8 يوليو ,, جمعة الاصرار ع المطالب !

[ozoozo]

شعراء المحاورات

محتاجين شعارات بالله عليكم نكتبها بكره على اليفط واللافتات وتكون سهله وعاميه زي مثلا

بحلف بسماها وبترابها

ما حفرط ثانيه في مطالبها ,,

يعني المطالب ادامكم ومنتظرين ابداعاتكم

ادينا كلنا نازلين واتفقنا مش حنرفع شعارات لاي تيار سياسي على الاطلاق عشان نتوحد وده كان قرار رائع

السلام عليكم و رحمة الله و بركاته

انا مش من شعراء المحاورات بس هكتب اللي بحسه دلوقتي و يعلم ربي اني ببكي جدا لاني كان نفسي اكون هناك مش هنا

أموت و اعيش

ميهمنيش

و كفاية عليا أوشف علمك...باقي...باقي.....باقي

--------------

مطلبنا مكنشي كبير

مطلبنا.....نحس بالتغيير

انا راجع.....راجع يا ميدان التحرير

-------------------

ارفع راسك فوق.....انت مصري..(ده مش كلماتي....بس لازم الناس ترجع تحسه تاني)

----------------

وسط المخاطر....علشانك يا مصر راح اخاطر

------------

أنا بحبك يا بلادي......

صوت الحرية بينادي

أنا بحبك......يا بلادي

--------------

قولوا للثورة متخافيش

مصر جوانا.....لسه قادرة تعيش

---------------------

سلمية......سلمية.....سلمية....(برضه دي مش كلماتي...بس علشان نفكر نفسنا الثورة اتبدت ازاي و هتكمل باذن الله ازاي)

----------------------------

عدالة.....عدالة......عدالة

---------------

ثورة......مش شاي بلبن....(حتة كوميدي بقي...اكيد اليوم هيبقي مطول....فعايزين يعني نطري القعدة:)

----------

لو جه في بالي حاجة تانية...هاجي اكتبها

يا رب اكون قدرت افيد

ااااااااااااااااااه اااااااااااااااااااااااااااااااااااااااااااااااااااااااااه اااااااااااااااااااااااااااااااااااااااااااااااااه ااااااااااااااااااااااااااااااااااااااااااااه

http://www.youtube.com/watch?v=DcalpCYImTQ

[ozoozo]

فلول النظام السابق يستعدوا بلافتات الدستور اولا لاحداث فرقه و بلبلة بين المتظاهرين. رجاء الحذر و التنبيه

[م تيمور المراغي]

فلول النظام السابق يستعدوا بلافتات الدستور اولا لاحداث فرقه و بلبلة بين المتظاهرين. رجاء الحذر و التنبيه

اللي هناك واخدين بالهم

ما فيش تشاحن حيحدث ن شاء الله

لدرجة انه تم الاتفاق على منصة واحده فقط في الميدان وتعاون الجميع منذ قليل على تجهيز ( التندة ) ما فيش حاجه اسمها حركة او احزاب او جماعه كله ايد واحده

ان شاءا لله

[م تيمور المراغي]

مستغرب من تحفيز الجماهير بالنزول سواء بالترغيب او الاستفزاز زي نشر خبر زي عودة السباعي او احكام البراءة او اخبار دفع الدية ,,

[عبير يونس]

مستغرب من تحفيز الجماهير بالنزول سواء بالترغيب او الاستفزاز زي نشر خبر زي عودة السباعي او احكام البراءة او اخبار دفع الدية ,,

كل واحد حينزل بنيته التي لا يعلمها إلا الله تعالى

و عليها سيحاسب

و لأني متيقنة من صفاء النية لدى غالبية الشعب المصري

و لأن مصر تزخر بالشرفاء و الأحرار

فدعائي إلى الله عز وجل

يارب اعطنا على قدر نيتنا

{‏وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏}‏

[م تيمور المراغي]

مستغرب من تحفيز الجماهير بالنزول سواء بالترغيب او الاستفزاز زي نشر خبر زي عودة السباعي او احكام البراءة او اخبار دفع الدية ,,

كل واحد حينزل بنيته التي لا يعلمها إلا الله تعالى

و عليها سيحاسب

و لأني متيقنة من صفاء النية لدى غالبية الشعب المصري

و لأن مصر تزخر بالشرفاء و الأحرار

فدعائي إلى الله عز وجل

يارب اعطنا على قدر نيتنا

{‏وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏}‏

انا اقصد المجلس العسكري يا استاذة

بيدفعنا في اتجاه النزول !

وده اللي حبيت الفت النظر اليه ,,

تحيتي ,,

[raouf]

مستغرب من تحفيز الجماهير بالنزول سواء بالترغيب او الاستفزاز زي نشر خبر زي عودة السباعي او احكام البراءة او اخبار دفع الدية ,,

امممممممممممممم

انا متاكد بنسبة 100% انها اشاعة بس فكر معايا مين اللى طلعها ؟

اكيد مش المجلس العسكرى

اعترف يا تيمور انت اللى

طلعت الاشاعة دى اعترف الانكار مش هايفيد هههه

ربنا يستر بكره ما يندسش حد من الثورة المضادة ويعمل خناقتين ويسخن الناس على الجيش والعكس

تم تعديل 7 يوليو 2011 بواسطة raouf

[Hisham]

ربنا يستر المنحني اللي جاي اخطر من اللي فات لانهم لما مشيوا في الطريق ده مع شباب الثورة من البدايه علشان يهدوا الامور وكل شيء يرجع لحاله مع شوية خساير هنا و لا هنا بس دلوقتي الملعوب هينكشف لان النظام السابق هو اللي لسه بيدير البلد

[م تيمور المراغي]

حاسس ان الليله دي ليلة العيد

الناس في الشوارع متفائلين ومبتسمين

يارب يطلع احساسي صحيح

والاهم

يارب يطلع غيد الفطر مش الـ ...

..

الأضحى !!

[MohamedAli]

انا شايف ان الجميع متوحد على المطالب

وان المعنويات - بسم الله ماشاء الله - في السما

سابقاً كنت متحفظ بل ورافض بسبب امكانية استخدامها للالتفاف حول الاستفتاء

لكن الان انزل وانا مطمئن ان النية صافية لدى الجميع - احسبها كذلك - وان الهدف الاساسي هو انصاف اهل الشهدا الغلابة

الله المستعان

[باهى الطائر الحزين]

ولقد اسمعتُ اذا ناديتُ حيا ،، لكنَ لا حياة لمن تُنادى

(علشان خاطرى افهمنى المره دى) ؟!

[ozoozo]

والنبي يااخوانا محدش يقولي سلميه ومهلبيه

البلطجي اللي يتمسك تتقطع ايده فورا من عند الرسغ ويتم تعليقه في رقبته والافراج عنه لبكون عبره لاخواته الخمس الاف جنيه اللي قابضينها مش هاتعوضه عن كف ايده المقطوعه

وحبذا لو تم وضع اليد في شويه ملح عشان الانسجه تخرج منها سوائلها وماينفعش تلحم تاني

او ممكن نلخبط الكفوف كل كف نعلقه في رقبه التاني فامايعرفوش يرجعوها

للاسف في موقعه الجمل ماكنتش موجود لكن النهارده انا موجود

اما نشوف الناس بتوع سلميه بالتقليه دول هايعملوا ايه مع البلطجيه

[aimen]

مباشر 6 ابريل | ميدان التحرير

#m6april #25jan #tahrir #8july

رفع و شد مظلة ميدان التحرير بشكل شبه كامل

[aimen]

مع إننا وعدنا بعدم الدعاية لأي مرشح للرئاسة على الصفحة إلا إن الراجل ده استثناء :)

صورة من ميدان التحرير الآن

تصوير: نازلي حسين

صفحة خالد سعيد

[aimen]

اللهم أنصر عبادا خروجوا لنصرة عبادك,اللهم وحد صفوفهم وقويهم فأنت القادر فوق عبادك,اللهم ألهمهم الحكمة وحسن التفكير والتدبير,اللهم أجعل كيد أعداء الدين والوطن في نحورهم واجعل أسلحتهم ترتد عليهم واحفظ بعدلك ورحمتك عبادك,اللهم بارك في بلدا صلى وركع فيها ابراهيم وهارون ويعقوب ويوسف وموسى ومن بعدهم الكثير من خلقك وعبادك,اللهم يا عزيز يا جبار أرنا آياتك في عبادا ظلموا عبادك,وذكر ولاة أمورنا بقولك وقولك الحق "إِنَّ عِبَادِي لَيْسَ لَكَ عَلَيْهِمْ سُلْطَانٌ وَكَفَى بِرَبِّكَ وَكِيلاً",اللهم نحن عبادك فانصرنا فانت بنا خبيرا بصيرا

الله أكبر .. الله أكبر .. الله أكبر

[م تيمور المراغي]

بداية تامين الميدان ,,

مظاهرة تضامنية من عدد من المصريين المقيمين بالخارج تضامنا مع جمعة اعتصام 8 يوليو

اتمام الانتشار التام للحواجز البشرية للجان الشعبية لشباب الثورة

ليلة اعتصام جمعة 8 يوليو

تم تعديل 8 يوليو 2011 بواسطة architect

[Diab]

الأتحاد قوة

مفيش حاجة كسرت ظهر مبارك لما لقي أن كل اللي جايين عليه عشان يفتكوا بيه هو واحد من الوطنية للتغيير وضع ايده علي كتف واحد من الأخوان او العكس

سورة الصف ( إن الله يحب الذين يقاتلون في سبيله صفا كأنهم بنيان مرصوص ( 4 )

بالتوفيق بإذن الله

[Alattar]

آخر الأخبار من الميدان

رصد | مصر | د. محمد حبيب: اليوم تتعافى الثورة مما ألم بها فى الفترة الماضية..أرجو أن تكون اليوم وفى الأيام المقبلة أكثر نضجا ووعيا ووحدة وتماسكا وتساميا..بورك فى شباب مصر صانع ثورة 25 يناير الكبرى، صاحب الهمة العالية، والعزم الفتى، والإرادة الصلبة..بورك فى شباب مصر الطليعة المجاهدة،الآخذ دائما بزمام المبادأة، والمشارك بكفاءة واقتدار فى صنع الحياة..أجمل وأروع حياة بإذن الله#Tahrir

رصد | مصر | تعليمات لوزير الداخلية منصور العيسوي لعناصر الشرطة بعدم التواجد بالميدان تأكيدا على حق المتظاهرين بالتظاهر#Tahrir

رصد | خاص | طرد مصوري قناه سي بي سي التابعه لمجدي الجلاد من ميدان التحرير بدعوى ان مجدي الجلاد من فلول الحزب الوطني #Tahrir

أحسن .. يستاهل..و يا سلام بأه لو عبد الله كمال يروح هو كمان..عشان ياخد اللي فيه النصيب

رصد | الاعداد في التحرير الان ما بين العشرين إلى الثلاثين ألف متظاهر بتقديرات مراسلي رصد و الأعداد تتزايد بشكل ملحوظ #Tahrir

[Alattar]

أخبار باقي المحافظات

رصد | البحيرة | تنظم القوى الوطنية بالبحيرة مسيرة الى ميدان الساعه بدمنهور عقب صلاة الجمعه 8-7 من مساجد الأتوبيس - التوبه - الهدايه - فاطمة الزهراء ودعا إلى المسيرة

(الإخوان - الإصلاح - التجمع - الحرية و العدالة - الجمعيه الوطنية - شباب6ابريل - حزب العدل - حـزب الـغـد - حركة كفاية - المصريون الأحرار - الحزب الناصري - حزب النهضة - حزب الوسط ) #RNN

رصد | جنوب سيناء | ناشطون : قررنا نحن مجموعة من الشباب المصري من كافة التوجهات السياسية الا نكون بعيدين عما يحدث في ميدان التحرير لذلك قررنا النزول الي الشارع وعمل تظاهرة تبدا من مسجد المصطفي بشرم الشيخ بعد انتهاء الصلاة مباشرة وتنتهي بوقفة امام مستشفي المخلوع وقد تمتد بعد ذلك لتكون اعتصام حتي الموافقة علي كافة مطالبنا والتي تتلخص في جملة واحدة الشعب يريد اسقاط النظام وتحقيق العدالة #RNN

الأجواء دي بتفكرني بجمعة الغضب..الواحد ما حسش الاحساس ده من فترة طويلة

[Alattar]

صورة حديثة من الميدان حالا