عصام شرف يطلب تغيير 7 وزراء و يهدد بالإستقالة

[عادل أبوزيد]

نص الخبر كما يلى:

كشفت مصادر حكومية مطلعة عن أن الدكتور عصام شرف، رئيس مجلس الوزراء، أرسل قائمة

بسبعة وزراء إلى المجلس الأعلى للقوات المسلحة، يطلب فيها الموافقة على تغييرهم وهو

ما رفضه المجلس. وشملت هذه المجموعة وزراء المجموعة الخدمية. وأرجعت المصادر سبب

تغييرهم إلى «عدم قدرتهم على التجاوب السريع مع طلبات المواطنين، وتنفيذ أهداف

الثورة بسرعة، وتحقيق العدالة الاجتماعية، والقضاء على رموز الفساد، ومعارضة بعضهم

لسياسات الدكتور شرف نفسه».

وأشارت المصادر إلى أن معظم هؤلاء الوزراء محسوبون على النظام القديم، وغير

مندمجين مع أداء الحكومة الجديدة. وكشفت أن أحد هؤلاء الوزراء يرفض إلغاء المجالس

المحلية، وطالب الدكتور شرف والحكومة بالطعن على حكم القضاء الذى صدر بحل المجالس،

وذلك على الرغم من معارضة شباب الثورة استمرار عمل المجالس المحلية والمطالبة بسرعة

حلها.

وأشارت المصادر إلى أن استمرار هذه الأوضاع وعدم تجاوب هؤلاء الوزراء مع سياسات

حكومة شرف سيدفعان الأخير للمطالبة مجددا بتغييرهم أو تقدمه باستقالته من رئاسة

الحكومة فى حال عدم الاستجابة لمطلبه.

يأتى هذا فى الوقت الذى واصل فيه الدكتور شرف تغيير بعض القيادات الإدارية داخل

مجلس الوزراء، والاستعانة بأشخاص مقربين منه، حيث تم الاستغناء عن اللواء أبوطالب

محمود، مدير مكتب رئيس الوزراء، والاستعانة بمحمد الدمرداش بدلا منه.

كما تقرر عدم التجديد للواء على محرز، مساعد الأمين العام لشؤون المراسم، بينما

يبقى مصير الدكتور سامى سعد زغلول، أمين عام مجلس الوزراء، غامضاً وسط توقعات

باستمراره فى منصبه.

:

[ذهبية]

كشفت مصادر حكومية مطلعة عن أن الدكتور عصام شرف، رئيس مجلس الوزراء، أرسل قائمة

بسبعة وزراء إلى المجلس الأعلى للقوات المسلحة، يطلب فيها الموافقة على تغييرهم

مين المصادر المطلعة دى و مطلعة على اية بالضبط

وسر تسريب خبر زى دة الهدف منة اية

اعتقد ان عصام شرف دخل الدائرة و بدا المستشارين حولة يعلموة و يدخلوة معاهم فى لعبتهم

النقد المتوجهة الى شرف كل يوم نتيجة بطا و عدم تحقيق اهداف الثورة بدا يلاقى شماعة علشان يعلق عليها بعض من قبضتة الحريرية على الاوضاع

وبدات الاخبار من مصادر مطلعة ان الوزراء دول هم السبب فى ضعف الحكومة

اللى اعرفة ان بيحرك الوزراء هو عصام شرف نفسة و هو اللى بيصدر لهم اوامر بالتصرف و بيمشوا على حسب وجهة نظرة

لو فية حد يمشى يبقى الحكومة دى كلها تمشى ولا هنرجع تانى علشان نهدى الشعب نمشى كام وزير زى ما كان مبارك بيعمل

[لماضة مصرية جدا]

السلام عليكم و رحمة الله و بركاته

قريت الخبر

ووقفت عند جملة.."رفض المجلس العسكري طلبه"

و لقتني بضرب كف علي كف

يعني الراجل الدكتور رئيس الحكومة طلب طلب معين و جاب حيثيات الطلب و لزق عليه الدمغة الحكومي..(هطق يا ناس اعذروني)

المجلس العسكري بقي بيرفض ليه....ليه...ليه

طب و الانكي من كده لما بيرفض ايه البديل اللي بيتقدم

المجلس العسكري اخد نقطة حمرة

و دكتور شرف طالما هدد بالاستقالة علشان طلبه اترفض انا رايي انه ينفذ تهديده

و ينزل بقي الميدان

و نشوف بالظبط هي الثورة راحت فين

مش بنتكلم في كيميا

لو هنفضل بطريقة الادارة دي يبقي عليه العوض و منه العوض

عليه العوض و منه العوض

[ابراهيم عبد العزيز]

هذا المطلب هو حق أصيل لرئيس الحكومة

ومن حقه تنحية أى وزير جانبا اذا كان يراه غير مندمج مع سياساته كرئيس للحكومة

لانه فى الاول وفى الاخير رئيس الحكومة هو المسئول عن أى فشل لا قدر الله

وأتمنى ان يكون خبر رفض المجلس العسكرى لتغير 7 وزراء غير صحيح

واذا كان صحيحا , فماذا أنت بفاعل يا دكتور عصام شرف ؟

[فريح]

بعد هذا الرفض إذا تقدم د.عصام شرف بأستقالته نقدر نقول أن المصادر المطلعه مطلعه بصحيح

و إذا ما حصلش أى أستقالة بكده يكون المصادر غير مطلعه و لا حاجه

و احنا منتظرين النتيجه

[mekkawy]

و يستمر سيناريو التضييق على شرف الشريف و حكومته المحترمة و بعد رفض استقالة الجمل و بعد رفض طلبات شرف أظن أن هناك من يريدها كما هي ... متخطبة :(

[لماضة مصرية جدا]

و يستمر سيناريو التضييق على شرف الشريف و حكومته المحترمة و بعد رفض استقالة الجمل و بعد رفض طلبات شرف أظن أن هناك من يريدها كما هي ... متخطبة :(

مفهكتش حاجة يا مكاوي

ممكن توضح اكتر

[mekkawy]

يعني يا لماضة ايه سر رفض المجلس العسكري لجميع طلبات شرف .. امال الراجل يشوف شغله ازاي .. كأنك تروحي تطلبي من مديرك كمبيوتر يصرفلك مثلاً نوكيا 3110 أو يقولك لا مفيش كمبيوتر

الراجل قبل استقالة الجمل لأنه مالوش لزمة المجلس اتدخل و قال لأ مرفوضة

الراجل استغنى عن سبعة من الوزراء اللي مالهمش لزمة بردو و معطلينه المجلس قال لأ

طب و المجلس أدرى بالادارة ولا شرف؟

تضييق و تخنيق من المجلس العسكري

و لما شرف يتقدم بالاستقالة مبروك ع الجمل رئاسة الحكومة و سلم لي ع الفساد الجديد

فهمتي حاجة يا ست الكل؟

[لماضة مصرية جدا]

يعني يا لماضة ايه سر رفض المجلس العسكري لجميع طلبات شرف .. امال الراجل يشوف شغله ازاي .. كأنك تروحي تطلبي من مديرك كمبيوتر يصرفلك مثلاً نوكيا 3110 أو يقولك لا مفيش كمبيوتر

الراجل قبل استقالة الجمل لأنه مالوش لزمة المجلس اتدخل و قال لأ مرفوضة

الراجل استغنى عن سبعة من الوزراء اللي مالهمش لزمة بردو و معطلينه المجلس قال لأ

طب و المجلس أدرى بالادارة ولا شرف؟

تضييق و تخنيق من المجلس العسكري

و لما شرف يتقدم بالاستقالة مبروك ع الجمل رئاسة الحكومة و سلم لي ع الفساد الجديد

فهمتي حاجة يا ست الكل؟

ايون

ع فكرة انا فاهمة كده من الاول

بس حبيت اتاكد

و في نفس ذات الوقت اخليك انت تقولها و كدهوت علشان تلبس فيك

اصل يا صديقي العزيز كل ما حد يقول ان المجلس العسكري فيه حاجة مش صح حد يقولك هتضيعوا البلد

فانا قولت اجيبها فيك انت..(وشي و انا شريرة فعلا)

علي العموم جزاك الله كل الخير علي التوضيح و التضحية:)

[mekkawy]

التضحية و الله يا لماضة للعزيز الغالي .. انا قلت انتي بتجريني للكتابة مش أكتر :)