اشتباكات بين الشرطة ومتظاهرين بميدان التحرير

[ابراهيم عبد العزيز]

مصر الآن في وضع لاتحسد عليه

ومش في وضع يسمح ابداً باللي بيحصل دلوقتي خالص

الاقتصاد لسة ماوقفش عليه رجليه اصلا وكلنا عارفين كدة كويس اوي

وفيه ناس حالهم واقف تماما من اول يوم في الثورة وربنا يعلم بأحوالهم ماشية ازاي

صحيح فيه بطيء شديد في محاكمة الفاسدين ........... بس ماينفعش دلوقتي نعمل بلبلة وزعزعة استقرار الأمن في البلد

البلد دلوقتي في وضع حرج ......... صحيح الأمن في الفترة اللي فاتت كان علي أعلي مستوى ..... بس علي الرغم من كدة الناس كانت حاسة بخوف وقلق جامد

كفاية لحد هنا مش محتاجين اعتصامات ...... محتاجين ايجابية اكتر من كدة

كلنا عارفين طبعاً ان الفساد ماكانش مقتصر علي مبارك والحكومة بس .......... الفساد كان منتشر انتشار الورم الخبيث في الجسد ولازال الفساد موجود علينا دلوقتي نحاربة ونعمله عملية ابادة ... ودة عمره ماهيحصل بالاعتصامات

دة لازملة وقفة وايجابية

بس المصيبة الكبيرة بجد ..... اني شايفة الامن بيتعامل مع الناس بطريقة مش عاجباني ...... زي مابيكون مش عايز يزعل حد منه

ودي كارثة حقيقية ............. لازم يكون فيه حسم وحزم اكتر من كدة

والمخطيء يعاقب وبشدة لأننا في وضع لانحسد عليه

واستمرار الفوضى بيهدد حال البلد تماما

الفوضي مناخ مناسب جداً لإنتشار البلطجة والتخريب والفساد

الناس في مصر تعبت بجد ...... وفيه ناس اتدمرت خلاص

ومش شايفة مبرر للي بيحصل دة .......... من حقنا نطالب بسرعة محاكمة الفاسدين بطريقة اقل ضررا

ربنا يستر

السلام عليكم ورحمة الله وبركاته أخت رضوى

أحب اعلق على نقاط وردت فى تعليقك :

كلنا عارفين طبعاً ان الفساد ماكانش مقتصر علي مبارك والحكومة بس .......... الفساد كان منتشر انتشار الورم الخبيث في الجسد ولازال الفساد موجود علينا دلوقتي نحاربة ونعمله عملية ابادة ... ودة عمره ماهيحصل بالاعتصامات

دة لازملة وقفة وايجابية

صح كلامك الامر يلزمه وقفة ايجابية , ولكن هذه الوقفة المفترض تكون من من ؟

هذه الوقفة المفترض تكون من الحكومة يا أخت رضوى وصدقينى المواطن اذا رأى اجراءات حقيقة لتطهير الفساد من مؤسسات الدولة وأن الحرب على الفساد أصبح هدف قومى للدولة فسيهدأ تماما وسيعلم أن التخلص من الفساد أصبحت مسالة وقت .

بس المصيبة الكبيرة بجد ..... اني شايفة الامن بيتعامل مع الناس بطريقة مش عاجباني ...... زي مابيكون مش عايز يزعل حد منه ودي كارثة حقيقية ............. لازم يكون فيه حسم وحزم اكتر من كدة

هذه نقطة ادهشتنى فى الحقيقة , فأحداث التحرير أول أمس سقط فيها يا اخت رضوى 1000 جريح وهذا المؤكد طبقا لاعلان وزارة الصحة الرسمي ويتردد كلاما غير مؤكد عن وجود قتيلين وتم ضرب عدد مهول من القنابل المسيلة للدموع , فهل هذا فى نظرك ليس قوة كافية !!! وهل القوة الكافية المطلوبة من وجهة نظرك هو سقوط مثلا 50 قتيل حتى ترضي ؟

لا يا أخت رضوى لما هذا الاسلوب التحريضى للداخلية ضد متظاهرين ؟

ولو حتى كانوا بلطجية فالقوة التى استخدمتها الداخلية كانت كافية جدا فما المطلوب ؟؟

[ابراهيم عبد العزيز]

الاخ الفاضل استاذ محمد

تحية لك

أود التعليق على نقطة وردت فى احد تعليقاتك قلت فيها :

وأخيرا قل لهم ، حتى لو استخدم الأمن العنف ضدكم ؛ فلا تستخموا العنف ولاتقاوموا السلطات وإلا إنقلبت إلى فوضى. الثورة خلصت وحان وقت البناء.

لا يا سيد محمد أختلف معك تماما

وأخطر شىء على الثورة المصرية هو تسرب احساس أن الثورة انتهت وحققت أهدافها !

الثورة مولود اذا لم تتعهده بالرعاية والعناية فمكتوب لها الفشل لا محالة وعودة الاوضاع لشكل اسوأ مما قبل الثورة

الثورة يا سيد محمد لا تقوم لمجرد اسقاط نظام

الثورة تقوم لاسقاط النظام لتحقيق الهدف وهو تغير سياسات داخلية وخارجية فى الدولة تسببت فى قيام هذه الثورة

ووقت أن يحدث تغير حقيقي فى اسلوب ادارة الدولة, وقتها تستطيع القول أن الثورة انتهت

ولكن أنت تعلم تمام العلم أن كثير من السلبيات التى كانت موجودة فى ما قبل 25 يناير مازالت كما هى ولا داعى لأن أسرد لانك ( سيد العارفين )

وتحياتي لك

تم تعديل 30 يونيو 2011 بواسطة ابراهيم عبد العزيز

[م تيمور المراغي]

الثورات ,,

لا تعرف انصاف الحلول !

[tarek hassan]

كروت شحن الفتنة من دعاة الفوضى لم تعد تشحن مع الشعب المصري الواعي بعد أن اكتشف الشعب الحقيقة ولذلك هم في طريقهم للتلاشي شيئا فشيئا

والوطن إن شاء الله بخير رغما عنهم

تم تعديل 30 يونيو 2011 بواسطة tarek hassan

[م تيمور المراغي]

كروت شحن الفتنة من دعاة الفوضى لم تعد تشحن مع الشعب المصري الواعي بعد أن اكتشف الشعب الحقيقة ولذلك هم في طريقهم للتلاشي شيئا فشيئا

والوطن إن شاء الله بخير رغما عنهم

رجعنا تاني لموضوع الفتنه والخروج على الحاكم !

طيب شوف الخبر ده :

القوى السياسية تدين «عنف» الشرطة ضد المتظاهرين والثوار يدعون لـ«مليونية» حق الشهيد «الجمعة»

[tarek hassan]

http://http://www.youtube.com/watch?v=IHm4mDHFPx0

حكورة وجمال وعلاء مبارك وهذيان جديد لعمر عفيفي

عته معلوماتي و

تم تعديل 30 يونيو 2011 بواسطة tarek hassan

[Alshiekh]

بلدنا بالمصري

ريم ماجد مع شهود عيان من أسر الشهداء وأحد الناشطين

أسر الشهداء فكوا الإعتصام وانصرفوا مبكرا وقبل أن يتوافد المتظاهرين لميدان التحرير وقبل ان تتم المواجهة بين المتظاهرين والأمن مما ينفي رواية ان الثوار جاءوا لنجدة أسر الشهداء.

نفس الكلام سمعناه في أكثر من لقاء تليفزيوني من أسر الشهداء.

نعم هناك بطأ في المحاكمات ، أخطاء من الأمن ، ولكن كيف وصل عشرة آلاف متظاهر لميدان التحرير بناء على مكالمات تليفونية غير صحيحة؟

ماحدث ليلة أمس الأول والأمس يشبه تماما أحداث امبابة ، حيث حرقت كنيستان ومات عدة أفراد وهاجت الدنيا وماجت بناء على معلومات مغلوطة عن امرأة لايشرف أي دين بانتمائها اليه.

http://www.youtube.com/watch?v=TLWNWfyNW-g

[م تيمور المراغي]

بلدنا بالمصري

ريم ماجد مع شهود عيان من أسر الشهداء وأحد الناشطين

أسر الشهداء فكوا الإعتصام وانصرفوا مبكرا وقبل أن يتوافد المتظاهرين لميدان التحرير وقبل ان تتم المواجهة بين المتظاهرين والأمن مما ينفي رواية ان الثوار جاءوا لنجدة أسر الشهداء.

نفس الكلام سمعناه في أكثر من لقاء تليفزيوني من أسر الشهداء.

نعم هناك بطأ في المحاكمات ، أخطاء من الأمن ، ولكن كيف وصل عشرة آلاف متظاهر لميدان التحرير بناء على مكالمات تليفونية غير صحيحة؟

ماحدث ليلة أمس الأول والأمس يشبه تماما أحداث امبابة ، حيث حرقت كنيستان ومات عدة أفراد وهاجت الدنيا وماجت بناء على معلومات مغلوطة عن امرأة لايشرف أي دين بانتمائها اليه.

http://www.youtube.com/watch?v=TLWNWfyNW-g

اسر الشهداء 1000 اسرة

فلما يطلع حتى 100 يقولوا كلام ,,

على اعتبار ان الكلام ده صحيح مش بضغوط عليا مورست على الاعلام زي ما حصل في لقاء القمه ,, ما علينا

لما يطلع مجموعه يقولوا ما حصلش

ده مش دليل كافي ان الداخلية لم تبدا بالعنف المفرط واستخدام القنابل المسيلة للدموع ضد المتظاهرين

دكتور برادعي نزل ليلتها بنفسه في الميدان واطلع على الموقف وشاف اللي بيحصل

ده رأي دكتور برادعي

البرادعي يشدد على ضرورة توضيح أسباب وملابسات استخدام الشرطة للعنف واتخاذ الإجراءات الضرورية لإنهائه فوراً\\ اضغط هنا !

ريم ماجد بعد ما تم استدعائها للنيابة العسكرية ما بقتش زي الاول ,,

والاهم من ده كله ,,

المضمون ,,

النظام عاوز ( وقرب ) يرجع تاني زي ماكان

ومبارك حيطلق سراحه لظروف صحية

والباقي براءة لعدم كفاية الادلة او سنه وشهرين

ودمتم

كل ثورة وانتم طيبين !

[م تيمور المراغي]

بمناسبة الكلام عن اسر الشهداء ,,

مش كل الاسر لدينا ارقام تليفوناتهم او وسيلة مباشرة للتواصل معهم

فنشرنا امس في الميدان نداء لهم للتواصل معنا للتنسيق ومعرفة احتياجاتهم وتلبيتها على قدر امكانياتنا

ان شاء الله ,,

المجد للشهداء ,,

[م تيمور المراغي]

انها ثورة غضب ضد المهرجين \\ مقال وائل قنديل بجريدة الشروق \\ اضغط هنا !

[Alshiekh]

بلدنا بالمصري

ريم ماجد مع شهود عيان من أسر الشهداء وأحد الناشطين

أسر الشهداء فكوا الإعتصام وانصرفوا مبكرا وقبل أن يتوافد المتظاهرين لميدان التحرير وقبل ان تتم المواجهة بين المتظاهرين والأمن مما ينفي رواية ان الثوار جاءوا لنجدة أسر الشهداء.

نفس الكلام سمعناه في أكثر من لقاء تليفزيوني من أسر الشهداء.

نعم هناك بطأ في المحاكمات ، أخطاء من الأمن ، ولكن كيف وصل عشرة آلاف متظاهر لميدان التحرير بناء على مكالمات تليفونية غير صحيحة؟

ماحدث ليلة أمس الأول والأمس يشبه تماما أحداث امبابة ، حيث حرقت كنيستان ومات عدة أفراد وهاجت الدنيا وماجت بناء على معلومات مغلوطة عن امرأة لايشرف أي دين بانتمائها اليه.

http://www.youtube.com/watch?v=TLWNWfyNW-g

اسر الشهداء 1000 اسرة

فلما يطلع حتى 100 يقولوا كلام ,,

على اعتبار ان الكلام ده صحيح مش بضغوط عليا مورست على الاعلام زي ما حصل في لقاء القمه ,, ما علينا

لما يطلع مجموعه يقولوا ما حصلش

ده مش دليل كافي ان الداخلية لم تبدا بالعنف المفرط واستخدام القنابل المسيلة للدموع ضد المتظاهرين

دكتور برادعي نزل ليلتها بنفسه في الميدان واطلع على الموقف وشاف اللي بيحصل

ده رأي دكتور برادعي

البرادعي يشدد على ضرورة توضيح أسباب وملابسات استخدام الشرطة للعنف واتخاذ الإجراءات الضرورية لإنهائه فوراً\\ اضغط هنا !

ريم ماجد بعد ما تم استدعائها للنيابة العسكرية ما بقتش زي الاول ,,

والاهم من ده كله ,,

المضمون ,,

النظام عاوز ( وقرب ) يرجع تاني زي ماكان

ومبارك حيطلق سراحه لظروف صحية

والباقي براءة لعدم كفاية الادلة او سنه وشهرين

ودمتم

كل ثورة وانتم طيبين !

طيب ياباشمهندس اعطي لنفسك فرصة تسمع الفيديو وتسمع الناس بتقول ايه وخد وقتك لتحليل ماسمعته

مش معقول ترد على مداخلتي في اقل من 10 دقائق في حين ان الفيديو مدته 66:30 دقيقة.

لايصح ان ندافع عن تصرفات خاطئة ، نحن ننتقد الأمن ورجاله ووزيره والوزارة ايضا على التقصير ، ويهمنا ان نعرف كيف انجر المتظاهرين للميدان بعد استكشافات خاطئة.

والدكتور البرادعي يريد كما نريد كلنا أيضا أن نعرف حقيقة ماحدث ونريد ايضا أن نعرف اسباب التعنف المفرط من الأمن ومن الثوار أيضا.

ودعني أذكرك ( لانك لم تكن في ميدان التحرير يوما ) دعني أذكرك بأن ماميز ثورة 25 يناير هو الطابع السلمي من جهة المتظاهرين ، ومن استخدم الطوب والمولوتوف كانوا بلطجية الحزب الوطني والنظام ، ولم يستخدم الثوار الطوب ضد الجيش او الشرطة بل للدفاع عن انفسهم ضد البلطجية.

ماحدث يوم الثلاثاء ان المتظاهرين كان بينهم راكبي الموتوسيكلات الذين هم باعتراف الناشط " صيع " ساعدون في نقل المصابين لنقطة الاسعاف ، وفي وقت الفراغ بيعاكسوا البنات والستات.

أنا لا أدافع عن الأمن ، بل ألومه على استخدام العنف بشكل غير مقبول ولا أقبل أهانة أي إنسان مصري على يد الشرطة او الأمن ، ولكنني في نفس الوقت لاأقبل أن تهان هيبة السلطة وان يتم الاعتداء عليهم ، لا أقبل أن أرى جندي الأمن المركزي يتم ضربه من ثلة متظاهرين لايمكن وصفهم بأقل من " بلطجية " ، لاأقبل ان يقوم متظاهرين ( سلميين ) بمحاولة حرق جندي أخر حيا ومحاولة القاؤه في النار.

ماينفعش القي اللوم على السلطة فقط واتجاهل الخروج على القانون.

ببساطة لاأقبل أن يقوم مدرس بكسر يد أبني ، ولكنني لاأقبل أن يكون أبني هو من بدء الخطأ بالبصق على مدرسه ، وقد أجد عذرا للمدرس فيما فعله.

استمع للفيديو بعناية وحلل كلام الضيوف وبلاش تتهم ريم ماجد انها بقت من فلول النظام او من عملاء النظام الجديد.

[Alshiekh]

بمناسبة الكلام عن اسر الشهداء ,,

مش كل الاسر لدينا ارقام تليفوناتهم او وسيلة مباشرة للتواصل معهم

فنشرنا امس في الميدان نداء لهم للتواصل معنا للتنسيق ومعرفة احتياجاتهم وتلبيتها على قدر امكانياتنا

ان شاء الله ,,

المجد للشهداء ,,

.ومين قال لحضرتك أن أسر الشهداء في حاجة اليكم؟

200 أسرة شهيد كانوا معتصمين منذ يوم الجمعة الماضي ، بدونكم وبدون مساعدتكم ، وشبابكوا وشباب البلطجية حضروا فقط بناء على اشاعة بأن اسر الشهداء يتم الاعتداء عليهم من الامن المركزي.

وبعدين انتوا عندكوا مصادر مالية لتلبية احتياجات اسر الشهداء؟ من اين؟

[م تيمور المراغي]

بيني وبينك انا اتفرجت على السريع عشان مدته 56 دقيقة :happy:

لكن حاضر الليله ان شاء الله حشوفه كله

بالنسبة لريم ماجد انا ماقلتش انها من الفلول

انا قلت بالحرف انها لم تعد كما كانت ودي تحتمل مدى واسع جدا من الدرجات الرماديه ,, احيانا بكون دقيق في كلامي على فكره :happy:

موضوع حرق افراد الامن احياء طبعا مرفوض

لكن اللي ( استفز ) النشطاء سواء 6 ابريل او ناس عاديين او ( سرسجيه ) زي ما بيتقال على شباب معينين

بقول اللي استفزهم هم قوات الداخلية اللي بتتعامل زي عيال المدارس بالشتيمة و الحركات البذيئة اللي كان نفسي ومنى عيني اديها للساري او تامر يمنتجها وانزلها هنا لكن للاسف تامر بيسافر والساري مشغول ,,

بالنسبه اني مش موجود مع النشطاء في ميدان التحرير

انا بحكم منصبي اللي حضرتك عارفه ليا بدل العين الف عين وبدل الاذن الف اذن تسمع وترى وتحلل وتتخذ القرار

و عشان كده حتجد حضرتك مداخلاتي فيها من المعلومات ما يعجز فرد واحد او مجموعه افراد ان يحيطوا بها ويرفقوها

كلامي ده بس ردا على جملة : ( لانك لم تكن في ميدان التحرير يوما )

ياما ناس موجوده في التحرير لكن خايفه من الحق او مش عارفه اساسا الحق فين

وناس تانيه بعيده عن مصر صحيح لكنها تذوب عشقا فيها وتحشد الحشود وتطرح الافكار وتعيد ترتيب الاوراق ,,

العبره بالقلوب مش بالاجساد ,,

لحضرتك التحية ولي عودة ان شاء الله بالتحليل كما طلبتم مني ,,

[م تيمور المراغي]

بمناسبة الكلام عن اسر الشهداء ,,

مش كل الاسر لدينا ارقام تليفوناتهم او وسيلة مباشرة للتواصل معهم

فنشرنا امس في الميدان نداء لهم للتواصل معنا للتنسيق ومعرفة احتياجاتهم وتلبيتها على قدر امكانياتنا

ان شاء الله ,,

المجد للشهداء ,,

.ومين قال لحضرتك أن أسر الشهداء في حاجة اليكم؟

200 أسرة شهيد كانوا معتصمين منذ يوم الجمعة الماضي ، بدونكم وبدون مساعدتكم ، وشبابكوا وشباب البلطجية حضروا فقط بناء على اشاعة بأن اسر الشهداء يتم الاعتداء عليهم من الامن المركزي.

وبعدين انتوا عندكوا مصادر مالية لتلبية احتياجات اسر الشهداء؟ من اين؟

يا خبر يا استاذ محمد ! :happy:

انت اللي بتقول كده !

اولا مين اللي قال لحضرتك ان اسر الشهداء ليست في حاجة الينا او الى اي فصيل سياسي او حتى مجموعات حقوقية فاعلة في البلد !

الناس دي عاوزه مساندة وتكاتف مننا كلنا

معقول تقول لنا مش محتاجين منكم حاجة !!

تاني هام

انا كتبت قبل كده ان اللي حدث ان فلان وفلان وفلانه اتصالات عديدة في نفس اللحظة جاءت على موبيلات القادة والكوادر واعضاء لجان المساندة النفسية الحقونا الامن بيضربنا ومبهدلنا ورغم ذلك لم نتسرع و نزل القادة الى الميدان للاستكشاف وحدثت الاتصالات بآبائنا الروحيين للحضور فورا ومشاهدة على الطبيعه لمايحدث من عنف سافر ومفرط في حق اسر الشهداء والنشطاء الذين اتوا لاستيضاح الامر ,,

الامن بدون سبب محاوط الناس دي ونازل فيها ضرب بالقنابل المسيلة والرصاص المطاطي وطلقات الخرطوش الخرز - صورهم كلها عندنا على فكرة - بطريقة استدعت ان تصدر منظمة العفو الدولية بيانا شديد اللهجة تستنكر فيه كل ها العنف المفرط والغير مبرر تجاه متظاهرين سلميين ,,

كون ان عناصر مخربة او مشبوهه اندست - بعد - ذلك ده ليس مبرر لعودة داخلية العادلي ومبارك لاسلوب القبضة الحديدية في التعامل مع المتظاهرين

الناس دي متربيين على قلة الادب والسفالة في التعامل مع المصريين

لو سمعنا كلامكم وسبناهم

حيطلعوا عليكم انتم الاول

وحيعاملوكم وحيطلعوا غيظهم وتارهم فيكم ,,

خلونا نكسر سمهم ونحجمهم عشان كلنا نرتاح في المستقبل ونستفيد

وبقولها بعلو الصوت

اسلوب القمع والتعذيب والاستبداد بتاع امن الدولة في عصر العادلي \ مبارك مات وانتهى الى غير رجعه

واللي حيقل ادبه من الداخلية على اي مصري بعد كده هو عارف اللي فيها ,,

خلينا محترمين وعايشين بادبنا احسن

واللي غلط لازم يتقدم للعدالة ويتحاكم ,,

دي ثورة وحقوق ناس اتقتلت مش لعب عيال ,,

موعدنا يوم 8 يوليو ان شاء الله واللي حصل امبارح ده ما تكررش تاني زي ما قال ونادى وطلب كل الموز الوطنيه في مصر وكنت ارفقت الصبح تصريح د. احمد زويل

تحيتي للجميع ,,

[ابوهنا]

بلدنا بالمصري

ريم ماجد مع شهود عيان من أسر الشهداء وأحد الناشطين

أسر الشهداء فكوا الإعتصام وانصرفوا مبكرا وقبل أن يتوافد المتظاهرين لميدان التحرير وقبل ان تتم المواجهة بين المتظاهرين والأمن مما ينفي رواية ان الثوار جاءوا لنجدة أسر الشهداء.

نفس الكلام سمعناه في أكثر من لقاء تليفزيوني من أسر الشهداء.

نعم هناك بطأ في المحاكمات ، أخطاء من الأمن ، ولكن كيف وصل عشرة آلاف متظاهر لميدان التحرير بناء على مكالمات تليفونية غير صحيحة؟

ماحدث ليلة أمس الأول والأمس يشبه تماما أحداث امبابة ، حيث حرقت كنيستان ومات عدة أفراد وهاجت الدنيا وماجت بناء على معلومات مغلوطة عن امرأة لايشرف أي دين بانتمائها اليه.

http://www.youtube.com/watch?v=TLWNWfyNW-g

اسناذى الفاضل تحياتى

ارى حضرتك تجهد نفسك فى اقناع مايسمون انفسهم بالنخبه ان يحترموا القانون

معظم تانخبه ياسيدى لايريدوا قانون ولايريدوا دوله

النخبه تريد ان يظل الوضع قائم كما هو عليه لانهم اصبحوا فوق القانون

النخبه ياسيدى اعطوا انفسهم الحق ان يفتشوا اقسام الشرطه ويعترضوا على ميزانية الدوله

النخبه ياسيدى تتهم الشرطه بالعنف فى الاحداث الاخيره

اخبرهم سيدى ماذا كانت سوف تفعل شرطه نيويورك اذا قام مجموعه من الناس بعمل مظاهره بدون تصريح او قاموا بعمل قنابل مولوتوف ونحن نتكلم على اعتى ديمقراطيات العالم

هل الشرطه كانت ستهرب

الادهى ان النخبه هم من سمحوا للشرطه بالانسحاب

سيدى الان مصر بها قانون ولكن هؤلاء النخبه يجدوا انفسهم فوق القانون

سيدى القانون ان لم ينفذ الان فلن يكون لدينا دوله

على المجلس العسكرى والشرطه المصريه منع التظاهر والاعتصامات بدون تصريح مسبق

وان يتم التعامل مع من يخالف ذلك بكل الحزم وكل القوه ولايهمنا اذا كانت شق نصف وجه شخص او ذبح من الوريد الى الوريد

هل تتخيل حضرتك ان نواره نجم وتامهندس تيمور يعتقدون انهم تحت القانون

اعتقد انهم يعتقدون انفسهم فوق القانون

وترى من تصريحات عضو حركة 6 ابريل من عينة كتب علينا القتال

سيدى ليست القضيه عند مايسمون انفسهم النخبه الدستور اولا او الانتخابات اولا القضيه انهم لايريدون وجود دوله

[م تيمور المراغي]

اضافة معلش بالنسبة لسؤال حضرتك الكريم عن مصادر التمويل ,,

الدعم اللي بنقدمه مش فلوس واموال للناس لكنها مساعدات لنيل الحقوق من اجهزة الدولة المختلفة

بننزل نقابل المسئولين في الدولة من اكبر واحد لحد الموظف في اي وزارة ,,

و نشوف مطالبهم ايه اللي عاوز يتعالج ومش عارف او اللي محتاج شقه يسكن فيها وما الى ذلك لو تحب تفاصيل اكتر حجيبها حاضر ,,

ببساطة بنستغل اتصالاتنا وعلاقتنا القوية بالمسئولين لتسهيل حصول تلك الاسر على مطالبها وحقوقها

بس بالله ما تصدقش الكلام بتاع فريدوم هاوس والتمويل الماسوني والحاجات دي لانها فعلا بقت نكته تضحك :happy:

[وطني حر]

الناس تشعر بالامل في الوقت الذي يجب ان يشعرو بالخوف . ويشعرون بالخوف في الوقت الذي يجب ان يشعرو فيه بالامل

هذا هو واقع الحال في مصــر الان

الناس خايفه الان في وقت يجب ان نشعر فيه بالامل

ثوره ناجحه . حكومه من الميدان مجلس عسكري مع الشعب .... ليه نشعر بالخوف والامل بالله كبير في ظل هذه الضروف

وهذه المعادله المقلوبه لدينا .

هل نصدق ان هؤلاء هم اسر الضحايا او بعض منهم ...؟

هل قام المجلس العسكري او الوزراء او الداخليه او العدل . بحصر تلك الاسر وتسجيل عناوينهم وبيانتهم . وتحديد من تمثلهم بالحوار والنقاش ...؟؟؟ للتاكد انهم اهلهم

اليس من المكن ان تكون تلك السيده ليست ام الشهيد بل هي خالتنه او جارته تم استئجارها ..

اليس من المفروض ان يجتمع وزير الداخليه او العدل باسر الشهداء . والمصابين وعقد اجتماع معهم لاطمئنانهم بالاجراءات التي ستتخذها الحكومه . وتطمينهم ......الخ

[ابوهنا]

بس بالله ما تصدقش الكلام بتاع فريدوم هاوس والتمويل الماسوني والحاجات دي لانها فعلا بقت نكته تضحك :happy:

ايه المانع اننا نصدق

انبياء حضراتكم

[م تيمور المراغي]

بس بالله ما تصدقش الكلام بتاع فريدوم هاوس والتمويل الماسوني والحاجات دي لانها فعلا بقت نكته تضحك :happy:

ايه المانع اننا نصدق

انبياء حضراتكم

لا مش حكاية انبياء

لكن ببساطه متناهيه

لان كافة الاجهزة الرقابية في مصر بلا استثناء واضعه من زمان قادة وكوادر ومصادر تمويل الحركة تحت المجهر ,,

لدرجة انهم عندما لم يستدعوا احدا منا ذهب محمد عادل بنفسه اليهم وقال لهم بالحرف : عاوزكم تحققوا معايا

واستمر التحقيق في مقر جهاز مباحث الاموال العامة من الساعه 2 مساءا حتى السادسة مساءا من نفس اليوم دون ان يسفر التحقيق عن اي ادانه للحركة او كوادرها

موضوع التمويل ده ومن قبل الثورة وهو بيتقال عن الحركة

ولو كان فيه شبهه - مجرد - شبهه للفساد او الادانة

والله في سماه - ماكانوا عتقونا لحظة ,,

دول مستنيين لينا غلطه واحده وبيتلككوا

لكن الحمد لله والله الشباب دول امناء وشرفاء ومن خيرة شباب مصر ولا نزكيهم

قول عليهم فخورين بانفسهم او حتى متكبرين اقول لك جايز

انما عملاء و ماجورين وخونه والكلام ده اقول لك دي فعلا نكته لطيفة بنسمعها من عكاشة وبنحطها و بنضحك عليها كلنا في الجروبات السرية للحركة :happy:

[م تيمور المراغي]

الناس تشعر بالامل في الوقت الذي يجب ان يشعرو بالخوف . ويشعرون بالخوف في الوقت الذي يجب ان يشعرو فيه بالامل

هذا هو واقع الحال في مصــر الان

الناس خايفه الان في وقت يجب ان نشعر فيه بالامل

ثوره ناجحه . حكومه من الميدان مجلس عسكري مع الشعب .... ليه نشعر بالخوف والامل بالله كبير في ظل هذه الضروف

وهذه المعادله المقلوبه لدينا .

هل نصدق ان هؤلاء هم اسر الضحايا او بعض منهم ...؟

هل قام المجلس العسكري او الوزراء او الداخليه او العدل . بحصر تلك الاسر وتسجيل عناوينهم وبيانتهم . وتحديد من تمثلهم بالحوار والنقاش ...؟؟؟ للتاكد انهم اهلهم

اليس من المكن ان تكون تلك السيده ليست ام الشهيد بل هي خالتنه او جارته تم استئجارها ..

اليس من المفروض ان يجتمع وزير الداخليه او العدل باسر الشهداء . والمصابين وعقد اجتماع معهم لاطمئنانهم بالاجراءات التي ستتخذها الحكومه . وتطمينهم ......الخ

احييك وازيدك من الشعر بيت

يرضي ربنا ان مبارك نجيب له دكاتره تعالجه - الله يحرقه - من المانيا ومقعدينه في فندق 5 نجوم بياكل ويتعالج على قفانا

في الوقت اللي مصابين الثورة واسر الشهداء - دايرين لامؤاخذه نشحت بيهم في كل حته عشان نعالجهم ونرعاهم !!

ده يرضي حد ده !