8 يوليو ,, جمعة الاصرار ع المطالب !

[الغريب]

ما كانتش ثورة عشان التيار اياه يوصل للبرلمان وخلاص ! ,, واول ما وصل للي في دماغه باع القضية وضرب طناش

يادي التيار اياه والحركة اياها اللي طلعلنا في كل حوار ..

لن أتدخل في النوايا وحتى لن أتطرق للواقع من حولي..

فقط رجاء أن لا نربط جمعة ما بالثورة ، ونقول أن فشلها يعني أن الثورة فشلت .. ممكن ؟؟

تحياتي...

[م تيمور المراغي]

نفس الرجاء لحضرتك مع احترامي انك لا تثبط ولا تصف الجمعه القادمة بالفشل في كل مداخلاتك

لو موافق عالمطالب فبها ونعمت

ولو مش متحمس فلا تنشر الاحباط جوه النفوس

تحيتي ,,

[عنبو]

قالى انه على رغم انه مقتنع بالمطالب بس مش هينزل لانه قرفان منهم والناس قرفانه بجد

تحياتى

عنبو

السلام عليكم و رحمة الله و بركاته

مش عارفة ليه الخلط ده بين وضوح الهدف و بين الاشخاص اللي بينادو بالهدف

يعني اللي فهمته من كلام حضرتك ان الناس مقتنعة بالهدف

بس علشان اللي طلع نادي بيه مش عاجبهم يبقي نسيوا الهدف

انا لا يهمني 6 ابريل و لا 7 ذي القعدة(علي راي استاذي سين سين)

انا اللي يهمني كبني آدم مصري مالوش اي انتماءات مسبقة اني بشوف ايه اللي اتحقق من الاهداف و هو ضوء اللي بمشي في اتجاهه

هل معني اني انزل يوم الجمعة مثلا اني من حركة 6 ابريل او موافق عليها

هل معني اني منزلشي ان مش معاها و بعلن رفضي ليها

الهدف كان ثورة

مش المفروض تبقي عينيا علي ده

و لا علي حاجة تانية

اتصل قول لصاحبك استاذي عنبو

لو انت لسه مصدق ان كان فيه ثورة

يبقي فكر مرة تانية

و دي وجهة نظر

الموضوع مش زى ما انتى فاكره انا وضحته هنا قبل كده ان الجماعه اليى دعوا الى اليوم هو اليى هيكون معاهم التفاوض وده قاعده معروفه يعنى

علشان كده قولت خلى ناس غيرهم تظهر فى الصوره لان الناس مبقتش بتحبهم بسبب تعاملهم مع الناس وبسبب مطالبهم اليى قبل كده اليى كانت بتدل على التسرع وعدم الحنكه والخبره وعدم دراسة الامور

ثانيا انتى مين قالك ان الناس لو منزلتش مع سته ابريل ولا 7 ذو القعده هتسيب حقها مهو ممكن الناس تنزل فى يوم تانى عادى يعنى بس المهم انهم يبقوا عارفين نازلين على ايه وليه ؟

مش ننزل على حاجه وتتغير وعلشان تيمور ميدخلش ويقول نوايا والكلام ده هقوله انا رديت عليك قبل كده فى الجزئيه دى

الى جانب ان فيه ناس كتير قوى فى مصر الثوره اثرت عليهم بشكل كبير قوى وعايشين دلوقتى على السلف ودول اكيد اكتر ناس عاوزين الامور تستقر .

يعنى علشان نقسم الناس فى مصر

1- ناس مع سته ابريل ودول مش كتير لا يتعدوا 100 الف ( كانوا ضد النظام السابق وشاركوا فى الثوره )

2- ناس مع المطالب ولكن مش طايقين ما يطلق عليهم شباب الثوره ولا شباب سته ابريل بسبب تعاملهم مع الناس وتعاليهم عليهم ودول كتير قوى خلينا نقول 10 مليون ( كانوا ضد النظام السابق وشاركوا فى الثوره )

3- ناس عاوزه الاستقرار باى شكل من الاشكال لان من لا يملك قوت يومه لا يملك حريته حتى وان اختلفنا معاهم فى المبدأ ولكنهم موجودين ودول عددهم يزيد عن 20 مليون ( كانوا ضد النظام السابق وشاركوا فى الثوره )

4- الباقى طبعا اطفال على شيوخ على ستات بيوت ومتنسيش تعمل حساب الفلول والمصلحنجيه

تحياتى

عنبو

[م تيمور المراغي]

يعني لو امام مسجد الحي مثلا فخور او فرحان بنفسه ما نروحش نصلي !

[عنبو]

احساسى طلع فى محله

بكلم امبارح واحد صاحبى لا ينتمى الى اى تيار فكرى ومع ذلك كان من اول الناس اليى شاركوا فى ثورة 25 يناير بقوله الناس هتنزل يوم 8 يوليو رد عليا رد غريب قوى

قال ياعم عنبو الناس قرفانه ( بنفس اللفظ ) من شباب ائتلاف الثوره لانهم حاسين انهم اعلى من الناس وبيتكلموا بغطرسه بشكل غريب وبقى عندهم احساس انهم بس اليى بيفهموا وبقى الشعب المصرى عليهم السمع والطاعه وعاوزين يفرضوا وصايتهم على الشعب المصرى .

قالى انه على رغم انه مقتنع بالمطالب بس مش هينزل لانه قرفان منهم والناس قرفانه بجد

اصل احنا مش كنا بنقضى على ديكتاتور علشان نجيب بداله الف ديكتاتور

اكرر صاحبى ده كان من اول الناس اليى شاركوا فى الثوره وده اليى كنت بتصل به علشان اجيب منه الاخبار مباشرة يعنى ولا ينتمى الى اى تيار فكرى هو مع نفسه

اما ان الاوان لمن نصبوا نفسهم اوصياء على الشعب ان يفيقوا

تحياتى

عنبو

اول مره في حياتك يا عنبو تكتب مداخلة بالشكل ده

يعني ايه واحد مقتنع بمطالب الثورة بس عشان منفسن من النشطاء يبقى طز في المطالب !

بعدين ده مين !

منا عارف صوحابك كلهم ولا دي اشتغاله عنبية ! ;)

ياعم بقولك الراجل كان من اول الناس اليى شاركوا فى الثوره واتعرض لمخاطر كتير قوى ما بين الخطف والتثبيت ...........الخ من اعمال البلطجه واحب ازيدك كمان ان الراجل وحيد امه وابوه ويعمل دكتور ومع ذلك كان من اول الناس الى راحت الثوره وهو يعلم تماما ان لو حصل لو خدش مش موت امه هتموت فيها (( وحيد ))

موضوع النفسنه والكلام ده سيبك منه خالص لان هو مكنش عاوز حاجه من الثوره اساسا ولكن الراجل بيقول كلمه حق وعلى فكره الكلام ده اتقال هنا قبل كده يا تيمور مية مره ان الناس مش عاجبها تصرف شباب الثوره ولا اسلوبهم فى الكلام

وبالنسبه بقى للاشتغاله انا اتعودت منك انك تسمى الاشياء بسمياتها يعنى لو الكلام ده محصلش مش هيبقى اشتغاله هتبقى كذبه

ولو عاوز تسمع من الراجل بنفسك انا ماعنديش مانع هتلاقيه عندى على الفيس بوك

تحياتى

عنبو

[م تيمور المراغي]

ابعتهولي اضافة عالفيس بوك وانا حشرح له الموضوع و حقنعه ان شاء الله

تحياتي

عنبو :happy:

[عادل أبو عمر]

انا مقتنعة باليوم و بدعي ليه...و مش راح افرض رايي علي حدو لا ااقول ان اللي مش راح ينزل هيبقي "متقاعس" مثلا

حضرتك برضه مش مقتنع باليوم و مش بتدعي ليه...يبقي برضه مش تقول علي اللي هينزل فاشل

احنا كل حد فينا ممكن يستمر في طريقه بس من غير ما نقول ان الطرف التاني ده مش فاهم و مش عارف و مش نافع

صح

اليوم مجرد تجديد لوسيلة ضغط علشان الامور تتحرك في الاتجاه اللي كل الناس في مصر مش مختلفة عليه

صحيح بنختلف في الوسيلة...لكن البعض لازال يؤيد انها وسيلة ضغط

و ع العموم دي وجهة نظر

لماضة.....من الشباب "الفاشل" البلطجي و افتخر

عارفة حضرتك

اللي يعرض رأيه ويحدد هدفه ويوضح وسيلة تحقيق هدفه باسلوب مباشر بدون غمز و لمز و استفزاز وتخوين ... ينال احترام معارضيه قبل مؤيديه ..

حتى لو قالوا عليه فاشل و بلطجي ...

وفيها إيه ما الشباب اللي بدأ الثورة (مش عمل الثورة) كان موصوف إنهم شباب بايظ وهايف وهيضيعوا مصر .... بس التاريخ كتب إيه ؟

أحيانا اختلاف صاحب القضية مع معارضيه لو لم يكن فيه قدر من الوعي في عدم مصادرة حق الاختلاف معه ... للأسف ليس فقط يفقده دعم من حوله و لكن أخشى أن

يفقده ود من حوله و الأخطر أنه قد يحول القضية العامة لقضية أشخاص فلا يرى معارضوه قضيته الحقيقية قدر ما يرون قضيته في اسلوب عرضه .

[م تيمور المراغي]

وياترى العيب في مين يا استاذ عادل ابو عمر ,,

يعني لو حد جالي مثلا قال لي :

انت قاعد هنا وسايب بيتك بيتحرق !!!

ما تقوم يا اخي اتلحلح وروح شوف المصيبة اللي هناك بدل ما انت نايم على روحك كده ,,

اقوم ماسك في خناقه وسايب النار تاكل البيت !!!!

منتظر ردك الكريم ,,

[ابراهيم عبد العزيز]

لا أدرى ما هذه النغمة الجديدة التى تتسرب اعلامياعن أن شباب الثورة نصبوا انفسهم اوصياء على الشعب المصري !! وانهم اصابهم غرور !!!

كل هذا كلاما هدفه واضحا جدا وهو الضغط النفسي على شباب الثورة لاخمادهم وياتى فى اطار خطة اعلامية محكمة على شباب الثورة

وانا كشاب مصرى أقول : حتى ولو فرضنا( اقول فرضنا ) ان شباب الثورة الذين خططوا لها وحمسونا لها نصبوا أنفسهم اوصياء علي شخصيا كمواطن (واتكلم عن نفسي) فأنا أقبل وصايتهم بصدر رحب

فاى ثورة فى تاريخ العالم قامت ونجحت يكون لمن خططوا لها ونفذوها الاولوية فى طرح سياستهم واسلوبهم ونظرتهم للدولة التى حلموا بها ومن اجل حلمهم خططوا لهذه الثورة

كفانا انجرافا وراء الحملات الاعلامية المغرضة

ولو تقهقر شباب الثورة للصفوف الخلفية يخرج علينا الاعلام المغرض نفسه بقوله ( أن شباب الثورة يجب ان يقود ثورته ولا يتركها للاحزاب المتسلقة وللقوى التى تريد سرقة الثورة منه !!)

الم أقل لكم انه مخطط اعلامي واضح جدا ؟؟

ففى كل الأحوال شباب الثورة متهم , مرة متهم بالتراخي فى حماية ثورته ومرة متهم بالتسلط والجبروت !!

باذن الله سنظل يدا بيدا مع شباب الثورة للوصول بمصر الى الهدف الذى نرتضيه كلنا لها

والله المستعان

تم تعديل 3 يوليو 2011 بواسطة ابراهيم عبد العزيز

[م تيمور المراغي]

الاهرام \\ 6 أبريل: إعتصام جمعة "الإصرار" للرجال فقط ومبيت النساء بالميدان ممنوع \\ اضغط هنا !

[Ahmed Anwer]

أنا برده ليا صديق كان في ال 18 يوم في الميدان

و الأنقح إنه مصاب في ايده بلطجي ضربه بجنزير في ايده و هوا بيحمي دكتور داخل الميدان

محمل بالأدوية يوم موقعة الجمل ،

و لحد دلوقتي مبيعرفشي يمسك ماوس الكمبيوتر مثلا

و مع ذلك رافض يشارك في أي حد ،

بيقول إن خلاص كل حاجة بقت ضد حد تاني مش مصلحة للبلد

خطر داهم علي الثورة إن ده يكون إحساس ناس كتير

بس أنا رهاني إن ساعة الجد ، كل دوول هيكونوا موجودين إن شاء الله

[Ahmed Anwer]

الاهرام \\ 6 أبريل: إعتصام جمعة "الإصرار" للرجال فقط ومبيت النساء بالميدان ممنوع \\ اضغط هنا !

@mrmeit

Mohammed Adel

ليس لنا علاقه بتصريحات هاني خورشيد، وكل ماذكره غير صحيح،والإعتصام بالتأكيد للجميع

[م تيمور المراغي]

الاهرام \\ 6 أبريل: إعتصام جمعة "الإصرار" للرجال فقط ومبيت النساء بالميدان ممنوع \\ اضغط هنا !

@mrmeit

Mohammed Adel

ليس لنا علاقه بتصريحات هاني خورشيد، وكل ماذكره غير صحيح،والإعتصام بالتأكيد للجميع

ميرسي على التنبيه يا احمد وحشوف الكلام ده اصله ايه وارد لك خبر هنا حالا

تحيتي ,,

[م تيمور المراغي]

محمد عادل في طريقه الى القاهرة عشان مشكلة الموقع الرسمي للحركة و حيوصل خلال ساعتين

[م تيمور المراغي]

تصريح المكتب السياسي :

الاعتصام للجميع وهاني خورشيد ليس من حقه التصريح لوسائل الاعلام دون الرجوع للمكتب السياسي ,,

تعليقي الخاص :

هاني مسئول اللجنة الصحفيه طبيعته محافظه وصدر منه التصريح خوفا على البنات من التعرض لاي خطر محتمل ,,

تم تعديل 3 يوليو 2011 بواسطة architect

[م تيمور المراغي]

تنفي حركة شباب 6 ابريل ما نشر على لسان الأهرام

و التى نسبت اليها :

"أعلنت حركة 6 ابريل اليوم أن إعتصامها الجمعة المقبل في ميدان التحرير يقتصر على الرجال فقط، مؤكدة أن مشاركه فتيات الحركه سوف تكون مقتصره على فترات النهار دون المبيت فى الميدان "

رابط الخبر :

http://gate.ahram.org.eg/News/89645.aspx

و تؤكد أنه لا يوجد لديها منصب أو توصيف يسمى " المتحدث الصحفي للحركة "

على الاطلاق !

و أن من يتحدثون بإسمها رسميا فى وسائل الاعلام هم فقط :

المنسق العام المهندس أحمد ماهر , و المتحدث الإعلامي محمد عادل

و المنسق الاعلامي للحركة

و أن ما عدا ذلك هي تصريحات شخصية تقع على مسئولية قائليها الشخصية فقط

و لا تمثل الحركة او سياستها او مواقفها رسميا من قريب أو من بعيد

و تنبه على وسائل الاعلام التدقيق فيما ينقل عن الحركة اعلاميا من تصريحات فى هذا الشأن

[م تيمور المراغي]

..........

بس أنا رهاني إن ساعة الجد ، كل دوول هيكونوا موجودين إن شاء الله

اللي داق طعم الميدان

حتى لو ربطوه بسلاسل

حيجي قايم و ملبي النداء !

على فكره يا احمد انت حتروح ;)

[عادل أبو عمر]

وياترى العيب في مين يا استاذ عادل ابو عمر ,,

يعني لو حد جالي مثلا قال لي :

انت قاعد هنا وسايب بيتك بيتحرق !!!

ما تقوم يا اخي اتلحلح وروح شوف المصيبة اللي هناك بدل ما انت نايم على روحك كده ,,

اقوم ماسك في خناقه وسايب النار تاكل البيت !!!!

منتظر ردك الكريم ,,

كل سنة و إنت طيب يا باشمهندس

العيب كما ذكرته في اللي يصادر الرأي الآخر و لا يراعي أن الاختلاف حق .. و مش كل من يعارض (رأيي ) لازم يكون ( منفسن )

حلو المثال اللي قلته عن الحريقة .. ربنا يعافينا جميعا

أولا : أنا مش قاعد و لا نايم لا على روحي ... حضرتك جت لي وأنا باشتغل مش نايم في الشارع .. باشتغل عشان البيت ده يفضل مفتوح بإذن الله

ثانيا : بيتك بتحرق .. ماشي بيتحرق .. ننقذه إزاي ....

كل واحد له رأي و أسلوب في إطفاء الحريق بهدف واحد و هو الحفاظ على البيت ..

في حد ممكن يقولك ركز خرطوم المطافي على مصدر الحريق .. ركز ‘زاي تتطفي صح .. اعتصم و اتظاهر شهر و اتنين و عشرة

و حد تاني يقولك البيت ده خلاص مش نافع ... إحنا نجيبه ع الأرض و نبدأ نبني على نظافة ... طب و نقعد فين على ما يتبني البيت .. في الحلقة القادمة ..

ثالثا : لو اللي جاي يبلغني لقيته جايب بنزين و بيقولي خد المية دي طفي بيها ... أكيد هافكر ألف مرة إن فيه حد عاوزها حريقة

ليه يا مجلس يا عسكري !

ليه يصدر حكم بالسجن على 5 عمال مصريين غلابه مش لاقيين يا كلوا

ومبارك الكلب واعوانه سايبينهم يتمرقعوا لحد دلوقتي

ليه النار اللي قايده في القلوب دي بس ليه !!

الدنيا مقلوبه ,,

ولما تولع بتزعلوا ,,

[شرف الدين]

فاى ثورة فى تاريخ العالم قامت ونجحت يكون لمن خططوا لها ونفذوها الاولوية فى طرح سياستهم واسلوبهم ونظرتهم للدولة التى حلموا بها ومن اجل حلمهم خططوا لهذه الثورة

وهذه هي الخطوة الأولى نحو الديكتاتورية الجديدة التي ستأتي بها ثورة يناير ...

[Hisham]

بالنسبه للعمال اللي خدوا حكم دة كان مع ايقاف االتنفيذ