ليه اللي بيشوف اللاب توب بتاعي لازم يضحك ؟

[جويرية]

من فترة بنت خالتي قالتلي ان اللاب توب مفروض يتحط علي سطح مفرغ

فأنا خفت علي اللاب توب من حر الترابيزة او المرتبة

المهم اني جبت قفص خضار و حطيت عليه اللاب توب

اي حد يدخل يشوف المنظر ده لازم ينفجر من الضحك و فيه ناس بتيجي تصور كمان

المهم بعد فترة كسلت و رجعت احط اللاب توب علي المرتبة تاني ، انهاردة خفت علي الحالة الصحية بتاعته رحت جبت القفص و قلت احطع عليه تاني

بس بعدين خفت علي اللاب بتاعي من التريقة و صعبان عليه حد يقعد يضحك عليه ، و هوه اغلي حاجة عندي في الدنيا بعد بابا الله يرحمه و ماما

مش عارفة اخلي اللاب توب بقفص ولا من غير قفص

[جويرية]

ادي شكل قفص الخضار لو فيه حد مش عارف شكله

بس انا بحط القفص بس مش بالخضار بتاعه ، وكمان بغطيه بمفرش اصل امي بتقولي ايه المنظر اللي انتي عملاهولي في البيت ده ، فأضطريت اغطيه طبعا

تم تعديل 28 يونيو 2011 بواسطة جويرية

[م تيمور المراغي]

وحشتينا يا جوجو

اعملي اللي انتي شايفاه مناسب وما يهمكيش تريقة حد مادام انتي مقتنعه بانه صحيح وسليم

بس فكرة تغطية القفص بمفرش فكره كويسة دارت المنظر وحققت الغرض

بس لازم المفرش يكون فراغاته واسعه مش قطعه واحده عشان التهوية والا مانبقاش عملنا حاجه

تحيتي يا جوجو لمواضيعك المتميزه والتلقائية

[مغتربة]

بصى فى ترابيزات لاب توب بتكون مصممه بشكل يسمح بتهويه الجهاز ممكن تجيبى منها

زى كدا

و فى انواع اغلى شويه بيكون فيها زى مراوح علشان تطلع هوا يبرد الجهاز

زى دى

[جويرية]

اشكرك يا اخت مغتربة ، انا ممكن اجيب ترابيزة من دول و احطها فوق القفص

[جويرية]

وحشتينا يا جوجو

اعملي اللي انتي شايفاه مناسب وما يهمكيش تريقة حد مادام انتي مقتنعه بانه صحيح وسليم

بس فكرة تغطية القفص بمفرش فكره كويسة دارت المنظر وحققت الغرض

بس لازم المفرش يكون فراغاته واسعه مش قطعه واحده عشان التهوية والا مانبقاش عملنا حاجه

تحيتي يا جوجو لمواضيعك المتميزه والتلقائية

انا بحط المفرش قدام امي بس لما تزعق ، لو نسيت خلاص بشيله

[م تيمور المراغي]

اشكرك يا اخت مغتربة ، انا ممكن اجيب ترابيزة من دول و احطها فوق القفص

هههههههههه

يخرب بيت كده ! :happy:

يعني القفص موجود موجود !

[أبو يمنى]

المهم اني جبت قفص خضار و حطيت عليه اللاب توب

أقترح محاولة البحث عن أي خيار آخر .

[ابراهيم عبد العزيز]

هو فى الحقيقة يا أخت جويرية من ضحكوا لهم كل العذر

وانا لو مكانهم كنت ساضحك بكل صراحة

فمشاهدة لاب توب موضوع فوق ( قفص خضار وفاكهة ) اكيد انه شىء جديد ومضحك ايضا هههههههههه

عموما اذا كنتي متمسكة بالقفص فيمكنك تغطيته من الخارج عن طريق لصق ورق ملون من الخارج ( من النوع الذى يلمع ) , مع ترك طبعات فتحات صغيرة بطريقة منظمة حتى يكون هناك تهوية لللابتوب

تم تعديل 28 يونيو 2011 بواسطة ابراهيم عبد العزيز

[كلمات]

ههههههههههههه

طبعًا أكيد عارفة سبب ضحك اللي بيشوف هالمنظر

لابتوب وسلة خضرة منظر متناقض تمامًا

بس مشكلتك كلنا أكيد واجهناها لأنه فعلاً الجهاز بيسخن لو حطيناه على سطح لايسمح بتهويته

المهم

أنا كنت داخلة أقولك على الطاولات اللي بتحكي عنها الاستاذة مغتربة

بديل ممتاز

وكمان أسعارها بمصر مش غالية

في القطعةاللي هي عبارة عن طاولة بمروحة بس بدون أرجل

تقريباً ب 70 جنية مصري

يعني موكثير وبنفس الوقت ترحمي جهازك من الشوب وترحمي حالك من التريقة

وإذا بدك حل سريع ممكن لو بتستخدمي الجهاز على طاولة تحطي على طرف الاب توب كتاب بحيث أنه يكون مش قاعد بشكل مستوي على الطاولة يكون في فراغ بينه وين الطاولة وبهيك بتسمحي للهوا بالدخول وللمروحة العمل بشكل جيد

أتمنى أكون أفدتك

بصراحة ضحكتيني الله يسعدك دنيا وآخرة يارب

والبسمة تنور وجهك

[عنبو]

انا نفس النظام حاطط اللاب بتاعى على قفص بس مش قفص خوص لا انا حاطه على قفص بلاستيك

ولونه اسود نفس لون الاب توب فمافيش حد بياخد باله يعنى

[الغريب]

أضحك الله سنك أخت جويرية

ليس شرط أن تضعي اللاب توب على شئ مفرغ كالـ"قفص" ولكن أي شئ مستوي مثال قطعة زجاج أو قطعة خشب

المشكلة في وضع اللاب توب على المرتبة أو المخدة هو أن هذه الأشياء "تكتم" اللاب من أسفل ولا يصير هناك أي فرصة للتهوية الذاتية باللاب

وضع اللاب على مكان مستقيم مثل الزجاج أو الخشب أو أي جسم يثبته على قواعده وبالتالي تحدث التهوية الذاتية

تحياتي...

[Alshiekh]

مافعلتيه يا استاذة جويرية يشبه مقولة كنا نرددها في الجيش " الجيش بيقول لك أتصرف "

ومافعلتيه هو فن الممكن ، لكن وضع مفرش على القفص يلغي فكرة التهوية اذا كان المفرش سيكون تحت اللاب توب.

اوحش شيئ لللاب توب هو وضعه على الأرجل أو على السرير او المخدات او على مفارش قطنية

وممكن زي الاستاذة مغتربة تشوفي قاعدة التبريد للاب توب

[الدكتورة أم أحمد]

مافعلتيه يا استاذة جويرية يشبه مقولة كنا نرددها في الجيش " الجيش بيقول لك أتصرف "

ومافعلتيه هو فن الممكن ، لكن وضع مفرش على القفص يلغي فكرة التهوية اذا كان المفرش سيكون تحت اللاب توب.

اوحش شيئ لللاب توب هو وضعه على الأرجل أو على السرير او المخدات او على مفارش قطنية

وممكن زي الاستاذة مغتربة تشوفي قاعدة التبريد للاب توب

رينا يسعدك والله ياجويرية بالفعل ضحكتني من قلبي

أنا بستخدم اللاب كاجلسات علاج طبيعي (للتسخين) على مفصل الركبة لما تكون ركبتي بتألمني

لذلك بسأل هو أوحش حاجة ليه ؟

[Alshiekh]

مافعلتيه يا استاذة جويرية يشبه مقولة كنا نرددها في الجيش " الجيش بيقول لك أتصرف "

ومافعلتيه هو فن الممكن ، لكن وضع مفرش على القفص يلغي فكرة التهوية اذا كان المفرش سيكون تحت اللاب توب.

اوحش شيئ لللاب توب هو وضعه على الأرجل أو على السرير او المخدات او على مفارش قطنية

وممكن زي الاستاذة مغتربة تشوفي قاعدة التبريد للاب توب

رينا يسعدك والله ياجويرية بالفعل ضحكتني من قلبي

أنا بستخدم اللاب كاجلسات علاج طبيعي (للتسخين) على مفصل الركبة لما تكون ركبتي بتألمني

لذلك بسأل هو أوحش حاجة ليه ؟

سخونة اللاب توب مضرة للجهاز وعند وضعه على الركب او الرجلين تقوم الملابس بتغطية فتحات المروحة التي تسحب الهواء البارد من الخارج لتبريد الـ CPU والفيديو تشيب.

أما ضرره على البشر فوضعه على الأرجل ضار للرجال بصفة خاصة حيث يؤثر على الانجاب أيضا بسبب الحرارة التي يولدها الجهاز ( حسب رأي دراسات قرأت عنها )

[Simba]

فانتازيا التكنولوجيا

[لماضة مصرية جدا]

السلام عليكم و رحمة الله و بركاته

طب ما تجيبي ترابيزة مقفصة او قفص متربز... :blink:

هو انا حاسة انك مهتمة بالقفص اكتر من اللاب توب ذات نفسيه....يعني حطيتي صورة القفص و مش ورتينا صورة اللاب...

طب ليه...ليه طيب..(وش عيل فضولي اوي و حاشر مناخيره)

انا استفدت اوي من المعلومات اللي حضراتكم قولتوها عن التهوية بتاعت اللاب توب...لاني تقريبا بنام و اللاب معايا...يعني اللاب زمانه مات و شبع موت...بس ده نوع اصيل لسه بيعافر زي صاحبته

و اذا كان علي الضحك استاذتي جويرية.....يااااااااااه خلي الناس تضحك و ايه اللي راح يحصل

احنا بنتنشق علي ضحكة مسروقة...وسط زيطة يومنا

خليها بقي تبقي طازة كده من علي وش القفص

مساكي.....ضحكة....و لاب توب.....و قفص...(عشان منبقاش نسينا حد)

[شرف الدين]

بسم الله الرحمن الرحيم

فكرة هايلة بصراحة يا جويرية

لكن عندي فكرة أفضل وأسهل بكتير وهي الفكرة اللي قالها الأخ ابراهيم

انا عندي في الأصل قاعدة خاصة باللابتوب .. مزودة بمروحة كمان ...

لكن الفكرة اللي قال عليها الأخ ابراهيم .. انا جربتها من زمان ولقيتها سهلة جدا ونتايجها هايلة ...

بجيب أي حاجة ترفع آخر اللابتوب عن سطح الترابيزة .. بحيث ميبقاش ضهر اللابتوب منه للطرابيزة علطول .. بيكون عامل مع الطرابيزة زاوية حادة ...

زي الصورة دي كده

الطرابيزة هي الخط الاسود واللاب هو الخط الأزرق ... والأحمر ده العلبة اللي برفع عليها اللاب.

الزاوية الحادة اللي بتكون بين اللاب وسطح المكتب بتساعد على تهوية الجهاز تماما ...

انا الجهاز بتاعي اتش بي ... وده بيسخن جدا .. لكن من ساعة ما جربت الطريقة دي مبقاش يسخن خالص تقريبا ... لدرجة اني مبقيتش احتاج احط له قاعدة التهوية اللي كنت اشتريتها مخصوص عشانه .

جربي الفكرة دي يا جويرية وإن شاء الله متحتاجيش القفص

[أمل حياتي]

دمك عسل يا جويريه ....

صدقيني حطيه على اي مكان يريحك المهم تندمجي معاه

وتعرفي تكتبي براحتك .....

[أسد]

تعليقاً على هذا الموضوع الهام

أقترح عليكي بعض الحلول

أو ده

علشان ماتحسيش باغربة بعيد عن القفص

وربنا يوفقك إن شاء الله