خواطرى

[M.ESSAM]

الدنيا

قالوا عليكى دنيا................لإنك جاية من الدناوة

العيشة فيكى مرة................ضيعتى طعم الحلاوة

و لما بدأت أحبك................مخدتش غير القساوة

فيكى الطيب ملوش مكان................و مش عايزة غير الشقاوة

المؤمن فيكى منصاب................و فى عين العاصى بتزيدى غلاوة

إتقطعت بسببك الأرحام................ربيتى فينا العداوة

دورت جواكى كتير................ مش لاقى فيكى سعادة

و كل لما أحاول أمسكك................تهربى منى بإجادة

و اللى عايش مطنشك................تديله من غير هوادة

الناس كلها شهدولك................إنك فى الغدر أستاذة

و مربوط جواكى فى ساقية................و نفسى تدينى أجازة

عايشك دايما نضيف................لا مسكت سيجارة و لا إزازة

و العمر فيكى بيخلص................أخرتها إيه.. عزا و جنازة

مش عايز منك غير الستر................لا طالب زعامة و لا سيادة

و أحلى موته فيكى................لما أنول فى سبيله الشهادة

ربنا خلقنا فيكى................علشان خاطر العبادة

النصيب فيكى مكتوب................من غير نقص و لا زيادة

سواء كنت عاصى................أو ماشى بسبحة و سجادة

محمد عصام

2011 / 5 / 8

[وجهة نظر شخصية]

اسمح لى بالتعليق اخى الكريم ، انا ليس لى ولا فى الشعر ولا فى النثر يادوب لى فى كتابة المقالات الاجتماعية فقط ، يعنى لم اعلق فى الاوزان ولا القافية او الجرس او حتى السجع لانى لم افهم فيهم على الاطلاق انا هعلق فقط على الكلمات وما شعرت انا به باذن عادية

الكلمات كانت صادقة جدا وواقعية بعيدا عن نظم الشعر لو اعتبرناه مقال او خواطر مقالية هى كلمات واقعية لانها صادقة وتشبه مقالاتى اجتماعية ممزوجة بالدين وده روعتها او ما أعجبنى فيها ، هكتفى بذلك لانى لست خبيرة ولكن ذكرت ما يهمنى انا ....... تحياتى لك عليها اخى الكريم

[Damo]

اسمح لى بالتعليق اخى الكريم ، انا ليس لى ولا فى الشعر ولا فى النثر يادوب لى فى كتابة المقالات الاجتماعية فقط ، يعنى لم اعلق فى الاوزان ولا القافية او الجرس او حتى السجع لانى لم افهم فيهم على الاطلاق انا هعلق فقط على الكلمات وما شعرت انا به باذن عادية

الكلمات كانت صادقة جدا وواقعية بعيدا عن نظم الشعر لو اعتبرناه مقال او خواطر مقالية هى كلمات واقعية لانها صادقة وتشبه مقالاتى اجتماعية ممزوجة بالدين وده روعتها او ما أعجبنى فيها ، هكتفى بذلك لانى لست خبيرة ولكن ذكرت ما يهمنى انا ....... تحياتى لك عليها اخى الكريم

أنا متفقة مع حضرتك ان الكلمات صادقة وواقعية.

من وجهة نظري اهمية الاوزان والقافية الخ. متزيدش عن اهمية توصيل المعني أو الاحساس.

القواعد دي بتبقى مجرد اساليب مساعدة لخلق المطلوب وطبعا مش كل الناس عندهم القدرة على استعمال الوسائل دي. موهبة.

أنا شخصيا لما اقرا شعر كسر كل القواعد دي وكمان بلغة عامية بحته مجرد ما وصلي الاحساس كده أنا اتبسط خلاص

الشعر غرضه توصيل رسالة بمساعدة قواعد محدده عشان تذوق القارئ. التذوق نجح بدون قواعد نو بروبلم! مش بيشطرت ان القارئ يكون بيفهم في الشعر.

عموما ده رأيي أنا, بس مليش لا في علم اجتماع ولا في قواعد اللغة (كما هو واضح )

اسلوب حضرتك جميل أستاذ عصام. انا عجبني إن الاحساس وصلي (زي لما اعيش فيلم بالظبط ). بس أنا مش حابه نظرة اليأس دي خصوصا على مصر.

مصر مش شوية عشان تتظبط بالساهل. اومال فين الكفاح ؟ كفاح مش يعني في يوم وليلة توصل لنتيجة, ولا بردو يعني تتعب في حاجة وفي الاخر توصل. الكفاح يعني تتعب وتفشل وتتعب وتفشل وتتعب وتفشل لحد في مرة اخيرا....تنجح.

تحياتي

تم تعديل 28 يونيو 2011 بواسطة Damo

[وجهة نظر شخصية]

اشكرك على الرد على كلمتى كثيرا ، انا كان وجهة نظرى واعتقد انها اتضحت لكن قلتها عن استحياء لانى اولا ليس لى فى قواعد كتابة الاشعار او النثر ، وثانيا خشيت ان أخبط فى الاوانى ههههههه لغة عربية ها ، انا قلت انها اقرب للمقال الاجتماعى عن انها شعرا او نثرا وربما اصيب برأيى هذا وربما لا ولكن حبيت ان أشارك ..... ربنا يوفق الكاتب وسعدت كثيرا بهذا التواصل ....... مع خالص تحياتى

[M.ESSAM]

السلام عليكم

أنا لا أدعى إنى أفهم فى الشعر و قواعده و ليس لى علاقة به من قريب أو بعيد حتى إن مجال عملى و هو الهندسة ليس له علاقة بالشعر و لست متابع له و لكن الموضوع ما هو إلا حالة نفسية و مواقف الواحد مر بيها فبيعبر عنها بشويه كلام معرفش ممكن تتسمى ابيات أو إيه مش عارف و لكن نوع من انواع الفضفضة .

بشكر حضراتكم جدا و كل واحد كلف نفسه و دخل و قرأ كلامى و كتب تعليق

شكرا جزيلا

محمد عصام

[ابراهيم عبد العزيز]

كلام جميل يا أخ عصام

وحلاوته فى بساطته وفى نفس الوقت معبر جدا

وانا وانت تسرد ابيات قصيدتك أحسست انك تتكلم عني والله

تحياتى لك

[وجهة نظر شخصية]

جميل جدا ان الانسان يعبر عن ما بداخلك بأى شكل سواء مقال - شعر - خواطر اى شكل المهم ان يشعر بارتياح عند كتابة ما كتب ، ولان كلمتك اخى الكريم كانت من داخلك فكانت صادقة فأى كلمة صادقة لابد وان تصل للناس على الفور وايضا الكلمة الصادقة لا تحتمل اللبس بمعنى تكون واضحة المعانى غير غامضة وهذا جمال الكلمة الصادقة عندما تكتب فهى بمثابة السهل الممتنع ، الحالة الفريدة التى هى صعب التقليد وسهلة الفهم والاستيساغ اى مقبولة ربما كلمتى خاطئة ....... ربنا يوفقك اخى الكريم ونحن نشكرك على كلمتك الصادقة ، ولا تهتم للتصنيف او للمسمى فهى تندرج تحت مسمى كلمة صادقة وهذا اجمل مسمى ..... مع خالص تحياتى

[M.ESSAM]

أخيرا يا مصر

أخيرا يا مصر قولتى لأ..............أخيرا يا مصر إنتصر الحق

أخيرا يا مصر بقى ليكى صوت..............أخيرا يا مصر صحيتى من الموت

أخيرا يا مصر أهو جه اليوم..............أخيرا يا مصر دى دعوة مظلوم

أخيرا يا مصر عرفتى طريقك..............أخيرا يا مصر هدوق طعم خيرك

أخيرا يا مصر شوفتى النور..............أخيرا يا مصر عديتى السور

أخيرا يا مصر شعبك إرتاح..............أخيرا يا مصر داق طعم النجاح

رحل الطاغوت و ضهره إنكسر..............دمك شهدائك ما رحش هدر

ميدان التحرير كان كلمة السر..............الشعب فيه حس إنه حر

الشعب فيه قال أغلى كلام..............الشعب يريد إسقاط النظام

ميدان التحرير إسم على مسمى..............هو اللى بسببه إتحررت الأمة

الشعب عرف معنى الحرية..............إستحالة يرجع تانى للعبودية

أخيرا يا مصر مش خايف عليكى..............طول ما الشعب ده عايش فيكى

مش قادر يا مصر أخبى و هقول..............هعيش يا مصر أحبك على طول

محمد عصام

2011 / 2 / 14