اشتباكات بين الشرطة ومتظاهرين بميدان التحرير

[pink rose]

هو الثوار اتعلموا يعملوا مولوتوف

طيب لما الشرطة تلاقي كده المفروض تعمل ايه

يعني ايه يطالبوا الشرطة بالانسحاب

يعني ايه نوارة نجم مش عاوزينها الشرطة دي الغوها مش نافعة

يعني ايه الناس تكون مش عارفة الحقيقة فين و نازلين يحاربوا و يحشدوا

يعني ايه شوية مشجعين كورة ينزلوا يقفل االميدان

يعني يطلع امام مسجد عمر مكرم يطالب الموجودين بالاعتصام في الميدان يعبروا عن رأيهم

اي رأي اللي عاوزين يعبروا عنه

الدستور الاول و لا دم الشهيد اللي لو ربنا تقبلهم في الشهداء زمانهم اتغمسوا في النعيم و نسيوا مصر و الدنيا باللي فيها و لا محتاجين منكم او من غيركم حاجه

الشيخ صفوت حجازي بيطالب الثوار الحقيقين الانسحاب من الميدان عشان يقدروا يعرفوا البلطجية لانهم بيجهزوا مولوتوف في الميدان و ناويين ي لعوه

الكلام دا على الجزيرة مباشر دلوقتي

[capitshino]

الشيخ صفوت حجازى يطالب المتظاهرين بالتحلى بالحكمة . وبيقول ان الموضوع بدء ببلطجية من المجالس المحلية المنحلة .

[pink rose]

الشرطة بتنسحب عشان تثبت حسن النية

و الشيخ حجازي بيطالب الثوار الحقيقين بالانصراف

حتى ينكشف البلطجية

لما نشوف الحشووووود هاتنصرف و لا هما جايين و ناويين

[pink rose]

اه الاصابات كلها مجرد اختناق و تراشق الحجارة

يعني ما فيش رصاص

لحسن يطلع واحد اهبل تاني و يقول

الرصاص اللي اتضرب علينا ما اتضربش في حرب اكتوبر

ما اصل الكلام الخايب دا اتقال قبل كده

[Om Zayd]

استحملوني شوية

التسخين شغال بقاله كم يوم و فيديوهات جديدة عمالة تنزل

ليه دلوقت؟

هل لان ميعاد جلسة اليوم كان معلوما و تم استغلال هذه الفيديوهات للشحن المعنوي؟

ربنا يستر

[Om Zayd]

الناس كانوا متجمعين ليه في الميدان اصلا؟

[نورالعين]

الأمر فعلا محير

كيف يكون هناك تكريم لعشرة فقط من اسر الشهداء

واين البقية!!!

من حقهم يتظاهروا بلا كل هذا العنف من جانب الشرطة

على الأقل لا نتعجل الحكم

الجموع نزلت لتكف يد الشرطة عن من بالميدان

ايا من كان بالميدان كل شئ سيظهر أكيد

حد يعرف تردد الجزيرة مباشر مصر

[aimen]

البعض ما زال مصاب بالعمى

يا بشر دى ناس ولادها استشهدت ..

وفى خلال خمس اشهر عوقب امين شرطة واحد لكن لم يمس الكلاب الكبيرة بأى سوء ..الناس اللى بتهدد دلوقت بانها لازم تتخلى عن القضايا وعن حق اولادها

الناس اللى استشهدوا علشان نقعد احنا نتخانق فى ساويرس و نكسر الشرائح ونعمل فيها اسود ولا نعمل مظاهرة علشان كامليا ولا علشان زفت الطين

الناس اللى استشهدوا علشان نفرح بالأحزاب وكل واحد يجرى وينافق المجلس العسكرى

علشان نتكلم ونجعجع

ارحموا من فى الأرض يرحمكم من فى السماء

فعلا احنا نستاهل حكم شخص زى مبارك ده

طالما بقينا غلاظ القلوب كده

قبل ما حد يتكلم ياريت يراجع نفسه ويشوف هو كان فين مستخبى خلال فترة الثورة

وكفايانا جعجعه

افهموا بقى

بالمناسبة حد يفهمنى ازاى البلطجية دول بيتحركوا كده امام عربات الشرطة

http://www.youtube.com/watch?v=twe8TNHB0D8

[pink rose]

اتفرجوا اتفرجوا عيل اهبل اهو و لا عارف يتكلم كلمتين على بعض

و بيقول عاوزين اسقاط المشير

الاهبل بيقول الشرطة قبضت على البلطجية و احنا بقى لقينا كده في استفزاز

اهو بيقول الجانب الفاسد من المتظاهرين هما اللي بدأوا ضرب الشرطة و هي الاول ما كانتش بتعمل حاجه

و لما هو كده يا اهبل واقفين بتنيلوا ايه

الله يخرب بيت الغباء و الاغبياء

الله رمكم اسمعوا الجزيرة مباشر عشان تشوفوا الخيبة التقيلة اللي احنا فيها

و لا حد فاهم حاجه بس واقفين

و الكل نزل عشان اتقال الشرطة بتعتدي على الثوار

هو احنا بقينا هبل كده كلمة تودينا و كلمة تجيبها

اي حد خبيث يقول انزلوا الناس تنزل

و الله ممكن يكون دا خير عارفين ليه ممكن كده الناس تفهم ان في ناس بتضحك عليهم

ادعو ان الناس تفهم و ربنا ينور بصيرتهم من المجرمين اللي عاوزين يخربوا البلد

[aimen]

الشرطة بتنسحب عشان تثبت حسن النية

و الشيخ حجازي بيطالب الثوار الحقيقين بالانصراف

حتى ينكشف البلطجية

لما نشوف الحشووووود هاتنصرف و لا هما جايين و ناويين

محددش قال كده

صفوت حجازى بيقول للشباب خليكم فى الميدان ...وكلاب الشرطة والأمن المركزى هى اللى تنسحب علشان الأمور تهدى شوية

دعا عدد من متظاهري ميدان التحرير إلى تنظيم إعتصام مفتوح في الميدان حتى تتم محاكمة كافة المتهمين في قتل الشهداء, والضباط المتورطين في قضايا تعذيب قبل وبعد الثورة, إضافة إلى فتح تحقيق فيما وصفوه بإعتداء الشرطة على أهالي الشهداء خلال أحداث اليوم.

وقالت مصادر إن ما يقرب من 15 حركة وإئتلافا للثورة تبحث حاليا الدخول في إعتصام مفتوح بدء من اليوم بدلا من يوم 8 يوليو.

ومن بين هذه الحركات صفحة ثورة الغضب الثانية وحركة مشاركة وشباب من أجل الحرية والعدالة, واتحاد الثوار المستقلين, و6 إبريل, واللجان الشعبية, وثورة شباب فجر, واللوتس, والمصري الحر.

يأتي ذلك فيما يتوافد المئات على ميدان التحرير ليرتفع أعداد المتظاهرين إلى أكثر من 10 آلاف متظاهر.

وفي سياق متصل, دعا الشيخ مظهر شاهين خطيب مسجد عمر مكرم المتظاهرين إلى البقاء في ميدان التحرير, وحذر قوات الشرطة من إطلاق القنابل المسيلة للدموع أو الرصاص الحي.

وقال شاهين عبر مكبرات الصوت إن ميدان التحرير ملك لجميع المصريين, ودعا المتظاهرين للتمركز فيه وطالب الشرطة بالانسحاب الفوري من الميدان.

وحذر خطيب عمر مكرم المتواجدين فوق اسطح المنازل من القاء زجاجات مولوتوف, مشيرا الى ان من يفعل ذلك سيواجه بانتقام شعبى شديد وذلك بعد تردد أنباء عن أن بعض القناصة يتمركزون أعلى مجمع التحرير .

وقال مظهر شاهين ان المسجد مفتوح أمام المصابين, وذلك بعد تردد أنباء عن قيام قوات الشرطة بالقبض على المصابين من داخل سيارات الإسعاف.

[Ahmed Anwer]

حملة مسعورة بتألف إن فيه حشود في الاسكندرية و السويس

و مش عارف ايه

و الشهادات الحية بتقول مفيش حاجة !!!

لا في السويس و لا في اسكندرية

فيه حاجة غريبة !!!

[م تيمور المراغي]

الاحتقان الرهيب ده سببه تباطؤ المجلس العسكري الغير مفهوم في محاكمة مبارك وكل رموز النظام البائد

البادئ اظلم ,,

[pink rose]

ممكن سؤال لو سمحتم

حد ابنه استشهد هل هايستنى تكريم من حد

باحط نفسي و اتخيل ان ابني مات في سبيل الدفاع عن بلده هل هاستنى تكريم من حد و اروح اقتحم مكان بيتم فيه تكريم ؟؟؟؟؟؟

كل اللي هاعوزه ان ربنا يصبرني على فراق ابني و ادعيله ان الله يتقبله في الشهداء و اني الحق بيه في الجنة

هابقى طبعا مصرة على القصاص من القاتل

بس مش هاروح اشحت بدم ابني شقة او شغل لاخوه زي ما حصل قبل كده و انا شوفته بنفسي

انزل و اطالب و اقف كل يوم قدام دار القضاء العالي و مش هاسكت

بس مش هاروح اصوت في التحرير و اقول الحقوا دم ابني

في حاجه غلط في الموضوع

و كتير على الجزيرة اكدوا دا

ربنا يستر

[pink rose]

يا ايمن انا سامعة الشيخ بنفسي على الجزيرة

بيقول الشرطة هاتنسحب و الثوار الحقيقين انسحبوا علشان نقدر نعرف البلطجية

[م تيمور المراغي]

العيسوي بكره يقدم استقالته فورا

وعصام شرف لازم ياخذ موقف من اللي اتعمل فينا ده

الشباب بيفكروا في بدء الاعتصام من الليلة بدلا من 8 يوليو ,,

[شرف الدين]

عشنا وشفنا ... من يطالب الشرطة بالانسحاب ... ويطالب الثوار بالبقاء ...

عشنا وشفنا أن الشرطة أصبح إمام مسجد بيوجه ليها الأوامر ...

عشنا وشفنا مجموعة من الفوضويين .. نازلين شتيمة في الشرطة وبيهددوا قوات الأمن المركزي وقوات الداخلية بالرد ...

عشنا وشفنا اليوم اللي صدقت فيه كلمة حسني .. عن الفوضى

-----------------------------------------------------

يا سيادة المشير ...

إذا لم تكن قادرا على إعادة الاستقرار لمصر وردع هؤلاء الفوضويين بكل السبل الممكنة ..

هؤلاء الفوضويون على أتم استعداد وليس عندهم أدنى مانع من الاشتباك مع الشرطة ومع أي شخص أو جهة تعارضهم .. ولا غضاضة عندهم في تحويل مصر إلى ساحة للقتال والاقتتال ..

إذا لم تكن يا سيادة المشير قادرا على اتخاذ قرار جريء وشجاع ثق أن شعب مصر سيساندك فيه .. إذا لم تكن قادرا على اتخاذه .. أو تخاف من اتخاذه ...

فأرجوك أن ترحل أنت أيضا .. وتترك مكانك لمن هو قادر على إنجاز هذه المهمة

تم تعديل 29 يونيو 2011 بواسطة شرف الدين

[pink rose]

اللي قال اقعدوا شيخ المسجد بتاع عمر مكرم

لكن الشيخ صفوت حجازي قالهم امشوا

[pink rose]

صدقت اخي شرف الدين

[aimen]

منصور العيسوي، وزير الداخلية يصدر أمرا لجميع قوات الشرطة بالانسحاب من ميدان التحرير وعدم التعامل على الإطلاق مع المتظاهرين. وأكد العيسوي في تصريح له فجر الأربعاء أنه سيقوم بنفسه بالتحقيق في أي تجاوز قد حدث من أي من أفراد الشرطة في التعامل مع المتظاهرين بميدان التحرير

[aimen]

الامن المركزي يستخدم القنابل المسيلة للدموع لتفريق المواطنين فى ميدان التحرير

تم تعديل 29 يونيو 2011 بواسطة aimen