أسماء غير مألوفة !!!

[حشيش]

تفتق ذهنى عن هذه الفكرة الرائعة :P ...الأسماء أصبحت مكررة بالنسبة للذكور والإناث على حد سواء منذ بدء الخليقة ;)...يعنى أحمد...شريف...عادل...سعاد...منى...كوثر...إلخ

هدف هذا الموضوع هو إستحداث أسماء جديدة لكلا الجنسين ومحاولة تجربتها على أسماء مألوفة للأب...وسوف أقوم بضرب بعض الأمثلة التوضيحية هنا كنموذج يحتذى به :huh:

أسماء للذكور:

أرعص (أرعص سلامة)

أشنخ (أشنخ محمود)

بلالا (بلالا الشرقاوى)

نيخا (نيخا بطرس)

أسماء للإناث:

إنفلات (إنفلات صبرى)

إندثار (إندثار وجدى)

إنكسار (إنكسار فخرى)

سكاسك (سكاسك السيسى)

أرجو إضافة أسماء جديدة وشكراً :blink:

ودلوقتى لازم أمشى علشان ألحق ميعاد جلسة الكهربا عالمخ بتاعتى  :o 

[Katamando]

ممكن أضيف أمثلة من بعض الأسماء الغير متداولة والتي تعرضت إما لقرائتها أو إما لسماعها من بشر عجيب

هشام بانّا

مش فاهم هم سموه كده ليه ؟؟

أنح علي أنح

(توجد قهوة بلدي في بحري - اسكندرية هذا اسم صاحبها)

السيد ضبو

(ميكانيكي) واضح طبعاً لماذا أعطي هذا الأسم

محمه كنبر

( أصلأ اسمه محمد لكن لأنه يعمل كعامل كاتوتش سيارات ودائماً نفسه مقطوع يعني منفس.... أي حد يسأله اسمك ايه يقول محمه (وليس محمد) أما كنبر فهو لقب أعطي له ونال به شهرة كبيرة لكونه أحدب ومحله في سيدي بشر أمام مدخل فندق رامادا)

حمادة زقلط

(لعيب كرة شراب ماحصلش ..... قصير مكير حجمه صغير لكن كا يضمن المكسب لأي فريق يلعب معاه فكانت الفرق تتنافس على ضمه إليها... حالياً هاجر امريكا ولم يعد)

حودة دنجل

(صاحب مطعم شعبي في الازاريطة - في السوق)

علي بانيكا

(البانيكا هي الفاترينة الصغيرة المتنقلة - والواد علي كان طالب في كلية الحقوق وفي نفس الوقت تاجر ممكن يبيع اي شيء لهذا سموه بانيكا ايب أنه لديه كل شيئ)

السيد زبالة

(مش زبال- استاذ جامعي والله والاسم ده كان الطلبة مطلعينه عليه من كتر ماهو مهمل في كل شيء)

حسين سلاطة

(شخصية طيبة - موظف بسيط كل هوايته قزقزة اللب كل ما يروّح من الشغل يقف في الشباك حاكم هو ساكن دور أرضي ويصطاد أب عيل من عيال الحته ويطلب منه يجيب له بجنيه سلاطة (لب وسوداني ولب أبيض....) فسموه حسين سلاطة

ولسه ...كمان شوية أفتكر واقول لكم

[حشيش]

أخى العزيز كتامندو

أولاً حمداً لله على السلامة ;)...ثانياً شكراً على إثراء الموضوع بهذا الكم من الأسماء الغير مألوفة وما لها من وقع ٍ جميل على الأذن :o ....والأن إليكم هذه المجموعة الجديدة:

أسماء للذكور:

تفه (تفه العشماوى)

خنوس (خنوس خليل)

أسماء للإناث:

إرهاصة (إرهاصة البدرى)

كمترى (كمترى عزيز)

:huh: :blink: :P

[Katamando]

العزيز حشيش

والله في شوية أسامي تفطس بس الواحد مايقدرش ينطقها ولا يقولها خصوصاً في مكان محترم زي هنا

المهم

في اسكندريه برضه في واحدة كان أصلها رقاصة من بتوع البارات بس ربنا تاب عليها وبقت بتشحت (يعني ضمان اجتماعي محترم) هي اسمها بوسي بس والله مافيها ريحة الأسم أبدأ ............. بوسي ما بتشحتش فلوس لكن ممكن تاخد أي شئ عيني سيجارة، ساندوتش، مصاصة من اي عيل معدي في شارع لاجيتيه وجملتها الشهيرة (سيجارة يا عسل) علشان كده سموها بوسي ياعسل وهي جنب المرحومة نعيمة الصغير تقول أن نعيمة الصغير ملكة جمال وبنت أرسطقراطيه

وفي أحمد كومار

واحمد شاب زي أي شاب ........ لكنه أصيب بفيروس السينما... لكن مش أي سينما ..... السيما الهندي ..... فهو يخش الفيلم الهندي من دول من اول يوم عرض ويحفظ الأغاني كلها عن ظهر قلب ويخرج من السينما ويصاب بلوثة ويعيش في الدور ويبتدي يغني كل أغاني الفيلم .... صوت وصورة وحياتك وبيعمل كل الأدوار و الأصوات اللي في الفيلم رجالة وستات وعيال وكمان يترمي على الأرض ويبرم نفسه زي أبطال الفيلم وكل ده في ميدان محطة الرمل

ومن الأسماء المرتبطة بالمهن

أشرف بيضه (وذلك لكون والده عقبال أمالتك صاحب محل بيض)

السيد فيسبا (ميكانيكي متخصص في الفيسبا فقط متوسيكلات تانية لأ)

اسماعيل لوز ( هو بياع فول لكنه غير مقتنع أنه فوال ودائماً ينادي بكلمة واحدة فقط .... اللوز ويصمت بعدها دهراً ..... فهو لا يردد ندائه .... لأنه مش بياع فول لأ هو بياع لوز يعني أرقى واعلى من كده)

أحمد أدوية ( تخصص أن يعمل في شركات الأدوية لا مستشار ولا طبيب ولا إداري ولا محاسب ولا حتى مهندس .......... لكن سواق بس تشوفه تقول مدير عام منتهى العناية بالنفس والهندام ودائماً يتكلم بصوت منخفض ولا كأنه بيتكلم في أسرار عسكرية مما يضفي عليه بعض الوقار خاصة مع الشعر الأبيض)

على فكرة كل هذه الأسماء والشخصيات من أرض الواقع

[د/ألفا]

معلش يا حشيش

أنا دكتور بشرى

ممكن نجرب الأسماء دى

إناث :-

إمساك أمين

مكسورة ابراهيم

انتفاخ بيسا .

حبة عبد القوى

ومن الأسماء الجديدة اللى تشبه باكينام و ماهيتاب وميار

ميلوكام عبد السلام (اسم دواء)

سونار لطفى (اسم هوموسيكشوال ) للجنسين

ذكور :-

منظار توفيق

وكفاية كدة تخبيط

[حشيش]

عزيزى د/ ألفا

مجموعة رائعة مش عارف من جمالهم أختار أنهى الأجمل بالذات (إمساك أمين)...إيه رأيك فى (إسهال حسين) :blink:

عزيزى كتامندو

أعجبنى ألبومك الجديد....من الألبوم الأول أعجبنى جداً إسم (أنح)... أكثر من رائع non::

والأن ألبومى الجديد:

أسماء للذكور:

أرنوب (أرنوب فهمى)

شاخر (شاخر سمير)

أسماء للإناث:

رزاز (رزاز حلمى)

بواسير (بواسير مرسى)

إيه كمان non::

[Falcon Egypt]

السلام عليكم

عزيزى كاتماندو ...انت كده تبقى اسكندرانى اصيل..امال ايه بس كاتماندو

دى انا افتكرتك جاى من نيبال يارجل.. :blink:

على فكره ياكاتماندو ...احمد سانجام كنت باشوفه زمان راكب بسكليته ومعاه

مسجل (ريكوردر) وسانده على كتفه بايده الشمال

وبيسوق العجله بايده اليمين وساعات كان بيطوحها مع الانغام مع تحكمه التام فى السواقه

لكن ولله كان بيغنى ولا الهنود صوت وانغام ولحن وكاْنه هندى فعلا..مش عارف اذا

كان بيغنى هندى فعلاولا كلام موزون مماثل للهندى

وكان ساعات السياح فى محطه الرمل ينظرون اليه مبهورين..

ياترى لسه موجود وبيغنى؟

[hamo90]

يا سلام موضوع جميل

وشوية أسماء تجيب للواحد زمبقوتس

من الاسماء الرجالي :-

حنكلالس أحمد

شربيخ عبده

زمبوق الامير

كرع حسين

أيسكبلاتس سيد

ومن الاسماء الحريمي :-

زغلولة مصطفي

كمبوزه الامين

أفراز محمود

hamo

[mohamed]

أشرف بيضه (وذلك لكون والده عقبال أمالتك صاحب محل بيض)

[

انت متاكد ان كان اسمه كده عشان ابوه صاحب محل بيض ولا عشان حاجة تانية :blink:

[وليد صفوت]

انا حقولكم على دفعة اسامى لسة جاية من برة طازة ....

أسامى رجالى :

كبلظ مرزوق

بربر ممدوح

بؤلة اسماعيل

و فى الاسامى الحريمى:

إنشكاح حسين

بريمة ( بتشديد الراء ) عبده

دحرجة توكل ( يطلق على السيدات ذوات الحجم العائلى فقط )

[وليد صفوت]

و هناك اسامى مستوحاة من التراث ......

اسامى حريمى :

شخرمونة ( مستوحاة من كهرمانة )

الخثناء ( مستوحاة من الخنساء )

عرعيرة ( خليط من كذا اسم ! )

عنابة ( مستوحاة من تفاحة و العناب هو مشروب معروف فى مصر )

عنتيلة ( و هو يطلق على السيدات ذوات الحجم العائلى بس )

حشتفتوت ( مستوحاة من حتشبسوت )

و الاسامى الرجالى نجد:

الارعن ( مستوحاة من اى اسم عربى اوله الف لام الف ! )

شنخف ( خليط من اسماء عربية كتيرة )

خرفط ( مستوحاة من خفرع )

منكورع ( ده بقى مش محتاج تعديل ! هو لوحده مصيبة :blink: )

[se_ Elsyed]

تصدق بالله .. إني اول مرة أقرأ الموضوع ده .. واول واحد جه على بالي نجرب قيه الأسامي دي هو انت يا حشيش ... فبإذن الله العيل اللي هايجيلك بعد 8 شهور أنا هاختار له إسم على مزاجي هدية من عمو س س والحاجات دي ما بطلعهاش غير للحبايب :

- لو كان حشيش يبقى نسميه إسم عجبني قوي وهو " أرنوب " شوف معايا حلاوة الأسم ... أرنوب حشيش ، او لو مش عاجبك ممكن ندلعه ونقوله يا " حنكليس " يبقى حنكليس حشيش ....

- ولو كانت حشيشه ..... بصراحة انا محتار بين ثلاث أسامي من حلاوتهم وانوثتهم المعبرة :

- إرهاصة حشيش ( تمشياً مع مواهبك الأدبية المتفجرة )

- بواسير حشيش ( طبعاً هاندخل الناس في متاهة ... ده إسم ولا تشخيص مرض ولا إيه بالظبط )

- سكاسك حشيش ... _ بيتهيألي ده تقليدي ودارج ) .

إن ما وريتك يابو إرهاصة ؟

[وليد صفوت]

حد يا جدعان يعرف أسامى جديدة تانية عشان نساير الموضوع السنة دى

:angry2: :lol: :o

[nancy]

استاذ كتامندوا

انا شفت بوسى بتاعة لاجيتى دى هى كانت بتحط روج برا شفايفها وكحل برا عنيها وروج جوجوا كتير ولابسة لبس ملخبط وايشارب ومبتسمة دائما ومبتخدش الا من الى وقفين فى الاشارة لحد الترام ما يعدى .. صح

والى بيغنى هندى دة كمان كنت ديما اشوفة فى شارع الشهدا فى محطة الرمل او ناحية تريانوا برضة على العجلة او ماشى والكاست الضخم على كتفة وبيغنى بمنتهى الحماس وهندى هندى مش اى كلام

[Cleo]

ذكور:

- سكرمون عبد الرازق

- شنتبيل الترزى

- اصطلاح أديب

- اسكربوط الحكيم

إناث:

- اصطباحة حشيش <_<

- فشخرة التركى

- كيداهم الأقرع

[مى محمد]

خد عندك يا سيدى....

فستكوتس صبرى

هلى بلى فريد

زحلاماء خليل

عشتروت يحيى

بنتكوينا لطفى

اندلاع محمد

و كفاية اوى لحد كده

[se_ Elsyed]

جابوا مُحلل سياسي إيراني بيتكلم عن الأزمة النووية وكدا .. إسمه إيه بقى :

" ما شاء الله شمس المعرفة " :closedeyes:

[مهيب]

فى واحد أوفيس بوى عندنا فى الشغل .. من الهند .. اسمه ايه بقى ؟؟ اسمه : أسد الزمان كاجار قدرة الله هيى ...

على فكرة ده اسمه الثلاثى ... المصيبة الحقيقة لما تشوقه وهو بينطق اسمه ... على طريقة الهنود فى هز الرأس أحيانا على سبيل الأدب أو النرفزة أو التوضيح أو التفخيم أو التحقير .. المهم ... بيبقى شكله مسخرة بجد .. هو أصلا مش معنى الاسم و مش عارف وقعه علينا احنا المتحدثين بالعربية ..

[shahd]

الأحول

الأعرج

الأصنج

سنان

ابولحوم

باصرة

الأعوج

دي العاهات واعضاء الجسم

نخش على عالم الحيوان الكبش

البقرة

جحيش

الثور

باتيس

مداعس( ولا مؤاخذة شباشب يعني)

[واحد تاني]

اسماء اناث :

زينزيبار حسنين

صاوصاو مجاهد

يسترك عز الرجال

اسماء ذكور :

سيد كموخة (بفتح الكاف وتشديد الميم على وزن كمونة)

وائل بس متقولش لحد (طبعا ملاحظين ان اسم والده مركب (بس متقولش لحد))

اشمعنا بشاي (طبعا اشمعنا هو الاسم الغير مألوف المقترح)

نصيحة لمن يشاهد هذا الموضوع لأول مرة -مثلي- حاول قراءته من اوله ... :blink: