8 يوليو ,, جمعة الاصرار ع المطالب !

[ozoozo]

http://www.youtube.com/watch?v=jHdmyIotKak

--------------------------

يامصر هانت وبانت كلها كام يوم... نهارنا نادي ونهار الندل مش باين

الدولة مفضلش منها إلا حبة شوم..

لو مش مصدق تعالي ع الميدان عاين ياناس مفيش حاكم إلا من خيال محكوم..

واللي هيقعد في بيته بعدها خاين اللي هيقعد كأنه سلم التانيين للأمن بإيديه وقاله هما ساكنين فين..

وصلت لضرب الرصاص ع الخلق في الميادين حتى الجثث حجزوها اكمنهم خايفين..

يامصر أصبحنا أحياء وميتين مساجين فاللي هيقعد في بيته يبقى مش مفهوم..

واللي هينزل الهي حارسه صاين يامصر هانت وبانت كلها كام يوم..

نهارنا نادي ونهار الندل مش باين.

نهارنا نادي وبايدينا علي فكرة.. الصبح عنده فضول راح نعمل إيه بكرة.

إيده علي الباب وخايف يلمس الأكرة.. ادخل ياأستاذ براحتك والبلد حرة.

إحنا زهقنا نشوف الصبح من برة.. ادخل وخرج بقايا العتمة بالمرة.

الناس ديه حرة وجنود الأمن مضطرة.. ياصبح طلعت روحنا لجل تيجي ياخي.

طالعين نجبيها أهو فى كل حارة وحي..حتى لو ضربونا بالرصاص الحي.

شوف الميادين كدة مفروشة خلق وضي.. دايما مفاجأة ودايما وقتها معلوم.

الحكم لينا وليك الحق يامداين.. يامصر هانت وبانت كلها كام يوم .

نهارنا نادي ونهار الندل مش باين.. ياصف عسكر بدال الدرع شيلوة اثنين.

25 يناير ياشباب فاكرين.. كان فيه انجليز ووزير الداخلية تخين...

كان عنده برضه عساكر زيكم جامدين.

سابهم يموتوا علولا لم سأل فيهم.. كانوا شبهكم اساميكم اساميهم.

ياعسكري البهوات اللي بتحميهم.. ممكن يردوا عليك لما تناديهم.

ياعسكري أنا أصلي بس بستغرب.. لو لاقي تأكل وتشرب قوم ياعم اضرب.

اضرب عشان الوزير من ضربتك يطرب.. لكن هتشتغل ايه لما الوزير يهرب.

أما الشديد القوي القادر أبو القادر.. برميل تلامة نشع علي مصر من الآخر.

لو شفته معددة تكتب ادب ساخر.. ثابت يقول للهرم ياكابتن اتاخر.

ولم يزل معتقد ان الهرم هيقوم.. ادي الحجر والبشر قايمين ياسيد القوم.

والدين هيترد ياللي عشت متداين.. يامصر هانت وبانت كلها كام يوم.

نهارنا نادي ونهار الندل مش باين.. ده حكم أسرة ولا خوفو ولا خفرع.

ولا وجع بطن يتعالج بزيت خروع.. عمل مسوجر بعيد عنك ولايطلع.

جربنا فيه كل شىء ملقينا شىء ينفع.. منفعش بالأدوية جربنا ألف طبيب..

ولا بعطارة شيوخ ليهم بلح وزبيب.

ولا بجحفل مغولى وضرب بالقباقيب.. عمل مسوجر وسفلي شغل تل أبيب.

وشغل أمريكا متغلف وختمة عليه.. ضيف زارنا ياعم من غير دعوة لابس بيه.

قعد 30 سنة مايقولش قاعد لية.. والنية يديها لابنه النابغة بعديه.

ويقول قضا وقدر بين البشر محتوم.. قولناله طيب ومين قال للقدر معلوم.

واش عرفك يافخمتك بالذي كاين.. يامصر هانت وبانت كلها كام يوم..

نهارنا نادي ونهار الندل مش

[م تيمور المراغي]

اصغر مواطنه مصريه انضمت لجمعة الاصرار :happy:

[م تيمور المراغي]

المظاهرات مالهاش طعم من غير حبيب العادلي و حسني مبارك وامن الدولة :P

تم تعديل 7 يوليو 2011 بواسطة architect

[م تيمور المراغي]

عاوزين يعيشوا

ويتعلموا

ويتفسحوا

ويبتسموا !

عاوزين حياة هادية من غير قلق

عاوزين يحلموا ببكره

زي كل البشر !!

امانه عليكم

الناس دي هي

امانه في ايديكم !

[لماضة مصرية جدا]

السلام عليكم و رحمة الله و بركاته

مع اني قايمة النهاردة و حزينة جدا لاني حاولت الاقي احجز لمصر و احبطت جدا

محبطة جدا...جدا...جدا....اصحابي سبقوني من اول الاسبوع

بس بقول يا رب....دي مشيئتك

اللي اقدر عليه

هو اني اقول

اللي هينزل بكرة ......يا رب.....يا رب.....يا رب.....تكونوا بألف خير

من قلبي اوي بدعي

يا رب

انت كريم اوي

http://www.youtube.com/watch?v=b9h01i09AgQ

أموت

أعيش

ميهمنيش

و كفاية عليا....أشوف "علمك" باقي....باقي...باقي

[لماضة مصرية جدا]

شعراء المحاورات

محتاجين شعارات بالله عليكم نكتبها بكره على اليفط واللافتات وتكون سهله وعاميه زي مثلا

بحلف بسماها وبترابها

ما حفرط ثانيه في مطالبها ,,

يعني المطالب ادامكم ومنتظرين ابداعاتكم

ادينا كلنا نازلين واتفقنا مش حنرفع شعارات لاي تيار سياسي على الاطلاق عشان نتوحد وده كان قرار رائع

السلام عليكم و رحمة الله و بركاته

انا مش من شعراء المحاورات بس هكتب اللي بحسه دلوقتي و يعلم ربي اني ببكي جدا لاني كان نفسي اكون هناك مش هنا

أموت و اعيش

ميهمنيش

و كفاية عليا أوشف علمك...باقي...باقي.....باقي

--------------

مطلبنا مكنشي كبير

مطلبنا.....نحس بالتغيير

انا راجع.....راجع يا ميدان التحرير

-------------------

ارفع راسك فوق.....انت مصري..(ده مش كلماتي....بس لازم الناس ترجع تحسه تاني)

----------------

وسط المخاطر....علشانك يا مصر راح اخاطر

------------

أنا بحبك يا بلادي......

صوت الحرية بينادي

أنا بحبك......يا بلادي

--------------

قولوا للثورة متخافيش

مصر جوانا.....لسه قادرة تعيش

---------------------

سلمية......سلمية.....سلمية....(برضه دي مش كلماتي...بس علشان نفكر نفسنا الثورة اتبدت ازاي و هتكمل باذن الله ازاي)

----------------------------

عدالة.....عدالة......عدالة

---------------

ثورة......مش شاي بلبن....(حتة كوميدي بقي...اكيد اليوم هيبقي مطول....فعايزين يعني نطري القعدة:)

----------

لو جه في بالي حاجة تانية...هاجي اكتبها

يا رب اكون قدرت افيد

[امير مجروح]

وضع اهالى السويس هذه اللا فتة على مبنى مدرية أمن السويس ....

[Abu Reem]

عاوز أسأل سؤالين أو افكر بصوت عالي

- دلوقت لو حدث مواجهات في يوم الجمعة 8 يوليو..سواء كانت المواجهات مدبرة من اي طرف من الاطراف ( المجلس العسكري أو الشرطة أو مندسين من الخارج أو من بلطجية أو من فلول النظام السابق أو حتى من بعض الثوار الذين يريدون الامور تشتعل)

لو حدثت احداث دموية في هذا اليوم فما هي الخطوة القادمة ... هل مواصلة الثورة وتبادل العنف بالعنف..حتى أجل غير مسمى وبعد ذلك نسمع كالعادة مطالب جديدة..للتحقيق في احداث هذا اليوم...وتقديم المتورطين الى العدالة...؟؟؟ أما ماذا

- السؤال الثاني ..لو مر اليوم بسلام( بإذن الله) فما هي الخطوة القادمة...هل يعني تكون مظاهرة وعدت...ويكون المجلس العسكري..ترك الناس تفش خلقها...وودن من طين وودن من عجين...؟؟؟؟ وشوية قرارات زي كل مرة وبعدين بعدها بكام اسبوع نجد ان الأمور كما هي..

- ما هي الخطة.....

لابد ان يكون هناك جدول زمني سريع لتحقيق المطالب وتنفيذها على ارض الواقع بجدية..

أو خطة أخرى غير التظاهر في ميدان التحرير لتحقيق مطالب الشعب لأنه لو لم نرى شيئا حقيقيا يتحقق بعد هذه المظاهرة ، ستفقد تظاهرات التحرير معناها ..!!!

غير كده يبقى شاي بلبن زي ما لماضة قالت

تم تعديل 7 يوليو 2011 بواسطة Abu Reem

[ابراهيم عبد العزيز]

فيه أيه ؟؟؟

أنا حاسس هنلاقي طنطاوي و شرف في الميدان !!!

بيهتفوا الشعب يريد إسقاط النظام

الحكومة توافق على ''جمعة التطهير'' وتحذر من مُناهضي الثورة

جميل أن الحكومة توافق على جمعة التطهير

ولكن الاجمل لحكومة الثورة كجهة تنفيذية أن تترك التظاهرات وتنظيمها والموافقة عليها للمواطن العادي , وأن تتفرغ هى لتطبيق وترجمة مطالب الثورة على ارض الواقع

[لماضة مصرية جدا]

علاء الأسواني : أخطأنا في حق الثورة مرتين ..

المرة الأولى عندنا تركنا الميدان يوم 11 فبراير قبل تحقيق مطالب الثورة كاملة ..

والخطأ الثاني عندما ظننا أن طريق الديموقراطية ممهد

بلال فضل :

إذا كان المشير طنطاوي متوقع من أهالي الشهداء أن يصبروا ويضحوا عشان مصر ..

لازم المشير يضحي بعلاقته بمبارك من أجل مصر في الاول ..

وكيف نحاكم الثوار والناشطين محاكمات عسكرية

ونمارس أقصى درجات الدلع القانوني للنظام السابق وضباط الشرطة

كلنا خالد سعيد

[عنبو]

الاسراع فى الانتخابات هو الحل لا شىء اخر اللهم قد بلغت اللهم فاشهد

تحياتى

عنبو

[م تيمور المراغي]

عاوز أسأل سؤالين أو افكر بصوت عالي

- دلوقت لو حدث مواجهات في يوم الجمعة 8 يوليو..سواء كانت المواجهات مدبرة من اي طرف من الاطراف ( المجلس العسكري أو الشرطة أو مندسين من الخارج أو من بلطجية أو من فلول النظام السابق أو حتى من بعض الثوار الذين يريدون الامور تشتعل)

لو حدثت احداث دموية في هذا اليوم فما هي الخطوة القادمة ... هل مواصلة الثورة وتبادل العنف بالعنف..حتى أجل غير مسمى وبعد ذلك نسمع كالعادة مطالب جديدة..للتحقيق في احداث هذا اليوم...وتقديم المتورطين الى العدالة...؟؟؟ أما ماذا

- السؤال الثاني ..لو مر اليوم بسلام( بإذن الله) فما هي الخطوة القادمة...هل يعني تكون مظاهرة وعدت...ويكون المجلس العسكري..ترك الناس تفش خلقها...وودن من طين وودن من عجين...؟؟؟؟ وشوية قرارات زي كل مرة وبعدين بعدها بكام اسبوع نجد ان الأمور كما هي..

- ما هي الخطة.....

لابد ان يكون هناك جدول زمني سريع لتحقيق المطالب وتنفيذها على ارض الواقع بجدية..

أو خطة أخرى غير التظاهر في ميدان التحرير لتحقيق مطالب الشعب لأنه لو لم نرى شيئا حقيقيا يتحقق بعد هذه المظاهرة ، ستفقد تظاهرات التحرير معناها ..!!!

غير كده يبقى شاي بلبن زي ما لماضة قالت

ردا ع السؤالين

- المواجهات او التحرشات ضد المتظاهرين من اي قوى معادية للثورة بتحصل لما يكون عددهم بعشرات الالوف

اما ومئات الالوف نازلين بكره في جميع محافظات الجمهورية واخص هنا ميدان التحرير فاستحالة حد حيفكر يهوب هناك ,, الميدان متامن من امبارح بالليل حتى اسطح العمارات المحيطة بالميدان تم تأمينها وستواجد عليها افراد من اللجان الشعبيه للاطمئنان على عدم تسلل اي عناصر مخربة اليها وابواب العمارات الحديد مغلقة لايدخلها الا اصحابها والشباب فقط ,,

- الموضوع مش يوم ويعدي بحلوه ومره لان بكره : ( اعتصام ) وليس مظاهرة ده ما استقر عليه ضمير اغلب القوى المشاركة لحين تنفيذ المطالب ,,

[لماضة مصرية جدا]

عاوز أسأل سؤالين أو افكر بصوت عالي

- دلوقت لو حدث مواجهات في يوم الجمعة 8 يوليو..سواء كانت المواجهات مدبرة من اي طرف من الاطراف ( المجلس العسكري أو الشرطة أو مندسين من الخارج أو من بلطجية أو من فلول النظام السابق أو حتى من بعض الثوار الذين يريدون الامور تشتعل)

لو حدثت احداث دموية في هذا اليوم فما هي الخطوة القادمة ... هل مواصلة الثورة وتبادل العنف بالعنف..حتى أجل غير مسمى وبعد ذلك نسمع كالعادة مطالب جديدة..للتحقيق في احداث هذا اليوم...وتقديم المتورطين الى العدالة...؟؟؟ أما ماذا

- السؤال الثاني ..لو مر اليوم بسلام( بإذن الله) فما هي الخطوة القادمة...هل يعني تكون مظاهرة وعدت...ويكون المجلس العسكري..ترك الناس تفش خلقها...وودن من طين وودن من عجين...؟؟؟؟ وشوية قرارات زي كل مرة وبعدين بعدها بكام اسبوع نجد ان الأمور كما هي..

- ما هي الخطة.....

لابد ان يكون هناك جدول زمني سريع لتحقيق المطالب وتنفيذها على ارض الواقع بجدية..

أو خطة أخرى غير التظاهر في ميدان التحرير لتحقيق مطالب الشعب لأنه لو لم نرى شيئا حقيقيا يتحقق بعد هذه المظاهرة ، ستفقد تظاهرات التحرير معناها ..!!!

غير كده يبقى شاي بلبن زي ما لماضة قالت

السلام عليكم و رحمة الله و بركاته

استاذي الفاضل

تخوف حضرتك من حدوث مواجهات تخوف في محله تماما

بس جمعة العدالة هتكون سلمية سلمية سلمية....زي ما الثورة ابتدت و حمت نفسها و كبرت في وسط الميدان و كانت سلمية هتفضل سلمية

لو حصل ما حضرتك ذكرته اعتقد ان اللي منزلشي ساعتها مش عارفة راح يستني ايه اكتر من كده علشان ينزل

و ساعتها نشكر المجلس العسكري انه عمال يدي طاقة دفع ان الثورة تستمر للامام

بالنسبة لسؤال حضرتك ماذا بعد

وجهة نظري الخاصة جدا و دي اللي انا اخترتها في التصويت اللي حطه باشمهندس اركتيكت

انا اخترت التظاهر لغاية الساعة السادسة

لكن اعتقد ان الخطوة اللي بعدها هتكون اعتصام

يا ثورة كاملة....يا اما مافيش حل غير الاعتصام لتحقيق المطالب

مش هي كده كده خسرانة خسرانة

يبقي تكون بكرامة احسن

و دي وجهة نظري الخاصة قد اصيب و قد اخطيء

المجلس العسكري لازم يفهم ان الناس مش طالعة تفش خلقها و انا سياسة اعمل خرم في غطا الحلة علشان الناس تنفس غضبها دي مبقتشي تنفع

الناس نفسها لازم يرجعلها ايمانها ان فيه ثورة و ثورة حقيقية كانت بتقوم علي 3 حاجات...كرامة و عدالة و حرية...لازم نرجع نفكر نفسنا تاني

التحرزبات و الانشقاقات و السبعين مليون مجادلة و سلخ في كل ناحية لازم ترجع تتلم علي اتجاه واحد و نلاقي اجابة علي سؤال واحد

هي كانت ثورة و لا شاي بلبن

(بالنسبة للمصطلح الحقيقي و احقاقا للحق انا قريته اول مرة عند عنبو...و عجبني....فعلشان ننسب الحق لاصحابه و في نفس الوقت علشان لما يجوا يقبضوا علي المحرضين البلطجية...احب ان عنبو ينضم لينا:)

صباح حضرتك يقين.....ان الفرج قادم لا محالة...مسالة وقت...و صبر

تم تعديل 7 يوليو 2011 بواسطة لماضة مصرية جدا

[لماضة مصرية جدا]

الاسراع فى الانتخابات هو الحل لا شىء اخر اللهم قد بلغت اللهم فاشهد

تحياتى

عنبو

السلام عليكم و رحمة الله و بركاته

يعني انا نفسي افهم يا عنبو انتخابات ايه اللي راح تنفع و اصلا لسه مطالب الثورة متحققتشي

طب هتنتخب مين

طب و ازاي

هي الثورة كانت علشان نشيل مبارك

و نحط وش تاني غيره

و لا كانت علشان نتطهر من كل الوشو العفنة اللي بتوصل للسلطة و بتبت فيها و بتستمد شرعيتها من قوانين عقيمة و نقعد نعافر فيهم سنين علشان نطلعهم

طب نوصل لانتخابات ازاي من غير ما يكون فيه قانون يحميها و ينظمها

طب نوصل لانتخابات ازاي و اصلا لسه مافيش تطهير للشرطة و لا للقضاء اللي هتتم تحت عينه الانتخابات

فهمني الله يرضي عليك

صباحك....ترتيب اولويات..

و دي وجهة نظر

[Nileman]

رأيي ان المظاهرات دي فرصة للبلطجية يشتغلوا براحتهم نظرا لتوجه انظار الامن و الجيش ناحية ميدان التحرير

و ايضا طريقة رائعة لضرب البورصة المصرية و السياحة و الاقتصاد بشكل عام

يعني من الأخر تعطيل لمصالح البلدو خلاص

ليه مانركزش على الديمقراطية و ان الانتخابات اللي جاية تكون نزيهة 100% و اننا نقول رأينا فيها و نشارك كلنا عشان نختار الأصلح اللي يقدر يحقق لنا مطالبنا بدون مظاهرات ولا اعتصامات

[Abu Reem]

طب هتنتخب مين

طب و ازاي

هي الثورة كانت علشان نشيل مبارك

و نحط وش تاني غيره

و لا كانت علشان نتطهر من كل الوشو العفنة اللي بتوصل للسلطة و بتبت فيها و بتستمد شرعيتها من قوانين عقيمة و نقعد نعافر فيهم سنين علشان نطلعهم

طب نوصل لانتخابات ازاي من غير ما يكون فيه قانون يحميها و ينظمها

طيب والاعتصام ده يعني هيستمر لحد ما المطالب تحقق ولا أيه؟؟

اصل مثلا موضوع محاكمة الفاسدين او ضباط الشرطة المتهمين بقتل المتظاهرين ..مسألة ممكن تاخذ سنين..وحتى لو طلع قرار دلوقتي لتهدئة الرأي العام وعلشان المعتصمين يروحوا هتلاقي بعد فترة ان مفيش حاجة بتحصل فعلا...

- لكن هذا لا يمنع ان يكون فيه خطوات محددة ومتتابعة يعني بعد خطوة (أ) وهي الاعتصام مفروض يكون فيه خطوة ب وخطوة ج هذه الخطوات لابد من تنفيذها لو لم نجداستجابة فورية وحقيقة من المجلس العسكري ، لذلك سؤالي وامنيتي ان يكون فيه خطة محددة وواضحة بجدول زمني...يعني مثلا اعتصام لمدة كذا ..واذا لم تحدث استجابة سيتحول الاعتصام الى كذا...

- 2 اما بخصوص كلامك اللي وضعته بالاقتباس اعلاه ،، فبصراحة لا اتفق معك فيه نهائياً، عارفة حضرتك ان تأجيل الانتخابات والتتابع الذي تم الاتفاق عليه من قبل هو غاية مراد وامل المجلس العسكري وفلول النظام السابق!!!

- حتى لو كانت هناك بعض الامور غير واضحة فيكفي ان هناك موعد محدد لبدء الانتخابات وتم تحديد على ستكون بالقائمة النسبية او الفردية او كلاهما معاً ..وهكذا

- عارفة ايضا لو انتظرنا لان تصبح كل الامور تمام وعال العال علشان تجرى الانتخابات عارفة ان الكلام ده ممكن ياخذ سنين....يعني حاجة كده زي محاكمة طلعت مصطفى..او محاكمة النظام السابق...وطبعا خلال هذه الفترة...لن تستقر الامور لأن ادخال البلد في فتن واضطرابات مستمرة امر ممنهج يتم بصفة مستمرة إذن ننسا كلنا ان فيه حاجة ستتم.

- أما التكاتف والاصرار على تحقيق الجدول الزمني لانتخابات برلمانية وما بعدها..هو الحل الوحيد لكي يتولى زمام الأمور..أي طرف أخر ...غير المجلس العسكري..واظن هذا هو مطلبنا جميعا ...سواء كان البرلمان ذو اغلبية اخوانية او ليبرالية او حتى...يهودية...فسيكون افضل من الوضع الحالي.. لان طالما انتهى دور المجلس العسكري..يعني بالبلدي كده لن يجد من يريدون اجهاض الثورة من سيقف بجانبهم او يدراي عليهم.. كما هو حادث الان

تحياتي ....

تم تعديل 7 يوليو 2011 بواسطة Abu Reem

[م تيمور المراغي]

*عندما يقرر العبد أن لا يبقى عبدا فإن قيوده تسقط

[لماضة مصرية جدا]

السلام عليكم و رحمة الله و بركاته

أيها الناس، إن الخلاف القائم بين القوى السياسة عن الدستور أولا أو الانتخابات أولا خلاف خطير على الجميع. بداخلية كهذه لو أجريت الانتخابات فإنها ستزوَّر

ولو كتب الدستور فإنه سيُنتهك.

لا بد من مبادرة يتبناها الجميع لتطهير هذه الوزارة، ولا أراها تطهر إلا ببناء وزارة جديدة من الأساس، فيقال كل من عذب إنسانابريئا كان أومدانا.

ولا بد من نيابة مستقلة للشكاوى فى قضايا التعذيب،

ولا بد من إلغاء كل أجهزة الأمن السياسى التى ورثت جهاز أمن الدولة المنحل وإقالة كل العاملين فيها أو إحالتهم على التقاعد.

ولقد تقدمت جمعيات حقوقية عدة بمشاريع فى هذا الصدد. إن كانوا لا يطيعون وزيرهم فكيف نأمنهم، ليسحب سلاحهم وزيهم الرسمى الذى يظلمون به العباد.

الاقتباس لتميم البرغوثي

http://tahyyes.blogspot.com/

بستعرض فيها ان اهم مطلب لبكرة ان يكون هيكلة جديدة لوزراة الداخلية

و اقتبست منه الجزئية الخاصة بموضوع "التعجيل بالانتخابات"

يمكن الرجوع للقالة كاملة علي الرابط اعلاه

---------------------

استاذي ابو ريم

حضرتك ذكرت جزئية مهمة جدا "الجدول الزمني للانتخابات"

الحاجة الوحيدة اللي نعرفها ليها علاقة بالزمن او بالانتخابات....هو موعدها صح

لكن الجدول الزمني معناه يبقي فيه خطوات تؤدي لمحصلة نهائية في تاريخ معين

و لغاية دلوقتي المجلش العسكري لا حط خطوات و لا ربطها بزمن و كل اللي بنعمله ان احنا مفترضين فيه جدول زمني

لكن حقيقة الامر هو فيه موعد

و مش مهم الموعد

مش مهم امتي هتيجي الانتخابات

لكن السؤال ازاي نمهد الطريق و نبنيها خطوة خطوة بطريقة سلمية علشان نوصل للمحصلة النهائية....انتخابات نزيهة

و كلمة نزيهة قبل كلمة انتخابات

مش عايزين نرجع نلف في دواير

تزوير....طعن و ضحك علي احلام الناس

لو ابتدينا الخطوات صح...]بقي المحصلة هتكون صح

المجلس العسكري فاكر انه بيحمي الثورة لغاية موعد الانخابات

يا ربي

بيحميها ازاي من غير خطة و من غير خطوات واضحة

لغاية دلوقتي

المحلش العسكري...بيحمي.....الفوضي.....لغاية الانتخابات

و فيه فرق كبير

و محدش يقولي بتضيعي البلد...(او قوليها خلاص مبقاش الواحد يتخض زي الاول)

المجلس العسكري مش هو الجيش

عايزين مجلش مدني

سهلة دي

عايزين نيابة مستقلة

سهلة دي

عايزين....قضاء مستعجل....و قضاة متفرغين لمحاكمة الفساد

سهلة دي

و يد برضه وجهة نظري الشخصية

و قناعاتي اللي متاكدة منها

[شرف الدين]

بسم الله الرحمن الرحيم

أحاول في اللحظة أن أفكر بصوت عال .. ماذا بعد الغد ؟ .. ( هذا إن مر الغد بسلام )..

على ما اعتقد أن المطلب الذي اتفقت عليه القوى السياسية التي ستشارك في تظاهرة غد هو شعار ( الثورة أولا ) .. وهو شعار همايوني .. إذ أنه مثل الماء يمكنك أنه تصفه أنه سائل بلا لون ولا طعم ولا رائحة لكنك لا تستطيع أن تمسكه بيديك .. ولو أن هذا الشعار يحمل مطلب محاكمة قتلة الشهداء ( كما يقولون ) .. فالمحاكمات جارية بالفعل .. والقضاة هم من يتولون الأمر فيها .. ولو أننا طالبنا المجلس العسكري بالضغط على القضاة للحكم بما نراه حقا من وجهة نظرنا .. فلننس إذن ما نطالب به من استقلال السلطة القضائية .. لأننا نطالب السلطة التنفيذية ( المجلس العسكري والحكومة ) بالتدخل في محاكمات هي من اختصاص السلطة القضائية.. ( وفاقد الشيء لا يعطيه ).

( حزب العدل أعلن عدة مطالب من بينها - إقالة النائب العام - أبشر يا سيادة المستشار .. ومن قبله تمت المطالبة بإقالة عصام شرف .. فالدور قادم على الكل ).

المهم .. لو أن الغد مر على سلام .. فما هي احتمالات ما بعد الغد ؟

1- أن يستجيب الجيش لهذه المظاهرات ويعطي أوامر للقضاة بالإسراع في المحاكمات .. وأن يقوم الجيش بنقل مبارك لسجن طرة .. أو يسمح بتصويره وإذلاله أكثر وأكثر وهو في هذه الحال.

ما هي النتائج المترتبة على هذا السيناريو ؟

أ - بخصوص المجلس العسكري .. على أعضائه أن يتأكدوا تماما أن المواجهة قادمة قادمة مهما حاولوا الهرب منها ومهما حاولوا تأخيرها أو تأجيلها ومهما حاولوا ( التطنيش ) .. فالمواجهة قادمة قادمة .. والمواجهة هنا مقصود بها هي المواجهة مع المظاهرات المطالبة بإقالة المجلس العسكري من السلطة وتسليم السلطة لمجلس مدني يحقق مطالب الثورة .. وأول ما سيتحقق بعد ذلك من هذه المطالب هو إقالة أعضاء المجلس العسكري من مناصبهم العسكرية ( لأنهم من رجال مبارك ومبارك هو الذي عينهم فولاؤهم له وليس للشعب – مثلما قال بلال فضل في الجزء الذي نقلته الأخت لماضة من صفحة خالد سعيد عن المشير طنطاوي – ومن ثم فلا مانع من قيادتهم لثورة مضادة يستغلون فيها أتباعهم داخل الجيش من أجل إجهاض ثورة الشعب .. ومن ثم فلابد لابد من إقالتهم حماية للثورة ) .. وحينها فعلى المشير طنطاوي أن ينتظر مصيرا مشابها لمصير مبارك وربما أسوأ وعلى أعضاء المجلس العسكري انتظار مصائر مشابهة لمصائر وزراء حكومة نظيف .. فالجيش فتح باب التنازل من البداية والتنازل دائما يبدأ بخطوة ثم ( يكر زي خيط التريكو ) ..

ب- بخصوص السادة القضاة .. فعليهم ألا يحلموا بما يرجونه من استقلالية .. لأن قضائهم سيكون مرهونا بموافقة ميدان التحرير .. فإن وافق الميدان يمرر الحكم .. وإن لم يوافق الميدان يرفض الحكم ولا مانع معه من إقالة القاضي الذي أصدره.. ( مثلما يطالب حزب العدل وقبله هويدا طه في مقال لها بالدستور وربما ينضم لهما الميدان – طالبا بإقالة النائب العام ).

ج- بخصوص مبارك .. فإن ما تعرض له طوال الفترة السابقة من مهانة وإذلال سيعد ( هبابة ) بما سيلاقيه من أهوال لاحقا .. وعلى رجال الجيش حينها أن يعلموا أنهم بهذا سيكونون قد ضربوا الهيبة العسكرية في مقتل..

( سؤال لأستاذنا الكبير .. أبي محمد .. ماذا فعل ضباط الجيش قواد ثورة يوليو مع قادة الجيش وقتها .. حيث أن هذه النقطة غامضة ولم أجد في بحثي عنها نتيجة .. كل ما وصلت إليه أن وزير الحربية وقتها كان اسمه إسماعيل شيرين .. ورئيس الأركان كان اسمه حسين فريد .. ولكنني في بحثي لم أعلم عن مصيرهما شيئا سوى أن إسماعيل شيرين توفي عام 1990 )

د- لو حدث وتخلى المجلس العسكري عن السلطة مثلما تخلى قائده الأعلى سابقا .. فإن نزاعا هائلا سينشب على السلطة ( ربما سيكون هو الأشرس ) .. وهذا النزاع يعلم الله وحده كيف وأين ومتى سينتهي وبمن سيقذف إلى سدة الحكم ؟

-------------------------------------

2- ألا يستجيب الجيش لهذه المظاهرات ويترك المتظاهرين يهتفون يهتفون وفي نهاية اليوم سيختلفون كما هو متوقع.. هل يحدث اعتصام أم لا ؟ وغالبا ستتحول المظاهرة إلى اعتصام .. ولكن ما هي طبيعة هذا الاعتصام ؟

أ – إما سيقوم المتظاهرون بإغلاق الميدان والمجمع ( وهو المتوقع ) .. وفي هذه الحال ستصاب القاهرة بالشلل لأن الميدان هو وسط العاصمة .. وهو ما سيؤدي غالبا إلى ازدياد سخط المواطنين على المتظاهرين وربما يتطور الأمر إلى مطالبة الجيش بالتدخل لإنهاء الاعتصام .. وفي هذه الحال فالمتوقع أن يتدخل الجيش لإنهاء الاعتصام بنفسه لأن الشرطة غالبا لن تتدخل ثانية وستترك الجيش ( يشيل الليلة ) .. وعليه ستحدث المواجهة الحتمية بين الجيش والمتظاهرين .. وغالبا ستكون نتائج هذه المواجهة وخيمة ستنكسر معها المظاهرات وربما الثورة بأكلمها نهائيا.. وربما يتطور الأمر لحالة من الهرج والمرج ستسود البلاد.

ب- أن يحدث نفس السيناريو السابق ولكن مع عدم استجابة الجيش لمطالب المواطنين بإنهاء الاعتصام .. وفي هذه الحال سيصبح الاعتصام عبثيا إذ أنه سيصيب القاهرة بالشلل .. وسيجعل المواطنين يلعنون الثورة واليوم الذي قامت فيه الثورة أكثر وأكثر .. وفي هذه الحال فإن المتظاهرين لن يسكتوا إزاء تجاهل الجيش لهم .. وسيحاولون استثارته .. واعتقد أنه سيتم افتعال مشاكل يحدث على إثرها هجوم على مقر وزارة الداخلية القريب من الميدان .. وحينها سيضطر الجيش للتدخل أيضا.. أو سيحاول المتظاهرون أن يكرروا نفس ما حدث في جمعة الحسم .. وهو التحرك من الميدان .. ففي جمعة الحسم تم التحرك صوب القصور الرئاسية وكانت هناك هتافات ( يوم الجمعة العصر هنهد عليه القصر ).. فإلى أين سيتحرك المتظاهرون هذه المرة لإجبار الجيش على تنفيذ مطالبهم .. هل سيحاصرون وزارة الدفاع أم مقر القيادة العامة ؟ وعليه سيضطر الجيش بالضرورة للاشتباك .. وحينها لو مشت الدبابات فوق أجساد المتظاهرين .. أو المعتصمين فلن يبكي عليهم أحد.

في المرة السابقة كانت هناك قوة كبيرة – هي الجيش – تقف على الحياد بين المتظاهرين وبين مبارك .. واضطرت في اليوم الأخير لإجبار الأخير على الرحيل في صورة إجبارية ألبست ثوب التفاوض.

ولكن هذه المرة لا توجد قوة تقف في المنتصف بين المتظاهرين وبين الجيش .. ( إلا لو أنه كانت هناك مجموعة في الجيش تنتظر هذا السيناريو وجاهزة له وجاهزة للتحرك لإجبار قيادة الجيش على تنفيذ مطالب المتظاهرين وهو ما يعني بالضرورة حدوث انقلاب عسكري )..

هذه هي توقعاتي بالنسبة لما بعد يوم غد.. هذا إن مر الغد بسلام.

في النهاية: جماعة الإخوان تخلت عن الذكاء تماما عندما وافقت في اللحظة الأخيرة على الاشتراك في التظاهرة .. لأنها لن تسلم من المعايرة لاحقا بأنها قد وافقت في اللحظة الأخيرة حتى لا يفوتها القطار بعد أن تيقنت من نزول الجميع .. مثلما تمت معايرتها سابقا بأنها لم تنزل المظاهرات من يوم 25 يناير ..

تم تعديل 7 يوليو 2011 بواسطة شرف الدين

[م تيمور المراغي]

دعهم يلفظون انفاسهم الاخيرة

فالحكم يوم غد للشعب !