8 يوليو ,, جمعة الاصرار ع المطالب !

[Hisham]

الحكم علي العمال كان قرصة ودن علشان الناس واقف حالها بسبب الاعتصامات امام من ناس مفصولين من الشغل من سنين

[م تيمور المراغي]

أولا : أنا مش قاعد و لا نايم لا على روحي ... حضرتك جت لي وأنا باشتغل مش نايم في الشارع .. باشتغل عشان البيت ده يفضل مفتوح بإذن الله

ثانيا : بيتك بتحرق .. ماشي بيتحرق .. ننقذه إزاي ....

كل واحد له رأي و أسلوب في إطفاء الحريق بهدف واحد و هو الحفاظ على البيت ..

في حد ممكن يقولك ركز خرطوم المطافي على مصدر الحريق .. ركز ‘زاي تتطفي صح .. اعتصم و اتظاهر شهر و اتنين و عشرة

و حد تاني يقولك البيت ده خلاص مش نافع ... إحنا نجيبه ع الأرض و نبدأ نبني على نظافة ... طب و نقعد فين على ما يتبني البيت .. في الحلقة القادمة ..

ثالثا : لو اللي جاي يبلغني لقيته جايب بنزين و بيقولي خد المية دي طفي بيها ... أكيد هافكر ألف مرة إن فيه حد عاوزها حريقة

جميل اننا حنكمل بالمثال ده عافانا الله واياكم وكل السامعين

حرد على حضرتك نقطه نقطه وعلى العموم الخلاف لا يفسد للود قضية ,, صحيح اللهجة ثورية لكن صدقني القلب بيعزك يمكن اكتر ما انت بتعز بنفسك !

اجابة اولا : مافيش حاجه اسمها انا قاعد بشتغل عشان البيت يفضل مفتوح و البيت اصلا بيتحرق والنار بتاكل فيه ,, الاولوية انك ترمي اللي في ايدك وتجري تلحق البيت والولاد

اجابة ثانيا : مهما كانت طريقة الاطفاء ,, لازم تجري تروح قدام البيت ما تقعدش هاديئ البال تقاوحني حنطفيها ازاي ,, حط ايدك في ايدي ونتناقش في الطريق

اجابة ثالثا : انت لما شكيت انه بنزين قمت مديك الجركن وقلت لك بص فيه وانت بصيت فعلا لقيتها ميه

معقول بذمتك يكون ردك عليا : انا عارف ومتأكد انها ميه ,, بس انت نيتك كده ونفسك انها كانت تكون بنزين !!!!!!!!!!!

ده وقت نوايا !!

ماهي ميه آهي ,, شوف بنفسك المطالب اقصد الجركن طلع فيه بنزين ولا ميه !

بلاش تخوني او تتنبأ بالنوايا

ادينا ضيعنا نص ساعه في الجدال انا وانت وسايبين البيت بيتحرق !!!

[م تيمور المراغي]

فاى ثورة فى تاريخ العالم قامت ونجحت يكون لمن خططوا لها ونفذوها الاولوية فى طرح سياستهم واسلوبهم ونظرتهم للدولة التى حلموا بها ومن اجل حلمهم خططوا لهذه الثورة

وهذه هي الخطوة الأولى نحو الديكتاتورية الجديدة التي ستأتي بها ثورة يناير ...

في المقابل ايضا

ليس من العدل ( اقصاء ) من قام بالثورة تملقا ونفاقا للاغلبية الصامتة ,,

يعني المساواة تكون بين الجميع

لا قامة البسطاء اعلى من الثوار

ولا الثوار اعلى قامه من البسطاء ,,

مع ان التاريخ بيقول عكس كده لكن على الرغم من ذلك بنقول لأ

لا افراط ولا تفريط ,,

[م تيمور المراغي]

الحكم علي العمال كان قرصة ودن علشان الناس واقف حالها بسبب الاعتصامات امام من ناس مفصولين من الشغل من سنين

طيب واللي كانوا السبب الرئيسي من 30 سنه في بهدلة الجميع مفصولين ومحتجين وتانيين واقف حالهم وحياتهم

مش محتاجين قرصة ودن هما كمان !!!!!!

[م تيمور المراغي]

البلطجية يشعلون النار فى كل الخيم و يكسرون محتويات الاعتصام و يلقونها خارج الميدان

تم تعديل 3 يوليو 2011 بواسطة architect

[Hisham]

اللي حصل واللي بيحصل واللي هيحصل اكتر من قرصة ودن بكتير بس ممكن مايحصلشي اللي ناس كتيره عايزها بس بص علي الفايده النهائيه للبلد ككل علي المدي البعيد

[م تيمور المراغي]

وصول أولى عربات الاسعاف للميدان أمام كنتاكي

فيديو لما يحدث الان في الميدان

http://bambuser.com/channel/emadmubarak/broadcast/1793490

[ابراهيم عبد العزيز]

فاى ثورة فى تاريخ العالم قامت ونجحت يكون لمن خططوا لها ونفذوها الاولوية فى طرح سياستهم واسلوبهم ونظرتهم للدولة التى حلموا بها ومن اجل حلمهم خططوا لهذه الثورة

وهذه هي الخطوة الأولى نحو الديكتاتورية الجديدة التي ستأتي بها ثورة يناير ...

لأ يا أخ شرف الدين ليست ديكتاتورية ولا هم يحزنون

وإنما التاريخ اولا هو من يقول ذلك وارجع لتاريخ كل الثورات العالمية وتاكد من كلامي

وبعيدا عن التاريخ نجد المنطق ايضا يقول هذا

فعندما يدعو مجموعة للاحتجاج على وضع معين ويتفاعل معهم غالبية الشعب لتصل الامور لثورة

يكون هذا بمثابة مبايعة من الشعب لهم

ومن هنا ظهر تاريخيا مصطلع شرعية الثورة والتى على أساسها يتقلد الثوار الحكم لتنفيذ الأفكار التى دعمهم الشعب من اجلها

أى أن الامر ليس ديكتاتورية كما تتصور

وتحية لك

[عادل أبو عمر]

ادينا ضيعنا نص ساعه في الجدال انا وانت وسايبين البيت بيتحرق !!!

كان سبب مداخلتي الأولى تعليق على مداخلة الفاضلة لماضة في اسلوبها في الرد على الاختلاف في الرأي .. إنها وجهات نظر

في حين إنك بتسمي الاختلاف معاك في الرأي يا جدال يا نفسنة يا مقاوحة .. شوفت الفرق

أنا شايف البنزين فيه إيدك في تهديد صريح " لما تولع"

لو إنت مش شايفه .. مش هينفع أقولك خلاص كل واحد يلعب أدام بيته

لازم اقولك خلي بالك من بيتنا يا تيمور .. بيتنا كلنا

عاوزك تاخد بالك من إن الاختلاف معاك مش اختلاف على القضية الأصلية

اختلاف في طريقة العرض

بص على الجزء ده من مداخلة الفاضل أحمد انور .. هي المختصر المفيد

بس أنا رهاني إن ساعة الجد ، كل دوول هيكونوا موجودين إن شاء الله

رأي أخير ...

مخطئ من لا يثق في وعي الشعب بعد 25 يناير

لا يحق لأي تيار افتراض أنهم نخبة يحق لهم قيادة القطيع ..

[م تيمور المراغي]

المتظاهرون يمسكون بأمين شرطة فى التحرير يحرض البلطجية

http://www.youtube.com/watch?v=8ehwWPF-NaU&feature=share

[م تيمور المراغي]

بص على الجزء ده من مداخلة الفاضل أحمد انور .. هي المختصر المفيد

بس أنا رهاني إن ساعة الجد ، كل دوول هيكونوا موجودين إن شاء الله

اوك

خلينا في المختصر المفيد

تحيتي ,,

[عنبو]

انت مقتنع يا غريب ان المطالب لا تستحق كل هذه الضجة زي ما بتقول !

ممكن معلش تقراها تاني وتقول لي فين المطلب الغير مهم يمكن نحذفه ,,

بشمهندس أنسى المطالب دي

الواقع في الميدان حاجة تانية خالص خالص

واحد صحبي في الميدان من يوم الأربعاء ، تعالى شوف لهجة كلامه عامله أزاي بخصوص المشير والمجلس العسكري والجيش وحكم العسكري ... والذي منه

ومازال السؤال قائماً لماذا لا نصبر حتى يحصل انتقال سلمى للسلطه

بمعنى دلوقتى احنا عندنا انتخابات مجلش شعب المفروض بعد شهرين من الان وعندنا كمان انتخابات رئاسه بعد سنه تقريبا ليه منصبرش لما يجى الرئيس المنتخب بتاعنا يعنى ويعمل اليى احنا عاوزينه

وان معملش نبقى نحاسبه ؟

انا بس عاوز اعرف ايه المانع يعنى ؟

دلوقتى مش عاجبنا المجلس العسكرى ولا عاجبنا الجيش ولا عاجبنا اى حد خالص تمام ياعم معاكم حق طيب المفروض ان دى مرحله انتقاليه وخلال سنه او اقل هنكون انتخبنا رئيس جديد عن طريق الديمقراطيه ولا الرئيس اليى جاى كمان عن طريق الديمقراطيه مش هينفذ مطالب الثوره !!!!!!!!!!!!!!!!

ياريت لو حد عنده تفسير ليه مش عاوزين ناخد الحل ده يقولى عليه اصل كل التفاسير اليى عندى سيئة النيه وانا مبحبش اسوء النيه باحد مهما كان

تحياتى

عنبو

[م تيمور المراغي]

لانهم حيطلعوا المجرمين براءة قبل ما تمسك انت

لان ظباط الشرطة المتورطين حيكونوا استخدموا كل نفوذهم لارهاب اللي بيشتكيهم زيماحصل في اسرة شهيد الاسكندرية ده غير ترتيب اوراقهم

لان الناس في مصر بقت محبطة وهيا شايفه ان الحال مازال على ماهو عليه بعد ماكانت فرحتها مش سايعاها الكون

لان العدالة البطيئة - ظلم بين

شوف الفيديو ده

http://www.youtube.com/watch?v=Hf0QkXyMXFI

[لماضة مصرية جدا]

السلام عليكم و رحمة الله و بركاته

جالي البوست ده علي الفيس بوك

و قولت يمكن صوت حد من الناس في مصر

ووجهة نظره

أنا مش عايز أنزل مظاهرات..!!

أصدقائي و أقاربي و أحبائي الي كل ما يسمعوا عن نزولي مظاهرة يقولوا كلام من نوعية: "ما بلاش يا بني!" أو "حرام عليكم كفاية كده" أو "ما عملوا كذا و كذا عايزين إيه تاني؟" أو "خربتوا البلد!!" أو أو ..... الخ

أحب إني أقول لهم، إنهم إذا كانوا متضررين من الثورة و من المظاهرات، فأنا متضرر أكتر منهم

أولاً بيضيع عليا يوم أجازتي و راحتي،

ثانياً بانزل في الحر و التعب و باركب مواصلات أو أصرف فلوسي على تاكسي ... مش بس كده كمان الواحد مش كل مرة يدخل بإيده فاضية، الذوق نشوف إحتياجات المستشفى الميداني و نلف نجيب شوية حاجات لزوم علاج الإصابات و حالات الهبوط بسبب ضربات الشمس ... و بعدين أنا ساكن في آخر الدنيا يعني ميدان التحرير ده مشوار متعب قوي،

ثالثاً غالباً سائق التاكسي مش بيسيبني في حالي و لازم يستجوبني ليه رايح التحرير و "الولاد دول عايزين إيه؟ حرب و حاربنا" .... الخ

رابعاً بانزل أتنقح في الحر و الشمس،

خامساً إحتمال أتفتش أكتر من مرة و أنا داخل ...

سادساً كده بقى قلق طول اليوم ... هل الداخلية هتضربنا؟ ولا ممكن يطلعوا علينا بلطجية؟ طب المدخل ده متأمن؟ طب إلحق ناس بتجري يا ترى جرى إيه؟ طب هعرف أصور ولا ممكن يتقبض عليا و يكسرولي الكاميرا؟ و تعب بقى و حر و مش عارف أرتاح أو أشرب مياه ساقعة طول اليوم، و لا أقعد في مكان ضلة ...

الخلاصة اللي قاعد في بيته أو مزنوق في الزحمة و متضايق ، يا ريت يتعاطف معانا شوية

أنا عندي ألف رد و رد على مقولة "خربتوا البلد!!" ... لكني مش هقول حاجة منهم دلوقتي

اللي هقوله لهم و لكم جميعاً إن أنا مش عايز أنزل مظاهرات ...

آه و الله مش عايز و ما كنتش عايز أنزل ثورة كمان ...

أنا مش عايز أتعب نفسي و أضيع أجازاتي ... و مش عايز أخاطر بحياتي أو أخاطر بإن عيني تروح أو يصيبني عاهة مستديمة ... و مش عايز أخاطر إني يتقبض عليا و أتبهدل في قسم أو نيابة عسكرية ... و مش عايز آخد حكم عسكري في خلال ساعات و يضيع مستقبلي ... و مش بحب ريحة الغاز المسيل، و اللي نزل فعلاً المظاهرات و اتضربت عليه يعرف إنها مش حاجة لطيفة أبداً ...

أنا عايز بلدي يبقى فيها عدل و قصاص، و المتهم بالقتل من الضباط يتحبس إحتياطياً و يتوقف عن العمل، و أهل الشهداء يتم معاملتهم معاملة إنسانية لائقة، و لايشتموا كل يوم في الجرائد و البرامج الصفراء باعتبارهم "بلطجية" ... و هي التهمة الجاهزة لكل مصري فقير و بسيط ... أنا عايز عدل و حرية و كرامة إنسانية ... أنا عايز البلد تمشي في الإتجاه الصحيح و أنا هرتاح و هريحكم

لو الحاجات دي إتحققت بدون مظاهرات أنا هكون سعيد جداً و مش هنزل مظاهرات تاني ... الثورة دي قامت علشان "إذا سرق منهم الشريف تركوه، و إذا سرق منهم الضعيف أقاموا عليه الحد" ... الثورة قامت علشان مفيش فاسد بيتحاسب، و مفيش طاغية بيتشال ... و ده اللي أفسد أحوال البلد. لو تركنا الفاسد - بل و القاتل - بلا حساب عمر ما حالكم هيتصلح أبداً، و لو ولعتوا فيا و في شباب التحرير كلهم هيطلع غيرنا يخرب البلد زينا كده بمطالبته بالقصاص

أنا نازل المظاهرات مش لأني بتسلَّى بكده، لكن لأن عندي قضية ...و المفروض إنها قضيتنا جميعاً

أنا قابلت والد احد الشهداء في دار السلام ... راجل بسيط و فقير و لابس جلابية صعيدي ... ممكن يكون عامل، أو بواب، أو أرزقي

الراجل ده قال لي:"إحنا مش عايزين تكريم، و مش عايزين تعويض، و مش عايزين فلوس، و مش عايزين حاجة ... إحنا ناكل الطوب، بس اللي قتل ولادنا يتعدم" ...

[م تيمور المراغي]

https://www.youtube.com/watch?v=zYzEbH_JICQ

[عادل أبو عمر]

ومازال السؤال قائماً لماذا لا نصبر حتى يحصل انتقال سلمى للسلطه

بمعنى دلوقتى احنا عندنا انتخابات مجلش شعب المفروض بعد شهرين من الان وعندنا كمان انتخابات رئاسه بعد سنه تقريبا ليه منصبرش لما يجى الرئيس المنتخب بتاعنا يعنى ويعمل اليى احنا عاوزينه

وان معملش نبقى نحاسبه ؟

انا بس عاوز اعرف ايه المانع يعنى ؟

دلوقتى مش عاجبنا المجلس العسكرى ولا عاجبنا الجيش ولا عاجبنا اى حد خالص تمام ياعم معاكم حق طيب المفروض ان دى مرحله انتقاليه وخلال سنه او اقل هنكون انتخبنا رئيس جديد عن طريق الديمقراطيه ولا الرئيس اليى جاى كمان عن طريق الديمقراطيه مش هينفذ مطالب الثوره !!!!!!!!!!!!!!!!

ياريت لو حد عنده تفسير ليه مش عاوزين ناخد الحل ده يقولى عليه اصل كل التفاسير اليى عندى سيئة النيه وانا مبحبش اسوء النيه باحد مهما كان

تحياتى

عنبو

الأخ الفاضل عنبو

حضرتك بتسأل إيه المانع

تصدقني لو قلت لك إن المانع هو الديموقراطية اللي انت شايفها على بعد شهرين

لأن للأسف الديموقراطية فيه احتمال تجيب ناس على غير هوى الديموقراطية المخطط لها

نفكر بصوت عالي و نحاول نفهم من بعض ..

فرضنا المجلس العسكري متواطئ وفرضنا أن القضاء تغابى معه و تواطؤا مع فلول النظام وطلعوا براءة كل المجرمين مبارك و عيلته و اعوانه و ضباط الشرطة المدانين بقتل أو إصابة المتظاهرين ..

إذا كانوا دلوقتي في السجن و الشعب رايح يوم الجمعة يطالب و يهدد بضرورة سرعة محاكمتهم و ده حقنا

يبقى المجرمين دول لو طلعوا في الشارع هيحصل فيهم إيه

عددهم كام دول عشان يواجهوا الشعب .. الشعب اللي واقف مستني محاكمتهم من يوم 25 يناير .. و مش هيستريح إلا لما يتحاكموا إذا كان النظام في عز قوته و جبروته وفي حماية الشرطة .. مقدرش يقاوم غليان الشعب في ثورته

معقول احنا لسة مش مصدقين إن الشعب قتل الخوف .. الشعب ده مش هسيب حقه تاني إلا على رقبته ...

لأن رقبته فعلا متعلق فيها حق كل إخواتنا اللي اتقتلوا و نحسبهم عند الله من الشهداء ..

المجلس العسكري أعلن و يصر على تسليم السلطة لبرلمان و لرئيس منتخب في جدول زمني محدد وواضح للجميع ...

هل فيه حد عنده تأكيد إن رئيس المجلس العسكري و أعضاء هذا المجلس ليهم أي حصانة تمنع فتح تحقيق في برلمان الشعب عن تجاوزاتهم و أخطائهم خلال الفترة الانتقالية ؟

معقول احنا عايزين نفضل في المربع صفر ... ما نشيل المجلس العسكري اللي مش عايزينه من طريقنا ... بطريقة محترمة .. هي الانتخابات ..

و نشوف احنا كشعب اختارنا أي حكومة و أي رئيس هيجيبولنا حقنا و لا لأ ...

الفرق إننا هنكون وقتها بنتحاسب في ظل دولة قانون وبرلمان و رئيس منتخب .. و دولة مستقرة .. مش مرحلة انتقالية...

المرحلة الانتقالية فيه ناس عايزاها تطول لغرض أعلنوه مرارا و هو رغبتهم في تأجيل الانتخابات .

يعني إيه ..

يعني تأجيل الديموقراطية اللي بتقول عليها دي يا عنبو ...

طب ليه

هي دي الدايرة اللي مش هنخلص منها

إلا لو وقفنا مع بعض في مطالبنا كلها

نعم محاكمة ... نعم انتخابات

[م تيمور المراغي]

كلامك اللي فوق معقول يا عادل لكن ,,

مش كل اللي مسمعناش حسهم بقالنا كتير دول متفقين معاك

انت بتقول :

نعم محاكمة ,, نعم انتخابات

لكن هما بيقولوا

مش فارقة المحاكمه ,, المهم الانتخابات

ده اللي مزعل اللي موجودين في التحرير دلوقتي منهم

شوف المقال ده و قول لي رأيك ايه ,,

الشرق الاوسط \\ المجلس والاخوان وعمر سليمان \\ اضغط هنا !

[عادل أبو عمر]

كلامك اللي فوق معقول يا عادل لكن ,,

مش كل اللي مسمعناش حسهم بقالنا كتير دول متفقين معاك

انت بتقول :

نعم محاكمة ,, نعم انتخابات

لكن هما بيقولوا

مش فارقة المحاكمه ,, المهم الانتخابات

ده اللي مزعل اللي موجودين في التحرير دلوقتي منهم

شوف المقال ده و قول لي رأيك ايه ,,

الشرق الاوسط \\ المجلس والاخوان وعمر سليمان \\ اضغط هنا !

تصدقني لو قلتلك يا تيمور إني ما مش مهتم باللي ما بيتكلمش

انا مهتم بـ بالملايين اللي بتصرخ عاوزة حقها

حقها من المجرمين

وحقها في استقرار و عيشة كريمة

هو انا لو ليه اتكلمت عن حقوق إخواننا المسيحيين في البلد لأنهم مصريين ... ليه مش محتاج أقول إني مش مسيحي

بس لو اتكلمت عن حقوق الإخوان في نفس البلد لأنهم برده مصريين ليه لازم أقول إني مش من الإخوان ؟؟

تم تعديل 4 يوليو 2011 بواسطة عادل أبو عمر

[Ahmed Anwer]

هوا فيه أيه !!!!

السفارة الأمريكية تحذر رعاياها من التواجد فى التحرير يوم الجمعة المقبل

حذرت سفارة الولايات المتحدة فى القاهرة رعاياها المتواجدين فى مصر من مخاطر المظاهرات التى ستشهدها مصر يوم الجمعة القادم 8 يوليو وفى أيام أخرى قادمة، وطلبت السفارة فى بيان لها على موقعها على شبكة الإنترنت المواطنين الأمريكان من تفادى التواجد فى أماكن المظاهرات فى ميدان التحرير أو التواجد فى أماكن الزحام التى يمكن أن تشهد اشتباكات مع الشرطة أو التواجد قرب أماكن عامة أو تجمعات كبيرة.

قالت السفارة في بيانها إن الأيام الماضية شهدت صدامات أدت لغلق محطات المترو فى ميدان التحرير ، كما أنها كشفت عن أن حركات شباب الثورة قد أعلنت عن نيتها تنظيم مظاهرات يوم الجمعة 8 يوليو، ورجت السفارة من المواطنين الأمريكان الذين لا يقطنون ولا يعملون بالقرب من ميدان التحرير أن يتجنبوا التواجد فى هذا الميدان.

دعت السفارة المواطنين الأمريكان الذين يزورون مصر لأغراض سياحة أو عمل أو بيزنس أن يطلعوا من خلال الفنادق التى يقيمون فيها على الأخبار المحلية من خلال الصحف على أماكن المظاهرات المنتظرة الأسبوع القادم.

حذرت السفارة من أنه رغم إعلان حركات شباب الثورة من أن المظاهرات القادمة ستكون سلمية إلا أنه من الممكن جدا أن تتحول إلى مواجهات تنقلب على عنف، ولذلك يجب أن يتجنب المواطنين الأمريكان أماكن المظاهرات وإذا كانوا متواجدين فيها أن يتركوها ويغادروها فى الحال.

ذكرت السفارة فى بيانها أن عدد من المجموعات والأفراد قررت تنظيم مظاهرات قريبة من السفارة الأمريكية سوف ينتج عنها تكثيف التواجد الأمنى حول مقر السفارة فى جاردن سيتى ولذلك يرجى من الموظفين فى السفارة الاحتفاظ بكارنيهاتهم وببطاقاتهم الشخصية للمرور من الحواجز الأمنية.

وعلى حد قول البيان "رغم أنه لا يعرف أحد الحجم المتوقع لهذه المظاهرات، فإن السفارة والقنصلية التابعة لها معرضة للإغلاق فى أى وقت"، وقال بيان السفارة إنه عند الإغلاق فإنه سوف يتم إصدار تعليمات بذلك يتم تعليقها على مدخل السفارة.

طلب البيان من المواطنين الأمريكان القاطنين فى مصر التحرك بحذر فى المنطقة التى يقطنون فيها، ونوهت السفارة أنها ستغلق أبوابها يوم عيد الاستقلال غدا الرابع من يوليو.

http://gate.ahram.org.eg/NewsContent/13/54/89712/الأخبار/محليات/السفارة-الأمريكية-تحذر-رعاياها-من-التواجد-فى-التحر.aspx

[ابراهيم عبد العزيز]

بالضبط يا سيد أرك

منذ فترة ينتابنا شعورا أن جماعة الاخوان أصبح كل ما يشغلها هو الانتخابات وأصبحت تغض الطرف عن سلبيات متعددة حصلت فى مسار الثورة الايام الماضية وذلك طمعا وغواية بالبرلمان والتمثيل فيه

وهذا فى الحقيقة تفكير غير مبرر وغير قيم

لأنه لو تركت الثورة بدون حماية ورعاية حتى موعد الانتخابات فستنحرف عن مسارها ووقتها الكل سيدفع الثمن

أتمنى من كل قلبى أن تعدل جماعة الاخوان من هذا التوجه وان تعلم أن حماية الثورة وتقويمها أول باول هو المهم وهو الذى يجب ان يشغلنا جميعا الان

تم تعديل 4 يوليو 2011 بواسطة ابراهيم عبد العزيز