ليه اللي بيشوف اللاب توب بتاعي لازم يضحك ؟

[se_ Elsyed]

بصى فى ترابيزات لاب توب بتكون مصممه بشكل يسمح بتهويه الجهاز ممكن تجيبى منها

زى كدا

و فى انواع اغلى شويه بيكون فيها زى مراوح علشان تطلع هوا يبرد الجهاز

زى دى

أؤيد هذه الفكرة

برافو يا مغتربة

على فكرة يا جويرية .. في خصومات على الأستاندات دي اليومين دول

يعني النوع الأولاني ده بيعمل له حوالي 300 دولار .. يا بلاش

وفي منه ألوان كمان

هاتيه أهو يبقى اشيك من القفص

[جويرية]

هو فى الحقيقة يا أخت جويرية من ضحكوا لهم كل العذر

وانا لو مكانهم كنت ساضحك بكل صراحة

فمشاهدة لاب توب موضوع فوق ( قفص خضار وفاكهة ) اكيد انه شىء جديد ومضحك ايضا هههههههههه

عموما اذا كنتي متمسكة بالقفص فيمكنك تغطيته من الخارج عن طريق لصق ورق ملون من الخارج ( من النوع الذى يلمع ) , مع ترك طبعات فتحات صغيرة بطريقة منظمة حتى يكون هناك تهوية لللابتوب

ايوة انا برضو فكرت في الفكرة دي ، اني احط علي القفص شرايط ملونة وورد ، وكان فيه حاجة زمان اسمها ورق كوريشة مش عارفة اختفي ولا لسة موجود ، أسأل عليه عشان برضو لازم اخلي القفص يليق بمقام اللاب توب

[جويرية]

المهم اني جبت قفص خضار و حطيت عليه اللاب توب

أقترح محاولة البحث عن أي خيار آخر .

بالعكس القفص كان بيشيل حاجات احلي من اللاب توب ، ممكن يشيل تفاح او مانجه او بطيخ

[جويرية]

انا نفس النظام حاطط اللاب بتاعى على قفص بس مش قفص خوص لا انا حاطه على قفص بلاستيك

ولونه اسود نفس لون الاب توب فمافيش حد بياخد باله يعنى

دي نفس الفكرة ، بس انا مبحبش مادة البلاستيك ، بحس انها عايزة تحتل العالم ، و كونها سريعة الكسر بتسبب مشكلة في التخلص من النفايات

بينتج عن حرق النفايات غازات ضارة ، في الخارج موضوع التخلص من النفايات او اعادة تدويرها

لكن عندنا النفايات بتملأ الشوارع

[جويرية]

القفص مصنوع من جريد النخل ، شئ جميل ان كان في الارياف زمان بيعملوا الاثاث ز حتى سقف المنزل كان بيبقي من الجريد ، يا ريت يرجع الاكتفاء الذاتي في القرية زي زمان

اما دلوقتي الاسراف في استخدام الاخشاب و القطع الجائر للأشجار و الغابات ، انا اظن ان الانسان في النصف قرن الماضي ، استهلك اشجار قد اللي استهلكه البشر من فجر التاريخ

اللي بيغظني اكتر ، المجلات اللي فيها موديلات الاثاث ، و الناس اللي بتغير عفشها علي طول ، وزي ما قريت كلام مهندس بيقول عن واحدة في نفس السنة قالتله ان خلاص زهقت من الاثاث ده وعايزة غيره

انا بتصعب عليا الشجرة اللي بتضحي بحياتها عشان البنأدمين ، و بعد كدة الناس بكل ببساطة ترمي العفش ده و تجيب غيره

ممكن نقول المادة لا تفني ، يعني ما هوه العفش المستعمل حيتباع تاني ، بس هوه لما بيتباع تاني مش بيتباع بتمنه ابدا ، ده بيتباع ولا ب 10 % او اقل من تمنه

انا شايفة ان المجلات اللي فيها موديلات العفش ، دي مجلات بتحض علي الجريمة ، يعني مثلا لما انسان يقتل حيوان ومش عايز ياكله ، يبقي ده قتل ، برضو لما نقتل الشجرة عشان نغير موديلات العفش

صحيح مفروض الدولة تصدر قانون حفاظا علي الاشجار ، ان محدش يبدل عفش بيته الا اذا كان العفش ده خلاص حيتكسر ، يعني مثلا واحد نايم علي السرير و السرير يقع بيه ، او ضلفة الدولاب تقع علي رجله تكسرها

يعني الواحد يجيب تقرير طبي ان العفش ده بيهدد حياته ، لولا ما الحكومة تسمح له بشراء عفش جديد

و اكيد القرار ده حيسعد الاشجار جدا و حيدعولنا كمان ، و حيملولنا الدنيا خضرة و اكسجين و جمال

[جويرية]

أضحك الله سنك أخت جويرية

ليس شرط أن تضعي اللاب توب على شئ مفرغ كالـ"قفص" ولكن أي شئ مستوي مثال قطعة زجاج أو قطعة خشب

المشكلة في وضع اللاب توب على المرتبة أو المخدة هو أن هذه الأشياء "تكتم" اللاب من أسفل ولا يصير هناك أي فرصة للتهوية الذاتية باللاب

وضع اللاب على مكان مستقيم مثل الزجاج أو الخشب أو أي جسم يثبته على قواعده وبالتالي تحدث التهوية الذاتية

تحياتي...

يعني يستوي استخدام المراوح السفلية مع عدم استخدامها

[جويرية]

مافعلتيه يا استاذة جويرية يشبه مقولة كنا نرددها في الجيش " الجيش بيقول لك أتصرف "

ومافعلتيه هو فن الممكن ، لكن وضع مفرش على القفص يلغي فكرة التهوية اذا كان المفرش سيكون تحت اللاب توب.

اوحش شيئ لللاب توب هو وضعه على الأرجل أو على السرير او المخدات او على مفارش قطنية

وممكن زي الاستاذة مغتربة تشوفي قاعدة التبريد للاب توب

وفي مثل تاني بيقول ( الشاطرة تغزل برجل حصان ) نمشيها حصان

ومثل تاني بيقول ( حمارتي العرجا تغنيني عن سؤال اللئيم )

بس مش عارفة القاعدة الي فيها مراوح دي صوتها هادئ ولا المرواح دي بتزن و بتعمل دوشة

[جويرية]

مافعلتيه يا استاذة جويرية يشبه مقولة كنا نرددها في الجيش " الجيش بيقول لك أتصرف "

ومافعلتيه هو فن الممكن ، لكن وضع مفرش على القفص يلغي فكرة التهوية اذا كان المفرش سيكون تحت اللاب توب.

اوحش شيئ لللاب توب هو وضعه على الأرجل أو على السرير او المخدات او على مفارش قطنية

وممكن زي الاستاذة مغتربة تشوفي قاعدة التبريد للاب توب

رينا يسعدك والله ياجويرية بالفعل ضحكتني من قلبي

أنا بستخدم اللاب كاجلسات علاج طبيعي (للتسخين) على مفصل الركبة لما تكون ركبتي بتألمني

لذلك بسأل هو أوحش حاجة ليه ؟

اشكرك يا اختي العزيزة ،

لا انا خلاص حعدل افكاري القديمة دي ومش حستخدم القفص ، بفكر عشان موضوع التبريد ده اني احط اللاب في التلاجة كل نص ساعة ، يعني عشان القاعدة اللي فيها مراوح دي مراوحها صغيرة ومش حتجيب هوا

[جويرية]

ههههههههههههه

طبعًا أكيد عارفة سبب ضحك اللي بيشوف هالمنظر

لابتوب وسلة خضرة منظر متناقض تمامًا

بس مشكلتك كلنا أكيد واجهناها لأنه فعلاً الجهاز بيسخن لو حطيناه على سطح لايسمح بتهويته

المهم

أنا كنت داخلة أقولك على الطاولات اللي بتحكي عنها الاستاذة مغتربة

بديل ممتاز

وكمان أسعارها بمصر مش غالية

في القطعةاللي هي عبارة عن طاولة بمروحة بس بدون أرجل

تقريباً ب 70 جنية مصري

يعني موكثير وبنفس الوقت ترحمي جهازك من الشوب وترحمي حالك من التريقة

وإذا بدك حل سريع ممكن لو بتستخدمي الجهاز على طاولة تحطي على طرف الاب توب كتاب بحيث أنه يكون مش قاعد بشكل مستوي على الطاولة يكون في فراغ بينه وين الطاولة وبهيك بتسمحي للهوا بالدخول وللمروحة العمل بشكل جيد

أتمنى أكون أفدتك

بصراحة ضحكتيني الله يسعدك دنيا وآخرة يارب

والبسمة تنور وجهك

اشكرك اختي كلمات

انا فعلا اول مرة اعرف ان فيه قواعد للاب و عرفت الكلام ده من الاخت مغتربة ، بفكر فعلا اني اشتري القاعدة اللي فيها مراوح دي

[جويرية]

انا نفس النظام حاطط اللاب بتاعى على قفص بس مش قفص خوص لا انا حاطه على قفص بلاستيك

ولونه اسود نفس لون الاب توب فمافيش حد بياخد باله يعنى

دي نفس الفكرة ، بس انا مبحبش مادة البلاستيك ، بحس انها عايزة تحتل العالم ، و كونها سريعة الكسر بتسبب مشكلة في التخلص من النفايات

بينتج عن حرق النفايات غازات ضارة ، في الخارج موضوع التخلص من النفايات او اعادة تدويرها

ده موضوع مخطط له

لكن عندنا النفايات بتملأ الشوارع

[جويرية]

فانتازيا التكنولوجيا

صحيح الجديد مفروض ميطردش القديم لكن يتكامل معاه

اهو انا صورة اللاب بتاعي ده وهوه علي القفص دعوة للتعايش بين الحضارات ،

[pink rose]

اللاب توب عندي ضرب من يومين

يا ريته فضل بصحته ان شالله حتى احطه على قفص خضار

بس كان يفضل عايش

cr((:

:cry:

:cry1:

[أمل حياتي]

كله يتصلح يا pink rose

مفيش اكتر من جهازي شرب مره بيبسي بتاع الكنتاكي

ومره شاي سخن وصلحته ورجعته زي ما كان عشان عندي وفاء ليه

مع ان جتلي اجهزه كتير الا ده تعودت عليه ما افرطش فيه

لان كل اجهزة زمان اصليه وجامده .....

صلحيه وحيرجع يشتغل زي الفل ......

[م تيمور المراغي]

صحيح مفروض الدولة تصدر قانون حفاظا علي الاشجار ، ان محدش يبدل عفش بيته الا اذا كان العفش ده خلاص حيتكسر ، يعني مثلا واحد نايم علي السرير و السرير يقع بيه ، او ضلفة الدولاب تقع علي رجله تكسرها

يعني الواحد يجيب تقرير طبي ان العفش ده بيهدد حياته ، لولا ما الحكومة تسمح له بشراء عفش جديد

و اكيد القرار ده حيسعد الاشجار جدا و حيدعولنا كمان ، و حيملولنا الدنيا خضرة و اكسجين و جمال

بذمتكم في في الدنيا تلقائية كده :happy:

جوجو انتي جامده جدا

على فكرة

فيه جمعيات للحفاظ ع البيئة في امريكا شغلانتها محاربة قطع اشجار الغابات المطيرة في الامازون

يعني افكارك دي لها ثقل مجتمعي وكل حاجه

بس حتت ان الواحد يجيب تقرير ان الاثاث بيهدد حياته

وان الاشجار حتفرح دي مالهاش حل يا جوجو :happy:

[Damo]

اللابتوب بتاعي عندو عيب خلقي و التهوية محدوفة على جمب واحد. بحطه على كتاب بحيث الناحية اللي فيها التهوية طايره في الهوا وهو بيوزن نفسو

بس ده في حالتي مش بقعد على كرسي وتربيظة زي الناس. لكن لو حضرتك بتقعدي على السفرة مثلا ومفيش عليها مفرش مش مفروض يبقى في أي مشاكل.

بس انا بحط القفص بس مش بالخضار بتاعه.

مرة والدي كان عايز يشرح لراجل على قد حاله انو يعمل كمادات والراجل مش فاهم كلمة كمادات ولا مستوعبها خالص. راح قاله عارف الكيس اللي بتيجي فيه الفرخة أهو كيس زيه كده بالظبط وحطه على الوجع. الراجل قاله طب احطه بالفرخة ؟؟؟

أنا بستخدم اللاب كاجلسات علاج طبيعي (للتسخين) على مفصل الركبة لما تكون ركبتي بتألمني

لذلك بسأل هو أوحش حاجة ليه ؟

سخونة اللابتوب مضرة جدا جدا جدا جدا جدا للجلد. كذا مرة أسمع عن حوادث بسبب الموضوع ده ودايما يحذروا إن سخونة اللابتوب خداعة عشان الواحد بـيحس إنها عادية ويمكن جميلة في الشتا لكن أضرارها فظيعة. كأنك بتطبخي على نار هادية.

مالها الاربه؟

[الدكتورة أم أحمد]

القفص مصنوع من جريد النخل ، شئ جميل ان كان في الارياف زمان بيعملوا الاثاث ز حتى سقف المنزل كان بيبقي من الجريد ، يا ريت يرجع الاكتفاء الذاتي في القرية زي زمان

اما دلوقتي الاسراف في استخدام الاخشاب و القطع الجائر للأشجار و الغابات ، انا اظن ان الانسان في النصف قرن الماضي ، استهلك اشجار قد اللي استهلكه البشر من فجر التاريخ

اللي بيغظني اكتر ، المجلات اللي فيها موديلات الاثاث ، و الناس اللي بتغير عفشها علي طول ، وزي ما قريت كلام مهندس بيقول عن واحدة في نفس السنة قالتله ان خلاص زهقت من الاثاث ده وعايزة غيره

انا بتصعب عليا الشجرة اللي بتضحي بحياتها عشان البنأدمين ، و بعد كدة الناس بكل ببساطة ترمي العفش ده و تجيب غيره

ممكن نقول المادة لا تفني ، يعني ما هوه العفش المستعمل حيتباع تاني ، بس هوه لما بيتباع تاني مش بيتباع بتمنه ابدا ، ده بيتباع ولا ب 10 % او اقل من تمنه

انا شايفة ان المجلات اللي فيها موديلات العفش ، دي مجلات بتحض علي الجريمة ، يعني مثلا لما انسان يقتل حيوان ومش عايز ياكله ، يبقي ده قتل ، برضو لما نقتل الشجرة عشان نغير موديلات العفش

صحيح مفروض الدولة تصدر قانون حفاظا علي الاشجار ، ان محدش يبدل عفش بيته الا اذا كان العفش ده خلاص حيتكسر ، يعني مثلا واحد نايم علي السرير و السرير يقع بيه ، او ضلفة الدولاب تقع علي رجله تكسرها

يعني الواحد يجيب تقرير طبي ان العفش ده بيهدد حياته ، لولا ما الحكومة تسمح له بشراء عفش جديد

و اكيد القرار ده حيسعد الاشجار جدا و حيدعولنا كمان ، و حيملولنا الدنيا خضرة و اكسجين و جمال

ممكن تروحي للناس اللي بيعملوا الأقفاص وتقولي لهم يعملوا قاعده للاب توب ولو هتاخديه معاك علشان يشوفوه تكون شيك من الجريد وتلونيها

يعني زي سلة التيلفون اللي معموله من الجريد

وممكن يبقى منتج في الأسواق بعد كدا ويكون أشكال وألوان طيبة

[عصام أبوالفتح]

قفص وبيبسى وشاى فى اللابتوب.!. . فين جمعيات حقوق اللابتوب ? حرام عليكم ارحموا عزيز قوم ذل

[م تيمور المراغي]

ممكن تروحي للناس اللي بيعملوا الأقفاص وتقولي لهم يعملوا قاعده للاب توب ولو هتاخديه معاك علشان يشوفوه تكون شيك من الجريد وتلونيها

يعني زي سلة التيلفون اللي معموله من الجريد

وممكن يبقى منتج في الأسواق بعد كدا ويكون أشكال وألوان طيبة

فكره جميله

,,

[جويرية]

السلام عليكم و رحمة الله و بركاته

طب ما تجيبي ترابيزة مقفصة او قفص متربز... :blink:

هو انا حاسة انك مهتمة بالقفص اكتر من اللاب توب ذات نفسيه....يعني حطيتي صورة القفص و مش ورتينا صورة اللاب...

طب ليه...ليه طيب..(وش عيل فضولي اوي و حاشر مناخيره)

انا استفدت اوي من المعلومات اللي حضراتكم قولتوها عن التهوية بتاعت اللاب توب...لاني تقريبا بنام و اللاب معايا...يعني اللاب زمانه مات و شبع موت...بس ده نوع اصيل لسه بيعافر زي صاحبته

و اذا كان علي الضحك استاذتي جويرية.....يااااااااااه خلي الناس تضحك و ايه اللي راح يحصل

احنا بنتنشق علي ضحكة مسروقة...وسط زيطة يومنا

خليها بقي تبقي طازة كده من علي وش القفص

مساكي.....ضحكة....و لاب توب.....و قفص...(عشان منبقاش نسينا حد)

لا انا محدش عندي في الدنيا دي اغلي من اللاب توب ولا قفص و لا غيره

انا كل يوم بدعي للي اخترع الكمبيوتر ، بمناسبة الدعاء لغير المسلمين يعني ، كانت واحدة زميلتي في الشغل كل يوم تدعي للي اخترع الغسالة الاتوماتيك ، انا لولا الكمبيوتر كان زماني قاعدة بسمع اذاعة البرنامج العام و الشرق الاوسط زي جدتي الله يرحمها

كنت اقعد انا و هيا هيا معاها الراديو و انا معايا اللاب ، جدتي الله يرحمها كانت بتعتبر اللاب توب فيه مارد بتاع مصباح علاء الدين اللي تأمريه امر و ينفذ ، هيا مستغربة ان تقولي عايزة اعرف خبر عن كذا و في ثانية اجبلها الخبر و الصور كمان

مساكي ضحكة و لابتوب و خير و سعادة

[جويرية]

بسم الله الرحمن الرحيم

فكرة هايلة بصراحة يا جويرية

لكن عندي فكرة أفضل وأسهل بكتير وهي الفكرة اللي قالها الأخ ابراهيم

انا عندي في الأصل قاعدة خاصة باللابتوب .. مزودة بمروحة كمان ...

لكن الفكرة اللي قال عليها الأخ ابراهيم .. انا جربتها من زمان ولقيتها سهلة جدا ونتايجها هايلة ...

بجيب أي حاجة ترفع آخر اللابتوب عن سطح الترابيزة .. بحيث ميبقاش ضهر اللابتوب منه للطرابيزة علطول .. بيكون عامل مع الطرابيزة زاوية حادة ...

زي الصورة دي كده

الطرابيزة هي الخط الاسود واللاب هو الخط الأزرق ... والأحمر ده العلبة اللي برفع عليها اللاب.

الزاوية الحادة اللي بتكون بين اللاب وسطح المكتب بتساعد على تهوية الجهاز تماما ...

انا الجهاز بتاعي اتش بي ... وده بيسخن جدا .. لكن من ساعة ما جربت الطريقة دي مبقاش يسخن خالص تقريبا ... لدرجة اني مبقيتش احتاج احط له قاعدة التهوية اللي كنت اشتريتها مخصوص عشانه .

جربي الفكرة دي يا جويرية وإن شاء الله متحتاجيش القفص

مظبوط كلام حضرتك بس انا كنت عايزة حاجة مرتفعة يعني في حدود 30 سم مثلا ، ومعرفش ابدا ان فيه قواعد للاب غير لما كتبت الموضوع ده

ففكرت اني افصل ترابيزة لقيتها حتبقي تقيلة عليا في الشيل ، ملقيتش غير القفص حيبقي متين يستحمل اللاب و في نفس الوقت خفيف