشان كدا بتمنى تقبلوني أخ بينكم وصديق ليكم hpc:!:

أعرفكم بنفسي

أنا إسمي أحمد عمري 24 سنه هتخرج من كليه الهندسه إن شاء الله الصيف ده ((لسه مخلص إمتحانات)) clp::

أنا تخصص Industrial Engineering هتخرج من هندسه شبرا cnst:

والله يا جماعه أنا عنيه ورمت من كتر ما قريت في المنتدىة بس بجد مكنتش بضيع وقت كنت بجد بستفيد وفعلا فهمت حجات كتير ووضحتلي حجات كتير وبجد شكرا لكل الناس في المنتدى

بس بقى كل ما أفهم أكتر أسئلتي بتزيد وعلامات الإستفهام بتكتر dtcv:

علشان كدا أتمنى منكم تساعدوني وأعتقد إن سائلتي أكيد بتدور في مخ ناس كتير

============

بصوا بقى يا جماعه

أنا خلصت يمكن خطوه مهمه جدا علشان أحط رجلي على طريق الهجره أنا أخيرا وبعد 5 سنوات خلصت دراستي في كليه الهندسه وبقيت دكتور قصدي بشمهندس cnst:

خلال فتره دراستي كنت بشتغل بإيدي وسناني علشان أحسن لغتي الإنجليزيه لأني كنت عارف إنها حاجه مهمه علشان كدا أعتقد والله واعلم إن لغتي لابأس بها خصوصا الكتابه والقراءه لأني طول النهار برغي مع أصدقاء كتير ليا أجانب بالإنجلش وبحس إن كل حاجه تمام إرسال وإستقبال بس مضمنش بقى الإستماع والتحدث لأني بصراحه مش عارف grdy: أقيم نفسي

مع العلم إن معنديش أي شهادات تثبت إتقاني للغه

بالنسبه للجيش ربنا يستر طبعا الوضع في مصر يقلق بس أنا متختخ ومكلبظ فا عندي أمل أطلع ملتصق وبعد كدا ربنا يحلها

طيب دلوقتي بقى نيجي للمهم أنا لو دخلت الجيش يبقى نأجل الخطه شويه لحد ما ربنا يكرمنا ونطلع منه لو مكنش جالنا تخلف ولا شلل أطفال

أما بقى لو مدخلتش الجيش أنا إن شاء الله هسافر على الإمارات لأن أنا أسرتي عايشه هناك وهروح أستقر واشتغل هناك إن شاء الله

هنا بقى سؤالي الأول

لما أبتدي تقديم أوراقي أقدم من الإمارات ولا من مصر وهل فيه فرق وهل تقديمي من الإمارات بيحسن فرصي ؟؟؟

ثانيا نفسي أعرف خطوات التقديم في السفاره الكنديه في مصر أو الإمارات بالتفصيل وأعرف إيه إلي لازم أعمله

أنا هكتفي بالقدر ده وأكمل إستفساراتي خلال الموضوع علشان يبقى فيه نوع من النقاش