حملة لمكافحة الفيديو كليب

[Cleo]

إيه رأيكم فى الفديو كليب؟؟

حلو؟؟

تحب تشوف بنتك أو ابنك فى الأعمار الحرجة يشاهدون ويقلدون نانسى وهيفاء وإليسا؟؟ ولا نجلا ؟؟

ابدأ بنفسك وقاطع الفيديوكليب... وشجع أهل بيتك كمان على مقاطعته.. كلم ولادك عنه بمنتهى الهجومية عشان يحسوا إن اللىبيحصل ده مسخرة ومايرضيش ربنا..

أول ماتشوف الفيديو كليب شغال فى البيت.. اتفرج معاهم دقيقة ثم أشبعهم هجوم

- إيه ده..!! إيه المسخرة دى..!! يعنى دى تقف تترقص كدة وهى مش لابسة حاجة؟؟؟ مش ده حرام؟؟ :huh: والناس يتعلموا منها ويقلدوها يقوم ربنا يغضب علينا ويطربقها فوق دماغنا زى قوم لوط وشعيب ..!! اقلبوا اقلبوا ده حتى الواحد لما يشوف الحاجات دى ياخد ذنب...

نجحت فى بيتك؟؟؟

جرب مع أقاربك...

نجحت؟؟

مع أصحابك وزمايلك فى الشغل...

وافضل وسع الدايرة واحدة واحدة....

مقاومة الفساد والعرى تبدأ من داخل بيوتنا ولو استنينا الحكومة هى اللى تمنع الحاجات دى يبقى هانعيش ونموت فى الفساد..

"إبدأ بنفسك ثم من تعول" حديث شريف.

[amir]

إيه رأيكم فى الفديو كليب؟؟

حلو؟؟

طيب ليه السؤال المحرج ده !!

طبعا يا ريت الناس تقدر تعمل حاجه من نفسها و تمتنع من مشاهده هذه النوعيه من الكليبات و طلببها باستمرار

اذا عرف المنتجين ان الجماهير لا تهتم بما ينتجون و لا تشاهده فسوف يمتنعون من نفسهم من انتاج هذه المشاهد الخارجه

[Katamando]

دعونا نكون أكثر تحديداً لي كل الفيديو كليب سئ لكن هناك المحترم أذكر منها بعض الامثلة

الحب الحقيقي لمحمد فؤاد

اغنية بتاعت أنغام هي وطفل (مش فاكر اسمها)

أغاني محمد منير كلها

ولسه شايف كليب لعزة بلبع محترم برضه

وعلى الحجار اغانيه المصورة محترمة

يعني هناك الكثير من المحترم ولكن لازم نطالب بوقف الابتذال عموماً مش بس في الفيديو كليب وحتى الآن لا أجد معنى لوجود كل هذه القنوات الكلبية (نسبة للفيدو كليب) إلا أنه غزو منظم بالإشتراك مع قنوات الأخبار الدموية حتى تتعوّد أعيننا على العري والدم وتنتفي عنا صفة الآدمية

وربنا يلطف بينا

[yasovinas]

قرات خبر في جريدة الاتحاد الاماراتيه يذكر ان قناة النجوم (وهي قناتين كليبيتين) على راي العزيز اللذيذ كتموندو

قررت ايه بقى يا سادة سا كرام نسيت

ايوه قررت منع عرض اي اغاني للفنانة العظيمة روبي وكمان واده تانية اعظم منها بس مش فاكر اسمها

تحية كبييييييييره قوي للنجوم وعقبال الباقي

[Cleo]

قرات خبر في جريدة الاتحاد الاماراتيه يذكر ان قناة النجوم (وهي قناتين كليبيتين) على راي العزيز اللذيذ كتموندو

قررت ايه بقى يا سادة سا كرام نسيت

ايوه قررت منع عرض اي اغاني للفنانة العظيمة روبي وكمان واده تانية اعظم منها بس مش فاكر اسمها

تحية كبييييييييره قوي للنجوم وعقبال الباقي

لازم قبل ما نحيى النجوم.. لازم نشوف باقى المواد اللى بتتعرض فيها إيه... يمكن منعوا روبى بس بيعرضوا لنجلا ..!! :huh:

يجوز العملية كلها اختلاف فى المصالح و البيزنس ومالهاش علاقة بالأخلاق...

نشوف الباقى الأول وبعدين نحكم..