8 يوليو ,, جمعة الاصرار ع المطالب !

[م تيمور المراغي]

نفسي تقولولهم عايزين شفافيه

عايزين الصراحه و مستعدين نتفهم الوضع

بس الكذب لأ

و استصغار العقول برضه لأ

ليه قلت علينا كذابين !

وليه افتكرتنا بنستصغر عقول الناس !

كلام غير صحيح يا زوهيري

لان قرار عدم ادراج مطلب تنحية المجلس العسكري ضمن المطالب كان باغلبية تم الاستفتاء حولها داخل المكتب السياسي للحركة

وده ظهر امبارح ان مافيش لا شعارات طلعت ( مننا ) بذلك ولا حتى انكتبت على اليفط

بلاش الحكم على الناس بالشبهات انت نفسك عانيت اشد المعاناة من هذا الظلم

فلا تظلم غيرك ,,

تحيتي يا فنان ,,

[م تيمور المراغي]

يا تيمور انا قولتلك ان المطالب ميختلفش عليها اتنين فى مصر ولكن يا صديقى العنيد

الموضوع ان سته ابريل هى اليى هتنظم اليوم اوكيه يعنى التفاوض هيكون مع سته ابريل

وسته ابريل مش عاوزين المجلس العسكرى وعاوزين يسقطوه مش دخول فى النوايا

انتوا اعلنتوا كده قبل كده علشان كده قولت ليك خلوا ناس تانيه غيركم تدعو اليى اليوم

لكن انا مش معترض لا على اليوم ولا على المطالب انا اعتراضى على سته ابريل انها اليى تبقى فى الوش

ويكون الفتاوض معها علشان الناس تبقى مطمئنه ان المطالب متتغيرش

تحياتى

عنبو

مش حينفع ننادي بمطلب فردي

قوتنا الحالية تضاعفت لما حرصنا على رفع مطالب ( تجمع ) عليها كل القوى السياسية و الناس العاديين

على فكره مش 6 ابريل لوحدها اللي في الواجهه وحتتفاوض

لا معانا قوى عديده لها ثقلها السياسي واحترامها بين جميع الاوساط

صورة 6 ابريل بس اللي ظاهره اكتر ادامك عشان الخنيق ابو لسانين ده اللي بيقاوح فيك مالصبح :happy:

تحياتي

عنبوش :happy:

[عنبو]

نفسي تقولولهم عايزين شفافيه

عايزين الصراحه و مستعدين نتفهم الوضع

بس الكذب لأ

و استصغار العقول برضه لأ

ليه قلت علينا كذابين !

وليه افتكرتنا بنستصغر عقول الناس !

كلام غير صحيح يا زوهيري

لان قرار عدم ادراج مطلب تنحية المجلس العسكري ضمن المطالب كان باغلبية تم الاستفتاء حولها داخل المكتب السياسي للحركة

وده ظهر امبارح ان مافيش لا شعارات طلعت ( مننا ) بذلك ولا حتى انكتبت على اليفط

بلاش الحكم على الناس بالشبهات انت نفسك عانيت اشد المعاناة من هذا الظلم

فلا تظلم غيرك ,,

تحيتي يا فنان ,,

اعتقد ان الرفيق زوهيرى كان موجه كلامه للمجلس العسكرى مش ليكم خالص

تعالى يا زوهيرى وضح كلامك علشان فيه واحد هنطخه يعنى هنطخه

[م تيمور المراغي]

:P

تخيل تركب

الواحد من كتر ما بيدافع افتكر انها ضده مش لصالحه

معلش يا فنان سامحني اني فهمت غلط

كله من التاب ابن التاب ده اللي مخليني مركز في امكانياته اكتر مانا مركز في الكلام :happy:

[م تيمور المراغي]

دي بروفة للمنشور اللي حننزل بيه خلال ساعات لتوزيعه على الناس في الشارع

لو حد ليه اي اضافات او تحفظات لا يبخل عشان نعدل عليه قبل ما ينطبع

انا زودت على رقم واحد كلمة ( المحاكمة العلانية ) لان دي مهمه جدا من وجهة نظري انا الشخصية

ايه رايكم !

تم تعديل 2 يوليو 2011 بواسطة architect

[م تيمور المراغي]

عند لقائنا بالمستشارة /تهاني الجبالي عندما تم سؤالها عن كيفية أبعاد أعضاء الحزب الوطني و محاكمتهم سياسياً كان تفعيل قانون الغدر هو الحل في رأيها بالنسبة لاعضاء الهيئة العليا للحزب الوطني

ده نص قانون الغدر

والذي نقترح ان يكون هو القانون الذي نحاكم بع المخلوع وزبانيته

نص قانون الغدر رقم 344 لسنة 1952

مادة 1

فى تطبيق احكام هذا القانون يعد مرتكبا لجريمة الغدر كل من كان موظفا عاما وزيرا او غيره وكل من كان عضوا فى احد مجلسى البرلمان أو احد المجالس البلدية او القروية او مجالس المديريات وعلى العموم كل شخص كان مكلفا بخدمة عامة أو له صفة نيابية عامة وارتكب بعد أول سبتمبر سنة 1939 فعلا من الأفعال الآتية :

( ا ) عمل من شأنه افساد الحكم أو الحياة السياسية بطريق الاضرار بمصلحة البلاد او التعاون فيها أو مخالفة القوانين .

(ب) استغلال النفوذ و لو بطريق الايهام للحصول على فائدة او ميزة ذاتية لنفسه او لغيره من اية سلطة عامة او أية هيئة او شركة او مؤسسة.

(ج) استغلال النفوذ للحصول لنفسه أو لغيره على وظيفة فى الدولة أو وظيفة او منصب فى الهيئات العامة او اية هيئة او شركة او مؤسسة خاصة او للحصول على ميزة او فائدة بالاستثناء من القواعد السارية فى هذه الهيئات.

(د) استغلال النفوذ بإجراء تصرف او فعل من شأنه التأثير بالزيادة او النقص بطريق مباشر او غير مباشر فى اثمان للعقارات والبضائع والمحاصيل وغيرها او اسعار اوراق الحكومة المالية او الاوراق المالية المقيدة فى البورصة او القابلة للتداول فى الاسواق بقصد الحصول على فائدة ذاتية لنفسه او للغير.

(هـ) كل عمل او تصرف يقصد منه التأثير فى القضاه أو فى اعضاء اية هيئة خولها القانون اختصاصا فى القضاء او الافتاء.

(و) التدخل الضار بالمصلحة العامة فى اعمال الوظيفة ممن لا اختصاص له فى ذلك او قبول ذلك التدخل.

ويعتبر التدخل من غير المذكورين فى هذه المادة فى حكم الغدر اذا كان المتدخل قد استغل صلته بأية سلطة عامة.

مادة 2

مع عدم الاخلال بالعقوبات الجنائية او التأديبية يجازى على الغدر بالجزاءات الاتية :

( ا ) العزل من الوظائف العامة.

(ب) سقوط العضوية فى مجلسى البرلمان او المجالس البلدية او القروية او مجالس المديريات .

(ج) الحرمان من حق الانتخاب او الترشيح لاى مجلس من المجالس سالفة الذكر لمدة اقلها خمس سنوات من تاريخ الحكم .

(د) الحرمان من تولى الوظائف العامة لمدة اقلها خمس سنوات من تاريخ الحكم.

(هـ) الحرمان من الانتماء الى اى حزب سياسى مدة اقلها خمس سنوات من تاريخ الحكم .

(و) الحرمان من عضوية مجالس ادارة الهيئات او الشركات او المؤسسات التى تخضع لاشراف السلطات العامة ومن اية وظيفة بهذه الهيئات لمدة اقلها خمس سنوات من تاريخ الحكم .

(ز) الحرمان من الاشتغال بالمهن الحرة المنظمة بقوانين او المهن ذات التأثير فى تكوين الراى او تربية الناشئة او المهن ذات التأثير فى الاقتصاد القومى مدة اقلها خمس سنوات من تاريخ الحكم.

(ح) الحرمان من المعاش كله او بعضه.

ويجوز الحكم ايضا بأسقاط الجنسية المصرية عن الغادر كما يجوز الحكم برد ما أفاده من غدره وتقدر المحكمة مقدار ما يرد.

ويحكم بالجزاءات ذاتها عل كل من اشترك بطريق التحريض او الانفاق او المساعدة فى ارتكاب الجريمة سالفة الذكر ولو لم يكن من الاشخاص المذكورين فى المادة الاولى .

مادة 3

يحكم على كل من ارتكب فعلا من افعال الغدر من محكمة خاصة تؤلف برياسة مستشار من محكمة النقض وعضوية مستشارين من محكمة استئناف القاهرة يعينهم وزير العدل وأربعة ضباط عظام لاتقل رتبة كل منهم عن الصاغ يعينهم القائد العام للقوات المسلحة.

ويكون مقر هذه المحكمة بمدينة القاهرة ويشمل اختصاصها كل انحاء المملكة المصرية.

وتتولى النيابة العامة مباشرة الدعوى امام المحكمة .

ويجوز للمحكمة أن تحكم على الغادر وشركائه بتعويض ما حدث من ضرر لأى شخص من الأشخاص الاعتبارية العامة

مادة 4

ترفع الدعوى الى المحكمة من لجنة مكونة من اثنين يختارهما المؤتمر المنصوص عليه فى المادة 11 من الإعلان الدستورى المشار اليه بقرار يصدر باتفاقهما مشتملا على بيان بالواقعة والمواد المطلوب تطبيقها , ويكون للجنة فى أداء مهمتها أو لأحد عضويها أو لمن تندبه من رجال القضاء أو النيابة العامة جميع السلطات المخولة فى قانون الاجراءات الجنائية للنيابة العامة ولقاضى التحقيق بغير القيود الواردة فى المواد 51 و 52 و 53 و 54 و 55 و 57 و 91 و 97 من القانون المذكور .

ويحدد رئيس المحكمة اليوم الذى تنظر فيه الدعوى على ان يكون خلال خمسة عشرة يوما من تاريخ رفعها.

ويكون تكليف المدعى عليه بالحضور امام المحكمة قبل الجلسة بثمانية ايام كاملة على الاقل .

ويجوز له الاستعانة بمحام واحد.

ولا يجوز تأجيل نظر الدعوى اكثر من مرتين ولمدة لاتزيد فى كل مرة على اسبوع وينطق بالحكم مشفوعا بأسبابه.

مادة 5

اذا لم يحضر المدعى عليه رغم تكليفه بالحضور ولم يرسل محاميا ينوب عنه تنظر المحكمة الدعوى وتحكم فيها فى غيبته.

ويجوز للمحكمة أن تلزم المدعى عليه بالحضور أمامها وله فى سبيل ذلك أن تأمر بضبطه واحضاره .

مادة 6

لا يجوز الطعن فى الحكم الصادر فى الدعوى بأى طريق من طرق الطعن العادية أو غير العادية.

وينشر الحكم فى الجريدة الرسمية فى صحيفتين من صحف واسعة الانتشار خلال اسبوع من تاريخ صدوره.

مادة 7

فيما عدا الاحكام السابقة يتبع فى حفظ النظام فى الجلسة وفى تنحى القضاه وردهم .

وفى نظر الدعوة وفى الشهود والأدلة الاخرى الاحكام المقررة لذلك فى قانون الاجراءات الجنائية لمحاكم الجنح على ان تختص المحكمة ذاتها بالفصل فى الرد .

مادة 8

يعاقب المحكوم عليه على كل مخالفة لأحكام المادة الثانية تقع باستعمال الحقوق التى حرم منها بالحبس وبغرامة لاتقل عن مائتى جنيه ولا تزيد على الفين أو بأحدى هاتين العقوبتين.

ويعاقب بالعقوبة ذاتها من اشترك فى المخالفة بأى طريق من طرق الاشتراك .

مادة 9

على الوزراء كل فيما يخصه تنفيذ هذا القانون , ويعمل به من تاريخ نشره فى الجريدة الرسمية .

صدر بقصر عابدين فى 5 ربيع الثانى سنة 1372 (22 ديسمبر سنة 1952) .

[م تيمور المراغي]

شهادات امهات الشهداء

مع بلال فضل

وهو ينخرط بالبكاء

http://www.youtube.com/watch?v=SAecIjxK0zY&feature=relmfu

[م تيمور المراغي]

ليه يا مجلس يا عسكري !

ليه يصدر حكم بالسجن على 5 عمال مصريين غلابه مش لاقيين يا كلوا

ومبارك الكلب واعوانه سايبينهم يتمرقعوا لحد دلوقتي

ليه النار اللي قايده في القلوب دي بس ليه !!

الدنيا مقلوبه ,,

ولما تولع بتزعلوا ,,

[pink rose]

انا عاوز اسال هل حقا حصل تغير ملموس على ارض الواقع ؟

ردا على السؤال دا

اختي بتعمل جواز سفر

و اتفاجئوا في البيت بالجوازات بتتصل بيهم

تقولهم في اوراق ناقصة و يا ريت تجيبوها عشان نقدر نستكمل الاجراءات

قعدت اختي يومين بعدها ما راحتش لانها في امتحانات

قامت الجوازات اتصلت تاني و دا كان يوم جمعة و السبب انهم لسا ما سلموش باقي الاوراق المطلوبة

فا بابا بيسألهم يعني اقدر اجيبها النهاردة الجمعة هو الجوازات فاتحة

و كان الرد احنا فاتحين كل يوم عشان نخلص الشغل اللي عندنا

يبقى ازاي ما فيش حاجه اتغيرت في مصر؟؟؟؟؟؟؟؟؟؟

[عنبو]

لسه مافيش حدا غير بتوع سته ابريل دعوا الى اليوم ده ؟

[عنبو]

احساسى طلع فى محله

بكلم امبارح واحد صاحبى لا ينتمى الى اى تيار فكرى ومع ذلك كان من اول الناس اليى شاركوا فى ثورة 25 يناير بقوله الناس هتنزل يوم 8 يوليو رد عليا رد غريب قوى

قال ياعم عنبو الناس قرفانه ( بنفس اللفظ ) من شباب ائتلاف الثوره لانهم حاسين انهم اعلى من الناس وبيتكلموا بغطرسه بشكل غريب وبقى عندهم احساس انهم بس اليى بيفهموا وبقى الشعب المصرى عليهم السمع والطاعه وعاوزين يفرضوا وصايتهم على الشعب المصرى .

قالى انه على رغم انه مقتنع بالمطالب بس مش هينزل لانه قرفان منهم والناس قرفانه بجد

اصل احنا مش كنا بنقضى على ديكتاتور علشان نجيب بداله الف ديكتاتور

اكرر صاحبى ده كان من اول الناس اليى شاركوا فى الثوره وده اليى كنت بتصل به علشان اجيب منه الاخبار مباشرة يعنى ولا ينتمى الى اى تيار فكرى هو مع نفسه

اما ان الاوان لمن نصبوا نفسهم اوصياء على الشعب ان يفيقوا

تحياتى

عنبو

[الغريب]

أنا شايف أنه هيكون يوم فاشل كباقى الأيام 27 مايو و 30 يونيو وغيره..

أنا حاسس أن الشباب مش لاقيين حاجة يحاربوها ويعملوا ثورة ضدها فبقوا يحاربوا الثراب

نفسهم في ثورة ثانية والسلام

وكل شوية نسمع "ثورة الغضب الثانية" ولما تفشل ينقلوا على الجمعة اللي بعديها

وكل جمعة تعدي عليهم يفقدوا تعاطف شعبي أكثر..

وعلى الجانب الأخر الناس تعد نفسها للإنتخابات ، وهما ييجوا بعد كدة يقولك الفترة غير كافية ..

خلاصة الأمر ..

أنا كتبت تعليق قديم على الفيس بوك أننا نعاني من مجموعة شباب غاية معرفتها السياسية هي برامج التوك شو ومقالات بلال فضل وعلاء الأسواني (مع الاحترام) ، والمشكلة في هؤلاء حينما يريدوا فرض رأيهم على أساس أنه الصواب وأن غيرهم مجبر على فهم الأمور بفهمهم الناقص..

تحياتي...

[لماضة مصرية جدا]

أنا شايف أنه هيكون يوم فاشل كباقى الأيام 27 مايو و 30 يونيو وغيره..

أنا حاسس أن الشباب مش لاقيين حاجة يحاربوها ويعملوا ثورة ضدها فبقوا يحاربوا الثراب

نفسهم في ثورة ثانية والسلام

وكل شوية نسمع "ثورة الغضب الثانية" ولما تفشل ينقلوا على الجمعة اللي بعديها

وكل جمعة تعدي عليهم يفقدوا تعاطف شعبي أكثر..

وعلى الجانب الأخر الناس تعد نفسها للإنتخابات ، وهما ييجوا بعد كدة يقولك الفترة غير كافية ..

خلاصة الأمر ..

أنا كتبت تعليق قديم على الفيس بوك أننا نعاني من مجموعة شباب غاية معرفتها السياسية هي برامج التوك شو ومقالات بلال فضل وعلاء الأسواني (مع الاحترام) ، والمشكلة في هؤلاء حينما يريدوا فرض رأيهم على أساس أنه الصواب وأن غيرهم مجبر على فهم الأمور بفهمهم الناقص..

تحياتي...

السلام عليكم و رحمة الله و بركاته

طيب اللي فهمته ان حضرتك مش مع النزول اليوم ده و وجهة نظر تحترم

بس السؤال

هو حضرتك بتحكم عليه ليه انه هيبقي فاشل مع ان احنا لسه يوم الاحد و اليوم باذن الله هيكون يوم الجمعة

مش ده نفس الكلام اللي اتقال قبل كده

حتي لو اليوم نجح بقي فيه حكم مسبق بالفشل

و بقينا نقيم اليوم او الحدث نفسه بمعيار الفشل

طب مين قال ان الشباب عايز يحارب في اي حاجة و السلام

مش دي يبقي معناها ان عنده طاقة و احباط....او عنده طاقة و حلم و مصدق حلمه....او عنده طاقة و هدف حتي لو كان هدفه مش متفق مع اهداف تانية

المهم ان عنده طاقة و عنده رؤية ماشي في اتجاها حتي لو متفقتشي مع رؤي من حوله

و اللي بيبقي كده صعب جدا ان يبقي فاشل

انا مقتنعة باليوم و بدعي ليه...و مش راح افرض رايي علي حدو لا ااقول ان اللي مش راح ينزل هيبقي "متقاعس" مثلا

حضرتك برضه مش مقتنع باليوم و مش بتدعي ليه...يبقي برضه مش تقول علي اللي هينزل فاشل

احنا كل حد فينا ممكن يستمر في طريقه بس من غير ما نقول ان الطرف التاني ده مش فاهم و مش عارف و مش نافع

صح

اليوم مجرد تجديد لوسيلة ضغط علشان الامور تتحرك في الاتجاه اللي كل الناس في مصر مش مختلفة عليه

صحيح بنختلف في الوسيلة...لكن البعض لازال يؤيد انها وسيلة ضغط

و ع العموم دي وجهة نظر

لماضة.....من الشباب "الفاشل" البلطجي و افتخر

[لماضة مصرية جدا]

قالى انه على رغم انه مقتنع بالمطالب بس مش هينزل لانه قرفان منهم والناس قرفانه بجد

تحياتى

عنبو

السلام عليكم و رحمة الله و بركاته

مش عارفة ليه الخلط ده بين وضوح الهدف و بين الاشخاص اللي بينادو بالهدف

يعني اللي فهمته من كلام حضرتك ان الناس مقتنعة بالهدف

بس علشان اللي طلع نادي بيه مش عاجبهم يبقي نسيوا الهدف

انا لا يهمني 6 ابريل و لا 7 ذي القعدة(علي راي استاذي سين سين)

انا اللي يهمني كبني آدم مصري مالوش اي انتماءات مسبقة اني بشوف ايه اللي اتحقق من الاهداف و هو ضوء اللي بمشي في اتجاهه

هل معني اني انزل يوم الجمعة مثلا اني من حركة 6 ابريل او موافق عليها

هل معني اني منزلشي ان مش معاها و بعلن رفضي ليها

الهدف كان ثورة

مش المفروض تبقي عينيا علي ده

و لا علي حاجة تانية

اتصل قول لصاحبك استاذي عنبو

لو انت لسه مصدق ان كان فيه ثورة

يبقي فكر مرة تانية

و دي وجهة نظر

[م تيمور المراغي]

احساسى طلع فى محله

بكلم امبارح واحد صاحبى لا ينتمى الى اى تيار فكرى ومع ذلك كان من اول الناس اليى شاركوا فى ثورة 25 يناير بقوله الناس هتنزل يوم 8 يوليو رد عليا رد غريب قوى

قال ياعم عنبو الناس قرفانه ( بنفس اللفظ ) من شباب ائتلاف الثوره لانهم حاسين انهم اعلى من الناس وبيتكلموا بغطرسه بشكل غريب وبقى عندهم احساس انهم بس اليى بيفهموا وبقى الشعب المصرى عليهم السمع والطاعه وعاوزين يفرضوا وصايتهم على الشعب المصرى .

قالى انه على رغم انه مقتنع بالمطالب بس مش هينزل لانه قرفان منهم والناس قرفانه بجد

اصل احنا مش كنا بنقضى على ديكتاتور علشان نجيب بداله الف ديكتاتور

اكرر صاحبى ده كان من اول الناس اليى شاركوا فى الثوره وده اليى كنت بتصل به علشان اجيب منه الاخبار مباشرة يعنى ولا ينتمى الى اى تيار فكرى هو مع نفسه

اما ان الاوان لمن نصبوا نفسهم اوصياء على الشعب ان يفيقوا

تحياتى

عنبو

اول مره في حياتك يا عنبو تكتب مداخلة بالشكل ده

يعني ايه واحد مقتنع بمطالب الثورة بس عشان منفسن من النشطاء يبقى طز في المطالب !

بعدين ده مين !

منا عارف صوحابك كلهم ولا دي اشتغاله عنبية ! ;)

[لماضة مصرية جدا]

انا عاوز اسال هل حقا حصل تغير ملموس على ارض الواقع ؟

ردا على السؤال دا

اختي بتعمل جواز سفر

و اتفاجئوا في البيت بالجوازات بتتصل بيهم

تقولهم في اوراق ناقصة و يا ريت تجيبوها عشان نقدر نستكمل الاجراءات

قعدت اختي يومين بعدها ما راحتش لانها في امتحانات

قامت الجوازات اتصلت تاني و دا كان يوم جمعة و السبب انهم لسا ما سلموش باقي الاوراق المطلوبة

فا بابا بيسألهم يعني اقدر اجيبها النهاردة الجمعة هو الجوازات فاتحة

و كان الرد احنا فاتحين كل يوم عشان نخلص الشغل اللي عندنا

يبقى ازاي ما فيش حاجه اتغيرت في مصر؟؟؟؟؟؟؟؟؟؟

السلام عليكم و رحمة الله و بركاته

ليا برضه واحدة صاحبتي لسه جاية من مصر بتقولي بجد الناس اتغيرت

بقت بتتعامل بشكل احسن...(حتي سواق الميكروباص لما بيبقي عايز يقعد اربعة ع الكنبة ورا مع ان هي تشيل 3 الناس بتدافع عن بعضها و بتحامي لبعض)

طبعا المثال ساذج جدا

بس اللي عايزة اقولهولك ان الناس قد تكون ابتدت تفتش جواها عن حاجات و ممارسات ايجابية ده شيء كويس

بس ككيان دولة لازم يحمي الثورة اللي اتولدت دي

مش لازم برضه نتاكد انه ماشي في الطريق الصح

علشان منرجعشي لداير الاحباط و الخيبة و نقول ماهو مافيش فايدة

التغيير اللي بيحصل في سلوك الناس لازم يصاحبه تغيير مؤسسي علشان يحميه

السؤال

حصل تغيير مؤسسي في مصر

حصل تغيير في طريقة الادارة بشكل عام و ادارة الازمات بشكل خاص (كام ازمة مرينا بيها و ارجعي و شوفي طريقة التعامل معاها)

و برضه دي وجهة نظر

صباحك....تغيير...كلنا عايزينه

[الغريب]

لسلام عليكم و رحمة الله و بركاته

طيب اللي فهمته ان حضرتك مش مع النزول اليوم ده و وجهة نظر تحترم

بس السؤال

هو حضرتك بتحكم عليه ليه انه هيبقي فاشل مع ان احنا لسه يوم الاحد و اليوم باذن الله هيكون يوم الجمعة

مش ده نفس الكلام اللي اتقال قبل كده

حتي لو اليوم نجح بقي فيه حكم مسبق بالفشل

و بقينا نقيم اليوم او الحدث نفسه بمعيار الفشل

طب مين قال ان الشباب عايز يحارب في اي حاجة و السلام

مش دي يبقي معناها ان عنده طاقة و احباط....او عنده طاقة و حلم و مصدق حلمه....او عنده طاقة و هدف حتي لو كان هدفه مش متفق مع اهداف تانية

المهم ان عنده طاقة و عنده رؤية ماشي في اتجاها حتي لو متفقتشي مع رؤي من حوله

و اللي بيبقي كده صعب جدا ان يبقي فاشل

انا مقتنعة باليوم و بدعي ليه...و مش راح افرض رايي علي حدو لا ااقول ان اللي مش راح ينزل هيبقي "متقاعس" مثلا

حضرتك برضه مش مقتنع باليوم و مش بتدعي ليه...يبقي برضه مش تقول علي اللي هينزل فاشل

احنا كل حد فينا ممكن يستمر في طريقه بس من غير ما نقول ان الطرف التاني ده مش فاهم و مش عارف و مش نافع

صح

اليوم مجرد تجديد لوسيلة ضغط علشان الامور تتحرك في الاتجاه اللي كل الناس في مصر مش مختلفة عليه

صحيح بنختلف في الوسيلة...لكن البعض لازال يؤيد انها وسيلة ضغط

و ع العموم دي وجهة نظر

لماضة.....من الشباب "الفاشل" البلطجي و افتخر

ودي مشكلة أخرى يا أخت لماضة

وهو أننا نخلط بين النقد وبين الحكم

أنا أنتقد اليوم ، وأنتقد توجه "بعض" الشباب ، ولم أحكم عليهم ولا على اليوم

كل ما هنالك أنها وجهة نظري ليس إلا..

ومن وجهة نظري أن الشباب يحاربون الثراب في مطالبهم التي لا تستحق -أيضا من وجهة نظري- كل هذه الضجة ..

أنت لا تدعوني للنزول ولا تتهمي غيرك بالتقاعس ، ولكن غيرك يفعل هذا

من هم على مثل تفكيرك لا أعنيهم أبدا بكلامي وانتقادي ، بل بالعكس أرحب للغاية بالتنوع فيما بيننا في وجهات النظر ..

فأنا أرى أن الوضع القائم مناسب لمعطيات المرحلة وقرب الإنتقال لسلطة أخرى مدنية مكتلمة ، ولكن غيري يريد إكتمال الصورة حتى في هذه المرحلة الغير منضبطة..

أتمنى أن توجه طاقة الشباب التي أشرت إليه إلى أمور أخرى بالإضافة إلى الدعوات إلى أيام الجمعة التي لا أنكرها ولكن أنكر أن تطالب بثورة ثانية وأن تعتمد تخوين الآخر لهجة لخطابها..

تحياتي...

تم تعديل 3 يوليو 2011 بواسطة الغريب

[م تيمور المراغي]

انت مقتنع يا غريب ان المطالب لا تستحق كل هذه الضجة زي ما بتقول !

ممكن معلش تقراها تاني وتقول لي فين المطلب الغير مهم يمكن نحذفه ,,

[الغريب]

انت مقتنع يا غريب ان المطالب لا تستحق كل هذه الضجة زي ما بتقول !

ممكن معلش تقراها تاني وتقول لي فين المطلب الغير مهم يمكن نحذفه ,,

بشمهندس أنسى المطالب دي

الواقع في الميدان حاجة تانية خالص خالص

واحد صحبي في الميدان من يوم الأربعاء ، تعالى شوف لهجة كلامه عامله أزاي بخصوص المشير والمجلس العسكري والجيش وحكم العسكري ... والذي منه

للأسف أنا أقترب من التأكد بأن ورقة المطالب ما هي إلا وسيلة لجذب أعداد للميدان وفقط

فكر مرة ليه ديما ورقة المطالب مع أنه جميلة لا تجتذب أعداد كبيرة حولها

السبب من وجهة نظري أن هناك فجوة بين الورقة والواقع

تحياتي...

[م تيمور المراغي]

كلام في النوايا ,,

ولا يعلم القلوب التي في الصدور غير خالقها ,,

لو مانزلناش يوميها يا غريب انسى مطالب الثورة ,,

ما كانتش ثورة عشان التيار اياه يوصل للبرلمان وخلاص ! ,, واول ما وصل للي في دماغه باع القضية وضرب طناش

مش دي نفس المطالب اللي كان بينادي بيها كل القوى السياسية !

ليه اول ما اطمنوا ان الكرسي قرب تركوا التوحد معها !

احنا مش عاوزين البرلمان

بس عاوزين المطالب المكتوبة فوق دي تتحقق و بالكامل ,,