8 يوليو ,, جمعة الاصرار ع المطالب !

[م تيمور المراغي]

اللي حيخرج مالميدان

اللي حيخرج مالميدان

عمره ما حيباااان في الصورة !

[الغريب]

أنت ساهمت بنسبة كبيرة جدا جدا جدا

في نبذنا جميعا لحركة 6 أبريل

و تعالت الأصوات هنا ضد كل من له علاقة بها

عندما كنت تستفز الجميع بكلامك عن الحركة

أجاهد نفسي في عدم نبذ حركة 6 إبريل إلى الآن

وأرجو أن ينحاذوا دوما لمطالب الشعب ويعبروا دوما عن ضميره الذي لا تميته مشاغل الدنيا، ما داموا لم يدخلوا ملعب السلطة السياسية كحزب مثلا إلى الآن

هكذا كانوا من قبل ، ولكن موقفهم الآن على المحك ، وسمعتهم أيضا ، وبخاصة بعد تقرير سكوبي الأخير عن الدعم الأمريكي لبعض منظمات المجتمع المدني المصري بقيمة 40 مليون دولار

ربنا يوفقهم للحق ولما فيه خير المجتمع ,,

أما تصريحات البشمهندس تيمور بالنيابة عنهم ، فمن الظلم أن ننبذ حركة بحجم 6 إبريل بسبب تصريحات أحد منتسيبها حتى لو كانت التصريحات ليست في صالحهم على الدوام..

تحياتي...

[م تيمور المراغي]

انسوا اركتيكت يارب يولع بجاز :happy:

المهم البلد واللي بيطالبوا بحق البلد سواء بقى كان 6 ابريل او كان اخوان او كان سلفيين

لو حياتي مقابل ان مطالب الثورة تحقق وعزة الله في سماه لقدمها على الفور ,,

المجد لمصر

المجد للشهداء ,,

[Melhakim]

بصرف النظر عن اتفاقي أو اختلافي مع تيمور..بس ملاحظ ان الأخ

Melhakim

شغال تقييمات سلبية لتيمور من غير ما يقول اي حاجة..ياريت بس يقول هو معترض علي ايه

زى ما تقول كده حضرتك إن بينى وبين حركة 6 ابريل عداء وشايف ان خطرهم على البلد اشد خطر من اليهود

مع ان مهندس تيمور زميلى وحبيبى بس ده ميمنعش انى معترض على كل حاجه بينقلها واى حاجه تصدر منهم

وانا شايف ان المناقشة معاهم لا تجدى وبالتالى التقييم السلبى طريقتى فى التعبير عن الاعتراض مش اكتر

[عنبو]

- اعتذار من وزير الداخليه عن احداث 28 \ 6 وتفسير ما حدث واقاله كل من تورط في هذه الاحداث

2- تطهير وزاره الداخليه من مديري الامن و قيادات الداخلية في عهد حبيب العادلي، والذين مازلوا يحكمون الوزارة حتى الآن. واعاده هيكلتها

3- محاكمة جميع ضباط الداخلية المتورطين في عمليات قتل للثوار في ثورة 25 يناير، والمتورطين أيضا في الانفلات الأمني المتعمد،

مع التذكير لدعوة يوم 8 يوليو ومطالب الثوره التي لم تنفذ بعد وهي:

حرمان نواب الحزب الوطني من المشاركة في الإنتخابات

* سرعة محاكمة مبارك وحاشيته محاكمات معلنة

* محاكمة قتلة الشهداء من وزارة الداخلية بدون تأجيل أو مماطلة

* وقف المحاكمات العسكرية للمدنيين بشكل نهائي

* مراجعة كل القوانين التى تم اصدارها سابقا بدون حوار مجتمعي اعلامي

* منع التعرض نهائيا بأي صورة من الصور الى حرية الاعلام او حرية التظاهر

* البدء بشكل شامل فى تطهير كامل للوزارات و المؤسسات الرسمية من بقايا النظام القديم

انا مع المطالب دى مليون الميه ولو فى مصر كنت اول واحد نزل التحرير ونمت فيه ولكن

انا خايف من المطالب المبطنه او خلينا نقول من تصعيد المطالب الى اسقاط المجلس العسكرى وده واضح جدا فى كلام تيمور

وكل الخيارات ستطرح حينها مهما كانت شدتها وقسوتها ,,

هو ده المشكله انا مش عاجبنى المجلس العسكرى ولا الحكومه فى تعاملها مع بعض المواقف وحاسس ان كل حاجه مبهمه ومش واضحه

ولكن فى نفس الوقت مش عاوز اسقط المجلس العسكرى لان مافيش بديل غيره ولو سقط المجلس العسكرى يبقى بح خلصت

وانا قولت قبل كده دلوقتى المجلس العسكرى مش هينفذ المطالب دى اوكيه

طيب احنا عندنا انتخابات مجلس شعب بعد شهرين وعندنا انتخابات رئاسيه بعد سنه تقريبا ليه بقى مش نصبر لحد لما يجى

الرئيس المنتخب مننا وينفذ اليى احنا عاوزينه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا كمان الرئيس اليى احنا انتخبناه مش هينفذ مطالبنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتى

عنبو

الي مش حينزل الميدان يوميها ,,

حيكون بقصد منه او من غير قصد

قد ساهم في عودة قوى الظلام واركان النظام البائد الى تكاتفها وقوتها كما كانت ,,

الثورة تتعرض لمؤامرة ,,

والجميع اصبح يشعر بذلك وغير مستريح

مطالبنا لن تتحقق الا بتكاتفنا جميعا ورائها وبكل قوة

اما لو تفتتنا

فسيخرج مبارك باعفاء لحالته الصحية

وستبرأ ساحات الباقيين لعدم كفاية او ثبوت الادلة

وستفتعل مشاكل لا حصر لها تعيد قبضة الداخلية او فلنقل حذائها فوق رقاب المصريين

وستنجح نفس الوجوه الكئيبة من فلول الوطني في ايجاد طريقة لتعود الى البرلمان مرة اخرى

وستم التنكيل - والله لا ابالغ - بكل وطني ثائر وشريف انتقاما من قوى الظلام وتنكيلا على تعديهم عليهم في ثورة 25 يناير

الامر الى الله ثم الى الجميع

اسال ضميرك

وهو اللي حيهديك الى سواء السبيل

دي كانت مداخلتي ليك يا عنبي في نفس المضمون ,,

رغم ان كلامك غير صحيح

ورغم ان النوايا لله فقط هو يعلمها ويحاسب عليها وليس انت

لكن للاسف دي مبررات يسوقها البعض بالفعل

ليسكت تأنيب الضمير ,,

الذي يرى اجمل ثورة انسانيه

تتلاشى امام عينيه وتنتهك !

اول حاجه دعنا نتفق على شىء مهم ان دولة الظلم والقهر افضل الف مره من الا دوله والفوضى ( ياريت تقولى اذا كنت موافق على الكلام ده ولا)

تانى حاجه الموضوع لا تأنيب ضمير ولا بطيخ زى ما انت بتقول فانا لومقتنع بحاجه بعملها ولو مش مقتنع مش بعملها

تالت حاجه ان هنا جيت ودعيت اقبل كده الى اسقاط المجلس العسكرى واخر مره كانت امبارح

ودلوقتى بتقول لا مافيش اسقاط ولا حاجه احنا بس عاوزين الحاجات دى ايى ميختلفش عليها اتنين فى مصر

طيب ايه سبب التحول ده يعنى ده مافيش يوم عدى على التحول ده ؟؟

انت راجل ناديت قبل كده باسقاط المجلس العسكرى ( وطبعا ده بناء على ترتيبات مع حركة سته ابريل ) ليه دلوقتى شلت مطلبك ؟

انا لو عاو اسقط المجلس العسكرى هفضل انادى بكده وهكون فير جدا مع نفسى ومع الناس

من الاخر يا تيمور علشان خاطر البلد خلوا ناس تانيه غيركم تدعوا الى اليوم ده وصدقنى هتلاقى ملايين الناس فى جميع ميادين مصر

لان زى ما قولت المطالب دى مش يختلف عليها اتنين فى مصر ولكن يا صديقى العزيز مش علشان انزل اجيب المطالب دى

قوم اهد اخر مؤسسه فى البلد متماسكه

انا لو الاخوان دعوا الى اليوم ده هكون اول واحد معاهم لانى عارف الاخوان ليهم سقف بسبب خبرتهم لكن انتوا يا تيمور

ملكوش سقف فى لحظه نعلى سقف المطالب لاقصى درجه دون اساسا ميبقى فيه خطه مدروسه فى حالة الموافقه على المطالب

مما يؤدى الى دخول البلد فى فوضى

وتقبل نقدى وتحياتى يا صديقى

عنبو

[م تيمور المراغي]

يعني هيا رسيت على ان تخاذلكم عن متابعة مطالب الثورة عشان اللي واقف لها دلوقتي 6 ابريل

لكن لو نفس الكلام بنفس المطالب بنفس البيان نزل من الاخوان المسلمين كنت حتوافق !

دي مصيبه يا عنبي

الحق احق ان يتبع !

ولا يجرمنكم شنئان قوم على الا تعدلوا

[م تيمور المراغي]

يحدث الان

مسيرة للنشطاء الى مبنى مجلس الوزراء

[م تيمور المراغي]

صفحة كلنا خالد سعيد : هناك من يفضل أن يموت شجاعا ,,,,صورة قديمة لناشط إيراني حكم عليه بالإعدام بسبب معارضته لنظام طهران

بعض التعليقات على الصفحة :

Ashraf Azab ماهذة الابتسامة الجميلة لشاب فى عمر الزهور يواجه الموت بكل هذة الشجاعة من اجل الاخرين انها ابتسامة تجعلنى حزينا و تعيسا لانى لم استطيع ان افعل شىء من اجلكم ايها الشهداء فسامحونى

حسن هيكل لانه يؤمن بعداله قضيته ابتسم و هو يقابل الموت .. لانه يؤمن انه علي حق .. ابتسم و حبل المشنقه حول رقبته بلا حتي عصابه علي عيناه ... ما اجبن القتله و ابعدهم عن الاسلام انها ديكتاتوريه الدوله الدينيه .. تقتل باسم الدين و تعتقد انها تنصر الدين و تسحل المعارضين و تشنقهم لكن يبقي شعاع الحريه في قلوب الابطال و افئدتهم يدفعون ثمنه الموت باسمين مهللين فرحين كي يحيا الاخرون احرارا

عماد البلتاجي سوف يعيش اكثر من عمر الجلاد الدي شنقه وهدا هو الدليل انه حي حي والله لانه شهيد اللهم ارحمه قولوا امين

[م تيمور المراغي]

طوائف متنوعه من مختلف الاعمار كانت متواجده اليوم للمطالبه بالقصاص

[ابراهيم عبد العزيز]

أحدثك بصفتي عضوة

و لا تعتبر كلامي هجوم أو شخصنة

فأنا أقوله و كلي حزن و اسى

أنت ساهمت بنسبة كبيرة جدا جدا جدا

في نبذنا جميعا لحركة 6 أبريل

تحية لكى يا مشرفتنا الهمام

تعليقا على كلام حضرتك :

أنا لم أنبذ حركة 6 ابريل ( وان شاء الله لن يحدث فى المستقبل )

وهى حركة أكن لها احترام وتقدير كبير يليق بها

فلم ولن أنسى لهذه الحركة من الشباب المصري المخلص أنها كانت تقف ضد النظام البائد فى سنواته الاخيرة وكان النظام وقتها فى عنفوانه وكانت هذه الحركة هى من تقف فى وجهه وتقول له لا على الخطأ

كيف أنبذ هذه الحركة وهى التى عملت بجهد دؤوب وبلا كلل ولا ملل على دعوة الشعب المصرى لأخذ حقوقه وكان البعض ينظر لها انهم ( شوية عيال ) ولكن ذلك لم يقلل من عزيمتهم وواصلوا طريقهم بعزيمة واصرار مثير للاعجاب

كيف أنبذ هذه الحركة وهى علمت كثير من الشباب المصري كيف يطالب بحقوقه وعلمته اساليب للاعتصام والاحتجاج وكانت اول حركة منذ سنوات طويلة عندها الجرأة لكى تدعو لاضراب كامل فى الدولة وحققت نجاحا فيه

كيف أنبذ هذه الحركة وهى حركة أفعال لا حركة أقوال وكانت بالنسبة لنا كشباب مصري قبل الثورة شعلة النور فى وسط ظلام أحزاب المعارضة الكارتونية التى كانت ترى معاناة الشعب المصري ولا تحاول التعبير عنه لا بالفعل ولا بالقول حتى !!

أنا لم أنبذ حركة 6 ابريل وأنا لست عضوا فيها ( وهذا شرف لا أدعيه )

ولكن أنا كشاب مصري متابع أرى هذه الحركة معبرة جدا عنى

وحتى ولو ارتكبت ما يراه البعض مأخذ فى الفترة الاخيرة فلهم كل العذر لانهم شباب يعتبر ناشئا فى السياسية يغلبه الحماس

اللوم على أحزاب وجماعات ( وعلى رأسهم جماعة الاخوان المسلمين ) ممن يرتكبون أخطاء وهم المتمرسون فى السياسة منذ عقود طويلة من الزمن

تم تعديل 1 يوليو 2011 بواسطة ابراهيم عبد العزيز

[م تيمور المراغي]

عااااجل :

شباب 6 ابريل يرشقون مقر السفارة الامريكية بالحجارة وانتشار القناصة حول محيط السفارة لحمايتها من الاقتحام ,,

تعليقي :

والله و علمتم عل الامريكان يا رجاله هههههه :happy:

عشان يبقوا يبيعوا للداخلية قنابل جديدة تضربنا بيها ولاد التيييييت - :happy:

[عنبو]

يعني هيا رسيت على ان تخاذلكم عن متابعة مطالب الثورة عشان اللي واقف لها دلوقتي 6 ابريل

لكن لو نفس الكلام بنفس المطالب بنفس البيان نزل من الاخوان المسلمين كنت حتوافق !

دي مصيبه يا عنبي

الحق احق ان يتبع !

ولا يجرمنكم شنئان قوم على الا تعدلوا

يا تيمور انا كلامى كان واضح جداً جداً انتوا ( 6 ابريل مع كامل احترامى ليها وانت تعرف كده ) دعيتوا اقبل كده الى اسقاط المجلس العسكرى ( اليى كلنا مش عاجبنا تصرفه ولكن مافيش قدامنا غيره والا نروح للفوضى بقى ) ودلوقتى بتقولوا لا مافيش اسقاط ولا حاجه مهو مافيش حاجه اتغيرت يعنى علشان تغيروا رايكم مهو الحزن زى ما هو وكل حاجه بتحصل ولا عارفين عنها اى حاجه

علشان كده قولت ليك علشان خاطر مصر خلوا ناس تانيه تتكلم عن اليوم ده وتدعوا اليه غير سته ابريل

انت عارف يا تيمور لو فيه عندك اليه عباره عن واحد اتنين تلاته فيما بعد المجلس العسكرى هتلاقى الناس معاك لكن مش يلا نشيل المجلس العسكرى وخلاص

اتفضل هنا اشرح البديل اليى عندك عن المجلس العسكرى ونتناقش فيه

تحياتى

عنبو

تم تعديل 2 يوليو 2011 بواسطة عنبو

[م تيمور المراغي]

ببساطة مافيش اجماع على المطلب ده

لكن المطالب اللي نازلين عليها الاتفاق عليها من كافة القوى السياسية وحتى رجل الشارع البسيط كاااااسح

والمنطق بيقول

6 ابريل مش حزب عشان كده عندنا مرونة في الحركة واتخاذ القرار

بمبدأ الاولويات ما لا يدرك كله لا يترك كله

يعني مش عشان الاغلبيه رافضه تنحية المجلس العسكري خلاص ننسى المطالب التانيه وهي لا تقل اهمية باي حال زي ما انت عارف

ناقشني في اللي اعلناه وارجوك بلاش تركز فقط على النوايا

والدليل امبارح المسيرة كانت من انجح مايكون وتلقاها رجل الشارع البسيط بالترحيب والاعجاب

[م تيمور المراغي]

عنبي ده فيديو فيه عرض المطالب

قول لي فين جات سيرة المجلس العسكري جواه

على فكره

نون الجماعه في الفيديو مقصود بيها كلنا كمصريين وده حيظهر في منتصف ونهاية الفيديو عشان ما تفتكرش انه مقصود بيها الابريليين بس

مستني ردك

http://www.youtube.com/watch?v=oMbKPyFZYDA&feature=player_embedded

[mustafagamiel]

مرونة في الحركة واتخاذ القرار

هي دي مرونة ولا تسرع وعدم دراسة وتفهم المطالب

[ابراهيم عبد العزيز]

عنبي ده فيديو فيه عرض المطالب

قول لي فين جات سيرة المجلس العسكري جواه

على فكره

نون الجماعه في الفيديو مقصود بيها كلنا كمصريين وده حيظهر في منتصف ونهاية الفيديو عشان ما تفتكرش انه مقصود بيها الابريليين بس

مستني ردك

http://www.youtube.com/watch?v=oMbKPyFZYDA&feature=player_embedded

فيديو مؤثر جدا خاصة مشهد ام الشهيد وهى تستنجد بشباب مصر وتدعو لهم

يوم 8 يوليو هو يوم هام جدا ولا ابالغ اذا قلت انه مفترق طرق للثورة

إما ان ينجح ويضع الثورة على الطريق القويم مرة اخرى

او يفشل فتدخل الثورة لغرفة العناية المركزة

[MZohairy]

نفسي تقولولهم عايزين شفافيه

عايزين الصراحه و مستعدين نتفهم الوضع

بس الكذب لأ

و استصغار العقول برضه لأ

[عنبو]

يا تيمور انا قولتلك ان المطالب ميختلفش عليها اتنين فى مصر ولكن يا صديقى العنيد

الموضوع ان سته ابريل هى اليى هتنظم اليوم اوكيه يعنى التفاوض هيكون مع سته ابريل

وسته ابريل مش عاوزين المجلس العسكرى وعاوزين يسقطوه مش دخول فى النوايا

انتوا اعلنتوا كده قبل كده علشان كده قولت ليك خلوا ناس تانيه غيركم تدعو اليى اليوم

لكن انا مش معترض لا على اليوم ولا على المطالب انا اعتراضى على سته ابريل انها اليى تبقى فى الوش

ويكون الفتاوض معها علشان الناس تبقى مطمئنه ان المطالب متتغيرش

تحياتى

عنبو

[م تيمور المراغي]

مرونة في الحركة واتخاذ القرار

هي دي مرونة ولا تسرع وعدم دراسة وتفهم المطالب

لا دي نخوة وشهامة ,,

لما امهات الشهداء واسرهم يتصلوا بيك و تلاقيك في دقايق جنبها في الميدان ده يعيد للاذهان صورة المرأة العربية التي نادت ( وا معتصماه ) فقال لها لبيك ,,

والا كنت فاكرنا سكتم بكتم لحسن الكرسي يطير مننا ونزعل الاسياد !

منظر ( قدامى ) التيار اياه بقى حاجه تكسف

وانا قلت قصدت اقول قدامى عشان شبابهم كانوا معانا ليلتها في الميدان - مش كلهم بس اغلبهم ,,

الشعب المصري لماح ,,

شايف و فاهم كل اللي بيدور حواليه

وعاوز رجاله دمها حر وفاير في ثواني يلاقيهم بعشرات الالوف جنبه تسانده و تقف مع المعتدى عليه ,,

و بعيد عن الكلام الثوري

تتابع تطورات الموقف ليلتها كان قمة في التوازن بين الاستكشاف الميداني وسرعة اتخاذ القرار

الفارق الزمني ما بين وصول البلاغات ثم التاكد من مصدرها ثم نزول القادة والكوادر بكاملهم للميدان ثم الاستكشاف والاتصال بكبرائنا للحضور فورا والتباحث الجماعي حول خطورة الموقف ثم اتخاذ القرار باعطائنا الضوء الاخضر لاصدار اوامر مباشرة للحشد و بعبارات متفق عليها الى رؤساء مجموعات مدربين ومستعدين للحضور خلال دقائق كان في الحقيقة نموذج رائع و كامل لما يجب ان يكون عليه التصرف السليم لاي كيان حقوقي سياسي فاعل في البلد هنا او في اي بلد

[م تيمور المراغي]

عنبي ده فيديو فيه عرض المطالب

قول لي فين جات سيرة المجلس العسكري جواه

على فكره

نون الجماعه في الفيديو مقصود بيها كلنا كمصريين وده حيظهر في منتصف ونهاية الفيديو عشان ما تفتكرش انه مقصود بيها الابريليين بس

مستني ردك

http://www.youtube.com/watch?v=oMbKPyFZYDA&feature=player_embedded

فيديو مؤثر جدا خاصة مشهد ام الشهيد وهى تستنجد بشباب مصر وتدعو لهم

يوم 8 يوليو هو يوم هام جدا ولا ابالغ اذا قلت انه مفترق طرق للثورة

إما ان ينجح ويضع الثورة على الطريق القويم مرة اخرى

او يفشل فتدخل الثورة لغرفة العناية المركزة

اطمنك يا ابراهيم ,,

اللي حصل امبارح ده كان بروفه واعداد ليوم 8 يوليو

الجمعه الجاي اعتصام مفتوح زي ماحصل 25 يناير لحين تنفيذ مطالب الثورة بالكامل ,,

من ناحيتي اتوقع بيان من المجلس العسكري ليلة الخميس 7 يوليو كالعادة بتنفيذ كل المطالب ,,

لانهم فاهمين وعارفين ودارسين ان عدم استجابتهم للمطالب حيوصل الامور لحد فين

اطمأن ,