الرأى المخفى فى الدخول المتخفى

[مغتربة]

قى البدايه بس بحب اقول ان الموضوع دا مش غرضه الاعتراض على الخاصيه دى او الانكار على مستخدميها و علشان كدا ان محططهوش فى شئون المحاورات كل الموضوع هو الحديث عن احساسى الشخصى عن الخاصيه دى متفقين متفقين

اولا الخاصيه الى هتكلم عليها النهارده هى الخاصيه الى بتقابلنا كل ما بنعمل تسجيل فى الموقع و هى ananymous users او الدخول المتخفى و فى احصائيات المنتدى تحت دايما نلاقى اعداد المتواجدين مفسمه لزائرين و اعضاء تظهر اسمائهم و متخفيين بيظهر عددهم الاجمالى بصراحه كل مره ابص على اعداد الدخول المتخفى اسال نفس طيب ليه الناس دى داخله متخفى ما هيه لو عايزه تكتفى بالقراءه فقط دون المشاركه ممكن متسجلش دخول خالص و تتفرج من بره لكن ليه التسجيل المتخفى انا عارفه انها خاصيه من خواص المنتدى و اى عضو ليه الحق فى استخدامها لكن ليه نتخفى عن بعض يعنى لو داخلين علشان نشارك ليه عايزين محدش يعرف ان احنا داخلين ماهو اكيد لما اشارك هيظهر اسمى فى المشاركات و لو علشان محدش يعرف بقعد على المنتدى اد ايه ماهو الخاصيه الى تحت اسم كل واحد فينا بتظهرها كدا كدا سواء كنا داخليين عادى او متخفى بصراحه بضايق جدا من الخاصيه دى ليه انا اسمى يكون ظاهر قدامك انى متواجده فى المنتدى و انا ملياش الحق المتبادل هتقولولى ما انا كمان ينفع ادخل متخفى طيب و نفضل كلنا نتخفى من بعض ليه و ايه الهدف انا ممكن اتفهم ان ناس تلجا ليها فى ظروف خاصه و لاداء شيىء محدد و تخرج لكن ان يكون كل تواجدى على المنتدى باستخدام الخاصيه دى بصراحه انا مش مستسغاها خالص و مش حباها كمان دا انا ساعات بلاقى ان اعداد الدخول المتخفى اكبر من اعداد الناس الى داخله طبيعى طيب بالنسبه للاعضاء العاديين الموضوع ممكن لكن ليه المشرفين كمان يدخلوا متخفى بالعكس انا لازم اكون عارفه المشرفين الموجودين حاليا طالما داخلين بعضويتهم الاشرافيه مش العاديه لان ساعات بكون عايزه ابعت لمشرف معين و مبعرفش موجود و لا لا و كمان علشان اعرف الوقت الحالى متواجد مشرف على المنتدى و لا لا لانه ساعات بتفرق فى اجراءات معينه و تبليغات عن مواضيع او شكاوى فليه مشرف اى مشرف يكون داخل متخفى ؟ على الاقل يكون واحد بس ظاهر للاعضاء على مدار اليوم مش عارفه احساسكم زى كدا بالنسبه للخاصيه دى و لا انا بس و يا ريت اى حد من الى دايما دخولهم متخفى يقول لنا ليه دايما بيلجا للخاصيه دى و ايه السبب مع احترامى بالتاكيد للجميع

تحياتى

[لماضة مصرية جدا]

السلام عليكم و رحمة الله و بركاته

اممممم

طب ينفع اجاوب

انا مش بخش مخفي لسبب بسيط اني بحس اني بضحك علي نفسي و انا اصلا بحب اتكلم بصوت عالي فبحس اني مهما استخبيت هبان برضه...(وش حد عامل زيطة اوي:)

بس ممكن اخمن ان الواحد ممكن يعمل مختفي زي الخاصية الموجودة علي الماسنجر

يبقي

invisible status

يعني هو موجود مش مش مستعد انه يخش في اي حوار مع اي حد

مع ان اللي قدامه شايفه و عارف انه موجود

بس زي ما تقولي كدهوت اني موجودة في المكتب بس مولعة اللمبة الحمرا يعني مشغولة....او ماليش نفس اخش في حوارات....او عايز اقعد مع نفسي شوية

و لاني مجربتهاش

منكن بقي تقوليلي اروح ادوس علي ايه و اعملها

علي هامش الاختفاء و الايقونات

صباحك...مساكي ايقونة تواجد محبب جدا للقلب...قريب باذن الله

[التونسى]

موضوع رائع كعادة موضاعاتك مغتربه

انا الفتره اللى فاتت بدخل بشكل متخفى منعا للاحراج :closedeyes: لانى معنديش نت شخصى ..ووقتى بيبقى محدود جدا ..وساعات تيجيلى رسايل مبقدرش ارد عليها فى وقتها.. لان كتابة رد بياخد منى وقت كبير عبر السكرين كى بورد:blush2: ..غير كده بدخل دايما ظاهر ..حتى انى مؤخرا قررت اكون اكثر وضوحا ..واخرج من عباءتى الشبحيه ..وغيرت لقبى فى المحاورات الى اسمى الحقيقى ..ويمكن احط صورتى الحقيقيه كمان قريبا جدا..ودى حتكون الطامة الكبرى بجد :D

[Abu Reem]

ويمكن احط صورتى الحقيقيه كمان قريبا جدا..ودى حتكون الطامة الكبرى بجد

تصوروا انا عمرت ما انتبهت للحاجات دي ، يادوب اجيب وقت اقرأ المواضيع وارد عليها

، وبصراحة لا اعرف سبب الدخول المتخفي طالما الواحد ممكن يدخل علي الموضوع بدون تسجيل دخول

بصراحة مش قادر اعرف ما هي فوائد الدخول المتخفي

- اما بالنسبة لموضوع صورتك الحقيقية اشجعك على ذلك على الاقل نتعرف علي الشخصية المحترمة التي احببناها

واتمني ان يكون هناك موضوع نقترح فيه تواجد الاعضاظ بصورتهم الحقيقية بدلا من الصورة الرمزية وان يكون مثلا الموضوع. لمدة 24 ساعة فقط وبعد ذلك يستطيع العضو العودة الي صورته الرمزية

وعلي فكرة كان نفسي حد يفتح موضوع عن توقع شكل كل عضو وذلك بان يحاول الاعضاء تخمين شكل كل عضو وفي النهاية يظهر العضو صورته لنرى هل تطابقت مع توقعات الاعضاء ام لا ثم يرجع العضو لصورته الرمزية

----- ايه رأيكم ، ويكون اخونا التونسي هو البداية

:closedeyes:

[الغريب]

بصراحة مليش في الموضوع ، ولا أعير الخاصية ولا من يستخدمها اهتمام ، أنا بس دخلت أسلم على أستاذ تونسي وأقوله متطولش الغيبة

تحياتي..

[أمل حياتي]

اختي مغتربه .....

لا داعي للإستغراب كما قالت حبيبتنا لماظه .....

دخول العضو متخفيا ليس عليه شي الا ان يكون في حالة مزاجيه

لا يحب فيها خوض مناقشات او الرد على اطراف اخرى متواجده ....

لظروف وقتيه مؤقته لا تتعدي ساعات او ايام ثم لا يلبث ان يعاود الدخول

واقول لك حكاية انني انقطعت عن المنتدى فتره في العام الماضي

وكنت استخدم نادرا خاصية الإختفاء بسبب عضو ضايقني في المنتدى برسائله

واضطررت لمتابعة رسائلي بالخفاء ....

ان هذه الخاصية تعطي بعض الخصوصية التي نحتاجها بعض الأحيان وليس كلها ....

[الدكتورة أم أحمد]

الحقيقة لم استخدم هذه الخاصية مطلقا هنا أو في أي مكان ولا أعرف مكنا أيوقنة التخفي

لكن لاحظت أكثر من مرة في الموضوعات الساخنة يكون أحد الأعضاء غير موجود وأكتب رد فأجد له رد سريع وهو لم يكن موجود ثم يختفى أيضا

عموما أحب أعرف العضو المتخفي إنه بيكون ظاهر للساده المشرفين وبيتخفى عن الأعضاء فقط

[أمل حياتي]

عموما أحب أعرف العضو المتخفي إنه بيكون ظاهر للساده المشرفين وبيتخفى عن الأعضاء فقط

سؤال وجيه جدا من الأخت الفاضله ام أحمد ......

[Alattar]

بصراحة..كله كوم و عنوان الموضوع كوم تاني...ينفع اسم كتاب

الرأي المخفي..في الدخول المتخفي

وتحت العنوان الرئيسي ده..نكتب

رؤية ثاقبة لمن يدخلون في الخفاء....شايفك و عارفك و هجيبك

[ابراهيم عبد العزيز]

فعلا ظاهرة ملحوظة يا اخت مغتربة

فمثلا نجد موضوعا عدد زواره الظاهرين ممكن أن يكون 100 زائر ثم عندما تدخلى الموضوع تجدى الاعضاء الظاهرين انهم زاروا الموضوع لا يتعدى 15 عضو او 20

صحيح أن هناك زوارا للمنتدى غير مسجلين

لكن أكيد ان هذا الفرق بين اجمالى الزوار ووالاعضاء الذين تم تسجيل دخولهم للموضوع يحتوى بداخله على اعضاء مسجلين فى حاله تخفي

عموما طالما انها خاصية اتاحتها الادارة لاعضاء المنتدى فمن حق كل عضو ان يستخدمها مع أننى لم استخدمها مطلقا من قبل

تم تعديل 27 يونيو 2011 بواسطة ابراهيم عبد العزيز

[الدكتورة أم أحمد]

عموما أحب أعرف العضو المتخفي إنه بيكون ظاهر للساده المشرفين وبيتخفى عن الأعضاء فقط

سؤال وجيه جدا من الأخت الفاضله ام أحمد ......

ليس سؤال يا أختي

هو خبر

العضو المتخفي بيكون اسمه معلوم للمشرفين يعني لو بيعمل كدا علشان خايف من الحكومة

الحكومة شايفاه

[Damo]

أنا اعتقد زي ماالأستاذ تونسي قال انها منعا للاحراج للمتخفي. في ظروف ممكن حد يخوش يشوف رسائل أو تعليق على صفحته مثلا بس معندوش وقت يرد فييجي متخفي عشان ميتزعلش منو انو دخل ومردش.

[أمل حياتي]

شكرا على التوضيح من العضوه أم احمد ....

وبالطبع لا نتخفى من المشرفين كما ان كثيرا تظهر اسمائهم ممن

يدخلون الموضوع وقد لا يثير اهتمامهم لدرجة الرد عليه وهذا شي طبيعي

ولكن من يكون حاضرا في نفس الوقت يظهر اسمه على الفور

[طارق مصرى]

انا عمرى مدخلت متخفى مش عاوز يكون اسمى ظاهر مسجلش ادخل على المنتدى مباشرة و الحقيقة مش عارف شعور الزملاء اللى داخلين متخفيين بيحسوا بايه ؟ zr:

[لماضة مصرية جدا]

واتمني ان يكون هناك موضوع نقترح فيه تواجد الاعضاظ بصورتهم الحقيقية بدلا من الصورة الرمزية وان يكون مثلا الموضوع. لمدة 24 ساعة فقط وبعد ذلك يستطيع العضو العودة الي صورته الرمزية

وعلي فكرة كان نفسي حد يفتح موضوع عن توقع شكل كل عضو وذلك بان يحاول الاعضاء تخمين شكل كل عضو وفي النهاية يظهر العضو صورته لنرى هل تطابقت مع توقعات الاعضاء ام لا ثم يرجع العضو لصورته الرمزية

----- ايه رأيكم ، ويكون اخونا التونسي هو البداية

:closedeyes:

السلام عليكم و رحمة الله و بركاته

ايه ده

دهدي

مع اني لسه جايب ضرف موضوع "بترفعوا صوركم علي الفيس بوك" و انتهيت اني مش راح ارفع صورة السحنة الكريمة في البروفايل

بس فكرة حضرتك معتبرة جدا...كان فيه توبيك الواحد بيخمن فيه شكل العضو هنا ايه

و كنت اقترحت من قيمة خمشتاشر سنة ضوئية فاتوا ان احنا نعمل توبيك اسمه انا و قريني...يعني مين يشبهك في الحقيقة...او بمعني اصح انت تشبه مين في المشاهير...(ده علي اعتبار ان فيه مني اتنين....وش عيل لمض)

و انا بقول بقي احنا نتفق كده و نعمل تجمع سنوي لاعضاء المحاورات و تكون بشكل دوري...عشان اللي ملحقشي اللفة دي يقدر يلحق اللي بعديها

ينفع

صباحكم.....تقارب و اقتراب

[مغتربة]

السلام عليكم و رحمة الله و بركاته

اممممم

طب ينفع اجاوب

انا مش بخش مخفي لسبب بسيط اني بحس اني بضحك علي نفسي و انا اصلا بحب اتكلم بصوت عالي فبحس اني مهما استخبيت هبان برضه...(وش حد عامل زيطة اوي:)

بس ممكن اخمن ان الواحد ممكن يعمل مختفي زي الخاصية الموجودة علي الماسنجر

يبقي

invisible status

يعني هو موجود مش مش مستعد انه يخش في اي حوار مع اي حد

مع ان اللي قدامه شايفه و عارف انه موجود

بس زي ما تقولي كدهوت اني موجودة في المكتب بس مولعة اللمبة الحمرا يعني مشغولة....او ماليش نفس اخش في حوارات....او عايز اقعد مع نفسي شوية

و لاني مجربتهاش

منكن بقي تقوليلي اروح ادوس علي ايه و اعملها

علي هامش الاختفاء و الايقونات

صباحك...مساكي ايقونة تواجد محبب جدا للقلب...قريب باذن الله

دا صباحك و مساكى انت الى فى حلا سكر النبات

هو موضوع الانفيزبل مختلف شويه عن الدخول المتخفى هنا ليه

لان فى الماسنجر انت مش هتعرفى مين متواجد الا لو سجلتى باى صيغه تسجيل لكن المنتدى هنا انت بتعرفى مين الموجود و بتقدرى تتابعى المنتدى و موضوعاته كلها من غير ما تحتاجى انك تعملى تسجيل من اى نوع علشان كدا ان حسه ان الحلتين مش زى بعض

على الهامش تدفعى كام و اقولك الدخول المختفى بيتعمل ازاى :P

[مغتربة]

موضوع رائع كعادة موضاعاتك مغتربه

انا الفتره اللى فاتت بدخل بشكل متخفى منعا للاحراج :closedeyes: لانى معنديش نت شخصى ..ووقتى بيبقى محدود جدا ..وساعات تيجيلى رسايل مبقدرش ارد عليها فى وقتها.. لان كتابة رد بياخد منى وقت كبير عبر السكرين كى بورد:blush2: ..غير كده بدخل دايما ظاهر ..حتى انى مؤخرا قررت اكون اكثر وضوحا ..واخرج من عباءتى الشبحيه ..وغيرت لقبى فى المحاورات الى اسمى الحقيقى ..ويمكن احط صورتى الحقيقيه كمان قريبا جدا..ودى حتكون الطامة الكبرى بجد :D

سبب وجيه برضه استاذى الفاضل و فكره هايله موضوع الصوره الرمزيه الشخصيه لو محتاج ليها تشجيع انت هتلاقى كل الاعضاء هنا بيشجعوا حضرتك و بالعكس لا هتكون طامه و لا حاجه جرب بس حضرتك

تحياتى

[مغتربة]

ويمكن احط صورتى الحقيقيه كمان قريبا جدا..ودى حتكون الطامة الكبرى بجد

تصوروا انا عمرت ما انتبهت للحاجات دي ، يادوب اجيب وقت اقرأ المواضيع وارد عليها

، وبصراحة لا اعرف سبب الدخول المتخفي طالما الواحد ممكن يدخل علي الموضوع بدون تسجيل دخول

بصراحة مش قادر اعرف ما هي فوائد الدخول المتخفي

- اما بالنسبة لموضوع صورتك الحقيقية اشجعك على ذلك على الاقل نتعرف علي الشخصية المحترمة التي احببناها

واتمني ان يكون هناك موضوع نقترح فيه تواجد الاعضاظ بصورتهم الحقيقية بدلا من الصورة الرمزية وان يكون مثلا الموضوع. لمدة 24 ساعة فقط وبعد ذلك يستطيع العضو العودة الي صورته الرمزية

وعلي فكرة كان نفسي حد يفتح موضوع عن توقع شكل كل عضو وذلك بان يحاول الاعضاء تخمين شكل كل عضو وفي النهاية يظهر العضو صورته لنرى هل تطابقت مع توقعات الاعضاء ام لا ثم يرجع العضو لصورته الرمزية

----- ايه رأيكم ، ويكون اخونا التونسي هو البداية

:closedeyes:

اهو استاذ ابوريم بيشجع حضرتك معانا يا ريت تفكر جديا فى الموضوع

بالنسبه للموضوع الى بتتكلم عنه استاذ ابو ريم فهو موجود بالفعل و استاذ سين سين رفعه امبارح هحاول اجيب لحضرتك اللينك بتاعه

[مغتربة]

بصراحة مليش في الموضوع ، ولا أعير الخاصية ولا من يستخدمها اهتمام ، أنا بس دخلت أسلم على أستاذ تونسي وأقوله متطولش الغيبة

تحياتي..

نورت الموضوع استاذ الغريب حتى لو للسلام على استاذ محمود فقط

تحياتى

[مغتربة]

اختي مغتربه .....

لا داعي للإستغراب كما قالت حبيبتنا لماظه .....

دخول العضو متخفيا ليس عليه شي الا ان يكون في حالة مزاجيه

لا يحب فيها خوض مناقشات او الرد على اطراف اخرى متواجده ....

لظروف وقتيه مؤقته لا تتعدي ساعات او ايام ثم لا يلبث ان يعاود الدخول

واقول لك حكاية انني انقطعت عن المنتدى فتره في العام الماضي

وكنت استخدم نادرا خاصية الإختفاء بسبب عضو ضايقني في المنتدى برسائله

واضطررت لمتابعة رسائلي بالخفاء ....

ان هذه الخاصية تعطي بعض الخصوصية التي نحتاجها بعض الأحيان وليس كلها ....

اسباب جديده وجيهه استاذه امل لكن برضه كل الاسباب التى ذكرت حتى الان بتدور فى فلك من يستخدم هذه الخاصيه بشكل مؤقت لكن فعلا فى اعضاء كل دخولهم للمنتدى بهذه الخاصيه بمعنى انها القاعده بالنسبه ليهم و ليست الاستثناء علشان كدا كنت حابه اعرف وجهه نظرهم

تقبلى تحياتى